1 וַיְבִיאֵ֖נִי אֶל־הַהֵיכָ֑ל וַיָּ֣מָד אֶת־הָאֵילִ֗ים שֵׁשׁ־אַמֹּ֨ות רֹ֧חַב־מִפֹּ֛ו וְשֵׁשׁ־אַמֹּֽות־רֹ֥חַב מִפֹּ֖ו רֹ֥חַב הָאֹֽהֶל׃ wayeviyʾeniy ʾel־haheykhal wayamad ʾet־haʾeyliym shesh־ʾamowt roḥav־mipow weshesh־ʾamowt־roḥav mipow roḥav haʾohel׃
2 וְרֹ֣חַב הַפֶּתַח֮ עֶ֣שֶׂר אַמֹּות֒ וְכִתְפֹ֣ות הַפֶּ֔תַח חָמֵ֤שׁ אַמֹּות֙ מִפֹּ֔ו וְחָמֵ֥שׁ אַמֹּ֖ות מִפֹּ֑ו וַיָּ֤מָד אָרְכֹּו֙ אַרְבָּעִ֣ים אַמָּ֔ה וְרֹ֖חַב עֶשְׂרִ֥ים אַמָּֽה׃ weroḥav hapetaḥ ʿeser ʾamowt wekhitefowt hapetaḥ ḥamesh ʾamowt mipow weḥamesh ʾamowt mipow wayamad ʾarekow ʾarebaʿiym ʾamah weroḥav ʿeseriym ʾamah׃
3 וּבָ֣א לִפְנִ֔ימָה וַיָּ֥מָד אֵֽיל־הַפֶּ֖תַח שְׁתַּ֣יִם אַמֹּ֑ות וְהַפֶּ֙תַח֙ שֵׁ֣שׁ אַמֹּ֔ות וְרֹ֥חַב הַפֶּ֖תַח שֶׁ֥בַע אַמֹּֽות׃ uvaʾ lifeniymah wayamad ʾeyl־hapetaḥ shetayim ʾamowt wehapetaḥ shesh ʾamowt weroḥav hapetaḥ shevaʿ ʾamowt׃
4 וַיָּ֨מָד אֶת־אָרְכֹּ֜ו עֶשְׂרִ֣ים אַמָּ֗ה וְרֹ֛חַב עֶשְׂרִ֥ים אַמָּ֖ה אֶל־פְּנֵ֣י הַֽהֵיכָ֑ל וַיֹּ֣אמֶר אֵלַ֔י זֶ֖ה קֹ֥דֶשׁ הַקֳּדָשִֽׁים׃ wayamad ʾet־ʾarekow ʿeseriym ʾamah weroḥav ʿeseriym ʾamah ʾel־peney haheykhal wayoʾmer ʾelay zeh qodesh haqodashiym׃
5 וַיָּ֥מָד קִֽיר־הַבַּ֖יִת שֵׁ֣שׁ אַמֹּ֑ות וְרֹ֣חַב הַצֵּלָע֩ אַרְבַּ֨ע אַמֹּ֜ות סָבִ֧יב ׀ סָבִ֛יב לַבַּ֖יִת סָבִֽיב׃ wayamad qiyr־habayit shesh ʾamowt weroḥav hatselaʿ ʾarebaʿ ʾamowt saviyv ׀ saviyv labayit saviyv׃
6 וְהַצְּלָעֹות֩ צֵלָ֨ע אֶל־צֵלָ֜ע שָׁלֹ֧ושׁ וּשְׁלֹשִׁ֣ים פְּעָמִ֗ים וּ֠בָאֹות בַּקִּ֨יר אֲשֶׁר־לַבַּ֧יִת לַצְּלָעֹ֛ות סָבִ֥יב ׀ סָבִ֖יב לִהְיֹ֣ות אֲחוּזִ֑ים וְלֹֽא־יִהְי֥וּ אֲחוּזִ֖ים בְּקִ֥יר הַבָּֽיִת׃ wehatselaʿowt tselaʿ ʾel־tselaʿ shalowsh usheloshiym peʿamiym uvaʾowt baqiyr ʾasher־labayit latselaʿowt saviyv ׀ saviyv liheyowt ʾaḥuziym weloʾ־yiheyu ʾaḥuziym beqiyr habayit׃
