1 וַיִּקְרְב֥וּ יְמֵֽי־דָוִ֖ד לָמ֑וּת וַיְצַ֛ו אֶת־שְׁלֹמֹ֥ה בְנֹ֖ו לֵאמֹֽר׃ wayiqerevu yemey־dawid lamut wayetsaw ʾet־shelomoh venow leʾmor׃
2 אָנֹכִ֣י הֹלֵ֔ךְ בְּדֶ֖רֶךְ כָּל־הָאָ֑רֶץ וְחָזַקְתָּ֖ וְהָיִ֥יתָֽ לְאִֽישׁ׃ ʾanokhiy holekhe bederekhe kal־haʾarets weḥazaqeta wehayiyta leʾiysh׃
3 וְשָׁמַרְתָּ֞ אֶת־מִשְׁמֶ֣רֶת ׀ יְהוָ֣ה אֱלֹהֶ֗יךָ לָלֶ֤כֶת בִּדְרָכָיו֙ לִשְׁמֹ֨ר חֻקֹּתָ֤יו מִצְוֹתָיו֙ וּמִשְׁפָּטָ֣יו וְעֵדְוֹתָ֔יו כַּכָּת֖וּב בְּתֹורַ֣ת מֹשֶׁ֑ה לְמַ֣עַן תַּשְׂכִּ֗יל אֵ֚ת כָּל־אֲשֶׁ֣ר תַּֽעֲשֶׂ֔ה וְאֵ֛ת כָּל־אֲשֶׁ֥ר תִּפְנֶ֖ה שָֽׁם׃ weshamareta ʾet־mishemeret ׀ yehwah ʾeloheykha lalekhet biderakhayw lishemor ḥuqotayw mitseotayw umishepaṭayw weʿedeotayw kakatuv betowrat mosheh lemaʿan tasekiyl ʾet kal־ʾasher taʿaseh weʾet kal־ʾasher tifeneh sham׃
4 לְמַעַן֩ יָקִ֨ים יְהוָ֜ה אֶת־דְּבָרֹ֗ו אֲשֶׁ֨ר דִּבֶּ֣ר עָלַי֮ לֵאמֹר֒ אִם־יִשְׁמְר֨וּ בָנֶ֜יךָ אֶת־דַּרְכָּ֗ם לָלֶ֤כֶת לְפָנַי֙ בֶּאֱמֶ֔ת בְּכָל־לְבָבָ֖ם וּבְכָל־נַפְשָׁ֑ם לֵאמֹ֕ר לֹֽא־יִכָּרֵ֤ת לְךָ֙ אִ֔ישׁ מֵעַ֖ל כִּסֵּ֥א יִשְׂרָאֵֽל׃ lemaʿan yaqiym yehwah ʾet־devarow ʾasher diber ʿalay leʾmor ʾim־yishemeru vaneykha ʾet־darekam lalekhet lefanay beʾemet bekhal־levavam uvekhal־nafesham leʾmor loʾ־yikaret lekha ʾiysh meʿal kiseʾ yiseraʾel׃
5 וְגַ֣ם אַתָּ֣ה יָדַ֡עְתָּ אֵת֩ אֲשֶׁר־עָ֨שָׂה לִ֜י יֹואָ֣ב בֶּן־צְרוּיָ֗ה אֲשֶׁ֣ר עָשָׂ֣ה לִשְׁנֵֽי־שָׂרֵ֣י צִבְאֹ֣ות יִ֠שְׂרָאֵל לְאַבְנֵ֨ר בֶּן־נֵ֜ר וְלַעֲמָשָׂ֤א בֶן־יֶ֙תֶר֙ וַיַּ֣הַרְגֵ֔ם וַיָּ֥שֶׂם דְּמֵֽי־מִלְחָמָ֖ה בְּשָׁלֹ֑ם וַיִּתֵּ֞ן דְּמֵ֣י מִלְחָמָ֗ה בַּחֲגֹֽרָתֹו֙ אֲשֶׁ֣ר בְּמָתְנָ֔יו וּֽבְנַעֲלֹ֖ו אֲשֶׁ֥ר בְּרַגְלָֽיו׃ wegam ʾatah yadaʿeta ʾet ʾasher־ʿasah liy yowʾav ben־tseruyah ʾasher ʿasah lisheney־sarey tsiveʾowt yiseraʾel leʾavener ben־ner welaʿamasaʾ ven־yeter wayaharegem wayasem demey־mileḥamah beshalom wayiten demey mileḥamah baḥagoratow ʾasher bematenayw uvenaʿalow ʾasher beragelayw׃
