1 Chroniques 27

¹ וּבְנֵ֣י יִשְׂרָאֵ֣ל ׀ לְֽמִסְפָּרָ֡ם רָאשֵׁ֣י הָאָבֹ֣ות וְשָׂרֵ֣י הָֽאֲלָפִ֣ים ׀ וְהַמֵּאֹ֡ות וְשֹׁטְרֵיהֶם֩ הַמְשָׁרְתִ֨ים אֶת־הַמֶּ֜לֶךְ לְכֹ֣ל ׀ דְּבַ֣ר הַֽמַּחְלְקֹ֗ות הַבָּאָ֤ה וְהַיֹּצֵאת֙ חֹ֣דֶשׁ בְּחֹ֔דֶשׁ לְכֹ֖ל חָדְשֵׁ֣י הַשָּׁנָ֑ה הַֽמַּחֲלֹ֙קֶת֙ הָֽאַחַ֔ת עֶשְׂרִ֥ים וְאַרְבָּעָ֖ה אָֽלֶף׃ ס uveney yiseraʾel ׀ lemiseparam raʾshey haʾavowt wesarey haʾalafiym ׀ wehameʾowt weshoṭereyhem hamesharetiym ʾet־hamelekhe lekhol ׀ devar hamaḥeleqowt habaʾah wehayotseʾt ḥodesh beḥodesh lekhol ḥadeshey hashanah hamaḥaloqet haʾaḥat ʿeseriym weʾarebaʿah ʾalef׃ s

² עַ֞ל הַמַּחֲלֹ֤קֶת הָרִֽאשֹׁונָה֙ לַחֹ֣דֶשׁ הָרִאשֹׁ֔ון יָֽשָׁבְעָ֖ם בֶּן־זַבְדִּיאֵ֑ל וְעַל֙ מַֽחֲלֻקְתֹּ֔ו עֶשְׂרִ֥ים וְאַרְבָּעָ֖ה אָֽלֶף׃ ʿal hamaḥaloqet hariʾshownah laḥodesh hariʾshown yashaveʿam ben־zavediyʾel weʿal maḥaluqetow ʿeseriym weʾarebaʿah ʾalef׃

³ מִן־בְּנֵי־פֶ֗רֶץ הָרֹ֛אשׁ לְכָל־שָׂרֵ֥י הַצְּבָאֹ֖ות לַחֹ֥דֶשׁ הָרִאשֹֽׁון׃ min־beney־ferets haroʾsh lekhal־sarey hatsevaʾowt laḥodesh hariʾshown׃

⁴ וְעַ֞ל מַחֲלֹ֣קֶת ׀ הַחֹ֣דֶשׁ הַשֵּׁנִ֗י דֹּודַ֤י הָאֲחֹוחִי֙ וּמַ֣חֲלֻקְתֹּ֔ו וּמִקְלֹ֖ות הַנָּגִ֑יד וְעַל֙ מַחֲלֻקְתֹּ֔ו עֶשְׂרִ֥ים וְאַרְבָּעָ֖ה אָֽלֶף׃ ס weʿal maḥaloqet ׀ haḥodesh hasheniy dowday haʾaḥowḥiy umaḥaluqetow umiqelowt hanagiyd weʿal maḥaluqetow ʿeseriym weʾarebaʿah ʾalef׃ s

⁵ שַׂ֣ר הַצָּבָ֤א הַשְּׁלִישִׁי֙ לַחֹ֣דֶשׁ הַשְּׁלִישִׁ֔י בְּנָיָ֧הוּ בֶן־יְהֹויָדָ֛ע הַכֹּהֵ֖ן רֹ֑אשׁ וְעַל֙ מַחֲלֻקְתֹּ֔ו עֶשְׂרִ֥ים וְאַרְבָּעָ֖ה אָֽלֶף׃ sar hatsavaʾ hasheliyshiy laḥodesh hasheliyshiy benayahu ven־yehowyadaʿ hakohen roʾsh weʿal maḥaluqetow ʿeseriym weʾarebaʿah ʾalef׃