7 וְֽרָחֲבָ֡ה וְֽנָסְבָה֩ לְמַ֨עְלָה לְמַ֜עְלָה לַצְּלָעֹ֗ות כִּ֣י מֽוּסַב־הַ֠בַּיִת לְמַ֨עְלָה לְמַ֜עְלָה סָבִ֤יב ׀ סָבִיב֙ לַבַּ֔יִת עַל־כֵּ֥ן רֹֽחַב־לַבַּ֖יִת לְמָ֑עְלָה וְכֵ֧ן הַתַּחְתֹּונָ֛ה יַעֲלֶ֥ה עַל־הָעֶלְיֹונָ֖ה לַתִּיכֹונָֽה׃ weraḥavah wenasevah lemaʿelah lemaʿelah latselaʿowt kiy musav־habayit lemaʿelah lemaʿelah saviyv ׀ saviyv labayit ʿal־ken roḥav־labayit lemaʿelah wekhen hataḥetownah yaʿaleh ʿal־haʿeleyownah latiykhownah׃
8 וְרָאִ֧יתִי לַבַּ֛יִת גֹּ֖בַהּ סָבִ֣יב ׀ סָבִ֑יב [מְיֻסְּדֹות כ] (מוּסְדֹ֤ות ק) הַצְּלָעֹות֙ מְלֹ֣ו הַקָּנֶ֔ה שֵׁ֥שׁ אַמֹּ֖ות אַצִּֽילָה׃ weraʾiytiy labayit govah saviyv ׀ saviyv [meyusedowt kh] (musedowt q) hatselaʿowt melow haqaneh shesh ʾamowt ʾatsiylah׃
9 רֹ֣חַב הַקִּ֧יר אֲֽשֶׁר־לַצֵּלָ֛ע אֶל־הַח֖וּץ חָמֵ֣שׁ אַמֹּ֑ות וַאֲשֶׁ֣ר מֻנָּ֔ח בֵּ֥ית צְלָעֹ֖ות אֲשֶׁ֥ר לַבָּֽיִת׃ roḥav haqiyr אsher־latselaʿ ʾel־haḥuts ḥamesh ʾamowt waʾasher munaḥ beyt tselaʿowt ʾasher labayit׃
10 וּבֵ֨ין הַלְּשָׁכֹ֜ות רֹ֣חַב עֶשְׂרִ֥ים אַמָּ֛ה סָבִ֥יב לַבַּ֖יִת סָבִ֥יב ׀ סָבִֽיב׃ uveyn haleshakhowt roḥav ʿeseriym ʾamah saviyv labayit saviyv ׀ saviyv׃
11 וּפֶ֤תַח הַצֵּלָע֙ לַמֻּנָּ֔ח פֶּ֤תַח אֶחָד֙ דֶּ֣רֶךְ הַצָּפֹ֔ון וּפֶ֥תַח אֶחָ֖ד לַדָּרֹ֑ום וְרֹ֙חַב֙ מְקֹ֣ום הַמֻּנָּ֔ח חָמֵ֥שׁ אַמֹּ֖ות סָבִ֥יב ׀ סָבִֽיב׃ ufetaḥ hatselaʿ lamunaḥ petaḥ ʾeḥad derekhe hatsafown ufetaḥ ʾeḥad ladarowm weroḥav meqowm hamunaḥ ḥamesh ʾamowt saviyv ׀ saviyv׃
12 וְהַבִּנְיָ֡ן אֲשֶׁר֩ אֶל־פְּנֵ֨י הַגִּזְרָ֜ה פְּאַ֣ת דֶּֽרֶךְ־הַיָּ֗ם רֹ֚חַב שִׁבְעִ֣ים אַמָּ֔ה וְקִ֧יר הַבִּנְיָ֛ן חָֽמֵשׁ־אַמֹּ֥ות רֹ֖חַב סָבִ֣יב ׀ סָבִ֑יב וְאָרְכֹּ֖ו תִּשְׁעִ֥ים אַמָּֽה׃ wehabineyan ʾasher ʾel־peney hagizerah peʾat derekhe־hayam roḥav shiveʿiym ʾamah weqiyr habineyan ḥamesh־ʾamowt roḥav saviyv ׀ saviyv weʾarekow tisheʿiym ʾamah׃
