1 וְכָל־יִשְׂרָאֵל֙ הִתְיַחְשׂ֔וּ וְהִנָּ֣ם כְּתוּבִ֔ים עַל־סֵ֖פֶר מַלְכֵ֣י יִשְׂרָאֵ֑ל וִיהוּדָ֛ה הָגְל֥וּ לְבָבֶ֖ל בְּמַעֲלָֽם׃ ס wekhal־yiseraʾel hiteyaḥesu wehinam ketuviym ʿal־sefer malekhey yiseraʾel wiyhudah hagelu levavel bemaʿalam׃ s
2 וְהַיֹּושְׁבִים֙ הָרִ֣אשֹׁנִ֔ים אֲשֶׁ֥ר בַּאֲחֻזָּתָ֖ם בְּעָרֵיהֶ֑ם יִשְׂרָאֵל֙ הַכֹּ֣הֲנִ֔ים הַלְוִיִּ֖ם וְהַנְּתִינִֽים׃ wehayowsheviym hariʾshoniym ʾasher baʾaḥuzatam beʿareyhem yiseraʾel hakohaniym halewiyim wehanetiyniym׃
3 וּבִירוּשָׁלִַ֙ם֙ יָשְׁב֔וּ מִן־בְּנֵ֥י יְהוּדָ֖ה וּמִן־בְּנֵ֣י בִנְיָמִ֑ן וּמִן־בְּנֵ֥י אֶפְרַ֖יִם וּמְנַשֶּֽׁה׃ uviyrushalim yashevu min־beney yehudah umin־beney vineyamin umin־beney ʾeferayim umenasheh׃
4 עוּתַ֨י בֶּן־עַמִּיה֤וּד בֶּן־עָמְרִי֙ בֶּן־אִמְרִ֣י בֶן־ [בָּנִימִן־ כ] (בָּנִ֔י ק) (מִן־בְּנֵי־פֶ֖רֶץ ק) בֶּן־יְהוּדָֽה׃ ʿutay ben־ʿamiyhud ben־ʿameriy ben־ʾimeriy ven־ [baniymin־ kh] (baniy q) (min־beney־ferets q) ben־yehudah׃
5 וּמִן־הַשִּׁ֣ילֹונִ֔י עֲשָׂיָ֥ה הַבְּכֹ֖ור וּבָנָֽיו׃ umin־hashiylowniy ʿasayah habekhowr uvanayw׃
6 וּמִן־בְּנֵי־זֶ֖רַח יְעוּאֵ֑ל וַאֲחֵיהֶ֖ם שֵׁשׁ־מֵאֹ֥ות וְתִשְׁעִֽים׃ umin־beney־zeraḥ yeʿuʾel waʾaḥeyhem shesh־meʾowt wetisheʿiym׃
7 וּמִן־בְּנֵ֖י בִּנְיָמִ֑ן סַלּוּא֙ בֶּן־מְשֻׁלָּ֔ם בֶּן־הֹודַוְיָ֖ה בֶּן־הַסְּנֻאָֽה׃ umin־beney bineyamin saluʾ ben־meshulam ben־howdaweyah ben־hasenuʾah׃
8 וְיִבְנְיָה֙ בֶּן־יְרֹחָ֔ם וְאֵלָ֥ה בֶן־עֻזִּ֖י בֶּן־מִכְרִ֑י וּמְשֻׁלָּם֙ בֶּן־שְׁפַטְיָ֔ה בֶּן־רְעוּאֵ֖ל בֶּן־יִבְנִיָּֽה׃ weyiveneyah ben־yeroḥam weʾelah ven־ʿuziy ben־mikheriy umeshulam ben־shefaṭeyah ben־reʿuʾel ben־yiveniyah׃
9 וַאֲחֵיהֶם֙ לְתֹ֣לְדֹותָ֔ם תְּשַׁ֥ע מֵאֹ֖ות וַחֲמִשִּׁ֣ים וְשִׁשָּׁ֑ה כָּל־אֵ֣לֶּה אֲנָשִׁ֔ים רָאשֵׁ֥י אָבֹ֖ות לְבֵ֥ית אֲבֹתֵיהֶֽם׃ ס waʾaḥeyhem letoledowtam teshaʿ meʾowt waḥamishiym weshishah kal־ʾeleh ʾanashiym raʾshey ʾavowt leveyt ʾavoteyhem׃ s
