1 וַֽיְהִי֙ בִּשְׁתֵּ֣י עֶשְׂרֵ֣ה שָׁנָ֔ה בִּשְׁנֵי־עָשָׂ֥ר חֹ֖דֶשׁ בְּאֶחָ֣ד לַחֹ֑דֶשׁ הָיָ֥ה דְבַר־יְהוָ֖ה אֵלַ֥י לֵאמֹֽר׃ wayehiy bishetey ʿesereh shanah bisheney־ʿasar ḥodesh beʾeḥad laḥodesh hayah devar־yehwah ʾelay leʾmor׃

2 בֶּן־אָדָ֗ם שָׂ֤א קִינָה֙ עַל־פַּרְעֹ֣ה מֶֽלֶךְ־מִצְרַ֔יִם וְאָמַרְתָּ֣ אֵלָ֔יו כְּפִ֥יר גֹּויִ֖ם נִדְמֵ֑יתָ וְאַתָּה֙ כַּתַּנִּ֣ים בַּיַּמִּ֔ים וַתָּ֣גַח בְּנַהֲרֹותֶ֗יךָ וַתִּדְלַח־מַ֙יִם֙ בְּרַגְלֶ֔יךָ וַתִּרְפֹּ֖ס נַהֲרֹותָֽם׃ ben־ʾadam saʾ qiynah ʿal־pareʿoh melekhe־mitserayim weʾamareta ʾelayw kefiyr gowyim nidemeyta weʾatah kataniym bayamiym watagaḥ benaharowteykha watidelaḥ־mayim berageleykha watirepos naharowtam׃

3 כֹּ֤ה אָמַר֙ אֲדֹנָ֣י יְהוִ֔ה וּפָרַשְׂתִּ֤י עָלֶ֙יךָ֙ אֶת־רִשְׁתִּ֔י בִּקְהַ֖ל עַמִּ֣ים רַבִּ֑ים וְהֶעֱל֖וּךָ בְּחֶרְמִֽי׃ koh ʾamar ʾadonay yehwih ufarasetiy ʿaleykha ʾet־rishetiy biqehal ʿamiym rabiym weheʿelukha beḥeremiy׃

4 וּנְטַשְׁתִּ֣יךָ בָאָ֔רֶץ עַל־פְּנֵ֥י הַשָּׂדֶ֖ה אֲטִילֶ֑ךָ וְהִשְׁכַּנְתִּ֤י עָלֶ֙יךָ֙ כָּל־עֹ֣וף הַשָּׁמַ֔יִם וְהִשְׂבַּעְתִּ֥י מִמְּךָ֖ חַיַּ֥ת כָּל־הָאָֽרֶץ׃ uneṭashetiykha vaʾarets ʿal־peney hasadeh ʾaṭiylekha wehishekanetiy ʿaleykha kal־ʿowf hashamayim wehisebaʿetiy mimekha ḥayat kal־haʾarets׃

5 וְנָתַתִּ֥י אֶת־בְּשָׂרְךָ֖ עַל־הֶֽהָרִ֑ים וּמִלֵּאתִ֥י הַגֵּאָיֹ֖ות רָמוּתֶֽךָ׃ wenatatiy ʾet־besarekha ʿal־hehariym umileʾtiy hageʾayowt ramutekha׃

6 וְהִשְׁקֵיתִ֨י אֶ֧רֶץ צָפָתְךָ֛ מִדָּמְךָ֖ אֶל־הֶֽהָרִ֑ים וַאֲפִקִ֖ים יִמָּלְא֥וּן מִמֶּֽךָּ׃ wehisheqeytiy ʾerets tsafatekha midamekha ʾel־hehariym waʾafiqiym yimaleʾun mimeka׃

7 וְכִסֵּיתִ֤י בְכַבֹּֽותְךָ֙ שָׁמַ֔יִם וְהִקְדַּרְתִּ֖י אֶת־כֹּֽכְבֵיהֶ֑ם מֶשׁ בֶּעָנָ֣ן אֲכַסֶּ֔נּוּ וְיָרֵ֖חַ לֹא־יָאִ֥יר אֹורֹֽו׃ wekhiseytiy vekhabowtekha shamayim wehiqedaretiy ʾet־kokheveyhem mesh beʿanan ʾakhasenu weyareaḥ loʾ־yaʾiyr ʾowrow׃

