1 וַיַּ֨עַשׂ יֹאשִׁיָּ֧הוּ בִֽירוּשָׁלִַ֛ם פֶּ֖סַח לַיהוָ֑ה וַיִּשְׁחֲט֣וּ הַפֶּ֔סַח בְּאַרְבָּעָ֥ה עָשָׂ֖ר לַחֹ֥דֶשׁ הָרִאשֹֽׁון׃ wayaʿas yoʾshiyahu viyrushalim pesaḥ layhwah wayisheḥaṭu hapesaḥ beʾarebaʿah ʿasar laḥodesh hariʾshown׃
2 וַיַּעֲמֵ֥ד הַכֹּהֲנִ֖ים עַל־מִשְׁמְרֹותָ֑ם וַֽיְחַזְּקֵ֔ם לַעֲבֹודַ֖ת בֵּ֥ית יְהוָֽה׃ wayaʿamed hakohaniym ʿal־mishemerowtam wayeḥazeqem laʿavowdat beyt yehwah׃
3 וַיֹּ֣אמֶר לַ֠לְוִיִּם [הַמְּבוּנִים כ] (הַמְּבִינִ֨ים ק) לְכָל־יִשְׂרָאֵ֜ל הַקְּדֹושִׁ֣ים לַיהוָ֗ה תְּנ֤וּ אֶת־אֲרֹון־הַקֹּ֙דֶשׁ֙ בַּ֠בַּיִת אֲשֶׁ֨ר בָּנָ֜ה שְׁלֹמֹ֤ה בֶן־דָּוִיד֙ מֶ֣לֶךְ יִשְׂרָאֵ֔ל אֵין־לָכֶ֥ם מַשָּׂ֖א בַּכָּתֵ֑ף עַתָּ֗ה עִבְדוּ֙ אֶת־יְהוָ֣ה אֱלֹֽהֵיכֶ֔ם וְאֵ֖ת עַמֹּ֥ו יִשְׂרָאֵֽל׃ wayoʾmer lalewiyim [hamevuniym kh] (hameviyniym q) lekhal־yiseraʾel haqedowshiym layhwah tenu ʾet־ʾarown־haqodesh babayit ʾasher banah shelomoh ven־dawiyd melekhe yiseraʾel ʾeyn־lakhem masaʾ bakatef ʿatah ʿivedu ʾet־yehwah ʾeloheykhem weʾet ʿamow yiseraʾel׃
4 [וְהִכֹּונוּ כ] (וְהָכִ֥ינוּ ק) לְבֵית־אֲבֹותֵיכֶ֖ם כְּמַחְלְקֹותֵיכֶ֑ם בִּכְתָ֗ב דָּוִיד֙ מֶ֣לֶךְ יִשְׂרָאֵ֔ל וּבְמִכְתַּ֖ב שְׁלֹמֹ֥ה בְנֹֽו׃ [wehikownu kh] (wehakhiynu q) leveyt־ʾavowteykhem kemaḥeleqowteykhem bikhetav dawiyd melekhe yiseraʾel uvemikhetav shelomoh venow׃
5 וְעִמְד֣וּ בַקֹּ֗דֶשׁ לִפְלֻגֹּות֙ בֵּ֣ית הָֽאָבֹ֔ות לַאֲחֵיכֶ֖ם בְּנֵ֣י הָעָ֑ם וַחֲלֻקַּ֥ת בֵּֽית־אָ֖ב לַלְוִיִּֽם׃ weʿimedu vaqodesh lifelugowt beyt haʾavowt laʾaḥeykhem beney haʿam waḥaluqat beyt־ʾav lalewiyim׃
6 וְשַׁחֲט֖וּ הַפָּ֑סַח וְהִתְקַדְּשׁוּ֙ וְהָכִ֣ינוּ לַאֲחֵיכֶ֔ם לַעֲשֹׂ֥ות כִּדְבַר־יְהוָ֖ה בְּיַד־מֹשֶֽׁה׃ פ weshaḥaṭu hapasaḥ wehiteqadeshu wehakhiynu laʾaḥeykhem laʿasowt kidevar־yehwah beyad־mosheh׃ f