10 וּמִן־הַֽכֹּהֲנִ֑ים יְדַֽעְיָ֥ה וִיהֹויָרִ֖יב וְיָכִֽין׃ umin־hakohaniym yedaʿeyah wiyhowyariyv weyakhiyn׃
11 וַעֲזַרְיָ֨ה בֶן־חִלְקִיָּ֜ה בֶּן־מְשֻׁלָּ֣ם בֶּן־צָדֹ֗וק בֶּן־מְרָיֹות֙ בֶּן־אֲחִיט֔וּב נְגִ֖יד בֵּ֥ית הָאֱלֹהִֽים׃ ס waʿazareyah ven־ḥileqiyah ben־meshulam ben־tsadowq ben־merayowt ben־ʾaḥiyṭuv negiyd beyt haʾelohiym׃ s
12 וַעֲדָיָה֙ בֶּן־יְרֹחָ֔ם בֶּן־פַּשְׁח֖וּר בֶּן־מַלְכִּיָּ֑ה וּמַעְשַׂ֨י בֶּן־עֲדִיאֵ֧ל בֶּן־יַחְזֵ֛רָה בֶּן־מְשֻׁלָּ֥ם בֶּן־מְשִׁלֵּמִ֖ית בֶּן־אִמֵּֽר׃ waʿadayah ben־yeroḥam ben־pasheḥur ben־malekiyah umaʿesay ben־ʿadiyʾel ben־yaḥezerah ben־meshulam ben־meshilemiyt ben־ʾimer׃
13 וַאֲחֵיהֶ֗ם רָאשִׁים֙ לְבֵ֣ית אֲבֹותָ֔ם אֶ֕לֶף וּשְׁבַ֥ע מֵאֹ֖ות וְשִׁשִּׁ֑ים גִּבֹּ֣ורֵי חֵ֔יל מְלֶ֖אכֶת עֲבֹודַ֥ת בֵּית־הָאֱלֹהִֽים׃ waʾaḥeyhem raʾshiym leveyt ʾavowtam ʾelef ushevaʿ meʾowt weshishiym gibowrey ḥeyl meleʾkhet ʿavowdat beyt־haʾelohiym׃
14 וּמִֽן־הַלְוִיִּ֑ם שְׁמַֽעְיָ֧ה בֶן־חַשּׁ֛וּב בֶּן־עַזְרִיקָ֥ם בֶּן־חֲשַׁבְיָ֖ה מִן־בְּנֵ֥י מְרָרִֽי׃ umin־halewiyim shemaʿeyah ven־ḥashuv ben־ʿazeriyqam ben־ḥashaveyah min־beney merariy׃
15 וּבַקְבַּקַּ֥ר חֶ֖רֶשׁ וְגָלָ֑ל וּמַתַּנְיָה֙ בֶּן־מִיכָ֔א בֶּן־זִכְרִ֖י בֶּן־אָסָֽף׃ uvaqebaqar ḥeresh wegalal umataneyah ben־miykhaʾ ben־zikheriy ben־ʾasaf׃
16 וְעֹבַדְיָה֙ בֶּֽן־שְׁמַֽעְיָ֔ה בֶּן־גָּלָ֖ל בֶּן־יְדוּת֑וּן וּבֶרֶכְיָ֤ה בֶן־אָסָא֙ בֶּן־אֶלְקָנָ֔ה הַיֹּושֵׁ֖ב בְּחַצְרֵ֥י נְטֹופָתִֽי׃ weʿovadeyah ben־shemaʿeyah ben־galal ben־yedutun uverekheyah ven־ʾasaʾ ben־ʾeleqanah hayowshev beḥatserey neṭowfatiy׃
17 וְהַשֹּׁעֲרִים֙ שַׁלּ֣וּם וְעַקּ֔וּב וְטַלְמֹ֖ן וַאֲחִימָ֑ן וַאֲחִיהֶ֥ם שַׁלּ֖וּם הָרֹֽאשׁ׃ wehashoʿariym shalum weʿaquv weṭalemon waʾaḥiyman waʾaḥiyhem shalum haroʾsh׃
18 וְֽעַד־הֵ֔נָּה בְּשַׁ֥עַר הַמֶּ֖לֶךְ מִזְרָ֑חָה הֵ֚מָּה הַשֹּׁ֣עֲרִ֔ים לְמַחֲנֹ֖ות בְּנֵ֥י לֵוִֽי׃ weʿad־henah beshaʿar hamelekhe mizeraḥah hemah hashoʿariym lemaḥanowt beney lewiy׃