⁶ ה֧וּא בְנָיָ֛הוּ גִּבֹּ֥ור הַשְּׁלֹשִׁ֖ים וְעַל־הַשְּׁלֹשִׁ֑ים וּמַ֣חֲלֻקְתֹּ֔ו עַמִּיזָבָ֖ד בְּנֹֽו׃ ס huʾ venayahu gibowr hasheloshiym weʿal־hasheloshiym umaḥaluqetow ʿamiyzavad benow׃ s

⁷ הָֽרְבִיעִ֞י לַחֹ֣דֶשׁ הָרְבִיעִ֗י עֲשָׂה־אֵל֙ אֲחִ֣י יֹואָ֔ב וּזְבַדְיָ֥ה בְנֹ֖ו אַחֲרָ֑יו וְעַל֙ מַחֲלֻקְתֹּ֔ו עֶשְׂרִ֥ים וְאַרְבָּעָ֖ה אָֽלֶף׃ ס hareviyʿiy laḥodesh hareviyʿiy ʿasah־ʾel ʾaḥiy yowʾav uzevadeyah venow ʾaḥarayw weʿal maḥaluqetow ʿeseriym weʾarebaʿah ʾalef׃ s

⁸ הַחַמִישִׁי֙ לַחֹ֣דֶשׁ הַחֲמִישִׁ֔י הַשַּׂ֖ר שַׁמְה֣וּת הַיִּזְרָ֑ח וְעַל֙ מַחֲלֻקְתֹּ֔ו עֶשְׂרִ֥ים וְאַרְבָּעָ֖ה אָֽלֶף׃ ס haḥamiyshiy laḥodesh haḥamiyshiy hasar shamehut hayizeraḥ weʿal maḥaluqetow ʿeseriym weʾarebaʿah ʾalef׃ s

⁹ הַשִּׁשִּׁי֙ לַחֹ֣דֶשׁ הַשִּׁשִּׁ֔י עִירָ֥א בֶן־עִקֵּ֖שׁ הַתְּקֹועִ֑י וְעַל֙ מַחֲלֻקְתֹּ֔ו עֶשְׂרִ֥ים וְאַרְבָּעָ֖ה אָֽלֶף׃ ס hashishiy laḥodesh hashishiy ʿiyraʾ ven־ʿiqesh hateqowʿiy weʿal maḥaluqetow ʿeseriym weʾarebaʿah ʾalef׃ s

¹⁰ הַשְּׁבִיעִי֙ לַחֹ֣דֶשׁ הַשְּׁבִיעִ֔י חֶ֥לֶץ הַפְּלֹונִ֖י מִן־בְּנֵ֣י אֶפְרָ֑יִם וְעַל֙ מַחֲלֻקְתֹּ֔ו עֶשְׂרִ֥ים וְאַרְבָּעָ֖ה אָֽלֶף׃ ס hasheviyʿiy laḥodesh hasheviyʿiy ḥelets hapelowniy min־beney ʾeferayim weʿal maḥaluqetow ʿeseriym weʾarebaʿah ʾalef׃ s

¹¹ הַשְּׁמִינִי֙ לַחֹ֣דֶשׁ הַשְּׁמִינִ֔י סִבְּכַ֥י הַחֻשָׁתִ֖י לַזַּרְחִ֑י וְעַל֙ מַחֲלֻקְתֹּ֔ו עֶשְׂרִ֥ים וְאַרְבָּעָ֖ה אָֽלֶף׃ ס hashemiyniy laḥodesh hashemiyniy sibekhay haḥushatiy lazareḥiy weʿal maḥaluqetow ʿeseriym weʾarebaʿah ʾalef׃ s

¹² הַתְּשִׁיעִי֙ לַחֹ֣דֶשׁ הַתְּשִׁיעִ֔י אֲבִיעֶ֥זֶר הָעַנְּתֹתִ֖י [לַבֶּנְיְמִינִי כ] (לַבֵּ֣ן ׀ ק) (יְמִינִ֑י ק) וְעַל֙ מַחֲלֻקְתֹּ֔ו עֶשְׂרִ֥ים וְאַרְבָּעָ֖ה אָֽלֶף׃ ס hateshiyʿiy laḥodesh hateshiyʿiy ʾaviyʿezer haʿanetotiy [labeneyemiyniy kh] (laben ׀ q) (yemiyniy q) weʿal maḥaluqetow ʿeseriym weʾarebaʿah ʾalef׃ s

