1 כֹּֽה־אָמַר֮ אֲדֹנָ֣י יְהוִה֒ שַׁ֜עַר הֶחָצֵ֤ר הַפְּנִימִית֙ הַפֹּנֶ֣ה קָדִ֔ים יִהְיֶ֣ה סָג֔וּר שֵׁ֖שֶׁת יְמֵ֣י הַֽמַּעֲשֶׂ֑ה וּבְיֹ֤ום הַשַּׁבָּת֙ יִפָּתֵ֔חַ וּבְיֹ֥ום הַחֹ֖דֶשׁ יִפָּתֵֽחַ׃ koh־ʾamar ʾadonay yehwih shaʿar heḥatser hapeniymiyt haponeh qadiym yiheyeh sagur sheshet yemey hamaʿaseh uveyowm hashabat yipateaḥ uveyowm haḥodesh yipateaḥ׃
2 וּבָ֣א הַנָּשִׂ֡יא דֶּרֶךְ֩ אוּלָ֨ם הַשַּׁ֜עַר מִח֗וּץ וְעָמַד֙ עַל־מְזוּזַ֣ת הַשַּׁ֔עַר וְעָשׂ֣וּ הַכֹּהֲנִ֗ים אֶת־עֹֽולָתֹו֙ וְאֶת־שְׁלָמָ֔יו וְהִֽשְׁתַּחֲוָ֛ה עַל־מִפְתַּ֥ן הַשַּׁ֖עַר וְיָצָ֑א וְהַשַּׁ֥עַר לֹֽא־יִסָּגֵ֖ר עַד־הָעָֽרֶב׃ uvaʾ hanasiyʾ derekhe ʾulam hashaʿar miḥuts weʿamad ʿal־mezuzat hashaʿar weʿasu hakohaniym ʾet־ʿowlatow weʾet־shelamayw wehishetaḥawah ʿal־mifetan hashaʿar weyatsaʾ wehashaʿar loʾ־yisager ʿad־haʿarev׃
3 וְהִשְׁתַּחֲו֣וּ עַם־הָאָ֗רֶץ פֶּ֚תַח הַשַּׁ֣עַר הַה֔וּא בַּשַּׁבָּתֹ֖ות וּבֶחֳדָשִׁ֑ים לִפְנֵ֖י יְהוָֽה׃ wehishetaḥawu ʿam־haʾarets petaḥ hashaʿar hahuʾ bashabatowt uveḥodashiym lifeney yehwah׃
4 וְהָ֣עֹלָ֔ה אֲשֶׁר־יַקְרִ֥ב הַנָּשִׂ֖יא לַֽיהוָ֑ה בְּיֹ֣ום הַשַּׁבָּ֗ת שִׁשָּׁ֧ה כְבָשִׂ֛ים תְּמִימִ֖ם וְאַ֥יִל תָּמִֽים׃ wehaʿolah ʾasher־yaqeriv hanasiyʾ layhwah beyowm hashabat shishah khevasiym temiymim weʾayil tamiym׃
5 וּמִנְחָה֙ אֵיפָ֣ה לָאַ֔יִל וְלַכְּבָשִׂ֥ים מִנְחָ֖ה מַתַּ֣ת יָדֹ֑ו וְשֶׁ֖מֶן הִ֥ין לָאֵיפָֽה׃ umineḥah ʾeyfah laʾayil welakevasiym mineḥah matat yadow weshemen hiyn laʾeyfah׃
6 וּבְיֹ֣ום הַחֹ֔דֶשׁ פַּ֥ר בֶּן־בָּקָ֖ר תְּמִימִ֑ם וְשֵׁ֧שֶׁת כְּבָשִׂ֛ם וָאַ֖יִל תְּמִימִ֥ם יִהְיֽוּ׃ uveyowm haḥodesh par ben־baqar temiymim wesheshet kevasim waʾayil temiymim yiheyu׃
7 וְאֵיפָ֨ה לַפָּ֜ר וְאֵיפָ֤ה לָאַ֙יִל֙ יַעֲשֶׂ֣ה מִנְחָ֔ה וְלַ֨כְּבָשִׂ֔ים כַּאֲשֶׁ֥ר תַּשִּׂ֖יג יָדֹ֑ו וְשֶׁ֖מֶן הִ֥ין לָאֵיפָֽה׃ weʾeyfah lapar weʾeyfah laʾayil yaʿaseh mineḥah welakevasiym kaʾasher tasiyg yadow weshemen hiyn laʾeyfah׃