19 וְשַׁלּ֣וּם בֶּן־קֹ֠ורֵא בֶּן־אֶבְיָסָ֨ף בֶּן־קֹ֜רַח וְֽאֶחָ֧יו לְבֵית־אָבִ֣יו הַקָּרְחִ֗ים עַ֚ל מְלֶ֣אכֶת הָעֲבֹודָ֔ה שֹׁמְרֵ֥י הַסִּפִּ֖ים לָאֹ֑הֶל וַאֲבֹֽתֵיהֶם֙ עַל־מַחֲנֵ֣ה יְהוָ֔ה שֹׁמְרֵ֖י הַמָּבֹֽוא׃ weshalum ben־qowreʾ ben־ʾeveyasaf ben־qoraḥ weʾeḥayw leveyt־ʾaviyw haqareḥiym ʿal meleʾkhet haʿavowdah shomerey hasipiym laʾohel waʾavoteyhem ʿal־maḥaneh yehwah shomerey hamavowʾ׃
20 וּפִֽינְחָ֣ס בֶּן־אֶלְעָזָ֗ר נָגִ֨יד הָיָ֧ה עֲלֵיהֶ֛ם לְפָנִ֖ים יְהוָ֥ה ׀ עִמֹּֽו׃ ufiyneḥas ben־ʾeleʿazar nagiyd hayah ʿaleyhem lefaniym yehwah ׀ ʿimow׃
21 זְכַרְיָה֙ בֶּ֣ן מְשֶֽׁלֶמְיָ֔ה שֹׁעֵ֥ר פֶּ֖תַח לְאֹ֥הֶל מֹועֵֽד׃ zekhareyah ben meshelemeyah shoʿer petaḥ leʾohel mowʿed׃
22 כֻּלָּ֤ם הַבְּרוּרִים֙ לְשֹׁעֲרִ֣ים בַּסִּפִּ֔ים מָאתַ֖יִם וּשְׁנֵ֣ים עָשָׂ֑ר הֵ֤מָּה בְחַצְרֵיהֶם֙ הִתְיַחְשָׂ֔ם הֵ֣מָּה יִסַּ֥ד דָּוִ֛יד וּשְׁמוּאֵ֥ל הָרֹאֶ֖ה בֶּאֱמוּנָתָֽם׃ kulam haberuriym leshoʿariym basipiym maʾtayim usheneym ʿasar hemah veḥatsereyhem hiteyaḥesam hemah yisad dawiyd ushemuʾel haroʾeh beʾemunatam׃
23 וְהֵ֨ם וּבְנֵיהֶ֜ם עַל־הַשְּׁעָרִ֧ים לְבֵית־יְהוָ֛ה לְבֵ֥ית־הָאֹ֖הֶל לְמִשְׁמָרֹֽות׃ wehem uveneyhem ʿal־hasheʿariym leveyt־yehwah leveyt־haʾohel lemishemarowt׃
24 לְאַרְבַּ֣ע רוּחֹ֔ות יִהְי֖וּ הַשֹּׁעֲרִ֑ים מִזְרָ֥ח יָ֖מָּה צָפֹ֥ונָה וָנֶֽגְבָּה׃ leʾarebaʿ ruḥowt yiheyu hashoʿariym mizeraḥ yamah tsafownah wanegebah׃
25 וַאֲחֵיהֶ֨ם בְּחַצְרֵיהֶ֜ם לָבֹ֨וא לְשִׁבְעַ֧ת הַיָּמִ֛ים מֵעֵ֥ת אֶל־עֵ֖ת עִם־אֵֽלֶּה׃ waʾaḥeyhem beḥatsereyhem lavowʾ leshiveʿat hayamiym meʿet ʾel־ʿet ʿim־ʾeleh׃
26 כִּ֣י בֶאֱמוּנָ֞ה הֵ֗מָּה אַרְבַּ֙עַת֙ גִּבֹּרֵ֣י הַשֹּׁעֲרִ֔ים הֵ֖ם הַלְוִיִּ֑ם וְהָיוּ֙ עַל־הַלְּשָׁכֹ֔ות וְעַ֥ל הָאֹצְרֹ֖ות בֵּ֥ית הָאֱלֹהִֽים׃ kiy veʾemunah hemah ʾarebaʿat giborey hashoʿariym hem halewiyim wehayu ʿal־haleshakhowt weʿal haʾotserowt beyt haʾelohiym׃