8 כָּל־מְאֹ֤ורֵי אֹור֙ בַּשָּׁמַ֔יִם אַקְדִּירֵ֖ם עָלֶ֑יךָ וְנָתַ֤תִּי חֹ֙שֶׁךְ֙ עַֽל־אַרְצְךָ֔ נְאֻ֖ם אֲדֹנָ֥י יְהוִֽה׃ kal־meʾowrey ʾowr bashamayim ʾaqediyrem ʿaleykha wenatatiy ḥoshekhe ʿal־ʾaretsekha neʾum ʾadonay yehwih׃

9 וְהִ֨כְעַסְתִּ֔י לֵ֖ב עַמִּ֣ים רַבִּ֑ים בַּהֲבִיאִ֤י שִׁבְרְךָ֙ בַּגֹּויִ֔ם עַל־אֲרָצֹ֖ות אֲשֶׁ֥ר לֹֽא־יְדַעְתָּֽם׃ wehikheʿasetiy lev ʿamiym rabiym bahaviyʾiy shiverekha bagowyim ʿal־ʾaratsowt ʾasher loʾ־yedaʿetam׃

10 וַהֲשִׁמֹּותִ֨י עָלֶ֜יךָ עַמִּ֣ים רַבִּ֗ים וּמַלְכֵיהֶם֙ יִשְׂעֲר֤וּ עָלֶ֙יךָ֙ שַׂ֔עַר בְּעֹופְפִ֥י חַרְבִּ֖י עַל־פְּנֵיהֶ֑ם וְחָרְד֤וּ לִרְגָעִים֙ אִ֣ישׁ לְנַפְשֹׁ֔ו בְּיֹ֖ום מַפַּלְתֶּֽךָ׃ ס wahashimowtiy ʿaleykha ʿamiym rabiym umalekheyhem yiseʿaru ʿaleykha saʿar beʿowfefiy ḥarebiy ʿal־peneyhem weḥaredu liregaʿiym ʾiysh lenafeshow beyowm mapaletekha׃ s

11 כִּ֛י כֹּ֥ה אָמַ֖ר אֲדֹנָ֣י יְהוִ֑ה חֶ֥רֶב מֶֽלֶךְ־בָּבֶ֖ל תְּבֹואֶֽךָ׃ kiy koh ʾamar ʾadonay yehwih ḥerev melekhe־bavel tevowʾekha׃

12 בְּחַרְבֹ֤ות גִּבֹּורִים֙ אַפִּ֣יל הֲמֹונֶ֔ךָ עָרִיצֵ֥י גֹויִ֖ם כֻּלָּ֑ם וְשָֽׁדְדוּ֙ אֶת־גְּאֹ֣ון מִצְרַ֔יִם וְנִשְׁמַ֖ד כָּל־הֲמֹונָֽהּ׃ beḥarevowt gibowriym ʾapiyl hamownekha ʿariytsey gowyim kulam weshadedu ʾet־geʾown mitserayim wenishemad kal־hamownah׃

13 וְהַֽאֲבַדְתִּי֙ אֶת־כָּל־בְּהֶמְתָּ֔הּ מֵעַ֖ל מַ֣יִם רַבִּ֑ים וְלֹ֨א תִדְלָחֵ֤ם רֶֽגֶל־אָדָם֙ עֹ֔וד וּפַרְסֹ֥ות בְּהֵמָ֖ה לֹ֥א תִדְלָחֵֽם׃ wehaʾavadetiy ʾet־kal־behemetah meʿal mayim rabiym weloʾ tidelaḥem regel־ʾadam ʿowd ufaresowt behemah loʾ tidelaḥem׃

14 אָ֚ז אַשְׁקִ֣יעַ מֵֽימֵיהֶ֔ם וְנַהֲרֹותָ֖ם כַּשֶּׁ֣מֶן אֹולִ֑יךְ נְאֻ֖ם אֲדֹנָ֥י יְהוִֽה׃ ʾaz ʾasheqiyʿa meymeyhem wenaharowtam kashemen ʾowliykhe neʾum ʾadonay yehwih׃