¹³ הָעֲשִׂירִי֙ לַחֹ֣דֶשׁ הָעֲשִׂירִ֔י מַהְרַ֥י הַנְּטֹֽופָתִ֖י לַזַּרְחִ֑י וְעַל֙ מַֽחֲלֻקְתֹּ֔ו עֶשְׂרִ֥ים וְאַרְבָּעָ֖ה אָֽלֶף׃ ס haʿasiyriy laḥodesh haʿasiyriy maheray haneṭowfatiy lazareḥiy weʿal maḥaluqetow ʿeseriym weʾarebaʿah ʾalef׃ s

¹⁴ עַשְׁתֵּֽי־עָשָׂר֙ לְעַשְׁתֵּ֣י־עָשָׂ֣ר הַחֹ֔דֶשׁ בְּנָיָ֥ה הַפִּרְעָתֹונִ֖י מִן־בְּנֵ֣י אֶפְרָ֑יִם וְעַל֙ מַחֲלֻקְתֹּ֔ו עֶשְׂרִ֥ים וְאַרְבָּעָ֖ה אָֽלֶף׃ ס ʿashetey־ʿasar leʿashetey־ʿasar haḥodesh benayah hapireʿatowniy min־beney ʾeferayim weʿal maḥaluqetow ʿeseriym weʾarebaʿah ʾalef׃ s

¹⁵ הַשְּׁנֵ֤ים עָשָׂר֙ לִשְׁנֵ֣ים עָשָׂ֣ר הַחֹ֔דֶשׁ חֶלְדַּ֥י הַנְּטֹופָתִ֖י לְעָתְנִיאֵ֑ל וְעַל֙ מַחֲלֻקְתֹּ֔ו עֶשְׂרִ֥ים וְאַרְבָּעָ֖ה אָֽלֶף׃ פ hasheneym ʿasar lisheneym ʿasar haḥodesh ḥeleday haneṭowfatiy leʿateniyʾel weʿal maḥaluqetow ʿeseriym weʾarebaʿah ʾalef׃ f

¹⁶ וְעַל֙ שִׁבְטֵ֣י יִשְׂרָאֵ֔ל לָרֽאוּבֵנִ֣י נָגִ֔יד אֱלִיעֶ֖זֶר בֶּן־זִכְרִ֑י ס לַשִּׁ֨מְעֹונִ֔י שְׁפַטְיָ֖הוּ בֶּֽן־מַעֲכָֽה׃ ס weʿal shiveṭey yiseraʾel larʾuveniy nagiyd ʾeliyʿezer ben־zikheriy s lashimeʿowniy shefaṭeyahu ben־maʿakhah׃ s

¹⁷ לְלֵוִ֛י חֲשַׁבְיָ֥ה בֶן־קְמוּאֵ֖ל לְאַהֲרֹ֥ן צָדֹֽוק׃ ס lelewiy ḥashaveyah ven־qemuʾel leʾaharon tsadowq׃ s

¹⁸ לִֽיהוּדָ֕ה אֱלִיה֖וּ מֵאֲחֵ֣י דָוִ֑יד לְיִ֨שָׂשכָ֔ר עָמְרִ֖י בֶּן־מִיכָאֵֽל׃ ס liyhudah ʾeliyhu meʾaḥey dawiyd leyisashkhar ʿameriy ben־miykhaʾel׃ s

¹⁹ לִזְבוּלֻ֕ן יִֽשְׁמַֽעְיָ֖הוּ בֶּן־עֹבַדְיָ֑הוּ לְנַ֨פְתָּלִ֔י יְרִימֹ֖ות בֶּן־עַזְרִיאֵֽל׃ ס lizevulun yishemaʿeyahu ben־ʿovadeyahu lenafetaliy yeriymowt ben־ʿazeriyʾel׃ s

