1 וָאֶרְאֶ֗ה וְהִנֵּ֤ה אֶל־הָרָקִ֙יעַ֙ אֲשֶׁר֙ עַל־רֹ֣אשׁ הַכְּרֻבִ֔ים כְּאֶ֣בֶן סַפִּ֔יר כְּמַרְאֵ֖ה דְּמ֣וּת כִּסֵּ֑א נִרְאָ֖ה עֲלֵיהֶֽם׃ waʾereʾeh wehineh ʾel־haraqiyʿa ʾasher ʿal־roʾsh hakeruviym keʾeven sapiyr kemareʾeh demut kiseʾ nireʾah ʿaleyhem׃
2 וַיֹּ֜אמֶר אֶל־הָאִ֣ישׁ ׀ לְבֻ֣שׁ הַבַּדִּ֗ים וַיֹּ֡אמֶר בֹּא֩ אֶל־בֵּינֹ֨ות לַגַּלְגַּ֜ל אֶל־תַּ֣חַת לַכְּר֗וּב וּמַלֵּ֨א חָפְנֶ֤יךָ גַֽחֲלֵי־אֵשׁ֙ מִבֵּינֹ֣ות לַכְּרֻבִ֔ים וּזְרֹ֖ק עַל־הָעִ֑יר וַיָּבֹ֖א לְעֵינָֽי׃ wayoʾmer ʾel־haʾiysh ׀ levush habadiym wayoʾmer boʾ ʾel־beynowt lagalegal ʾel־taḥat lakeruv umaleʾ ḥafeneykha gaḥaley־ʾesh mibeynowt lakeruviym uzeroq ʿal־haʿiyr wayavoʾ leʿeynay׃
3 וְהַכְּרֻבִ֗ים עֹֽמְדִ֛ים מִימִ֥ין לַבַּ֖יִת בְּבֹאֹ֣ו הָאִ֑ישׁ וְהֶעָנָ֣ן מָלֵ֔א אֶת־הֶחָצֵ֖ר הַפְּנִימִֽית׃ wehakeruviym ʿomediym miymiyn labayit bevoʾow haʾiysh weheʿanan maleʾ ʾet־heḥatser hapeniymiyt׃
4 וַיָּ֤רָם כְּבֹוד־יְהוָה֙ מֵעַ֣ל הַכְּר֔וּב עַ֖ל מִפְתַּ֣ן הַבָּ֑יִת וַיִּמָּלֵ֤א הַבַּ֙יִת֙ אֶת־הֶ֣עָנָ֔ן וְהֶֽחָצֵר֙ מָֽלְאָ֔ה אֶת־נֹ֖גַהּ כְּבֹ֥וד יְהוָֽה׃ wayaram kevowd־yehwah meʿal hakeruv ʿal mifetan habayit wayimaleʾ habayit ʾet־heʿanan weheḥatser maleʾah ʾet־nogah kevowd yehwah׃
5 וְקֹול֙ כַּנְפֵ֣י הַכְּרוּבִ֔ים נִשְׁמַ֕ע עַד־הֶחָצֵ֖ר הַחִיצֹנָ֑ה כְּקֹ֥ול אֵל־שַׁדַּ֖י בְּדַבְּרֹֽו׃ weqowl kanefey hakeruviym nishemaʿ ʿad־heḥatser haḥiytsonah keqowl ʾel־shaday bedaberow׃
6 וַיְהִ֗י בְּצַוֹּתֹו֙ אֶת־הָאִ֤ישׁ לְבֻֽשׁ־הַבַּדִּים֙ לֵאמֹ֔ר קַ֥ח אֵשׁ֙ מִבֵּינֹ֣ות לַגַּלְגַּ֔ל מִבֵּינֹ֖ות לַכְּרוּבִ֑ים וַיָּבֹא֙ וַֽיַּעֲמֹ֔ד אֵ֖צֶל הָאֹופָֽן׃ wayehiy betsaotow ʾet־haʾiysh levush־habadiym leʾmor qaḥ ʾesh mibeynowt lagalegal mibeynowt lakeruviym wayavoʾ wayaʿamod ʾetsel haʾowfan׃
7 וַיִּשְׁלַח֩ הַכְּר֨וּב אֶת־יָדֹ֜ו מִבֵּינֹ֣ות לַכְּרוּבִ֗ים אֶל־הָאֵשׁ֙ אֲשֶׁר֙ בֵּינֹ֣ות הַכְּרֻבִ֔ים וַיִּשָּׂא֙ וַיִּתֵּ֔ן אֶל־חָפְנֵ֖י לְבֻ֣שׁ הַבַּדִּ֑ים וַיִּקַּ֖ח וַיֵּצֵֽא׃ wayishelaḥ hakeruv ʾet־yadow mibeynowt lakeruviym ʾel־haʾesh ʾasher beynowt hakeruviym wayisaʾ wayiten ʾel־ḥafeney levush habadiym wayiqaḥ wayetseʾ׃