13 וּמָדַ֣ד אֶת־הַבַּ֔יִת אֹ֖רֶךְ מֵאָ֣ה אַמָּ֑ה וְהַגִּזְרָ֤ה וְהַבִּנְיָה֙ וְקִ֣ירֹותֶ֔יהָ אֹ֖רֶךְ מֵאָ֥ה אַמָּֽה׃ umadad ʾet־habayit ʾorekhe meʾah ʾamah wehagizerah wehabineyah weqiyrowteyha ʾorekhe meʾah ʾamah׃
14 וְרֹחַב֩ פְּנֵ֨י הַבַּ֧יִת וְהַגִּזְרָ֛ה לַקָּדִ֖ים מֵאָ֥ה אַמָּֽה׃ weroḥav peney habayit wehagizerah laqadiym meʾah ʾamah׃
15 וּמָדַ֣ד אֹֽרֶךְ־הַ֠בִּנְיָן אֶל־פְּנֵ֨י הַגִּזְרָ֜ה אֲשֶׁ֨ר עַל־אַחֲרֶ֧יהָ [וְאַתּוּקֵיהָא כ] (וְאַתִּיקֶ֛יהָא ק) מִפֹּ֥ו וּמִפֹּ֖ו מֵאָ֣ה אַמָּ֑ה וְהַֽהֵיכָל֙ הַפְּנִימִ֔י וְאֻֽלַמֵּ֖י הֶחָצֵֽר׃ umadad ʾorekhe־habineyan ʾel־peney hagizerah ʾasher ʿal־ʾaḥareyha [weʾatuqeyhaʾ kh] (weʾatiyqeyhaʾ q) mipow umipow meʾah ʾamah wehaheykhal hapeniymiy weʾulamey heḥatser׃
16 הַסִּפִּ֡ים וְהַחַלֹּונִ֣ים הָ֠אֲטֻמֹות וְהָאַתִּיקִ֤ים ׀ סָבִיב֙ לִשְׁלָשְׁתָּ֔ם נֶ֧גֶד הַסַּ֛ף שְׂחִ֥יף עֵ֖ץ סָבִ֣יב ׀ סָבִ֑יב וְהָאָ֙רֶץ֙ עַד־הַֽחַלֹּנֹ֔ות וְהַֽחַלֹּנֹ֖ות מְכֻסֹּֽות׃ hasipiym wehaḥalowniym haʾaṭumowt wehaʾatiyqiym ׀ saviyv lishelashetam neged hasaf seḥiyf ʿets saviyv ׀ saviyv wehaʾarets ʿad־haḥalonowt wehaḥalonowt mekhusowt׃
17 עַל־מֵעַ֣ל הַפֶּ֡תַח וְעַד־הַבַּיִת֩ הַפְּנִימִ֨י וְלַח֜וּץ וְאֶל־כָּל־הַקִּ֨יר סָבִ֧יב ׀ סָבִ֛יב בַּפְּנִימִ֥י וּבַחִיצֹ֖ון מִדֹּֽות׃ ʿal־meʿal hapetaḥ weʿad־habayit hapeniymiy welaḥuts weʾel־kal־haqiyr saviyv ׀ saviyv bapeniymiy uvaḥiytsown midowt׃
18 וְעָשׂ֥וּי כְּרוּבִ֖ים וְתִֽמֹרִ֑ים וְתִֽמֹרָה֙ בֵּין־כְּר֣וּב לִכְר֔וּב וּשְׁנַ֥יִם פָּנִ֖ים לַכְּרֽוּב׃ weʿasuy keruviym wetimoriym wetimorah beyn־keruv likheruv ushenayim paniym lakeruv׃
