1 וַיְהִ֛י דְּבַר־יְהוָ֥ה צְבָאֹ֖ות לֵאמֹֽר׃ wayehiy devar־yehwah tsevaʾowt leʾmor׃
2 כֹּ֤ה אָמַר֙ יְהוָ֣ה צְבָאֹ֔ות קִנֵּ֥אתִי לְצִיֹּ֖ון קִנְאָ֣ה גְדֹולָ֑ה וְחֵמָ֥ה גְדֹולָ֖ה קִנֵּ֥אתִי לָֽהּ׃ koh ʾamar yehwah tsevaʾowt qineʾtiy letsiyown qineʾah gedowlah weḥemah gedowlah qineʾtiy lah׃
3 כֹּ֚ה אָמַ֣ר יְהוָ֔ה בְתִּי אֶל־צִיֹּ֔ון וְשָׁכַנְתִּ֖י בְּתֹ֣וךְ יְרֽוּשָׁלִָ֑ם וְנִקְרְאָ֤ה יְרוּשָׁלִַ֙ם֙ עִ֣יר־הָֽאֱמֶ֔ת וְהַר־יְהוָ֥ה צְבָאֹ֖ות הַ֥ר הַקֹּֽדֶשׁ׃ ס koh ʾamar yehwah vetiy ʾel־tsiyown weshakhanetiy betowkhe yerushalim weniqereʾah yerushalim ʿiyr־haʾemet wehar־yehwah tsevaʾowt har haqodesh׃ s
4 כֹּ֤ה אָמַר֙ יְהוָ֣ה צְבָאֹ֔ות עֹ֤ד יֵֽשְׁבוּ֙ זְקֵנִ֣ים וּזְקֵנֹ֔ות בִּרְחֹבֹ֖ות יְרוּשָׁלִָ֑ם וְאִ֧ישׁ מִשְׁעַנְתֹּ֛ו בְּיָדֹ֖ו מֵרֹ֥ב יָמִֽים׃ koh ʾamar yehwah tsevaʾowt ʿod yeshevu zeqeniym uzeqenowt bireḥovowt yerushalim weʾiysh misheʿanetow beyadow merov yamiym׃
5 וּרְחֹבֹ֤ות הָעִיר֙ יִמָּ֣לְא֔וּ יְלָדִ֖ים וִֽילָדֹ֑ות מְשַׂחֲקִ֖ים בִּרְחֹֽבֹתֶֽיהָ׃ ס ureḥovowt haʿiyr yimaleʾu yeladiym wiyladowt mesaḥaqiym bireḥovoteyha׃ s
6 כֹּ֤ה אָמַר֙ יְהוָ֣ה צְבָאֹ֔ות כִּ֣י יִפָּלֵ֗א בְּעֵינֵי֙ שְׁאֵרִית֙ הָעָ֣ם הַזֶּ֔ה בַּיָּמִ֖ים הָהֵ֑ם גַּם־בְּעֵינַי֙ יִפָּלֵ֔א נְאֻ֖ם יְהוָ֥ה צְבָאֹֽות׃ פ koh ʾamar yehwah tsevaʾowt kiy yipaleʾ beʿeyney sheʾeriyt haʿam hazeh bayamiym hahem gam־beʿeynay yipaleʾ neʾum yehwah tsevaʾowt׃ f
7 כֹּ֤ה אָמַר֙ יְהוָ֣ה צְבָאֹ֔ות הִנְנִ֥י מֹושִׁ֛יעַ אֶת־עַמִּ֖י מֵאֶ֣רֶץ מִזְרָ֑ח וּמֵאֶ֖רֶץ מְבֹ֥וא הַשָּֽׁמֶשׁ׃ koh ʾamar yehwah tsevaʾowt hineniy mowshiyʿa ʾet־ʿamiy meʾerets mizeraḥ umeʾerets mevowʾ hashamesh׃