8 וּבְבֹ֖וא הַנָּשִׂ֑יא דֶּ֣רֶךְ אוּלָ֤ם הַשַּׁ֙עַר֙ יָבֹ֔וא וּבְדַרְכֹּ֖ו יֵצֵֽא׃ uvevowʾ hanasiyʾ derekhe ʾulam hashaʿar yavowʾ uvedarekow yetseʾ׃
9 וּבְבֹ֨וא עַם־הָאָ֜רֶץ לִפְנֵ֣י יְהוָה֮ בַּמֹּֽועֲדִים֒ הַבָּ֡א דֶּרֶךְ־שַׁ֨עַר צָפֹ֜ון לְהִֽשְׁתַּחֲוֹ֗ת יֵצֵא֙ דֶּרֶךְ־שַׁ֣עַר נֶ֔גֶב וְהַבָּא֙ דֶּרֶךְ־שַׁ֣עַר נֶ֔גֶב יֵצֵ֖א דֶּרֶךְ־שַׁ֣עַר צָפֹ֑ונָה לֹ֣א יָשׁ֗וּב דֶּ֤רֶךְ הַשַּׁ֙עַר֙ אֲשֶׁר־בָּ֣א בֹ֔ו כִּ֥י נִכְחֹ֖ו [יֵצְאוּ כ] (יֵצֵֽא׃ ק) uvevowʾ ʿam־haʾarets lifeney yehwah bamowʿadiym habaʾ derekhe־shaʿar tsafown lehishetaḥaot yetseʾ derekhe־shaʿar negev wehabaʾ derekhe־shaʿar negev yetseʾ derekhe־shaʿar tsafownah loʾ yashuv derekhe hashaʿar ʾasher־baʾ vow kiy nikheḥow [yetseʾu kh] (yetseʾ׃ q)
10 וְֽהַנָּשִׂ֑יא בְּתֹוכָ֤ם בְּבֹואָם֙ יָבֹ֔וא וּבְצֵאתָ֖ם יֵצֵֽאוּ׃ wehanasiyʾ betowkham bevowʾam yavowʾ uvetseʾtam yetseʾu׃
11 וּבַחַגִּ֣ים וּבַמֹּועֲדִ֗ים תִּהְיֶ֤ה הַמִּנְחָה֙ אֵיפָ֤ה לַפָּר֙ וְאֵיפָ֣ה לָאַ֔יִל וְלַכְּבָשִׂ֖ים מַתַּ֣ת יָדֹ֑ו וְשֶׁ֖מֶן הִ֥ין לָאֵיפָֽה׃ ס uvaḥagiym uvamowʿadiym tiheyeh hamineḥah ʾeyfah lapar weʾeyfah laʾayil welakevasiym matat yadow weshemen hiyn laʾeyfah׃ s
12 וְכִֽי־יַעֲשֶׂה֩ הַנָּשִׂ֨יא נְדָבָ֜ה עֹולָ֣ה אֹֽו־שְׁלָמִים֮ נְדָבָ֣ה לַֽיהוָה֒ וּפָ֣תַֽח לֹ֗ו אֶת הַשַּׁ֙עַר֙ הַפֹּנֶ֣ה קָדִ֔ים וְעָשָׂ֤ה אֶת־עֹֽלָתֹו֙ וְאֶת־שְׁלָמָ֔יו כַּאֲשֶׁ֥ר יַעֲשֶׂ֖ה בְּיֹ֣ום הַשַּׁבָּ֑ת וְיָצָ֛א וְסָגַ֥ר אֶת־הַשַּׁ֖עַר אַחֲרֵ֥י צֵאתֹֽו׃ wekhiy־yaʿaseh hanasiyʾ nedavah ʿowlah ʾow־shelamiym nedavah layhwah ufataḥ low ʾet hashaʿar haponeh qadiym weʿasah ʾet־ʿolatow weʾet־shelamayw kaʾasher yaʿaseh beyowm hashabat weyatsaʾ wesagar ʾet־hashaʿar ʾaḥarey tseʾtow׃