6 וְעָשִׂ֖יתָ כְּחָכְמָתֶ֑ךָ וְלֹֽא־תֹורֵ֧ד שֵׂיבָתֹ֛ו בְּשָׁלֹ֖ם שְׁאֹֽל׃ ס weʿasiyta keḥakhematekha weloʾ־towred seyvatow beshalom sheʾol׃ s
7 וְלִבְנֵ֨י בַרְזִלַּ֤י הַגִּלְעָדִי֙ תַּֽעֲשֶׂה־חֶ֔סֶד וְהָי֖וּ בְּאֹכְלֵ֣י שֻׁלְחָנֶ֑ךָ כִּי־כֵן֙ קָרְב֣וּ אֵלַ֔י בְּבָרְחִ֕י מִפְּנֵ֖י אַבְשָׁלֹ֥ום אָחִֽיךָ׃ weliveney varezilay hagileʿadiy taʿaseh־ḥesed wehayu beʾokheley shuleḥanekha kiy־khen qarevu ʾelay bevareḥiy mipeney ʾaveshalowm ʾaḥiykha׃
8 וְהִנֵּ֣ה עִ֠מְּךָ שִֽׁמְעִ֨י בֶן־גֵּרָ֥א בֶן־הַיְמִינִי֮ מִבַּחֻרִים֒ וְה֤וּא קִֽלְלַ֙נִי֙ קְלָלָ֣ה נִמְרֶ֔צֶת בְּיֹ֖ום לֶכְתִּ֣י מַחֲנָ֑יִם וְהֽוּא־יָרַ֤ד לִקְרָאתִי֙ הַיַּרְדֵּ֔ן וָאֶשָּׁ֨בַֽע לֹ֤ו בַֽיהוָה֙ לֵאמֹ֔ר אִם־אֲמִֽיתְךָ֖ בֶּחָֽרֶב׃ wehineh ʿimekha shimeʿiy ven־geraʾ ven־hayemiyniy mibaḥuriym wehuʾ qilelaniy qelalah nimeretset beyowm lekhetiy maḥanayim wehuʾ־yarad liqeraʾtiy hayareden waʾeshavaʿ low vayhwah leʾmor ʾim־ʾamiytekha beḥarev׃
9 וְעַתָּה֙ אַל־תְּנַקֵּ֔הוּ כִּ֛י אִ֥ישׁ חָכָ֖ם אָ֑תָּה וְיָֽדַעְתָּ֙ אֵ֣ת אֲשֶׁ֣ר תַּֽעֲשֶׂה־לֹּ֔ו וְהֹורַדְתָּ֧ אֶת־שֵׂיבָתֹ֛ו בְּדָ֖ם שְׁאֹֽול׃ weʿatah ʾal־tenaqehu kiy ʾiysh ḥakham ʾatah weyadaʿeta ʾet ʾasher taʿaseh־low wehowradeta ʾet־seyvatow bedam sheʾowl׃
10 וַיִּשְׁכַּ֥ב דָּוִ֖ד עִם־אֲבֹתָ֑יו וַיִּקָּבֵ֖ר בְּעִ֥יר דָּוִֽד׃ פ wayishekav dawid ʿim־ʾavotayw wayiqaver beʿiyr dawid׃ f
11 וְהַיָּמִ֗ים אֲשֶׁ֨ר מָלַ֤ךְ דָּוִד֙ עַל־יִשְׂרָאֵ֔ל אַרְבָּעִ֖ים שָׁנָ֑ה בְּחֶבְרֹ֤ון מָלַךְ֙ שֶׁ֣בַע שָׁנִ֔ים וּבִירוּשָׁלִַ֣ם מָלַ֔ךְ שְׁלֹשִׁ֥ים וְשָׁלֹ֖שׁ שָׁנִֽים׃ wehayamiym ʾasher malakhe dawid ʿal־yiseraʾel ʾarebaʿiym shanah beḥeverown malakhe shevaʿ shaniym uviyrushalim malakhe sheloshiym weshalosh shaniym׃
