Josué 12

¹ וְאֵ֣לֶּה ׀ מַלְכֵ֣י הָאָ֗רֶץ אֲשֶׁ֨ר הִכּ֤וּ בְנֵֽי־יִשְׂרָאֵל֙ וַיִּֽרְשׁ֣וּ אֶת־אַרְצָ֔ם בְּעֵ֥בֶר הַיַּרְדֵּ֖ן מִזְרְחָ֣ה הַשָּׁ֑מֶשׁ מִנַּ֤חַל אַרְנֹון֙ עַד־הַ֣ר חֶרְמֹ֔ון וְכָל־הָעֲרָבָ֖ה מִזְרָֽחָה׃ weʾeleh ׀ malekhey haʾarets ʾasher hiku veney־yiseraʾel wayireshu ʾet־ʾaretsam beʿever hayareden mizereḥah hashamesh minaḥal ʾarenown ʿad־har ḥeremown wekhal־haʿaravah mizeraḥah׃

² סִיחֹון֙ מֶ֣לֶךְ הָאֱמֹרִ֔י הַיֹּושֵׁ֖ב בְּחֶשְׁבֹּ֑ון מֹשֵׁ֡ל מֵעֲרֹועֵ֡ר אֲשֶׁר֩ עַל־שְׂפַת־נַ֨חַל אַרְנֹ֜ון וְתֹ֤וךְ הַנַּ֙חַל֙ וַחֲצִ֣י הַגִּלְעָ֔ד וְעַד֙ יַבֹּ֣ק הַנַּ֔חַל גְּב֖וּל בְּנֵ֥י עַמֹּֽון׃ siyḥown melekhe haʾemoriy hayowshev beḥeshebown moshel meʿarowʿer ʾasher ʿal־sefat־naḥal ʾarenown wetowkhe hanaḥal waḥatsiy hagileʿad weʿad yaboq hanaḥal gevul beney ʿamown׃

³ וְהָעֲרָבָה֩ עַד־יָ֨ם כִּנְרֹ֜ות מִזְרָ֗חָה וְ֠עַד יָ֣ם הָעֲרָבָ֤ה יָם־הַמֶּ֙לַח֙ מִזְרָ֔חָה דֶּ֖רֶךְ בֵּ֣ית הַיְשִׁמֹ֑ות וּמִ֨תֵּימָ֔ן תַּ֖חַת אַשְׁדֹּ֥ות הַפִּסְגָּֽה׃ wehaʿaravah ʿad־yam kinerowt mizeraḥah weʿad yam haʿaravah yam־hamelaḥ mizeraḥah derekhe beyt hayeshimowt umiteyman taḥat ʾashedowt hapisegah׃

⁴ וּגְב֗וּל עֹ֚וג מֶ֣לֶךְ הַבָּשָׁ֔ן מִיֶּ֖תֶר הָרְפָאִ֑ים הַיֹּושֵׁ֥ב בְּעַשְׁתָּרֹ֖ות וּבְאֶדְרֶֽעִי׃ ugevul ʿowg melekhe habashan miyeter harefaʾiym hayowshev beʿashetarowt uveʾedereʿiy׃

⁵ וּ֠מֹשֵׁל בְּהַ֨ר חֶרְמֹ֤ון וּבְסַלְכָה֙ וּבְכָל־הַבָּשָׁ֔ן עַד־גְּב֥וּל הַגְּשׁוּרִ֖י וְהַמַּעֲכָתִ֑י וַחֲצִי֙ הַגִּלְעָ֔ד גְּב֖וּל סִיחֹ֥ון מֶֽלֶךְ־חֶשְׁבֹּֽון׃ umoshel behar ḥeremown uvesalekhah uvekhal־habashan ʿad־gevul hageshuriy wehamaʿakhatiy waḥatsiy hagileʿad gevul siyḥown melekhe־ḥeshebown׃

⁶ מֹשֶׁ֧ה עֶֽבֶד־יְהוָ֛ה וּבְנֵ֥י יִשְׂרָאֵ֖ל הִכּ֑וּם וַֽ֠יִּתְּנָהּ מֹשֶׁ֨ה עֶֽבֶד־יְהוָ֜ה יְרֻשָּׁ֗ה לָרֻֽאוּבֵנִי֙ וְלַגָּדִ֔י וְלַחֲצִ֖י שֵׁ֥בֶט הַֽמְנַשֶּֽׁה׃ ס mosheh ʿeved־yehwah uveney yiseraʾel hikum wayitenah mosheh ʿeved־yehwah yerushah laruʾuveniy welagadiy welaḥatsiy sheveṭ hamenasheh׃ s

⁷ וְאֵ֣לֶּה מַלְכֵ֣י הָאָ֡רֶץ אֲשֶׁר֩ הִכָּ֨ה יְהֹושֻׁ֜עַ וּבְנֵ֣י יִשְׂרָאֵ֗ל בְּעֵ֤בֶר הַיַּרְדֵּן֙ יָ֔מָּה מִבַּ֤עַל גָּד֙ בְּבִקְעַ֣ת הַלְּבָנֹ֔ון וְעַד־הָהָ֥ר הֶחָלָ֖ק הָעֹלֶ֣ה שֵׂעִ֑ירָה וַיִּתְּנָ֨הּ יְהֹושֻׁ֜עַ לְשִׁבְטֵ֧י יִשְׂרָאֵ֛ל יְרֻשָּׁ֖ה כְּמַחְלְקֹתָֽם׃ weʾeleh malekhey haʾarets ʾasher hikah yehowshuaʿ uveney yiseraʾel beʿever hayareden yamah mibaʿal gad beviqeʿat halevanown weʿad־hahar heḥalaq haʿoleh seʿiyrah wayitenah yehowshuaʿ leshiveṭey yiseraʾel yerushah kemaḥeleqotam׃