8 וַיֵּרָ֖א לַכְּרֻבִ֑ים תַּבְנִית֙ יַד־אָדָ֔ם תַּ֖חַת כַּנְפֵיהֶֽם׃ wayeraʾ lakeruviym taveniyt yad־ʾadam taḥat kanefeyhem׃
9 וָאֶרְאֶ֗ה וְהִנֵּ֨ה אַרְבָּעָ֣ה אֹופַנִּים֮ אֵ֣צֶל הַכְּרוּבִים֒ אֹופַ֣ן אֶחָ֗ד אֵ֚צֶל הַכְּר֣וּב אֶחָ֔ד וְאֹופַ֣ן אֶחָ֔ד אֵ֖צֶל הַכְּר֣וּב אֶחָ֑ד וּמַרְאֵה֙ הָאֹ֣ופַנִּ֔ים כְּעֵ֖ין אֶ֥בֶן תַּרְשִֽׁישׁ׃ waʾereʾeh wehineh ʾarebaʿah ʾowfaniym ʾetsel hakeruviym ʾowfan ʾeḥad ʾetsel hakeruv ʾeḥad weʾowfan ʾeḥad ʾetsel hakeruv ʾeḥad umareʾeh haʾowfaniym keʿeyn ʾeven tareshiysh׃
10 וּמַ֨רְאֵיהֶ֔ם דְּמ֥וּת אֶחָ֖ד לְאַרְבַּעְתָּ֑ם כַּאֲשֶׁ֛ר יִהְיֶ֥ה הָאֹופַ֖ן בְּתֹ֥וךְ הָאֹופָֽן׃ umareʾeyhem demut ʾeḥad leʾarebaʿetam kaʾasher yiheyeh haʾowfan betowkhe haʾowfan׃
11 בְּלֶכְתָּ֗ם אֶל־אַרְבַּ֤עַת רִבְעֵיהֶם֙ יֵלֵ֔כוּ לֹ֥א יִסַּ֖בּוּ בְּלֶכְתָּ֑ם כִּ֣י הַמָּקֹ֞ום אֲשֶׁר־יִפְנֶ֤ה הָרֹאשׁ֙ אַחֲרָ֣יו יֵלֵ֔כוּ לֹ֥א יִסַּ֖בּוּ בְּלֶכְתָּֽם׃ belekhetam ʾel־ʾarebaʿat riveʿeyhem yelekhu loʾ yisabu belekhetam kiy hamaqowm ʾasher־yifeneh haroʾsh ʾaḥarayw yelekhu loʾ yisabu belekhetam׃
12 וְכָל־בְּשָׂרָם֙ וְגַבֵּהֶ֔ם וִֽידֵיהֶ֖ם וְכַנְפֵיהֶ֑ם וְהָאֹֽופַנִּ֗ים מְלֵאִ֤ים עֵינַ֙יִם֙ סָבִ֔יב לְאַרְבַּעְתָּ֖ם אֹופַנֵּיהֶֽם׃ wekhal־besaram wegabehem wiydeyhem wekhanefeyhem wehaʾowfaniym meleʾiym ʿeynayim saviyv leʾarebaʿetam ʾowfaneyhem׃
13 לָאֹ֖ופַנִּ֑ים לָהֶ֛ם קֹורָ֥א הַגַּלְגַּ֖ל בְּאָזְנָֽי׃ laʾowfaniym lahem qowraʾ hagalegal beʾazenay׃
14 וְאַרְבָּעָ֥ה פָנִ֖ים לְאֶחָ֑ד פְּנֵ֨י הָאֶחָ֜ד פְּנֵ֣י הַכְּר֗וּב וּפְנֵ֤י הַשֵּׁנִי֙ פְּנֵ֣י אָדָ֔ם וְהַשְּׁלִישִׁי֙ פְּנֵ֣י אַרְיֵ֔ה וְהָרְבִיעִ֖י פְּנֵי־נָֽשֶׁר׃ weʾarebaʿah faniym leʾeḥad peney haʾeḥad peney hakeruv ufeney hasheniy peney ʾadam wehasheliyshiy peney ʾareyeh wehareviyʿiy peney־nasher׃