8 וְהֵבֵאתִ֣י אֹתָ֔ם וְשָׁכְנ֖וּ בְּתֹ֣וךְ יְרוּשָׁלִָ֑ם וְהָיוּ־לִ֣י לְעָ֗ם וַֽאֲנִי֙ אֶהְיֶ֤ה לָהֶם֙ לֵֽאלֹהִ֔ים בֶּאֱמֶ֖ת וּבִצְדָקָֽה׃ ס weheveʾtiy ʾotam weshakhenu betowkhe yerushalim wehayu־liy leʿam waʾaniy ʾeheyeh lahem leʾlohiym beʾemet uvitsedaqah׃ s
9 כֹּֽה־אָמַר֮ יְהוָ֣ה צְבָאֹות֒ תֶּחֱזַ֣קְנָה יְדֵיכֶ֔ם הַשֹּֽׁמְעִים֙ בַּיָּמִ֣ים הָאֵ֔לֶּה אֵ֖ת הַדְּבָרִ֣ים הָאֵ֑לֶּה מִפִּי֙ הַנְּבִיאִ֔ים אֲ֠שֶׁר בְּיֹ֞ום יֻסַּ֨ד בֵּית־יְהוָ֧ה צְבָאֹ֛ות הַהֵיכָ֖ל לְהִבָּנֹֽות׃ koh־ʾamar yehwah tsevaʾowt teḥezaqenah yedeykhem hashomeʿiym bayamiym haʾeleh ʾet hadevariym haʾeleh mipiy haneviyʾiym ʾasher beyowm yusad beyt־yehwah tsevaʾowt haheykhal lehibanowt׃
10 כִּ֗י לִפְנֵי֙ הַיָּמִ֣ים הָהֵ֔ם שְׂכַ֤ר הָֽאָדָם֙ לֹ֣א נִֽהְיָ֔ה וּשְׂכַ֥ר הַבְּהֵמָ֖ה אֵינֶ֑נָּה וְלַיֹּוצֵ֨א וְלַבָּ֤א אֵין־שָׁלֹום֙ מִן־הַצָּ֔ר וַאֲשַׁלַּ֥ח אֶת־כָּל־הָאָדָ֖ם אִ֥ישׁ בְּרֵעֵֽהוּ׃ kiy lifeney hayamiym hahem sekhar haʾadam loʾ niheyah usekhar habehemah ʾeynenah welayowtseʾ welabaʾ ʾeyn־shalowm min־hatsar waʾashalaḥ ʾet־kal־haʾadam ʾiysh bereʿehu׃
11 וְעַתָּ֗ה לֹ֣א כַיָּמִ֤ים הָרִֽאשֹׁנִים֙ אֲנִ֔י לִשְׁאֵרִ֖ית הָעָ֣ם הַזֶּ֑ה נְאֻ֖ם יְהוָ֥ה צְבָאֹֽות׃ weʿatah loʾ khayamiym hariʾshoniym ʾaniy lisheʾeriyt haʿam hazeh neʾum yehwah tsevaʾowt׃
12 כִּֽי־זֶ֣רַע הַשָּׁלֹ֗ום הַגֶּ֜פֶן תִּתֵּ֤ן פִּרְיָהּ֙ וְהָאָ֙רֶץ֙ תִּתֵּ֣ן אֶת־יְבוּלָ֔הּ וְהַשָּׁמַ֖יִם יִתְּנ֣וּ טַלָּ֑ם וְהִנְחַלְתִּ֗י אֶת־שְׁאֵרִ֛ית הָעָ֥ם הַזֶּ֖ה אֶת־כָּל־אֵֽלֶּה׃ kiy־zeraʿ hashalowm hagefen titen pireyah wehaʾarets titen ʾet־yevulah wehashamayim yitenu ṭalam wehineḥaletiy ʾet־sheʾeriyt haʿam hazeh ʾet־kal־ʾeleh׃
