Job 12

¹ וַיַּ֥עַן אִיֹּ֗וב וַיֹּאמַֽר׃ wayaʿan ʾiyowv wayoʾmar׃

² אָ֭מְנָם כִּ֣י אַתֶּם־עָ֑ם וְ֝עִמָּכֶ֗ם תָּמ֥וּת חָכְמָֽה׃ ʾamenam kiy ʾatem־ʿam weʿimakhem tamut ḥakhemah׃

³ גַּם־לִ֤י לֵבָ֨ב ׀ כְּֽמֹוכֶ֗ם לֹא־נֹפֵ֣ל אָנֹכִ֣י מִכֶּ֑ם וְאֶת־מִי־אֵ֥ין כְּמֹו־אֵֽלֶּה׃ gam־liy levav ׀ kemowkhem loʾ־nofel ʾanokhiy mikem weʾet־miy־ʾeyn kemow־ʾeleh׃

⁴ שְׂחֹ֤ק לְרֵעֵ֨הוּ ׀ אֶֽהְיֶ֗ה קֹרֵ֣א לֶ֭אֱלֹוהַּ וַֽיַּעֲנֵ֑הוּ חֹ֗וק צַדִּ֥יק תָּמִֽים׃ seḥoq lereʿehu ׀ ʾeheyeh qoreʾ leʾelowha wayaʿanehu ḥowq tsadiyq tamiym׃

⁵ לַפִּ֣יד בּ֭וּז לְעַשְׁתּ֣וּת שַׁאֲנָ֑ן נָ֝כֹ֗ון לְמֹ֣ועֲדֵי רָֽגֶל׃ lapiyd buz leʿashetut shaʾanan nakhown lemowʿadey ragel׃

⁶ יִשְׁלָ֤יוּ אֹֽהָלִ֨ים ׀ לְשֹׁ֥דְדִ֗ים וּֽ֭בַטֻּחֹות לְמַרְגִּ֣יזֵי אֵ֑ל לַאֲשֶׁ֤ר הֵבִ֖יא אֱלֹ֣והַּ בְּיָדֹֽו׃ yishelayu ʾohaliym ׀ leshodediym uvaṭuḥowt lemaregiyzey ʾel laʾasher heviyʾ ʾelowha beyadow׃

⁷ וְֽאוּלָ֗ם שְׁאַל־נָ֣א בְהֵמֹ֣ות וְתֹרֶ֑ךָּ וְעֹ֥וף הַ֝שָּׁמַ֗יִם וְיַגֶּד־לָֽךְ׃ weʾulam sheʾal־naʾ vehemowt wetoreka weʿowf hashamayim weyaged־lakhe׃

⁸ אֹ֤ו שִׂ֣יחַ לָאָ֣רֶץ וְתֹרֶ֑ךָּ וִֽיסַפְּר֥וּ לְ֝ךָ֗ דְּגֵ֣י הַיָּֽם׃ ʾow siyḥa laʾarets wetoreka wiysaperu lekha degey hayam׃

⁹ מִ֭י לֹא־יָדַ֣ע בְּכָל־אֵ֑לֶּה כִּ֥י יַד־יְ֝הוָה עָ֣שְׂתָה זֹּֽאת׃ miy loʾ־yadaʿ bekhal־ʾeleh kiy yad־yehwah ʿasetah zoʾt׃

¹⁰ אֲשֶׁ֣ר בְּ֭יָדֹו נֶ֣פֶשׁ כָּל־חָ֑י וְ֝ר֗וּחַ כָּל־בְּשַׂר־אִֽישׁ׃ ʾasher beyadow nefesh kal־ḥay weruaḥ kal־besar־ʾiysh׃

¹¹ הֲלֹא־אֹ֭זֶן מִלִּ֣ין תִּבְחָ֑ן וְ֝חֵ֗ךְ אֹ֣כֶל יִטְעַם־לֹֽו׃ haloʾ־ʾozen miliyn tiveḥan weḥekhe ʾokhel yiṭeʿam־low׃

¹² בִּֽישִׁישִׁ֥ים חָכְמָ֑ה וְאֹ֖רֶךְ יָמִ֣ים תְּבוּנָֽה׃ biyshiyshiym ḥakhemah weʾorekhe yamiym tevunah׃