15 וַיֵּרֹ֖מּוּ הַכְּרוּבִ֑ים הִ֣יא הַחַיָּ֔ה אֲשֶׁ֥ר רָאִ֖יתִי בִּֽנְהַר־כְּבָֽר׃ wayeromu hakeruviym hiyʾ haḥayah ʾasher raʾiytiy binehar־kevar׃
16 וּבְלֶ֙כֶת֙ הַכְּרוּבִ֔ים יֵלְכ֥וּ הָאֹופַנִּ֖ים אֶצְלָ֑ם וּבִשְׂאֵ֨ת הַכְּרוּבִ֜ים אֶת־כַּנְפֵיהֶ֗ם לָרוּם֙ מֵעַ֣ל הָאָ֔רֶץ לֹא־יִסַּ֧בּוּ הָאֹופַנִּ֛ים גַּם־הֵ֖ם מֵאֶצְלָֽם׃ uvelekhet hakeruviym yelekhu haʾowfaniym ʾetselam uviseʾet hakeruviym ʾet־kanefeyhem larum meʿal haʾarets loʾ־yisabu haʾowfaniym gam־hem meʾetselam׃
17 בְּעָמְדָ֣ם יַעֲמֹ֔דוּ וּבְרֹומָ֖ם יֵרֹ֣ומּוּ אֹותָ֑ם כִּ֛י ר֥וּחַ הַחַיָּ֖ה בָּהֶֽם׃ beʿamedam yaʿamodu uverowmam yerowmu ʾowtam kiy ruaḥ haḥayah bahem׃
18 וַיֵּצֵא֙ כְּבֹ֣וד יְהוָ֔ה מֵעַ֖ל מִפְתַּ֣ן הַבָּ֑יִת וַֽיַּעֲמֹ֖ד עַל־הַכְּרוּבִֽים׃ wayetseʾ kevowd yehwah meʿal mifetan habayit wayaʿamod ʿal־hakeruviym׃
19 וַיִּשְׂא֣וּ הַכְּרוּבִ֣ים אֶת־כַּ֠נְפֵיהֶם וַיֵּרֹ֨ומּוּ מִן־הָאָ֤רֶץ לְעֵינַי֙ בְּצֵאתָ֔ם וְהָאֹֽופַנִּ֖ים לְעֻמָּתָ֑ם וַֽיַּעֲמֹ֗ד פֶּ֣תַח שַׁ֤עַר בֵּית־יְהוָה֙ הַקַּדְמֹונִ֔י וּכְבֹ֧וד אֱלֹהֵֽי־יִשְׂרָאֵ֛ל עֲלֵיהֶ֖ם מִלְמָֽעְלָה׃ wayiseʾu hakeruviym ʾet־kanefeyhem wayerowmu min־haʾarets leʿeynay betseʾtam wehaʾowfaniym leʿumatam wayaʿamod petaḥ shaʿar beyt־yehwah haqademowniy ukhevowd ʾelohey־yiseraʾel ʿaleyhem milemaʿelah׃
20 הִ֣יא הַחַיָּ֗ה אֲשֶׁ֥ר רָאִ֛יתִי תַּ֥חַת אֱלֹהֵֽי־יִשְׂרָאֵ֖ל בִּֽנְהַר־כְּבָ֑ר וָאֵדַ֕ע כִּ֥י כְרוּבִ֖ים הֵֽמָּה׃ hiyʾ haḥayah ʾasher raʾiytiy taḥat ʾelohey־yiseraʾel binehar־kevar waʾedaʿ kiy kheruviym hemah׃
21 אַרְבָּעָ֨ה אַרְבָּעָ֤ה פָנִים֙ לְאֶחָ֔ד וְאַרְבַּ֥ע כְּנָפַ֖יִם לְאֶחָ֑ד וּדְמוּת֙ יְדֵ֣י אָדָ֔ם תַּ֖חַת כַּנְפֵיהֶֽם׃ ʾarebaʿah ʾarebaʿah faniym leʾeḥad weʾarebaʿ kenafayim leʾeḥad udemut yedey ʾadam taḥat kanefeyhem׃
22 וּדְמ֣וּת פְּנֵיהֶ֔ם הֵ֣מָּה הַפָּנִ֗ים אֲשֶׁ֤ר רָאִ֙יתִי֙ עַל־נְהַר־כְּבָ֔ר מַרְאֵיהֶ֖ם וְאֹותָ֑ם אִ֛ישׁ אֶל־עֵ֥בֶר פָּנָ֖יו יֵלֵֽכוּ׃ udemut peneyhem hemah hapaniym ʾasher raʾiytiy ʿal־nehar־kevar mareʾeyhem weʾowtam ʾiysh ʾel־ʿever panayw yelekhu׃