12 וּשְׁלֹמֹ֕ה יָשַׁ֕ב עַל־כִּסֵּ֖א דָּוִ֣ד אָבִ֑יו וַתִּכֹּ֥ן מַלְכֻתֹ֖ו מְאֹֽד׃ ushelomoh yashav ʿal־kiseʾ dawid ʾaviyw watikon malekhutow meʾod׃
13 וַיָּבֹ֞א אֲדֹנִיָּ֣הוּ בֶן־חַגֵּ֗ית אֶל־בַּת־שֶׁ֙בַע֙ אֵם־שְׁלֹמֹ֔ה וַתֹּ֖אמֶר הֲשָׁלֹ֣ום בֹּאֶ֑ךָ וַיֹּ֖אמֶר שָׁלֹֽום׃ wayavoʾ ʾadoniyahu ven־ḥageyt ʾel־bat־shevaʿ ʾem־shelomoh watoʾmer hashalowm boʾekha wayoʾmer shalowm׃
14 וַיֹּ֕אמֶר דָּבָ֥ר לִ֖י אֵלָ֑יִךְ וַתֹּ֖אמֶר דַּבֵּֽר׃ wayoʾmer davar liy ʾelayikhe watoʾmer daber׃
15 וַיֹּ֗אמֶר אַ֤תְּ יָדַ֙עַתְּ֙ כִּי־לִי֙ הָיְתָ֣ה הַמְּלוּכָ֔ה וְעָלַ֞י שָׂ֧מוּ כָֽל־יִשְׂרָאֵ֛ל פְּנֵיהֶ֖ם לִמְלֹ֑ךְ וַתִּסֹּ֤ב הַמְּלוּכָה֙ וַתְּהִ֣י לְאָחִ֔י כִּ֥י מֵיְהוָ֖ה הָ֥יְתָה לֹּֽו׃ wayoʾmer ʾate yadaʿate kiy־liy hayetah hamelukhah weʿalay samu khal־yiseraʾel peneyhem limelokhe watisov hamelukhah watehiy leʾaḥiy kiy meyehwah hayetah low׃
16 וְעַתָּ֗ה שְׁאֵלָ֤ה אַחַת֙ אָֽנֹכִי֙ שֹׁאֵ֣ל מֵֽאִתָּ֔ךְ אַל־תָּשִׁ֖בִי אֶת־פָּנָ֑י וַתֹּ֥אמֶר אֵלָ֖יו דַּבֵּֽר׃ weʿatah sheʾelah ʾaḥat ʾanokhiy shoʾel meʾitakhe ʾal־tashiviy ʾet־panay watoʾmer ʾelayw daber׃
17 וַיֹּ֗אמֶר אִמְרִי־נָא֙ לִשְׁלֹמֹ֣ה הַמֶּ֔לֶךְ כִּ֥י לֹֽא־יָשִׁ֖יב אֶת־פָּנָ֑יִךְ וְיִתֶּן־לִ֛י אֶת־אֲבִישַׁ֥ג הַשּׁוּנַמִּ֖ית לְאִשָּֽׁה׃ wayoʾmer ʾimeriy־naʾ lishelomoh hamelekhe kiy loʾ־yashiyv ʾet־panayikhe weyiten־liy ʾet־ʾaviyshag hashunamiyt leʾishah׃
18 וַתֹּ֥אמֶר בַּת־שֶׁ֖בַע טֹ֑וב אָנֹכִ֕י אֲדַבֵּ֥ר עָלֶ֖יךָ אֶל־הַמֶּֽלֶךְ׃ watoʾmer bat־shevaʿ ṭowv ʾanokhiy ʾadaber ʿaleykha ʾel־hamelekhe׃
19 וַתָּבֹ֤א בַת־שֶׁ֙בַע֙ אֶל־הַמֶּ֣לֶךְ שְׁלֹמֹ֔ה לְדַבֶּר־לֹ֖ו עַל־אֲדֹנִיָּ֑הוּ וַיָּקָם֩ הַמֶּ֨לֶךְ לִקְרָאתָ֜הּ וַיִּשְׁתַּ֣חוּ לָ֗הּ וַיֵּ֙שֶׁב֙ עַל־כִּסְאֹ֔ו וַיָּ֤שֶׂם כִּסֵּא֙ לְאֵ֣ם הַמֶּ֔לֶךְ וַתֵּ֖שֶׁב לִֽימִינֹֽו׃ watavoʾ vat־shevaʿ ʾel־hamelekhe shelomoh ledaber־low ʿal־ʾadoniyahu wayaqam hamelekhe liqeraʾtah wayishetaḥu lah wayeshev ʿal־kiseʾow wayasem kiseʾ leʾem hamelekhe wateshev liymiynow׃