15 בְּתִתִּי֩ אֶת־אֶ֨רֶץ מִצְרַ֜יִם שְׁמָמָ֣ה וּנְשַׁמָּ֗ה אֶ֚רֶץ מִמְּלֹאָ֔הּ בְּהַכֹּותִ֖י אֶת־כָּל־יֹ֣ושְׁבֵי בָ֑הּ וְיָדְע֖וּ כִּֽי־אֲנִ֥י יְהוָֽה׃ betitiy ʾet־ʾerets mitserayim shemamah uneshamah ʾerets mimeloʾah behakowtiy ʾet־kal־yowshevey vah weyadeʿu kiy־ʾaniy yehwah׃

16 קִינָ֥ה הִיא֙ וְקֹ֣ונְנ֔וּהָ בְּנֹ֥ות הַגֹּויִ֖ם תְּקֹונֵ֣נָּה אֹותָ֑הּ עַל־מִצְרַ֤יִם וְעַל־כָּל־הֲמֹונָהּ֙ תְּקֹונֵ֣נָּה אֹותָ֔הּ נְאֻ֖ם אֲדֹנָ֥י יְהוִֽה׃ פ qiynah hiyʾ weqownenuah benowt hagowyim teqownenah ʾowtah ʿal־mitserayim weʿal־kal־hamownah teqownenah ʾowtah neʾum ʾadonay yehwih׃ f

17 וַֽיְהִי֙ בִּשְׁתֵּ֣י עֶשְׂרֵ֣ה שָׁנָ֔ה בַּחֲמִשָּׁ֥ה עָשָׂ֖ר לַחֹ֑דֶשׁ הָיָ֥ה דְבַר־יְהוָ֖ה אֵלַ֥י לֵאמֹֽר׃ wayehiy bishetey ʿesereh shanah baḥamishah ʿasar laḥodesh hayah devar־yehwah ʾelay leʾmor׃

18 בֶּן־אָדָ֕ם נְהֵ֛ה עַל־הֲמֹ֥ון מִצְרַ֖יִם וְהֹורִדֵ֑הוּ אֹ֠ותָהּ וּבְנֹ֨ות גֹּויִ֧ם אַדִּרִ֛ם אֶל־אֶ֥רֶץ תַּחְתִּיֹּ֖ות אֶת־יֹ֥ורְדֵי בֹֽור׃ ben־ʾadam neheh ʿal־hamown mitserayim wehowridehu ʾowtah uvenowt gowyim ʾadirim ʾel־ʾerets taḥetiyowt ʾet־yowredey vowr׃

19 מִמִּ֖י נָעָ֑מְתָּ רְדָ֥ה וְהָשְׁכְּבָ֖ה אֶת־עֲרֵלִֽים׃ mimiy naʿameta redah wehashekevah ʾet־ʿareliym׃

20 בְּתֹ֥וךְ חַלְלֵי־חֶ֖רֶב יִפֹּ֑לוּ חֶ֣רֶב נִתָּ֔נָה מָשְׁכ֥וּ אֹותָ֖הּ וְכָל־הֲמֹונֶֽיהָ׃ betowkhe ḥaleley־ḥerev yipolu ḥerev nitanah mashekhu ʾowtah wekhal־hamowneyha׃

21 יְדַבְּרוּ־לֹ֞ו אֵלֵ֧י גִבֹּורִ֛ים מִתֹּ֥וךְ שְׁאֹ֖ול אֶת־עֹֽזְרָ֑יו יָֽרְד֛וּ שָׁכְב֥וּ הָעֲרֵלִ֖ים חַלְלֵי־חָֽרֶב׃ yedaberu־low ʾeley gibowriym mitowkhe sheʾowl ʾet־ʿozerayw yaredu shakhevu haʿareliym ḥaleley־ḥarev׃

22 שָׁ֤ם אַשּׁוּר֙ וְכָל־קְהָלָ֔הּ סְבִֽיבֹותָ֖יו קִבְרֹתָ֑יו כֻּלָּ֣ם חֲלָלִ֔ים הַנֹּפְלִ֖ים בֶּחָֽרֶב׃ sham ʾashur wekhal־qehalah seviyvowtayw qiverotayw kulam ḥalaliym hanofeliym beḥarev׃

