Psaumes 107

¹ הֹד֣וּ לַיהוָ֣ה כִּי־טֹ֑וב כִּ֖י לְעֹולָ֣ם חַסְדֹּֽו׃ hodu layhwah kiy־ṭowv kiy leʿowlam ḥasedow׃

² יֹ֭אמְרוּ גְּאוּלֵ֣י יְהוָ֑ה אֲשֶׁ֥ר גְּ֝אָלָ֗ם מִיַּד־צָֽר׃ yoʾmeru geʾuley yehwah ʾasher geʾalam miyad־tsar׃

³ וּֽמֵאֲרָצֹ֗ות קִ֫בְּצָ֥ם מִמִּזְרָ֥ח וּמִֽמַּעֲרָ֑ב מִצָּפֹ֥ון וּמִיָּֽם׃ umeʾaratsowt qibetsam mimizeraḥ umimaʿarav mitsafown umiyam׃

⁴ תָּע֣וּ בַ֭מִּדְבָּר בִּישִׁימֹ֣ון דָּ֑רֶךְ עִ֥יר מֹ֝ושָׁ֗ב לֹ֣א מָצָֽאוּ׃ taʿu vamidebar biyshiymown darekhe ʿiyr mowshav loʾ matsaʾu׃

⁵ רְעֵבִ֥ים גַּם־צְמֵאִ֑ים נַ֝פְשָׁ֗ם בָּהֶ֥ם תִּתְעַטָּֽף׃ reʿeviym gam־tsemeʾiym nafesham bahem titeʿaṭaf׃

⁶ וַיִּצְעֲק֣וּ אֶל־יְ֭הוָה בַּצַּ֣ר לָהֶ֑ם מִ֝מְּצֽוּקֹותֵיהֶ֗ם יַצִּילֵֽם׃ wayitseʿaqu ʾel־yehwah batsar lahem mimetsuqowteyhem yatsiylem׃

⁷ וַ֭יַּֽדְרִיכֵם בְּדֶ֣רֶךְ יְשָׁרָ֑ה לָ֝לֶ֗כֶת אֶל־עִ֥יר מֹושָֽׁב׃ wayaderiykhem bederekhe yesharah lalekhet ʾel־ʿiyr mowshav׃

⁸ יֹוד֣וּ לַיהוָ֣ה חַסְדֹּ֑ו וְ֝נִפְלְאֹותָ֗יו לִבְנֵ֥י אָדָֽם׃ yowdu layhwah ḥasedow wenifeleʾowtayw liveney ʾadam׃

⁹ כִּי־הִ֭שְׂבִּיעַ נֶ֣פֶשׁ שֹׁקֵקָ֑ה וְנֶ֥פֶשׁ רְ֝עֵבָה מִלֵּא־טֹֽוב׃ kiy־hisebiyʿa nefesh shoqeqah wenefesh reʿevah mileʾ־ṭowv׃

¹⁰ יֹ֭שְׁבֵי חֹ֣שֶׁךְ וְצַלְמָ֑וֶת אֲסִירֵ֖י עֳנִ֣י וּבַרְזֶֽל׃ yoshevey ḥoshekhe wetsalemawet ʾasiyrey ʿoniy uvarezel׃

¹¹ כִּֽי־הִמְר֥וּ אִמְרֵי־אֵ֑ל וַעֲצַ֖ת עֶלְיֹ֣ון נָאָֽצוּ׃ kiy־himeru ʾimerey־ʾel waʿatsat ʿeleyown naʾatsu׃

¹² וַיַּכְנַ֣ע בֶּעָמָ֣ל לִבָּ֑ם כָּ֝שְׁל֗וּ וְאֵ֣ין עֹזֵֽר׃ wayakhenaʿ beʿamal libam kashelu weʾeyn ʿozer׃

¹³ וַיִּזְעֲק֣וּ אֶל־יְ֭הוָה בַּצַּ֣ר לָהֶ֑ם מִ֝מְּצֻֽקֹותֵיהֶ֗ם יֹושִׁיעֵֽם׃ wayizeʿaqu ʾel־yehwah batsar lahem mimetsuqowteyhem yowshiyʿem׃

¹⁴ יֹֽ֭וצִיאֵם מֵחֹ֣שֶׁךְ וְצַלְמָ֑וֶת וּמֹוסְרֹ֖ותֵיהֶ֣ם יְנַתֵּֽק׃ yowtsiyʾem meḥoshekhe wetsalemawet umowserowteyhem yenateq׃