20 וַתֹּ֗אמֶר שְׁאֵלָ֨ה אַחַ֤ת קְטַנָּה֙ אָֽנֹכִי֙ שֹׁאֶ֣לֶת מֵֽאִתָּ֔ךְ אַל־תָּ֖שֶׁב אֶת־פָּנָ֑י וַיֹּֽאמֶר־לָ֤הּ הַמֶּ֙לֶךְ֙ שַׁאֲלִ֣י אִמִּ֔י כִּ֥י לֹֽא־אָשִׁ֖יב אֶת־פָּנָֽיִךְ׃ watoʾmer sheʾelah ʾaḥat qeṭanah ʾanokhiy shoʾelet meʾitakhe ʾal־tashev ʾet־panay wayoʾmer־lah hamelekhe shaʾaliy ʾimiy kiy loʾ־ʾashiyv ʾet־panayikhe׃
21 וַתֹּ֕אמֶר יֻתַּ֖ן אֶת־אֲבִישַׁ֣ג הַשֻּׁנַמִּ֑ית לַאֲדֹנִיָּ֥הוּ אָחִ֖יךָ לְאִשָּֽׁה׃ watoʾmer yutan ʾet־ʾaviyshag hashunamiyt laʾadoniyahu ʾaḥiykha leʾishah׃
22 וַיַּעַן֩ הַמֶּ֨לֶךְ שְׁלֹמֹ֜ה וַיֹּ֣אמֶר לְאִמֹּ֗ו וְלָמָה֩ אַ֨תְּ שֹׁאֶ֜לֶת אֶת־אֲבִישַׁ֤ג הַשֻּׁנַמִּית֙ לַאֲדֹ֣נִיָּ֔הוּ וְשַֽׁאֲלִי־לֹו֙ אֶת־הַמְּלוּכָ֔ה כִּ֛י ה֥וּא אָחִ֖י הַגָּדֹ֣ול מִמֶּ֑נִּי וְלֹו֙ וּלְאֶבְיָתָ֣ר הַכֹּהֵ֔ן וּלְיֹואָ֖ב בֶּן־צְרוּיָֽה׃ פ wayaʿan hamelekhe shelomoh wayoʾmer leʾimow welamah ʾate shoʾelet ʾet־ʾaviyshag hashunamiyt laʾadoniyahu weshaʾaliy־low ʾet־hamelukhah kiy huʾ ʾaḥiy hagadowl mimeniy welow uleʾeveyatar hakohen uleyowʾav ben־tseruyah׃ f
23 וַיִּשָּׁבַע֙ הַמֶּ֣לֶךְ שְׁלֹמֹ֔ה בַּֽיהוָ֖ה לֵאמֹ֑ר כֹּ֣ה יַֽעֲשֶׂה־לִּ֤י אֱלֹהִים֙ וְכֹ֣ה יֹוסִ֔יף כִּ֣י בְנַפְשֹׁ֔ו דִּבֶּר֙ אֲדֹ֣נִיָּ֔הוּ אֶת־הַדָּבָ֖ר הַזֶּֽה׃ wayishavaʿ hamelekhe shelomoh bayhwah leʾmor koh yaʿaseh־liy ʾelohiym wekhoh yowsiyf kiy venafeshow diber ʾadoniyahu ʾet־hadavar hazeh׃
24 וְעַתָּ֗ה חַי־יְהוָה֙ אֲשֶׁ֣ר הֱכִינַ֗נִי [וַיֹּושִׁיבִינִי כ] (וַיֹּֽושִׁיבַ֙נִי֙ ק) עַל־כִּסֵּא֙ דָּוִ֣ד אָבִ֔י וַאֲשֶׁ֧ר עָֽשָׂה־לִ֛י בַּ֖יִת כַּאֲשֶׁ֣ר דִּבֵּ֑ר כִּ֣י הַיֹּ֔ום יוּמַ֖ת אֲדֹנִיָּֽהוּ׃ weʿatah ḥay־yehwah ʾasher hekhiynaniy [wayowshiyviyniy kh] (wayowshiyvaniy q) ʿal־kiseʾ dawid ʾaviy waʾasher ʿasah־liy bayit kaʾasher diber kiy hayowm yumat ʾadoniyahu׃
