1 שׁ֤וּבִי שׁ֙וּבִי֙ הַשּׁ֣וּלַמִּ֔ית שׁ֥וּבִי שׁ֖וּבִי וְנֶחֱזֶה־בָּ֑ךְ מַֽה־תֶּחֱזוּ֙ בַּשּׁ֣וּלַמִּ֔ית כִּמְחֹלַ֖ת הַֽמַּחֲנָֽיִם׃ shuviy shuviy hashulamiyt shuviy shuviy weneḥezeh־bakhe mah־teḥezu bashulamiyt kimeḥolat hamaḥanayim׃
2 מַה־יָּפ֧וּ פְעָמַ֛יִךְ בַּנְּעָלִ֖ים בַּת־נָדִ֑יב חַמּוּקֵ֣י יְרֵכַ֔יִךְ כְּמֹ֣ו חֲלָאִ֔ים מַעֲשֵׂ֖ה יְדֵ֥י אָמָּֽן׃ mah־yafu feʿamayikhe baneʿaliym bat־nadiyv ḥamuqey yerekhayikhe kemow ḥalaʾiym maʿaseh yedey ʾaman׃
3 שָׁרְרֵךְ֙ אַגַּ֣ן הַסַּ֔הַר אַל־יֶחְסַ֖ר הַמָּ֑זֶג בִּטְנֵךְ֙ עֲרֵמַ֣ת חִטִּ֔ים סוּגָ֖ה בַּשֹּׁושַׁנִּֽים׃ sharerekhe ʾagan hasahar ʾal־yeḥesar hamazeg biṭenekhe ʿaremat ḥiṭiym sugah bashowshaniym׃
4 שְׁנֵ֥י שָׁדַ֛יִךְ כִּשְׁנֵ֥י עֳפָרִ֖ים תָּאֳמֵ֥י צְבִיָּֽה׃ sheney shadayikhe kisheney ʿofariym taʾomey tseviyah׃
5 צַוָּארֵ֖ךְ כְּמִגְדַּ֣ל הַשֵּׁ֑ן עֵינַ֜יִךְ בְּרֵכֹ֣ות בְּחֶשְׁבֹּ֗ון עַל־שַׁ֙עַר֙ בַּת־רַבִּ֔ים אַפֵּךְ֙ כְּמִגְדַּ֣ל הַלְּבָנֹ֔ון צֹופֶ֖ה פְּנֵ֥י דַמָּֽשֶׂק׃ tsauaʾrekhe kemigedal hashen ʿeynayikhe berekhowt beḥeshebown ʿal־shaʿar bat־rabiym ʾapekhe kemigedal halevanown tsowfeh peney damaseq׃
6 רֹאשֵׁ֤ךְ עָלַ֙יִךְ֙ כַּכַּרְמֶ֔ל וְדַלַּ֥ת רֹאשֵׁ֖ךְ כָּאַרְגָּמָ֑ן מֶ֖לֶךְ אָס֥וּר בָּרְהָטִֽים׃ roʾshekhe ʿalayikhe kakaremel wedalat roʾshekhe kaʾaregaman melekhe ʾasur barehaṭiym׃
7 מַה־יָּפִית֙ וּמַה־נָּעַ֔מְתְּ אַהֲבָ֖ה בַּתַּֽעֲנוּגִֽים׃ mah־yafiyt umah־naʿamete ʾahavah bataʿanugiym׃
8 זֹ֤את קֹֽומָתֵךְ֙ דָּֽמְתָ֣ה לְתָמָ֔ר וְשָׁדַ֖יִךְ לְאַשְׁכֹּלֹֽות׃ zoʾt qowmatekhe dametah letamar weshadayikhe leʾashekolowt׃
9 אָמַ֙רְתִּי֙ אֶעֱלֶ֣ה בְתָמָ֔ר אֹֽחֲזָ֖ה בְּסַנְסִנָּ֑יו וְיִֽהְיוּ־נָ֤א שָׁדַ֙יִךְ֙ כְּאֶשְׁכְּלֹ֣ות הַגֶּ֔פֶן וְרֵ֥יחַ אַפֵּ֖ךְ כַּתַּפּוּחִֽים׃ ʾamaretiy ʾeʿeleh vetamar ʾoḥazah besanesinayw weyiheyu־naʾ shadayikhe keʾeshekelowt hagefen wereyḥa ʾapekhe katapuḥiym׃
10 וְחִכֵּ֕ךְ כְּיֵ֥ין הַטֹּ֛וב הֹולֵ֥ךְ לְדֹודִ֖י לְמֵישָׁרִ֑ים דֹּובֵ֖ב שִׂפְתֵ֥י יְשֵׁנִֽים׃ weḥikekhe keyeyn haṭowv howlekhe ledowdiy lemeyshariym dowvev sifetey yesheniym׃
11 אֲנִ֣י לְדֹודִ֔י וְעָלַ֖י תְּשׁוּקָתֹֽו׃ ס ʾaniy ledowdiy weʿalay teshuqatow׃ s
12 לְכָ֤ה דֹודִי֙ נֵצֵ֣א הַשָּׂדֶ֔ה נָלִ֖ינָה בַּכְּפָרִֽים׃ lekhah dowdiy netseʾ hasadeh naliynah bakefariym׃
13 נַשְׁכִּ֙ימָה֙ לַכְּרָמִ֔ים נִרְאֶ֞ה אִם פָּֽרְחָ֤ה הַגֶּ֙פֶן֙ פִּתַּ֣ח הַסְּמָדַ֔ר הֵנֵ֖צוּ הָרִמֹּונִ֑ים שָׁ֛ם אֶתֵּ֥ן אֶת־דֹּדַ֖י לָֽךְ׃ nashekiymah lakeramiym nireʾeh ʾim pareḥah hagefen pitaḥ hasemadar henetsu harimowniym sham ʾeten ʾet־doday lakhe׃
14 הַֽדּוּדָאִ֣ים נָֽתְנוּ־רֵ֗יחַ וְעַל־פְּתָחֵ֙ינוּ֙ כָּל־מְגָדִ֔ים חֲדָשִׁ֖ים גַּם־יְשָׁנִ֑ים דֹּודִ֖י צָפַ֥נְתִּי לָֽךְ׃ hadudaʾiym natenu־reyḥa weʿal־petaḥeynu kal־megadiym ḥadashiym gam־yeshaniym dowdiy tsafanetiy lakhe׃