13 וְהָיָ֡ה כַּאֲשֶׁר֩ הֱיִיתֶ֨ם קְלָלָ֜ה בַּגֹּויִ֗ם בֵּ֤ית יְהוּדָה֙ וּבֵ֣ית יִשְׂרָאֵ֔ל כֵּ֚ן אֹושִׁ֣יעַ אֶתְכֶ֔ם וִהְיִיתֶ֖ם בְּרָכָ֑ה אַל־תִּירָ֖אוּ תֶּחֱזַ֥קְנָה יְדֵיכֶֽם׃ ס wehayah kaʾasher heyiytem qelalah bagowyim beyt yehudah uveyt yiseraʾel ken ʾowshiyʿa ʾetekhem wiheyiytem berakhah ʾal־tiyraʾu teḥezaqenah yedeykhem׃ s
14 כִּ֣י כֹ֣ה אָמַר֮ יְהוָ֣ה צְבָאֹות֒ כַּאֲשֶׁ֨ר זָמַמְ֜תִּי לְהָרַ֣ע לָכֶ֗ם בְּהַקְצִ֤יף אֲבֹֽתֵיכֶם֙ אֹתִ֔י אָמַ֖ר יְהוָ֣ה צְבָאֹ֑ות וְלֹ֖א נִחָֽמְתִּי׃ kiy khoh ʾamar yehwah tsevaʾowt kaʾasher zamametiy leharaʿ lakhem behaqetsiyf ʾavoteykhem ʾotiy ʾamar yehwah tsevaʾowt weloʾ niḥametiy׃
15 כֵּ֣ן שַׁ֤בְתִּי זָמַ֙מְתִּי֙ בַּיָּמִ֣ים הָאֵ֔לֶּה לְהֵיטִ֥יב אֶת־יְרוּשָׁלִַ֖ם וְאֶת־בֵּ֣ית יְהוּדָ֑ה אַל־תִּירָֽאוּ׃ ken shavetiy zamametiy bayamiym haʾeleh leheyṭiyv ʾet־yerushalim weʾet־beyt yehudah ʾal־tiyraʾu׃
16 אֵ֥לֶּה הַדְּבָרִ֖ים אֲשֶׁ֣ר תַּֽעֲשׂ֑וּ דַּבְּר֤וּ אֱמֶת֙ אִ֣ישׁ אֶת־רֵעֵ֔הוּ אֱמֶת֙ וּמִשְׁפַּ֣ט שָׁלֹ֔ום שִׁפְט֖וּ בְּשַׁעֲרֵיכֶֽם׃ ʾeleh hadevariym ʾasher taʿasu daberu ʾemet ʾiysh ʾet־reʿehu ʾemet umishepaṭ shalowm shifeṭu beshaʿareykhem׃
17 וְאִ֣ישׁ ׀ אֶת־רָעַ֣ת רֵעֵ֗הוּ אַֽל־תַּחְשְׁבוּ֙ בִּלְבַבְכֶ֔ם וּשְׁבֻ֥עַת שֶׁ֖קֶר אַֽל־תֶּאֱהָ֑בוּ כִּ֧י אֶת־כָּל־אֵ֛לֶּה אֲשֶׁ֥ר שָׂנֵ֖אתִי נְאֻם־יְהוָֽה׃ ס weʾiysh ׀ ʾet־raʿat reʿehu ʾal־taḥeshevu bilevavekhem ushevuʿat sheqer ʾal־teʾehavu kiy ʾet־kal־ʾeleh ʾasher saneʾtiy neʾum־yehwah׃ s
18 וַיְהִ֛י דְּבַר־יְהוָ֥ה צְבָאֹ֖ות אֵלַ֥י לֵאמֹֽר׃ wayehiy devar־yehwah tsevaʾowt ʾelay leʾmor׃