25 וַיִּשְׁלַח֙ הַמֶּ֣לֶךְ שְׁלֹמֹ֔ה בְּיַ֖ד בְּנָיָ֣הוּ בֶן־יְהֹויָדָ֑ע וַיִּפְגַּע־בֹּ֖ו וַיָּמֹֽת׃ ס wayishelaḥ hamelekhe shelomoh beyad benayahu ven־yehowyadaʿ wayifegaʿ־bow wayamot׃ s
26 וּלְאֶבְיָתָ֨ר הַכֹּהֵ֜ן אָמַ֣ר הַמֶּ֗לֶךְ עֲנָתֹת֙ לֵ֣ךְ עַל־שָׂדֶ֔יךָ כִּ֛י אִ֥ישׁ מָ֖וֶת אָ֑תָּה וּבַיֹּ֨ום הַזֶּ֜ה לֹ֣א אֲמִיתֶ֗ךָ כִּֽי־נָשָׂ֜אתָ אֶת־אֲרֹ֨ון אֲדֹנָ֤י יְהֹוִה֙ לִפְנֵי֙ דָּוִ֣ד אָבִ֔י וְכִ֣י הִתְעַנִּ֔יתָ בְּכֹ֥ל אֲשֶֽׁר־הִתְעַנָּ֖ה אָבִֽי׃ uleʾeveyatar hakohen ʾamar hamelekhe ʿanatot lekhe ʿal־sadeykha kiy ʾiysh mawet ʾatah uvayowm hazeh loʾ ʾamiytekha kiy־nasaʾta ʾet־ʾarown ʾadonay yehowih lifeney dawid ʾaviy wekhiy hiteʿaniyta bekhol ʾasher־hiteʿanah ʾaviy׃
27 וַיְגָ֤רֶשׁ שְׁלֹמֹה֙ אֶת־אֶבְיָתָ֔ר מִהְיֹ֥ות כֹּהֵ֖ן לַֽיהוָ֑ה לְמַלֵּא֙ אֶת־דְּבַ֣ר יְהוָ֔ה אֲשֶׁ֥ר דִּבֶּ֛ר עַל־בֵּ֥ית עֵלִ֖י בְּשִׁלֹֽה׃ פ wayegaresh shelomoh ʾet־ʾeveyatar miheyowt kohen layhwah lemaleʾ ʾet־devar yehwah ʾasher diber ʿal־beyt ʿeliy beshiloh׃ f
28 וְהַשְּׁמֻעָה֙ בָּ֣אָה עַד־יֹואָ֔ב כִּ֣י יֹואָ֗ב נָטָה֙ אַחֲרֵ֣י אֲדֹנִיָּ֔ה וְאַחֲרֵ֥י אַבְשָׁלֹ֖ום לֹ֣א נָטָ֑ה וַיָּ֤נָס יֹואָב֙ אֶל־אֹ֣הֶל יְהוָ֔ה וַֽיַּחֲזֵ֖ק בְּקַרְנֹ֥ות הַמִּזְבֵּֽחַ׃ wehashemuʿah baʾah ʿad־yowʾav kiy yowʾav naṭah ʾaḥarey ʾadoniyah weʾaḥarey ʾaveshalowm loʾ naṭah wayanas yowʾav ʾel־ʾohel yehwah wayaḥazeq beqarenowt hamizebeaḥ׃
29 וַיֻּגַּ֞ד לַמֶּ֣לֶךְ שְׁלֹמֹ֗ה כִּ֣י נָ֤ס יֹואָב֙ אֶל־אֹ֣הֶל יְהוָ֔ה וְהִנֵּ֖ה אֵ֣צֶל הַמִּזְבֵּ֑חַ וַיִּשְׁלַ֨ח שְׁלֹמֹ֜ה אֶת־בְּנָיָ֧הוּ בֶן־יְהֹויָדָ֛ע לֵאמֹ֖ר לֵ֥ךְ פְּגַע־בֹּֽו׃ wayugad lamelekhe shelomoh kiy nas yowʾav ʾel־ʾohel yehwah wehineh ʾetsel hamizebeaḥ wayishelaḥ shelomoh ʾet־benayahu ven־yehowyadaʿ leʾmor lekhe pegaʿ־bow׃