¹⁵ יֹוד֣וּ לַיהוָ֣ה חַסְדֹּ֑ו וְ֝נִפְלְאֹותָ֗יו לִבְנֵ֥י אָדָֽם׃ yowdu layhwah ḥasedow wenifeleʾowtayw liveney ʾadam׃

¹⁶ כִּֽישִׁ֭־בַּר דַּלְתֹ֣ות נְחֹ֑שֶׁת וּבְרִיחֵ֖י בַרְזֶ֣ל גִּדֵּֽעַ׃ kiyshi־bar daletowt neḥoshet uveriyḥey varezel gideaʿ׃

¹⁷ אֱ֭וִלִים מִדֶּ֣רֶךְ פִּשְׁעָ֑ם וּֽ֝מֵעֲוֹֽנֹתֵיהֶ֗ם יִתְעַנּֽוּ׃ ʾewiliym miderekhe pisheʿam umeʿaonoteyhem yiteʿanu׃

¹⁸ כָּל־אֹ֭כֶל תְּתַעֵ֣ב נַפְשָׁ֑ם וַ֝יַּגִּ֗יעוּ עַד־שַׁ֥עֲרֵי מָֽוֶת׃ kal־ʾokhel tetaʿev nafesham wayagiyʿu ʿad־shaʿarey mawet׃

¹⁹ וַיִּזְעֲק֣וּ אֶל־יְ֭הוָה בַּצַּ֣ר לָהֶ֑ם מִ֝מְּצֻֽקֹותֵיהֶ֗ם יֹושִׁיעֵֽם׃ wayizeʿaqu ʾel־yehwah batsar lahem mimetsuqowteyhem yowshiyʿem׃

²⁰ יִשְׁלַ֣ח דְּ֭בָרֹו וְיִרְפָּאֵ֑ם וִֽ֝ימַלֵּ֗ט מִשְּׁחִיתֹותָֽם׃  yishelaḥ devarow weyirepaʾem wiymaleṭ misheḥiytowtam׃ 

²¹ יֹוד֣וּ לַיהוָ֣ה חַסְדֹּ֑ו וְ֝נִפְלְאֹותָ֗יו לִבְנֵ֥י אָדָֽם׃  yowdu layhwah ḥasedow wenifeleʾowtayw liveney ʾadam׃ 

²² וְ֭יִזְבְּחוּ זִבְחֵ֣י תֹודָ֑ה וִֽיסַפְּר֖וּ מַעֲשָׂ֣יו בְּרִנָּֽה׃  weyizebeḥu ziveḥey towdah wiysaperu maʿasayw berinah׃ 

²³ יֹורְדֵ֣י הַ֭יָּם בָּאֳנִיֹּ֑ות עֹשֵׂ֥י מְ֝לָאכָ֗ה בְּמַ֣יִם רַבִּֽים׃  yowredey hayam baʾoniyowt ʿosey melaʾkhah bemayim rabiym׃ 

²⁴ הֵ֣מָּה רָ֭אוּ מַעֲשֵׂ֣י יְהוָ֑ה וְ֝נִפְלְאֹותָ֗יו בִּמְצוּלָֽה׃  hemah raʾu maʿasey yehwah wenifeleʾowtayw bimetsulah׃ 

²⁵ וַיֹּ֗אמֶר וַֽ֭יַּעֲמֵד ר֣וּחַ סְעָרָ֑ה וַתְּרֹומֵ֥ם גַּלָּֽיו׃  wayoʾmer wayaʿamed ruaḥ seʿarah waterowmem galayw׃ 

²⁶ יַעֲל֣וּ מַיִם יֵרְד֣וּ תְהֹומֹ֑ות נַ֝פְשָׁ֗ם בְּרָעָ֥ה תִתְמֹוגָֽג׃ yaʿalu mayim yeredu tehowmowt nafesham beraʿah titemowgag׃

²⁷ יָחֹ֣וגּוּ וְ֭יָנוּעוּ כַּשִּׁכֹּ֑ור וְכָל־חָ֝כְמָתָ֗ם תִּתְבַּלָּֽע׃ yaḥowgu weyanuʿu kashikowr wekhal־ḥakhematam titebalaʿ׃

²⁸ וַיִּצְעֲק֣וּ אֶל־יְ֭הוָה בַּצַּ֣ר לָהֶ֑ם וּֽ֝מִמְּצֽוּקֹתֵיהֶ֗ם יֹוצִיאֵֽם׃ wayitseʿaqu ʾel־yehwah batsar lahem umimetsuqoteyhem yowtsiyʾem׃