⁸ בָּהָ֣ר וּבַשְּׁפֵלָ֗ה וּבָֽעֲרָבָה֙ וּבָ֣אֲשֵׁדֹ֔ות וּבַמִּדְבָּ֖ר וּבַנֶּ֑גֶב הַֽחִתִּי֙ הָֽאֱמֹרִ֔י וְהַֽכְּנַעֲנִי֙ הַפְּרִזִּ֔י הַחִוִּ֖י וְהַיְבוּסִֽי׃ ף bahar uvashefelah uvaʿaravah uvaʾashedowt uvamidebar uvanegev haḥitiy haʾemoriy wehakenaʿaniy haperiziy haḥiuiy wehayevusiy׃ f

⁹ מֶ֥לֶךְ יְרִיחֹ֖ו אֶחָ֑ד מֶ֧לֶךְ הָעַ֛י אֲשֶׁר־מִצַּ֥ד בֵּֽית־אֵ֖ל אֶחָֽד׃ melekhe yeriyḥow ʾeḥad melekhe haʿay ʾasher־mitsad beyt־ʾel ʾeḥad׃

¹⁰ מֶ֤לֶךְ יְרוּשָׁלִַ֙ם֙ אֶחָ֔ד מֶ֥לֶךְ חֶבְרֹ֖ון אֶחָֽד׃ melekhe yerushalim ʾeḥad melekhe ḥeverown ʾeḥad׃

¹¹ מֶ֤לֶךְ יַרְמוּת֙ אֶחָ֔ד מֶ֥לֶךְ לָכִ֖ישׁ אֶחָֽד׃ melekhe yaremut ʾeḥad melekhe lakhiysh ʾeḥad׃

¹² מֶ֤לֶךְ עֶגְלֹון֙ אֶחָ֔ד מֶ֥לֶךְ גֶּ֖זֶר אֶחָֽד׃ melekhe ʿegelown ʾeḥad melekhe gezer ʾeḥad׃

¹³ מֶ֤לֶךְ דְּבִר֙ אֶחָ֔ד מֶ֥לֶךְ גֶּ֖דֶר אֶחָֽד׃ melekhe devir ʾeḥad melekhe geder ʾeḥad׃

¹⁴ מֶ֤לֶךְ חָרְמָה֙ אֶחָ֔ד מֶ֥לֶךְ עֲרָ֖ד אֶחָֽד׃ melekhe ḥaremah ʾeḥad melekhe ʿarad ʾeḥad׃

¹⁵ מֶ֤לֶךְ לִבְנָה֙ אֶחָ֔ד מֶ֥לֶךְ עֲדֻלָּ֖ם אֶחָֽד׃ melekhe livenah ʾeḥad melekhe ʿadulam ʾeḥad׃

¹⁶ מֶ֤לֶךְ מַקֵּדָה֙ אֶחָ֔ד מֶ֥לֶךְ בֵּֽית־אֵ֖ל אֶחָֽד׃ melekhe maqedah ʾeḥad melekhe beyt־ʾel ʾeḥad׃

¹⁷ מֶ֤לֶךְ תַּפּ֙וּחַ֙ אֶחָ֔ד מֶ֥לֶךְ חֵ֖פֶר אֶחָֽד׃ melekhe tapuaḥ ʾeḥad melekhe ḥefer ʾeḥad׃

¹⁸ מֶ֤לֶךְ אֲפֵק֙ אֶחָ֔ד מֶ֥לֶךְ לַשָּׁרֹ֖ון אֶחָֽד׃ melekhe ʾafeq ʾeḥad melekhe lasharown ʾeḥad׃

¹⁹ מֶ֤לֶךְ מָדֹון֙ אֶחָ֔ד מֶ֥לֶךְ חָצֹ֖ור אֶחָֽד׃ melekhe madown ʾeḥad melekhe ḥatsowr ʾeḥad׃

²⁰ מֶ֣לֶךְ שִׁמְרֹ֤ון מְראֹון֙ אֶחָ֔ד מֶ֥לֶךְ אַכְשָׁ֖ף אֶחָֽד׃ melekhe shimerown merʾown ʾeḥad melekhe ʾakheshaf ʾeḥad׃

²¹ מֶ֤לֶךְ תַּעְנַךְ֙ אֶחָ֔ד מֶ֥לֶךְ מְגִדֹּ֖ו אֶחָֽד׃ melekhe taʿenakhe ʾeḥad melekhe megidow ʾeḥad׃

²² מֶ֤לֶךְ קֶ֙דֶשׁ֙ אֶחָ֔ד מֶֽלֶךְ־יָקְנֳעָ֥ם לַכַּרְמֶ֖ל אֶחָֽד׃ melekhe qedesh ʾeḥad melekhe־yaqenoʿam lakaremel ʾeḥad׃

²³ מֶ֥לֶךְ דֹּ֛ור לְנָפַ֥ת דֹּ֖ור אֶחָ֑ד מֶֽלֶךְ־גֹּויִ֥ם לְגִלְגָּ֖ל אֶחָֽד׃ melekhe dowr lenafat dowr ʾeḥad melekhe־gowyim legilegal ʾeḥad׃

²⁴ מֶ֥לֶךְ תִּרְצָ֖ה אֶחָ֑ד כָּל־מְלָכִ֖ים שְׁלֹשִׁ֥ים וְאֶחָֽד׃ פ melekhe tiretsah ʾeḥad kal־melakhiym sheloshiym weʾeḥad׃ f