30 וַיָּבֹ֨א בְנָיָ֜הוּ אֶל־אֹ֣הֶל יְהוָ֗ה וַיֹּ֨אמֶר אֵלָ֜יו כֹּֽה־אָמַ֤ר הַמֶּ֙לֶךְ֙ צֵ֔א וַיֹּ֥אמֶר ׀ לֹ֖א כִּ֣י פֹ֣ה אָמ֑וּת וַיָּ֨שֶׁב בְּנָיָ֤הוּ אֶת־הַמֶּ֙לֶךְ֙ דָּבָ֣ר לֵאמֹ֔ר כֹּֽה־דִבֶּ֥ר יֹואָ֖ב וְכֹ֥ה עָנָֽנִי׃ wayavoʾ venayahu ʾel־ʾohel yehwah wayoʾmer ʾelayw koh־ʾamar hamelekhe tseʾ wayoʾmer ׀ loʾ kiy foh ʾamut wayashev benayahu ʾet־hamelekhe davar leʾmor koh־diber yowʾav wekhoh ʿananiy׃
31 וַיֹּ֧אמֶר לֹ֣ו הַמֶּ֗לֶךְ עֲשֵׂה֙ כַּאֲשֶׁ֣ר דִּבֶּ֔ר וּפְגַע־בֹּ֖ו וּקְבַרְתֹּ֑ו וַהֲסִירֹ֣תָ ׀ דְּמֵ֣י חִנָּ֗ם אֲשֶׁר֙ שָׁפַ֣ךְ יֹואָ֔ב מֵעָלַ֕י וּמֵעַ֖ל בֵּ֥ית אָבִֽי׃ wayoʾmer low hamelekhe ʿaseh kaʾasher diber ufegaʿ־bow uqevaretow wahasiyrota ׀ demey ḥinam ʾasher shafakhe yowʾav meʿalay umeʿal beyt ʾaviy׃
32 וְהֵשִׁיב֩ יְהוָ֨ה אֶת־דָּמֹ֜ו עַל־רֹאשֹׁ֗ו אֲשֶׁ֣ר פָּגַ֣ע בִּשְׁנֵֽי־אֲ֠נָשִׁים צַדִּקִ֨ים וְטֹבִ֤ים מִמֶּ֙נּוּ֙ וַיַּהַרְגֵ֣ם בַּחֶ֔רֶב וְאָבִ֥י דָוִ֖ד לֹ֣א יָדָ֑ע אֶת־אַבְנֵ֤ר בֶּן־נֵר֙ שַׂר־צְבָ֣א יִשְׂרָאֵ֔ל וְאֶת־עֲמָשָׂ֥א בֶן־יֶ֖תֶר שַׂר־צְבָ֥א יְהוּדָֽה׃ weheshiyv yehwah ʾet־damow ʿal־roʾshow ʾasher pagaʿ bisheney־ʾanashiym tsadiqiym weṭoviym mimenu wayaharegem baḥerev weʾaviy dawid loʾ yadaʿ ʾet־ʾavener ben־ner sar־tsevaʾ yiseraʾel weʾet־ʿamasaʾ ven־yeter sar־tsevaʾ yehudah׃
33 וְשָׁ֤בוּ דְמֵיהֶם֙ בְּרֹ֣אשׁ יֹואָ֔ב וּבְרֹ֥אשׁ זַרְעֹ֖ו לְעֹלָ֑ם וּלְדָוִ֡ד וּ֠לְזַרְעֹו וּלְבֵיתֹ֨ו וּלְכִסְאֹ֜ו יִהְיֶ֥ה שָׁלֹ֛ום עַד־עֹולָ֖ם מֵעִ֥ם יְהוָֽה׃ weshavu demeyhem beroʾsh yowʾav uveroʾsh zareʿow leʿolam uledawid ulezareʿow uleveytow ulekhiseʾow yiheyeh shalowm ʿad־ʿowlam meʿim yehwah׃
34 וַיַּ֗עַל בְּנָיָ֙הוּ֙ בֶּן־יְהֹ֣ויָדָ֔ע וַיִּפְגַּע־בֹּ֖ו וַיְמִתֵ֑הוּ וַיִּקָּבֵ֥ר בְּבֵיתֹ֖ו בַּמִּדְבָּֽר׃ wayaʿal benayahu ben־yehowyadaʿ wayifegaʿ־bow wayemitehu wayiqaver beveytow bamidebar׃