²⁰ לִבְנֵ֣י אֶפְרַ֔יִם הֹושֵׁ֖עַ בֶּן־עֲזַזְיָ֑הוּ לַחֲצִי֙ שֵׁ֣בֶט מְנַשֶּׁ֔ה יֹואֵ֖ל בֶּן־פְּדָיָֽהוּ׃ ס liveney ʾeferayim howsheaʿ ben־ʿazazeyahu laḥatsiy sheveṭ menasheh yowʾel ben־pedayahu׃ s

²¹ לַחֲצִ֤י הַֽמְנַשֶּׁה֙ גִּלְעָ֔דָה יִדֹּ֖ו בֶּן־זְכַרְיָ֑הוּ ס לְבִנְיָמִ֔ן יַעֲשִׂיאֵ֖ל בֶּן־אַבְנֵֽר׃ ס laḥatsiy hamenasheh gileʿadah yidow ben־zekhareyahu s levineyamin yaʿasiyʾel ben־ʾavener׃ s

²² לְדָ֕ן עֲזַרְאֵ֖ל בֶּן־יְרֹחָ֑ם אֵ֕לֶּה שָׂרֵ֖י שִׁבְטֵ֥י יִשְׂרָאֵֽל׃ ledan ʿazareʾel ben־yeroḥam ʾeleh sarey shiveṭey yiseraʾel׃

²³ וְלֹא־נָשָׂ֤א דָוִיד֙ מִסְפָּרָ֔ם לְמִבֶּ֛ן עֶשְׂרִ֥ים שָׁנָ֖ה וּלְמָ֑טָּה כִּ֚י אָמַ֣ר יְהוָ֔ה לְהַרְבֹּ֥ות אֶת־יִשְׂרָאֵ֖ל כְּכֹוכְבֵ֥י הַשָּׁמָֽיִם׃ weloʾ־nasaʾ dawiyd miseparam lemiben ʿeseriym shanah ulemaṭah kiy ʾamar yehwah leharebowt ʾet־yiseraʾel kekhowkhevey hashamayim׃

²⁴ יֹואָ֨ב בֶּן־צְרוּיָ֜ה הֵחֵ֤ל לִמְנֹות֙ וְלֹ֣א כִלָּ֔ה וַיְהִ֥י בָזֹ֛את קֶ֖צֶף עַל־יִשְׂרָאֵ֑ל וְלֹ֤א עָלָה֙ הַמִּסְפָּ֔ר בְּמִסְפַּ֥ר דִּבְרֵֽי־הַיָּמִ֖ים לַמֶּ֥לֶךְ דָּוִֽיד׃ ס yowʾav ben־tseruyah heḥel limenowt weloʾ khilah wayehiy vazoʾt qetsef ʿal־yiseraʾel weloʾ ʿalah hamisepar bemisepar diverey־hayamiym lamelekhe dawiyd׃ s

²⁵ וְעַל֙ אֹצְרֹ֣ות הַמֶּ֔לֶךְ עַזְמָ֖וֶת בֶּן־עֲדִיאֵ֑ל ס וְעַ֣ל הָֽאֹצָרֹ֡ות בַּשָּׂדֶ֞ה בֶּעָרִ֤ים וּבַכְּפָרִים֙ וּבַמִּגְדָּלֹ֔ות יְהֹונָתָ֖ן בֶּן־עֻזִּיָּֽהוּ׃ ס weʿal ʾotserowt hamelekhe ʿazemawet ben־ʿadiyʾel s weʿal haʾotsarowt basadeh beʿariym uvakefariym uvamigedalowt yehownatan ben־ʿuziyahu׃ s

²⁶ וְעַ֗ל עֹשֵׂי֙ מְלֶ֣אכֶת הַשָּׂדֶ֔ה לַעֲבֹדַ֖ת הָאֲדָמָ֑ה עֶזְרִ֖י בֶּן־כְּלֽוּב׃ weʿal ʿosey meleʾkhet hasadeh laʿavodat haʾadamah ʿezeriy ben־keluv׃