19 כֹּֽה־אָמַ֞ר יְהוָ֣ה צְבָאֹ֗ות צֹ֣ום הָרְבִיעִ֡י וְצֹ֣ום הַחֲמִישִׁי֩ וְצֹ֨ום הַשְּׁבִיעִ֜י וְצֹ֣ום הָעֲשִׂירִ֗י יִהְיֶ֤ה לְבֵית־יְהוּדָה֙ לְשָׂשֹׂ֣ון וּלְשִׂמְחָ֔ה וּֽלְמֹעֲדִ֖ים טֹובִ֑ים וְהָאֱמֶ֥ת וְהַשָּׁלֹ֖ום אֱהָֽבוּ׃ פ koh־ʾamar yehwah tsevaʾowt tsowm hareviyʿiy wetsowm haḥamiyshiy wetsowm hasheviyʿiy wetsowm haʿasiyriy yiheyeh leveyt־yehudah lesasown ulesimeḥah ulemoʿadiym ṭowviym wehaʾemet wehashalowm ʾehavu׃ f
20 כֹּ֥ה אָמַ֖ר יְהוָ֣ה צְבָאֹ֑ות עֹ֚ד אֲשֶׁ֣ר יָבֹ֣אוּ עַמִּ֔ים וְיֹשְׁבֵ֖י עָרִ֥ים רַבֹּֽות׃ koh ʾamar yehwah tsevaʾowt ʿod ʾasher yavoʾu ʿamiym weyoshevey ʿariym rabowt׃
21 וְֽהָלְכ֡וּ יֹשְׁבֵי֩ אַחַ֨ת אֶל־אַחַ֜ת לֵאמֹ֗ר נֵלְכָ֤ה הָלֹוךְ֙ לְחַלֹּות֙ אֶת־פְּנֵ֣י יְהוָ֔ה וּלְבַקֵּ֖שׁ אֶת־יְהוָ֣ה צְבָאֹ֑ות אֵלְכָ֖ה גַּם־אָֽנִי׃ wehalekhu yoshevey ʾaḥat ʾel־ʾaḥat leʾmor nelekhah halowkhe leḥalowt ʾet־peney yehwah ulevaqesh ʾet־yehwah tsevaʾowt ʾelekhah gam־ʾaniy׃
22 וּבָ֨אוּ עַמִּ֤ים רַבִּים֙ וְגֹויִ֣ם עֲצוּמִ֔ים לְבַקֵּ֛שׁ אֶת־יְהוָ֥ה צְבָאֹ֖ות בִּירוּשָׁלִָ֑ם וּלְחַלֹּ֖ות אֶת־פְּנֵ֥י יְהוָֽה׃ ס uvaʾu ʿamiym rabiym wegowyim ʿatsumiym levaqesh ʾet־yehwah tsevaʾowt biyrushalim uleḥalowt ʾet־peney yehwah׃ s
23 כֹּ֥ה אָמַר֮ יְהוָ֣ה צְבָאֹות֒ בַּיָּמִ֣ים הָהֵ֔מָּה אֲשֶׁ֤ר יַחֲזִ֙יקוּ֙ עֲשָׂרָ֣ה אֲנָשִׁ֔ים מִכֹּ֖ל לְשֹׁנֹ֣ות הַגֹּויִ֑ם וְֽהֶחֱזִ֡יקוּ בִּכְנַף֩ אִ֨ישׁ יְהוּדִ֜י לֵאמֹ֗ר נֵֽלְכָה֙ עִמָּכֶ֔ם כִּ֥י שָׁמַ֖עְנוּ אֱלֹהִ֥ים עִמָּכֶֽם׃ ס koh ʾamar yehwah tsevaʾowt bayamiym hahemah ʾasher yaḥaziyqu ʿasarah ʾanashiym mikol leshonowt hagowyim weheḥeziyqu bikhenaf ʾiysh yehudiy leʾmor nelekhah ʿimakhem kiy shamaʿenu ʾelohiym ʿimakhem׃ s