27 וּסְבִיבֹ֥ות בֵּית־הָאֱלֹהִ֖ים יָלִ֑ינוּ כִּֽי־עֲלֵיהֶ֣ם מִשְׁמֶ֔רֶת וְהֵ֥ם עַל־הַמַּפְתֵּ֖חַ וְלַבֹּ֥קֶר לַבֹּֽקֶר׃ useviyvowt beyt־haʾelohiym yaliynu kiy־ʿaleyhem mishemeret wehem ʿal־hamafeteaḥ welaboqer laboqer׃
28 וּמֵהֶ֖ם עַל־כְּלֵ֣י הָעֲבֹודָ֑ה כִּֽי־בְמִסְפָּ֣ר יְבִיא֔וּם וּבְמִסְפָּ֖ר יֹוצִיאֽוּם׃ umehem ʿal־keley haʿavowdah kiy־vemisepar yeviyʾum uvemisepar yowtsiyʾum׃
29 וּמֵהֶ֗ם מְמֻנִּים֙ עַל־הַכֵּלִ֔ים וְעַ֖ל כָּל־כְּלֵ֣י הַקֹּ֑דֶשׁ וְעַל־הַסֹּ֙לֶת֙ וְהַיַּ֣יִן וְהַשֶּׁ֔מֶן וְהַלְּבֹונָ֖ה וְהַבְּשָׂמִֽים׃ umehem memuniym ʿal־hakeliym weʿal kal־keley haqodesh weʿal־hasolet wehayayin wehashemen wehalevownah wehabesamiym׃
30 וּמִן־בְּנֵי֙ הַכֹּ֣הֲנִ֔ים רֹקְחֵ֥י הַמִּרְקַ֖חַת לַבְּשָׂמִֽים׃ umin־beney hakohaniym roqeḥey hamireqaḥat labesamiym׃
31 וּמַתִּתְיָה֙ מִן־הַלְוִיִּ֔ם ה֥וּא הַבְּכֹ֖ור לְשַׁלֻּ֣ם הַקָּרְחִ֑י בֶּאֱמוּנָ֕ה עַ֖ל מַעֲשֵׂ֥ה הַחֲבִתִּֽים׃ umatiteyah min־halewiyim huʾ habekhowr leshalum haqareḥiy beʾemunah ʿal maʿaseh haḥavitiym׃
32 וּמִן־בְּנֵ֧י הַקְּהָתִ֛י מִן־אֲחֵיהֶ֖ם עַל־לֶ֣חֶם הַֽמַּעֲרָ֑כֶת לְהָכִ֖ין שַׁבַּ֥ת שַׁבָּֽת׃ ס umin־beney haqehatiy min־ʾaḥeyhem ʿal־leḥem hamaʿarakhet lehakhiyn shabat shabat׃ s
33 וְאֵ֣לֶּה הַ֠מְשֹׁרְרִים רָאשֵׁ֨י אָבֹ֧ות לַלְוִיִּ֛ם בַּלְּשָׁכֹ֖ת [פְּטִירִים כ] (פְּטוּרִ֑ים ק) כִּֽי־יֹומָ֥ם וָלַ֛יְלָה עֲלֵיהֶ֖ם בַּמְּלָאכָֽה׃ weʾeleh hameshoreriym raʾshey ʾavowt lalewiyim baleshakhot [peṭiyriym kh] (peṭuriym q) kiy־yowmam walayelah ʿaleyhem bamelaʾkhah׃
34 אֵלֶּה֩ רָאשֵׁ֨י הָאָבֹ֧ות לַלְוִיִּ֛ם לְתֹלְדֹותָ֖ם רָאשִׁ֑ים אֵ֖לֶּה יָשְׁב֥וּ בִירוּשָׁלִָֽם׃ פ ʾeleh raʾshey haʾavowt lalewiyim letoledowtam raʾshiym ʾeleh yashevu viyrushalim׃ f