19 וּפְנֵ֨י אָדָ֤ם אֶל־הַתִּֽמֹרָה֙ מִפֹּ֔ו וּפְנֵֽי־כְפִ֥יר אֶל־הַתִּֽמֹרָ֖ה מִפֹּ֑ו עָשׂ֥וּי אֶל־כָּל־הַבַּ֖יִת סָבִ֥יב ׀ סָבִֽיב׃ ufeney ʾadam ʾel־hatimorah mipow ufeney־khefiyr ʾel־hatimorah mipow ʿasuy ʾel־kal־habayit saviyv ׀ saviyv׃
20 מֵהָאָ֙רֶץ֙ עַד־מֵעַ֣ל הַפֶּ֔תַח הַכְּרוּבִ֥ים וְהַתִּֽמֹרִ֖ים עֲשׂוּיִ֑ם וְקִ֖יר הַהֵיכָֽל ׃ mehaʾarets ʿad־meʿal hapetaḥ hakeruviym wehatimoriym ʿasuyim weqiyr haheykhal ׃
21 הַֽהֵיכָ֖ל מְזוּזַ֣ת רְבֻעָ֑ה וּפְנֵ֣י הַקֹּ֔דֶשׁ הַמַּרְאֶ֖ה כַּמַּרְאֶֽה׃ haheykhal mezuzat revuʿah ufeney haqodesh hamareʾeh kamareʾeh׃
22 הַמִּזְבֵּ֡חַ עֵ֣ץ שָׁלֹושׁ֩ אַמֹּ֨ות גָּבֹ֜הַּ וְאָרְכֹּ֣ו שְׁתַּֽיִם־אַמֹּ֗ות וּמִקְצֹֽעֹותָיו֙ לֹ֔ו וְאָרְכֹּ֥ו וְקִֽירֹתָ֖יו עֵ֑ץ וַיְדַבֵּ֣ר אֵלַ֔י זֶ֚ה הַשֻּׁלְחָ֔ן אֲשֶׁ֖ר לִפְנֵ֥י יְהוָֽה׃ hamizebeaḥ ʿets shalowsh ʾamowt gavoah weʾarekow shetayim־ʾamowt umiqetsoʿowtayw low weʾarekow weqiyrotayw ʿets wayedaber ʾelay zeh hashuleḥan ʾasher lifeney yehwah׃
23 וּשְׁתַּ֧יִם דְּלָתֹ֛ות לַֽהֵיכָ֖ל וְלַקֹּֽדֶשׁ׃ ushetayim delatowt laheykhal welaqodesh׃
24 וּשְׁתַּ֥יִם דְּלָתֹ֖ות לַדְּלָתֹ֑ות תַּיִם מוּסַבֹּ֣ות דְּלָתֹ֔ות תַּיִם לְדֶ֣לֶת אֶחָ֔ת וּשְׁתֵּ֥י דְלָתֹ֖ות לָאַחֶֽרֶת׃ ushetayim delatowt ladelatowt tayim musabowt delatowt tayim ledelet ʾeḥat ushetey delatowt laʾaḥeret׃
25 וַעֲשׂוּיָ֨ה אֲלֵיהֶ֜ן אֶל־דַּלְתֹ֤ות הַֽהֵיכָל֙ כְּרוּבִ֣ים וְתִֽמֹרִ֔ים כַּאֲשֶׁ֥ר עֲשׂוּיִ֖ם לַקִּירֹ֑ות וְעָ֥ב עֵ֛ץ אֶל־פְּנֵ֥י הָאוּלָ֖ם מֵהַחֽוּץ׃ waʿasuyah ʾaleyhen ʾel־daletowt haheykhal keruviym wetimoriym kaʾasher ʿasuyim laqiyrowt weʿav ʿets ʾel־peney haʾulam mehaḥuts׃
26 וְחַלֹּונִ֨ים אֲטֻמֹ֤ות וְתִֽמֹרִים֙ מִפֹּ֣ו וּמִפֹּ֔ו אֶל־כִּתְפֹ֖ות הָֽאוּלָ֑ם וְצַלְעֹ֥ות הַבַּ֖יִת וְהָעֻבִּֽים׃ weḥalowniym ʾaṭumowt wetimoriym mipow umipow ʾel־kitefowt haʾulam wetsaleʿowt habayit wehaʿubiym׃