35 וַיִּתֵּ֨ן הַמֶּ֜לֶךְ אֶת־בְּנָיָ֧הוּ בֶן־יְהֹויָדָ֛ע תַּחְתָּ֖יו עַל־הַצָּבָ֑א וְאֶת־צָדֹ֤וק הַכֹּהֵן֙ נָתַ֣ן הַמֶּ֔לֶךְ תַּ֖חַת אֶבְיָתָֽר׃ wayiten hamelekhe ʾet־benayahu ven־yehowyadaʿ taḥetayw ʿal־hatsavaʾ weʾet־tsadowq hakohen natan hamelekhe taḥat ʾeveyatar׃
36 וַיִּשְׁלַ֤ח הַמֶּ֙לֶךְ֙ וַיִּקְרָ֣א לְשִׁמְעִ֔י וַיֹּ֣אמֶר לֹ֗ו בְּֽנֵה־לְךָ֥ בַ֙יִת֙ בִּיר֣וּשָׁלִַ֔ם וְיָשַׁבְתָּ֖ שָׁ֑ם וְלֹֽא־תֵצֵ֥א מִשָּׁ֖ם אָ֥נֶה וָאָֽנָה׃ wayishelaḥ hamelekhe wayiqeraʾ leshimeʿiy wayoʾmer low beneh־lekha vayit biyrushalim weyashaveta sham weloʾ־tetseʾ misham ʾaneh waʾanah׃
37 וְהָיָ֣ה ׀ בְּיֹ֣ום צֵאתְךָ֗ וְעָֽבַרְתָּ֙ אֶת־נַ֣חַל קִדְרֹ֔ון יָדֹ֥עַ תֵּדַ֖ע כִּ֣י מֹ֣ות תָּמ֑וּת דָּמְךָ֖ יִהְיֶ֥ה בְרֹאשֶֽׁךָ׃ wehayah ׀ beyowm tseʾtekha weʿavareta ʾet־naḥal qiderown yadoaʿ tedaʿ kiy mowt tamut damekha yiheyeh veroʾshekha׃
38 וַיֹּ֨אמֶר שִׁמְעִ֤י לַמֶּ֙לֶךְ֙ טֹ֣וב הַדָּבָ֔ר כַּאֲשֶׁ֤ר דִּבֶּר֙ אֲדֹנִ֣י הַמֶּ֔לֶךְ כֵּ֖ן יַעֲשֶׂ֣ה עַבְדֶּ֑ךָ וַיֵּ֧שֶׁב שִׁמְעִ֛י בִּירוּשָׁלִַ֖ם יָמִ֥ים רַבִּֽים׃ ס wayoʾmer shimeʿiy lamelekhe ṭowv hadavar kaʾasher diber ʾadoniy hamelekhe ken yaʿaseh ʿavedekha wayeshev shimeʿiy biyrushalim yamiym rabiym׃ s
39 וַיְהִ֗י מִקֵּץ֙ שָׁלֹ֣שׁ שָׁנִ֔ים וַיִּבְרְח֤וּ שְׁנֵֽי־עֲבָדִים֙ לְשִׁמְעִ֔י אֶל־אָכִ֥ישׁ בֶּֽן־מַעֲכָ֖ה מֶ֣לֶךְ גַּ֑ת וַיַּגִּ֤ידוּ לְשִׁמְעִי֙ לֵאמֹ֔ר הִנֵּ֥ה עֲבָדֶ֖יךָ בְּגַֽת׃ wayehiy miqets shalosh shaniym wayivereḥu sheney־ʿavadiym leshimeʿiy ʾel־ʾakhiysh ben־maʿakhah melekhe gat wayagiydu leshimeʿiy leʾmor hineh ʿavadeykha begat׃
40 וַיָּ֣קָם שִׁמְעִ֗י וַֽיַּחֲבֹשׁ֙ אֶת־חֲמֹרֹ֔ו וַיֵּ֤לֶךְ גַּ֙תָה֙ אֶל־אָכִ֔ישׁ לְבַקֵּ֖שׁ אֶת־עֲבָדָ֑יו וַיֵּ֣לֶךְ שִׁמְעִ֔י וַיָּבֵ֥א אֶת־עֲבָדָ֖יו מִגַּֽת׃ wayaqam shimeʿiy wayaḥavosh ʾet־ḥamorow wayelekhe gatah ʾel־ʾakhiysh levaqesh ʾet־ʿavadayw wayelekhe shimeʿiy wayaveʾ ʾet־ʿavadayw migat׃