²⁷ וְעַל־הַ֨כְּרָמִ֔ים שִׁמְעִ֖י הָרָֽמָתִ֑י וְעַ֤ל שֶׁבַּכְּרָמִים֙ לְאֹצְרֹ֣ות הַיַּ֔יִן זַבְדִּ֖י הַשִּׁפְמִֽי׃ ס weʿal־hakeramiym shimeʿiy haramatiy weʿal shebakeramiym leʾotserowt hayayin zavediy hashifemiy׃ s

²⁸ וְעַל־הַזֵּיתִ֤ים וְהַשִּׁקְמִים֙ אֲשֶׁ֣ר בַּשְּׁפֵלָ֔ה בַּ֥עַל חָנָ֖ן הַגְּדֵרִ֑י ס וְעַל־אֹצְרֹ֥ות הַשֶּׁ֖מֶן יֹועָֽשׁ׃ ס weʿal־hazeytiym wehashiqemiym ʾasher bashefelah baʿal ḥanan hagederiy s weʿal־ʾotserowt hashemen yowʿash׃ s

²⁹ וְעַל־הַבָּקָר֙ הָרֹעִ֣ים בַּשָּׁרֹ֔ון [שִׁטְרַי כ] (שִׁרְטַ֖י ק) הַשָּׁרֹונִ֑י וְעַל־הַבָּקָר֙ בָּֽעֲמָקִ֔ים שָׁפָ֖ט בֶּן־עַדְלָֽי׃ ס weʿal־habaqar haroʿiym basharown [shiṭeray kh] (shireṭay q) hasharowniy weʿal־habaqar baʿamaqiym shafaṭ ben־ʿadelay׃ s

³⁰ וְעַל־הַ֨גְּמַלִּ֔ים אֹובִ֖יל הַיִּשְׁמְעֵלִ֑י וְעַל־הָ֣אֲתֹנֹ֔ות יֶחְדְּיָ֖הוּ הַמֵּרֹנֹתִֽי׃ ס weʿal־hagemaliym ʾowviyl hayishemeʿeliy weʿal־haʾatonowt yeḥedeyahu hameronotiy׃ s

³¹ וְעַל־הַצֹּ֖אן יָזִ֣יז הַֽהַגְרִ֑י כָּל־אֵ֙לֶּה֙ שָׂרֵ֣י הָרְכ֔וּשׁ אֲשֶׁ֖ר לַמֶּ֥לֶךְ דָּוִֽיד׃ weʿal־hatsoʾn yaziyz hahageriy kal־ʾeleh sarey harekhush ʾasher lamelekhe dawiyd׃

³² וִֽיהֹונָתָ֤ן דֹּוד־דָּוִיד֙ יֹועֵ֔ץ אִישׁ־מֵבִ֥ין וְסֹופֵ֖ר ה֑וּא וִֽיחִיאֵ֥ל בֶּן־חַכְמֹונִ֖י עִם־בְּנֵ֥י הַמֶּֽלֶךְ׃ wiyhownatan dowd־dawiyd yowʿets ʾiysh־meviyn wesowfer huʾ wiyḥiyʾel ben־ḥakhemowniy ʿim־beney hamelekhe׃

³³ וַאֲחִיתֹ֖פֶל יֹועֵ֣ץ לַמֶּ֑לֶךְ ס וְחוּשַׁ֥י הָאַרְכִּ֖י רֵ֥עַ הַמֶּֽלֶךְ׃ waʾaḥiytofel yowʿets lamelekhe s weḥushay haʾarekiy reaʿ hamelekhe׃

³⁴ וְאַחֲרֵ֣י אֲחִיתֹ֗פֶל יְהֹויָדָ֤ע בֶּן־בְּנָיָ֙הוּ֙ וְאֶבְיָתָ֔ר וְשַׂר־צָבָ֥א לַמֶּ֖לֶךְ יֹואָֽב׃ פ weʾaḥarey ʾaḥiytofel yehowyadaʿ ben־benayahu weʾeveyatar wesar־tsavaʾ lamelekhe yowʾav׃ f