35 וּבְגִבְעֹ֛ון יָשְׁב֥וּ אֲבִֽי־גִבְעֹ֖ון [יְעוּאֵל כ] (יְעִיאֵ֑ל ק) וְשֵׁ֥ם אִשְׁתֹּ֖ו מַעֲכָֽה׃ uvegiveʿown yashevu ʾaviy־giveʿown [yeʿuʾel kh] (yeʿiyʾel q) weshem ʾishetow maʿakhah׃
36 וּבְנֹ֥ו הַבְּכֹ֖ור עַבְדֹּ֑ון וְצ֣וּר וְקִ֔ישׁ וּבַ֥עַל וְנֵ֖ר וְנָדָֽב׃ uvenow habekhowr ʿavedown wetsur weqiysh uvaʿal wener wenadav׃
37 וּגְדֹ֣ור וְאַחְיֹ֔ו וּזְכַרְיָ֖ה וּמִקְלֹֽות׃ ugedowr weʾaḥeyow uzekhareyah umiqelowt׃
38 וּמִקְלֹ֖ות הֹולִ֣יד אֶת־שִׁמְאָ֑ם וְאַף־הֵ֗ם נֶ֧גֶד אֲחֵיהֶ֛ם יָשְׁב֥וּ בִירֽוּשָׁלִַ֖ם עִם־אֲחֵיהֶֽם׃ ס umiqelowt howliyd ʾet־shimeʾam weʾaf־hem neged ʾaḥeyhem yashevu viyrushalim ʿim־ʾaḥeyhem׃ s
39 וְנֵר֙ הֹולִ֣יד אֶת־קִ֔ישׁ וְקִ֖ישׁ הֹולִ֣יד אֶת־שָׁא֑וּל וְשָׁא֗וּל הֹולִ֤יד אֶת־יְהֹֽונָתָן֙ וְאֶת־מַלְכִּי־שׁ֔וּעַ וְאֶת־אֲבִינָדָ֖ב וְאֶת־אֶשְׁבָּֽעַל׃ wener howliyd ʾet־qiysh weqiysh howliyd ʾet־shaʾul weshaʾul howliyd ʾet־yehownatan weʾet־malekiy־shuaʿ weʾet־ʾaviynadav weʾet־ʾeshebaʿal׃
40 וּבֶן־יְהֹונָתָ֖ן מְרִ֣יב בָּ֑עַל וּמְרִי־בַ֖עַל הֹולִ֥יד אֶת־מִיכָֽה׃ uven־yehownatan meriyv baʿal umeriy־vaʿal howliyd ʾet־miykhah׃
41 וּבְנֵ֖י מִיכָ֑ה פִּיתֹ֥ון וָמֶ֖לֶךְ וְתַחְרֵֽעַ׃ uveney miykhah piytown wamelekhe wetaḥereaʿ׃
42 וְאָחָז֙ הֹולִ֣יד אֶת־יַעְרָ֔ה וְיַעְרָ֗ה הֹולִ֛יד אֶת־עָלֶ֥מֶת וְאֶת־עַזְמָ֖וֶת וְאֶת־זִמְרִ֑י וְזִמְרִ֖י הֹולִ֥יד אֶת־מֹוצָֽא׃ weʾaḥaz howliyd ʾet־yaʿerah weyaʿerah howliyd ʾet־ʿalemet weʾet־ʿazemawet weʾet־zimeriy wezimeriy howliyd ʾet־mowtsaʾ׃
43 וּמֹוצָ֖א הֹולִ֣יד אֶת־בִּנְעָ֑א וּרְפָיָ֥ה בְנֹ֛ו אֶלְעָשָׂ֥ה בְנֹ֖ו אָצֵ֥ל בְּנֹֽו׃ umowtsaʾ howliyd ʾet־bineʿaʾ urefayah venow ʾeleʿasah venow ʾatsel benow׃
44 וּלְאָצֵל֮ שִׁשָּׁ֣ה בָנִים֒ וְאֵ֣לֶּה שְׁמֹותָ֗ם עַזְרִיקָ֥ם ׀ בֹּ֙כְרוּ֙ וְיִשְׁמָעֵ֣אל וּשְׁעַרְיָ֔ה וְעֹבַדְיָ֖ה וְחָנָ֑ן אֵ֖לֶּה בְּנֵ֥י אָצַֽל׃ פ uleʾatsel shishah vaniym weʾeleh shemowtam ʿazeriyqam ׀ bokheru weyishemaʿeʾl usheʿareyah weʿovadeyah weḥanan ʾeleh beney ʾatsal׃ f