23 אֲשֶׁ֨ר נִתְּנ֤וּ קִבְרֹתֶ֙יהָ֙ בְּיַרְכְּתֵי־בֹ֔ור וַיְהִ֣י קְהָלָ֔הּ סְבִיבֹ֖ות קְבֻרָתָ֑הּ כֻּלָּ֤ם חֲלָלִים֙ נֹפְלִ֣ים בַּחֶ֔רֶב אֲשֶׁר־נָתְנ֥וּ חִתִּ֖ית בְּאֶ֥רֶץ חַיִּֽים׃ ʾasher nitenu qiveroteyha beyareketey־vowr wayehiy qehalah seviyvowt qevuratah kulam ḥalaliym nofeliym baḥerev ʾasher־natenu ḥitiyt beʾerets ḥayiym׃

24 שָׁ֤ם עֵילָם֙ וְכָל־הֲמֹונָ֔הּ סְבִיבֹ֖ות קְבֻרָתָ֑הּ כֻּלָּ֣ם חֲלָלִים֩ הַנֹּפְלִ֨ים בַּחֶ֜רֶב אֲ‍ֽשֶׁר־יָרְד֥וּ עֲרֵלִ֣ים ׀ אֶל־אֶ֣רֶץ תַּחְתִּיֹּ֗ות אֲשֶׁ֨ר נָתְנ֤וּ חִתִּיתָם֙ בְּאֶ֣רֶץ חַיִּ֔ים וַיִּשְׂא֥וּ כְלִמָּתָ֖ם אֶת־יֹ֥ורְדֵי בֹֽור׃ sham ʿeylam wekhal־hamownah seviyvowt qevuratah kulam ḥalaliym hanofeliym baḥerev א‍sher־yaredu ʿareliym ׀ ʾel־ʾerets taḥetiyowt ʾasher natenu ḥitiytam beʾerets ḥayiym wayiseʾu khelimatam ʾet־yowredey vowr׃

25 בְּתֹ֣וךְ חֲ֠לָלִים נָתְנ֨וּ מִשְׁכָּ֥ב לָהּ֙ בְּכָל־הֲמֹונָ֔הּ סְבִֽיבֹותָ֖יו קִבְרֹתֶ֑הָ כֻּלָּ֣ם עֲרֵלִ֣ים חַלְלֵי־חֶ֡רֶב כִּֽי־נִתַּ֨ן חִתִּיתָ֜ם בְּאֶ֣רֶץ חַיִּ֗ים וַיִּשְׂא֤וּ כְלִמָּתָם֙ אֶת־יֹ֣ורְדֵי בֹ֔ור בְּתֹ֥וךְ חֲלָלִ֖ים נִתָּֽן׃ betowkhe ḥalaliym natenu mishekav lah bekhal־hamownah seviyvowtayw qiveroteah kulam ʿareliym ḥaleley־ḥerev kiy־nitan ḥitiytam beʾerets ḥayiym wayiseʾu khelimatam ʾet־yowredey vowr betowkhe ḥalaliym nitan׃

26 שָׁ֣ם מֶ֤שֶׁךְ תֻּבַל֙ וְכָל־הֲמֹונָ֔הּ סְבִֽיבֹותָ֖יו קִבְרֹותֶ֑יהָ כֻּלָּ֤ם עֲרֵלִים֙ מְחֻ֣לְלֵי חֶ֔רֶב כִּֽי־נָתְנ֥וּ חִתִּיתָ֖ם בְּאֶ֥רֶץ חַיִּֽים׃ sham meshekhe tuval wekhal־hamownah seviyvowtayw qiverowteyha kulam ʿareliym meḥuleley ḥerev kiy־natenu ḥitiytam beʾerets ḥayiym׃