²⁹ יָקֵ֣ם סְ֭עָרָה לִדְמָמָ֑ה וַ֝יֶּחֱשׁ֗וּ גַּלֵּיהֶֽם׃ yaqem seʿarah lidemamah wayeḥeshu galeyhem׃

³⁰ וַיִּשְׂמְח֥וּ כִֽי־יִשְׁתֹּ֑קוּ וַ֝יַּנְחֵ֗ם אֶל־מְחֹ֥וז חֶפְצָֽם׃ wayisemeḥu khiy־yishetoqu wayaneḥem ʾel־meḥowz ḥefetsam׃

³¹ יֹוד֣וּ לַיהוָ֣ה חַסְדֹּ֑ו וְ֝נִפְלְאֹותָ֗יו לִבְנֵ֥י אָדָֽם׃ yowdu layhwah ḥasedow wenifeleʾowtayw liveney ʾadam׃

³² וִֽ֭ירֹמְמוּהוּ בִּקְהַל־עָ֑ם וּבְמֹושַׁ֖ב זְקֵנִ֣ים יְהַלְלֽוּהוּ׃ wiyromemuhu biqehal־ʿam uvemowshav zeqeniym yehaleluhu׃

³³ יָשֵׂ֣ם נְהָרֹ֣ות לְמִדְבָּ֑ר וּמֹצָ֥אֵי מַ֝֗יִם לְצִמָּאֹֽון׃ yasem neharowt lemidebar umotsaʾey mayim letsimaʾown׃

³⁴ אֶ֣רֶץ פְּ֭רִי לִמְלֵחָ֑ה מֵ֝רָעַ֗ת יֹ֣שְׁבֵי בָֽהּ׃ ʾerets periy limeleḥah meraʿat yoshevey vah׃

³⁵ יָשֵׂ֣ם מִ֭דְבָּר לַֽאֲגַם־מַ֑יִם וְאֶ֥רֶץ צִ֝יָּ֗ה לְמֹצָ֥אֵי מָֽיִם׃ yasem midebar laʾagam־mayim weʾerets tsiyah lemotsaʾey mayim׃

³⁶ וַיֹּ֣ושֶׁב שָׁ֣ם רְעֵבִ֑ים וַ֝יְכֹונְנ֗וּ עִ֣יר מֹושָֽׁב׃ wayowshev sham reʿeviym wayekhownenu ʿiyr mowshav׃

³⁷ וַיִּזְרְע֣וּ דֹות וַיִּטְּע֣וּ כְרָמִ֑ים וַ֝יַּעֲשׂ֗וּ פְּרִ֣י תְבֽוּאָה׃ wayizereʿu dowt wayiṭeʿu kheramiym wayaʿasu periy tevuʾah׃

³⁸ וַיְבָרֲכֵ֣ם וַיִּרְבּ֣וּ מְאֹ֑ד וּ֝בְהֶמְתָּ֗ם לֹ֣א יַמְעִֽיט׃ wayevarakhem wayirebu meʾod uvehemetam loʾ yameʿiyṭ׃

³⁹ וַיִּמְעֲט֥וּ וַיָּשֹׁ֑חוּ מֵעֹ֖צֶר רָעָ֣ה וְיָגֹֽון׃  wayimeʿaṭu wayashoḥu meʿotser raʿah weyagown׃ 

⁴⁰ שֹׁפֵ֣ךְ בּ֭וּז עַל־נְדִיבִ֑ים וַ֝יַּתְעֵ֗ם בְּתֹ֣הוּ לֹא־דָֽרֶךְ׃ shofekhe buz ʿal־nediyviym wayateʿem betohu loʾ־darekhe׃

⁴¹ וַיְשַׂגֵּ֣ב אֶבְיֹ֣ון מֵעֹ֑ונִי וַיָּ֥שֶׂם כַּ֝צֹּ֗אן מִשְׁפָּחֹֽות׃ wayesagev ʾeveyown meʿowniy wayasem katsoʾn mishepaḥowt׃

⁴² יִרְא֣וּ יְשָׁרִ֣ים וְיִשְׂמָ֑חוּ וְכָל־עַ֝וְלָ֗ה קָ֣פְצָה פִּֽיהָ׃ yireʾu yeshariym weyisemaḥu wekhal־ʿawelah qafetsah piyha׃

⁴³ מִי־חָכָ֥ם וְיִשְׁמָר־אֵ֑לֶּה וְ֝יִתְבֹּֽונְנ֗וּ חַֽסְדֵ֥י יְהוָֽה׃ miy־ḥakham weyishemar־ʾeleh weyitebownenu ḥasedey yehwah׃