13 וְכֶ֨בֶשׂ בֶּן־שְׁנָתֹ֜ו תָּמִ֗ים תַּעֲשֶׂ֥ה עֹולָ֛ה לַיֹּ֖ום לַֽיהֹוָ֑ה בַּבֹּ֥קֶר בַּבֹּ֖קֶר תַּעֲשֶׂ֥ה אֹתֹֽו׃ wekheves ben־shenatow tamiym taʿaseh ʿowlah layowm layhowah baboqer baboqer taʿaseh ʾotow׃
14 וּמִנְחָה֩ תַעֲשֶׂ֨ה עָלָ֜יו בַּבֹּ֤קֶר בַּבֹּ֙קֶר֙ שִׁשִּׁ֣ית הָֽאֵיפָ֔ה וְשֶׁ֛מֶן שְׁלִישִׁ֥ית הַהִ֖ין לָרֹ֣ס אֶת־הַסֹּ֑לֶת מִנְחָה֙ לַֽיהוָ֔ה חֻקֹּ֥ות עֹולָ֖ם תָּמִֽיד׃ umineḥah taʿaseh ʿalayw baboqer baboqer shishiyt haʾeyfah weshemen sheliyshiyt hahiyn laros ʾet־hasolet mineḥah layhwah ḥuqowt ʿowlam tamiyd׃
15 [וַעָשׂוּ כ] (יַעֲשׂ֨וּ ק) אֶת־הַכֶּ֧בֶשׂ וְאֶת־הַמִּנְחָ֛ה וְאֶת־הַשֶּׁ֖מֶן בַּבֹּ֣קֶר בַּבֹּ֑קֶר עֹולַ֖ת תָּמִֽיד׃ פ [waʿasu kh] (yaʿasu q) ʾet־hakeves weʾet־hamineḥah weʾet־hashemen baboqer baboqer ʿowlat tamiyd׃ f
16 כֹּה־אָמַ֞ר אֲדֹנָ֣י יְהֹוִ֗ה כִּֽי־יִתֵּ֨ן הַנָּשִׂ֤יא מַתָּנָה֙ לְאִ֣ישׁ מִבָּנָ֔יו נַחֲלָתֹ֥ו הִ֖יא לְבָנָ֣יו תִּֽהְיֶ֑ה אֲחֻזָּתָ֥ם הִ֖יא בְּנַחֲלָֽה׃ koh־ʾamar ʾadonay yehowih kiy־yiten hanasiyʾ matanah leʾiysh mibanayw naḥalatow hiyʾ levanayw tiheyeh ʾaḥuzatam hiyʾ benaḥalah׃
17 וְכִֽי־יִתֵּ֨ן מַתָּנָ֜ה מִנַּחֲלָתֹ֗ו לְאַחַד֙ מֵֽעֲבָדָ֔יו וְהָ֤יְתָה לֹּו֙ עַד־שְׁנַ֣ת הַדְּרֹ֔ור וְשָׁבַ֖ת לַנָּשִׂ֑יא אַ֚ךְ נַחֲלָתֹ֔ו בָּנָ֖יו לָהֶ֥ם תִּהְיֶֽה׃ wekhiy־yiten matanah minaḥalatow leʾaḥad meʿavadayw wehayetah low ʿad־shenat haderowr weshavat lanasiyʾ ʾakhe naḥalatow banayw lahem tiheyeh׃
18 וְלֹא־יִקַּ֨ח הַנָּשִׂ֜יא מִנַּחֲלַ֣ת הָעָ֗ם לְהֹֽונֹתָם֙ מֵאֲחֻזָּתָ֔ם מֵאֲחֻזָּתֹ֖ו יַנְחִ֣ל אֶת־בָּנָ֑יו לְמַ֙עַן֙ אֲשֶׁ֣ר לֹֽא־יָפֻ֣צוּ עַמִּ֔י אִ֖ישׁ מֵאֲחֻזָּתֹֽו׃ weloʾ־yiqaḥ hanasiyʾ minaḥalat haʿam lehownotam meʾaḥuzatam meʾaḥuzatow yaneḥil ʾet־banayw lemaʿan ʾasher loʾ־yafutsu ʿamiy ʾiysh meʾaḥuzatow׃