27 וְלֹ֤א יִשְׁכְּבוּ֙ אֶת־גִּבֹּורִ֔ים נֹפְלִ֖ים מֵעֲרֵלִ֑ים אֲשֶׁ֣ר יָרְדֽוּ־שְׁאֹ֣ול בִּכְלֵֽי־מִלְחַמְתָּם֩ וַיִּתְּנ֨וּ אֶת־חַרְבֹותָ֜ם תַּ֣חַת רָאשֵׁיהֶ֗ם וַתְּהִ֤י עֲוֹֽנֹתָם֙ עַל־עַצְמֹותָ֔ם כִּֽי־חִתִּ֥ית גִּבֹּורִ֖ים בְּאֶ֥רֶץ חַיִּֽים׃ weloʾ yishekevu ʾet־gibowriym nofeliym meʿareliym ʾasher yaredu־sheʾowl bikheley־mileḥametam wayitenu ʾet־ḥarevowtam taḥat raʾsheyhem watehiy ʿaonotam ʿal־ʿatsemowtam kiy־ḥitiyt gibowriym beʾerets ḥayiym׃

28 וְאַתָּ֗ה בְּתֹ֧וךְ עֲרֵלִ֛ים תִּשָּׁבַ֥ר וְתִשְׁכַּ֖ב אֶת־חַלְלֵי־חָֽרֶב׃ weʾatah betowkhe ʿareliym tishavar wetishekav ʾet־ḥaleley־ḥarev׃

29 שָׁ֣מָּה אֱדֹ֗ום מְלָכֶ֙יהָ֙ וְכָל־נְשִׂיאֶ֔יהָ אֲשֶׁר־נִתְּנ֥וּ בִגְבוּרָתָ֖ם אֶת־חַלְלֵי־חָ֑רֶב הֵ֛מָּה אֶת־עֲרֵלִ֥ים יִשְׁכָּ֖בוּ וְאֶת־יֹ֥רְדֵי בֹֽור׃ shamah ʾedowm melakheyha wekhal־nesiyʾeyha ʾasher־nitenu vigevuratam ʾet־ḥaleley־ḥarev hemah ʾet־ʿareliym yishekavu weʾet־yoredey vowr׃

30 שָׁ֣מָּה נְסִיכֵ֥י צָפֹ֛ון כֻּלָּ֖ם וְכָל־צִֽדֹנִ֑י אֲשֶׁר־יָרְד֣וּ אֶת־חֲלָלִ֗ים בְּחִתִּיתָ֑ם מִגְבֽוּרָתָם֙ בֹּושִׁ֔ים וַיִּשְׁכְּב֤וּ עֲרֵלִים֙ אֶת־חַלְלֵי־חֶ֔רֶב וַיִּשְׂא֥וּ כְלִמָּתָ֖ם אֶת־יֹ֥ורְדֵי בֹֽור׃ shamah nesiykhey tsafown kulam wekhal־tsidoniy ʾasher־yaredu ʾet־ḥalaliym beḥitiytam migevuratam bowshiym wayishekevu ʿareliym ʾet־ḥaleley־ḥerev wayiseʾu khelimatam ʾet־yowredey vowr׃

31 אֹותָם֙ יִרְאֶ֣ה פַרְעֹ֔ה וְנִחַ֖ם עַל־כָּל־ [הֲמֹונֹה כ] (הֲמֹונֹ֑ו ק) חַלְלֵי־חֶ֙רֶב֙ פַּרְעֹ֣ה וְכָל־חֵילֹ֔ו נְאֻ֖ם אֲדֹנָ֥י יְהוִֽה׃ ʾowtam yireʾeh fareʿoh weniḥam ʿal־kal־ [hamownoh kh] (hamownow q) ḥaleley־ḥerev pareʿoh wekhal־ḥeylow neʾum ʾadonay yehwih׃

32 כִּֽי־נָתַ֥תִּי אֶת־ [חִתִּיתֹו כ] (חִתִּיתִ֖י ק) בְּאֶ֣רֶץ חַיִּ֑ים וְהֻשְׁכַּב֩ בְּתֹ֨וךְ עֲרֵלִ֜ים אֶת־חַלְלֵי־חֶ֗רֶב פַּרְעֹה֙ וְכָל־הֲמֹונֹ֔ה נְאֻ֖ם אֲדֹנָ֥י יְהוִֽה׃ פ kiy־natatiy ʾet־ [ḥitiytow kh] (ḥitiytiy q) beʾerets ḥayiym wehushekav betowkhe ʿareliym ʾet־ḥaleley־ḥerev pareʿoh wekhal־hamownoh neʾum ʾadonay yehwih׃ f