41 וַיֻּגַּ֖ד לִשְׁלֹמֹ֑ה כִּי־הָלַ֨ךְ שִׁמְעִ֧י מִירוּשָׁלִַ֛ם גַּ֖ת וַיָּשֹֽׁב׃ wayugad lishelomoh kiy־halakhe shimeʿiy miyrushalim gat wayashov׃
42 וַיִּשְׁלַ֨ח הַמֶּ֜לֶךְ וַיִּקְרָ֣א לְשִׁמְעִ֗י וַיֹּ֨אמֶר אֵלָ֜יו הֲלֹ֧וא הִשְׁבַּעְתִּ֣יךָ בַֽיהוָ֗ה וָאָעִ֤ד בְּךָ֙ לֵאמֹ֔ר בְּיֹ֣ום צֵאתְךָ֗ וְהָֽלַכְתָּ֙ אָ֣נֶה וָאָ֔נָה יָדֹ֥עַ תֵּדַ֖ע כִּ֣י מֹ֣ות תָּמ֑וּת וַתֹּ֧אמֶר אֵלַ֛י טֹ֥וב הַדָּבָ֖ר שָׁמָֽעְתִּי׃ wayishelaḥ hamelekhe wayiqeraʾ leshimeʿiy wayoʾmer ʾelayw halowʾ hishebaʿetiykha vayhwah waʾaʿid bekha leʾmor beyowm tseʾtekha wehalakheta ʾaneh waʾanah yadoaʿ tedaʿ kiy mowt tamut watoʾmer ʾelay ṭowv hadavar shamaʿetiy׃
43 וּמַדּ֕וּעַ לֹ֣א שָׁמַ֔רְתָּ אֵ֖ת שְׁבֻעַ֣ת יְהוָ֑ה וְאֶת־הַמִּצְוָ֖ה אֲשֶׁר־צִוִּ֥יתִי עָלֶֽיךָ׃ umaduaʿ loʾ shamareta ʾet shevuʿat yehwah weʾet־hamitsewah ʾasher־tsiuiytiy ʿaleykha׃
44 וַיֹּ֨אמֶר הַמֶּ֜לֶךְ אֶל־שִׁמְעִ֗י אַתָּ֤ה יָדַ֙עְתָּ֙ אֵ֣ת כָּל־הָרָעָ֗ה אֲשֶׁ֤ר יָדַע֙ לְבָ֣בְךָ֔ אֲשֶׁ֥ר עָשִׂ֖יתָ לְדָוִ֣ד אָבִ֑י וְהֵשִׁ֧יב יְהוָ֛ה אֶת־רָעָתְךָ֖ בְּרֹאשֶֽׁךָ׃ wayoʾmer hamelekhe ʾel־shimeʿiy ʾatah yadaʿeta ʾet kal־haraʿah ʾasher yadaʿ levavekha ʾasher ʿasiyta ledawid ʾaviy weheshiyv yehwah ʾet־raʿatekha beroʾshekha׃
45 וְהַמֶּ֥לֶךְ שְׁלֹמֹ֖ה בָּר֑וּךְ וְכִסֵּ֣א דָוִ֗ד יִהְיֶ֥ה נָכֹ֛ון לִפְנֵ֥י יְהוָ֖ה עַד־עֹולָֽם׃ wehamelekhe shelomoh barukhe wekhiseʾ dawid yiheyeh nakhown lifeney yehwah ʿad־ʿowlam׃
46 וַיְצַ֣ו הַמֶּ֗לֶךְ אֶת־בְּנָיָ֙הוּ֙ בֶּן־יְהֹ֣ויָדָ֔ע וַיֵּצֵ֕א וַיִּפְגַּע־בֹּ֖ו וַיָּמֹ֑ת וְהַמַּמְלָכָ֥ה נָכֹ֖ונָה בְּיַד־שְׁלֹמֹֽה׃ wayetsaw hamelekhe ʾet־benayahu ben־yehowyadaʿ wayetseʾ wayifegaʿ־bow wayamot wehamamelakhah nakhownah beyad־shelomoh׃