¹³ עִ֭מֹּו חָכְמָ֣ה וּגְבוּרָ֑ה לֹ֝֗ו עֵצָ֥ה וּתְבוּנָֽה׃ ʿimow ḥakhemah ugevurah low ʿetsah utevunah׃

¹⁴ הֵ֣ן יַ֭הֲרֹוס וְלֹ֣א יִבָּנֶ֑ה יִסְגֹּ֥ר עַל־אִ֝֗ישׁ וְלֹ֣א יִפָּתֵֽחַ׃ hen yaharows weloʾ yibaneh yisegor ʿal־ʾiysh weloʾ yipateaḥ׃

¹⁵ הֵ֤ן יַעְצֹ֣ר בַּמַּ֣יִם וְיִבָ֑שׁוּ וִֽ֝ישַׁלְּחֵ֗ם וְיַ֖הַפְכוּ אָֽרֶץ׃ hen yaʿetsor bamayim weyivashu wiyshaleḥem weyahafekhu ʾarets׃

¹⁶ עִ֭מֹּו עֹ֣ז וְתֽוּשִׁיָּ֑ה לֹ֝֗ו שֹׁגֵ֥ג וּמַשְׁגֶּֽה׃ ʿimow ʿoz wetushiyah low shogeg umashegeh׃

¹⁷ מֹולִ֣יךְ יֹועֲצִ֣ים שֹׁולָ֑ל וְֽשֹׁפְטִ֥ים יְהֹולֵֽל׃ mowliykhe yowʿatsiym showlal weshofeṭiym yehowlel׃

¹⁸ מוּסַ֣ר מְלָכִ֣ים פִּתֵּ֑חַ וַיֶּאְסֹ֥ר אֵ֝זֹ֗ור בְּמָתְנֵיהֶֽם׃ musar melakhiym piteaḥ wayeʾesor ʾezowr bemateneyhem׃

¹⁹ מֹולִ֣יךְ כֹּהֲנִ֣ים שֹׁולָ֑ל וְאֵֽתָנִ֣ים יְסַלֵּֽף׃ mowliykhe kohaniym showlal weʾetaniym yesalef׃

²⁰ מֵסִ֣יר פָה לְנֶאֱמָנִ֑ים וְטַ֖עַם זְקֵנִ֣ים יִקָּֽח׃ mesiyr fah leneʾemaniym weṭaʿam zeqeniym yiqaḥ׃

²¹ שֹׁופֵ֣ךְ בּ֭וּז עַל־נְדִיבִ֑ים וּמְזִ֖יחַ אֲפִיקִ֣ים רִפָּֽה׃ showfekhe buz ʿal־nediyviym umeziyḥa ʾafiyqiym ripah׃

²² מְגַלֶּ֣ה עֲ֭מֻקֹות מִנִּי־חֹ֑שֶׁךְ וַיֹּצֵ֖א לָאֹ֣ור צַלְמָֽוֶת׃ megaleh ʿamuqowt miniy־ḥoshekhe wayotseʾ laʾowr tsalemawet׃

²³ מַשְׂגִּ֣יא לַ֭גֹּויִם וַֽיְאַבְּדֵ֑ם שֹׁטֵ֥חַ לַ֝גֹּויִ֗ם וַיַּנְחֵֽם׃ masegiyʾ lagowyim wayeʾabedem shoṭeaḥ lagowyim wayaneḥem׃

²⁴ מֵסִ֗יר לֵ֭ב רָאשֵׁ֣י עַם־הָאָ֑רֶץ וַ֝יַּתְעֵ֗ם בְּתֹ֣הוּ לֹא־דָֽרֶךְ׃ mesiyr lev raʾshey ʿam־haʾarets wayateʿem betohu loʾ־darekhe׃

²⁵ יְמַֽשְׁשׁוּ־חֹ֥שֶׁךְ וְלֹא־אֹ֑ור וַ֝יַּתְעֵ֗ם כַּשִּׁכֹּֽור׃ yemasheshu־ḥoshekhe weloʾ־ʾowr wayateʿem kashikowr׃