7 וַיָּ֣רֶם יֹאשִׁיָּ֣הוּ לִבְנֵ֪י הָעָ֟ם צֹ֞אן כְּבָשִׂ֣ים וּבְנֵֽי־עִזִּים֮ הַכֹּ֣ל לַפְּסָחִים֒ לְכָל־הַנִּמְצָ֗א לְמִסְפַּר֙ שְׁלֹשִׁ֣ים אֶ֔לֶף וּבָקָ֖ר שְׁלֹ֣שֶׁת אֲלָפִ֑ים אֵ֖לֶּה מֵרְכ֥וּשׁ הַמֶּֽלֶךְ׃ ס wayarem yoʾshiyahu liveney haʿam tsoʾn kevasiym uveney־ʿiziym hakol lapesaḥiym lekhal־hanimetsaʾ lemisepar sheloshiym ʾelef uvaqar sheloshet ʾalafiym ʾeleh merekhush hamelekhe׃ s
8 וְשָׂרָ֞יו לִנְדָבָ֥ה לָעָ֛ם לַכֹּהֲנִ֥ים וְלַלְוִיִּ֖ם הֵרִ֑ימוּ חִלְקִיָּ֨ה וּזְכַרְיָ֜הוּ וִֽיחִיאֵ֗ל נְגִידֵי֙ בֵּ֣ית הָאֱלֹהִ֔ים לַכֹּהֲנִ֞ים נָתְנ֣וּ לַפְּסָחִ֗ים אַלְפַּ֙יִם֙ וְשֵׁ֣שׁ מֵאֹ֔ות וּבָקָ֖ר שְׁלֹ֥שׁ מֵאֹֽות׃ wesarayw linedavah laʿam lakohaniym welalewiyim heriymu ḥileqiyah uzekhareyahu wiyḥiyʾel negiydey beyt haʾelohiym lakohaniym natenu lapesaḥiym ʾalepayim weshesh meʾowt uvaqar shelosh meʾowt׃
9 [וְכָונַנְיָהוּ כ] (וְ֠כָֽנַנְיָהוּ ק) וּשְׁמַֽעְיָ֨הוּ וּנְתַנְאֵ֜ל אֶחָ֗יו וַחֲשַׁבְיָ֧הוּ וִיעִיאֵ֛ל וְיֹוזָבָ֖ד שָׂרֵ֣י הַלְוִיִּ֑ם הֵרִ֨ימוּ לַלְוִיִּ֤ם לַפְּסָחִים֙ חֲמֵ֣שֶׁת אֲלָפִ֔ים וּבָקָ֖ר חֲמֵ֥שׁ מֵאֹֽות׃ [wekhawnaneyahu kh] (wekhananeyahu q) ushemaʿeyahu unetaneʾel ʾeḥayw waḥashaveyahu wiyʿiyʾel weyowzavad sarey halewiyim heriymu lalewiyim lapesaḥiym ḥameshet ʾalafiym uvaqar ḥamesh meʾowt׃
10 וַתִּכֹּ֖ון הָעֲבֹודָ֑ה וַיַּֽעַמְד֨וּ הַכֹּהֲנִ֧ים עַל־עָמְדָ֛ם וְהַלְוִיִּ֥ם עַל־מַחְלְקֹותָ֖ם כְּמִצְוַ֥ת הַמֶּֽלֶךְ׃ watikown haʿavowdah wayaʿamedu hakohaniym ʿal־ʿamedam wehalewiyim ʿal־maḥeleqowtam kemitsewat hamelekhe׃
11 וַֽיִּשְׁחֲט֖וּ הַפָּ֑סַח וַיִּזְרְק֤וּ הַכֹּהֲנִים֙ מִיָּדָ֔ם וְהַלְוִיִּ֖ם מַפְשִׁיטִֽים׃ wayisheḥaṭu hapasaḥ wayizerequ hakohaniym miyadam wehalewiyim mafeshiyṭiym׃
12 וַיָּסִ֨ירוּ הָעֹלָ֜ה לְ֠תִתָּם לְמִפְלַגֹּ֤ות לְבֵית־אָבֹות֙ לִבְנֵ֣י הָעָ֔ם לְהַקְרִיב֙ לַיהוָ֔ה כַּכָּת֖וּב בְּסֵ֣פֶר מֹשֶׁ֑ה וְכֵ֖ן לַבָּקָֽר׃ wayasiyru haʿolah letitam lemifelagowt leveyt־ʾavowt liveney haʿam lehaqeriyv layhwah kakatuv besefer mosheh wekhen labaqar׃