19 וַיְבִיאֵ֣נִי בַמָּבֹוא֮ אֲשֶׁ֣ר עַל־כֶּ֣תֶף הַשַּׁעַר֒ אֶל־הַלִּשְׁכֹ֤ות הַקֹּ֙דֶשׁ֙ אֶל־הַכֹּ֣הֲנִ֔ים הַפֹּנֹ֖ות צָפֹ֑ונָה וְהִנֵּה־שָׁ֣ם מָקֹ֔ום [בַּיַּרְכֹתִם כ] (בַּיַּרְכָתַ֖יִם ק) יָֽמָּה׃ ס wayeviyʾeniy vamavowʾ ʾasher ʿal־ketef hashaʿar ʾel־halishekhowt haqodesh ʾel־hakohaniym haponowt tsafownah wehineh־sham maqowm [bayarekhotim kh] (bayarekhatayim q) yamah׃ s
20 וַיֹּ֣אמֶר אֵלַ֔י זֶ֣ה הַמָּקֹ֗ום אֲשֶׁ֤ר יְבַשְּׁלוּ־שָׁם֙ הַכֹּ֣הֲנִ֔ים אֶת־הָאָשָׁ֖ם וְאֶת־הַחַטָּ֑את אֲשֶׁ֤ר יֹאפוּ֙ אֶת־הַמִּנְחָ֔ה לְבִלְתִּ֥י הֹוצִ֛יא אֶל־הֶחָצֵ֥ר הַחִֽיצֹונָ֖ה לְקַדֵּ֥שׁ אֶת־הָעָֽם׃ wayoʾmer ʾelay zeh hamaqowm ʾasher yevashelu־sham hakohaniym ʾet־haʾasham weʾet־haḥaṭaʾt ʾasher yoʾfu ʾet־hamineḥah leviletiy howtsiyʾ ʾel־heḥatser haḥiytsownah leqadesh ʾet־haʿam׃
21 וַיֹּוצִיאֵ֗נִי אֶל־הֶֽחָצֵר֙ הַחִ֣יצֹנָ֔ה וַיַּ֣עֲבִירֵ֔נִי אֶל־אַרְבַּ֖עַת מִקְצֹועֵ֣י הֶחָצֵ֑ר וְהִנֵּ֤ה חָצֵר֙ בְּמִקְצֹ֣עַ הֶחָצֵ֔ר חָצֵ֖ר בְּמִקְצֹ֥עַ הֶחָצֵֽר׃ wayowtsiyʾeniy ʾel־heḥatser haḥiytsonah wayaʿaviyreniy ʾel־ʾarebaʿat miqetsowʿey heḥatser wehineh ḥatser bemiqetsoaʿ heḥatser ḥatser bemiqetsoaʿ heḥatser׃
22 בְּאַרְבַּ֜עַת מִקְצֹעֹ֤ות הֶֽחָצֵר֙ חֲצֵרֹ֣ות קְטֻרֹ֔ות אַרְבָּעִ֣ים אֹ֔רֶךְ וּשְׁלֹשִׁ֖ים רֹ֑חַב מִדָּ֣ה אַחַ֔ת לְאַרְבַּעְתָּ֖ם מְהֻקְצָעֹֽות ׃ beʾarebaʿat miqetsoʿowt heḥatser ḥatserowt qeṭurowt ʾarebaʿiym ʾorekhe usheloshiym roḥav midah ʾaḥat leʾarebaʿetam mehuqetsaʿowt ׃
23 וְט֨וּר סָבִ֥יב בָּהֶ֛ם סָבִ֖יב לְאַרְבַּעְתָּ֑ם וּמְבַשְּׁלֹ֣ות עָשׂ֔וּי מִתַּ֥חַת הַטִּירֹ֖ות סָבִֽיב׃ weṭur saviyv bahem saviyv leʾarebaʿetam umevashelowt ʿasuy mitaḥat haṭiyrowt saviyv׃
24 וַיֹּ֖אמֶר אֵלָ֑י אֵ֚לֶּה בֵּ֣ית הַֽמְבַשְּׁלִ֔ים אֲשֶׁ֧ר יְבַשְּׁלוּ־שָׁ֛ם מְשָׁרְתֵ֥י הַבַּ֖יִת אֶת־זֶ֥בַח הָעָֽם׃ wayoʾmer ʾelay ʾeleh beyt hamevasheliym ʾasher yevashelu־sham mesharetey habayit ʾet־zevaḥ haʿam׃