1 אֲשֶׁ֨ר הָיָ֧ה דְבַר־יְהוָ֛ה אֶל־יִרְמְיָ֥הוּ הַנָּבִ֖יא אֶל־פְּלִשְׁתִּ֑ים בְּטֶ֛רֶם יַכֶּ֥ה פַרְעֹ֖ה אֶת־עַזָּֽה׃ ס ʾasher hayah devar־yehwah ʾel־yiremeyahu hanaviyʾ ʾel־pelishetiym beṭerem yakeh fareʿoh ʾet־ʿazah׃ s

2 כֹּ֣ה ׀ אָמַ֣ר יְהוָ֗ה הִנֵּה־מַ֜יִם עֹלִ֤ים מִצָּפֹון֙ וְהָיוּ֙ לְנַ֣חַל שֹׁוטֵ֔ף וְיִשְׁטְפוּ֙ אֶ֣רֶץ וּמְלֹואָ֔הּ עִ֖יר וְיֹ֣שְׁבֵי בָ֑הּ וְזָֽעֲקוּ֙ הָֽאָדָ֔ם וְהֵילִ֕ל כֹּ֖ל יֹושֵׁ֥ב הָאָֽרֶץ׃ koh ׀ ʾamar yehwah hineh־mayim ʿoliym mitsafown wehayu lenaḥal showṭef weyisheṭefu ʾerets umelowʾah ʿiyr weyoshevey vah wezaʿaqu haʾadam weheylil kol yowshev haʾarets׃

3 מִקֹּ֗ול שַֽׁעֲטַת֙ פַּרְסֹ֣ות אַבִּירָ֔יו מֵרַ֣עַשׁ לְרִכְבֹּ֔ו הֲמֹ֖ון גַּלְגִּלָּ֑יו לֹֽא־הִפְנ֤וּ אָבֹות֙ אֶל־בָּנִ֔ים מֵֽרִפְיֹ֖ון יָדָֽיִם׃ miqowl shaʿaṭat paresowt ʾabiyrayw meraʿash lerikhebow hamown galegilayw loʾ־hifenu ʾavowt ʾel־baniym merifeyown yadayim׃

4 עַל־הַיֹּ֗ום הַבָּא֙ לִשְׁדֹ֣וד אֶת־כָּל־פְּלִשְׁתִּ֔ים לְהַכְרִ֤ית לְצֹר֙ וּלְצִידֹ֔ון כֹּ֖ל שָׂרִ֣יד עֹזֵ֑ר כִּֽי־שֹׁדֵ֤ד יְהוָה֙ אֶת־פְּלִשְׁתִּ֔ים שְׁאֵרִ֖ית אִ֥י כַפְתֹּֽור׃ ʿal־hayowm habaʾ lishedowd ʾet־kal־pelishetiym lehakheriyt letsor uletsiydown kol sariyd ʿozer kiy־shoded yehwah ʾet־pelishetiym sheʾeriyt ʾiy khafetowr׃

5 בָּ֤אָה קָרְחָה֙ אֶל־עַזָּ֔ה נִדְמְתָ֥ה אַשְׁקְלֹ֖ון שְׁאֵרִ֣ית עִמְקָ֑ם עַד־מָתַ֖י תִּתְגֹּודָֽדִי׃ ס baʾah qareḥah ʾel־ʿazah nidemetah ʾasheqelown sheʾeriyt ʿimeqam ʿad־matay titegowdadiy׃ s

6 הֹ֗וי חֶ֚רֶב לַֽיהוָ֔ה עַד־אָ֖נָה לֹ֣א תִשְׁקֹ֑טִי הֵאָֽסְפִי֙ אַל־תַּעְרֵ֔ךְ הֵרָגְעִ֖י וָדֹֽמִּי׃ howy ḥerev layhwah ʿad־ʾanah loʾ tisheqoṭiy heʾasefiy ʾal־taʿerekhe herageʿiy wadomiy׃

7 אֵ֣יךְ תִּשְׁקֹ֔טִי וַֽיהוָ֖ה צִוָּה־לָ֑הּ אֶֽל־אַשְׁקְלֹ֛ון וְאֶל־חֹ֥וף הַיָּ֖ם שָׁ֥ם יְעָדָֽהּ׃ ס ʾeykhe tisheqoṭiy wayhwah tsiuah־lah ʾel־ʾasheqelown weʾel־ḥowf hayam sham yeʿadah׃ s