13 וַֽיְבַשְּׁל֥וּ הַפֶּ֛סַח בָּאֵ֖שׁ כַּמִּשְׁפָּ֑ט וְהַקֳּדָשִׁ֣ים בִּשְּׁל֗וּ בַּסִּירֹ֤ות וּבַדְּוָדִים֙ וּבַצֵּ֣לָחֹ֔ות וַיָּרִ֖יצוּ לְכָל־בְּנֵ֥י הָעָֽם׃ wayevashelu hapesaḥ baʾesh kamishepaṭ wehaqodashiym bishelu basiyrowt uvadewadiym uvatselaḥowt wayariytsu lekhal־beney haʿam׃
14 וְאַחַ֗ר הֵכִ֤ינוּ לָהֶם֙ וְלַכֹּ֣הֲנִ֔ים כִּ֤י הַכֹּהֲנִים֙ בְּנֵ֣י אַהֲרֹ֔ן בְּהַֽעֲלֹ֛ות הָעֹולָ֥ה וְהַחֲלָבִ֖ים עַד־לָ֑יְלָה וְהַלְוִיִּם֙ הֵכִ֣ינוּ לָהֶ֔ם וְלַכֹּהֲנִ֖ים בְּנֵ֥י אַהֲרֹֽן׃ weʾaḥar hekhiynu lahem welakohaniym kiy hakohaniym beney ʾaharon behaʿalowt haʿowlah wehaḥalaviym ʿad־layelah wehalewiyim hekhiynu lahem welakohaniym beney ʾaharon׃
15 וְהַמְשֹֽׁרֲרִ֨ים בְּנֵי־אָסָ֜ף עַל־מַעֲמָדָ֗ם כְּמִצְוַ֤ת דָּוִיד֙ וְאָסָ֞ף וְהֵימָ֤ן וִֽידֻתוּן֙ חֹוזֵ֣ה הַמֶּ֔לֶךְ וְהַשֹּׁעֲרִ֖ים לְשַׁ֣עַר וָשָׁ֑עַר אֵ֣ין לָהֶ֗ם לָסוּר֙ מֵעַ֣ל עֲבֹֽדָתָ֔ם כִּֽי־אֲחֵיהֶ֥ם הַלְוִיִּ֖ם הֵכִ֥ינוּ לָהֶֽם׃ wehameshorariym beney־ʾasaf ʿal־maʿamadam kemitsewat dawiyd weʾasaf weheyman wiydutun ḥowzeh hamelekhe wehashoʿariym leshaʿar washaʿar ʾeyn lahem lasur meʿal ʿavodatam kiy־ʾaḥeyhem halewiyim hekhiynu lahem׃
16 וַ֠תִּכֹּון כָּל־עֲבֹודַ֨ת יְהוָ֜ה בַּיֹּ֤ום הַהוּא֙ לַעֲשֹׂ֣ות הַפֶּ֔סַח וְהַעֲלֹ֣ות עֹלֹ֔ות עַ֖ל מִזְבַּ֣ח יְהוָ֑ה כְּמִצְוַ֖ת הַמֶּ֥לֶךְ יֹאשִׁיָּֽהוּ׃ watikown kal־ʿavowdat yehwah bayowm hahuʾ laʿasowt hapesaḥ wehaʿalowt ʿolowt ʿal mizebaḥ yehwah kemitsewat hamelekhe yoʾshiyahu׃
17 וַיַּעֲשׂ֨וּ בְנֵֽי־יִשְׂרָאֵ֧ל הַֽנִּמְצְאִ֛ים אֶת־הַפֶּ֖סַח בָּעֵ֣ת הַהִ֑יא וְאֶת־חַ֥ג הַמַּצֹּ֖ות שִׁבְעַ֥ת יָמִֽים׃ wayaʿasu veney־yiseraʾel hanimetseʾiym ʾet־hapesaḥ baʿet hahiyʾ weʾet־ḥag hamatsowt shiveʿat yamiym׃
18 וְלֹֽא־נַעֲשָׂ֨ה פֶ֤סַח כָּמֹ֙הוּ֙ בְּיִשְׂרָאֵ֔ל מִימֵ֖י שְׁמוּאֵ֣ל הַנָּבִ֑יא וְכָל־מַלְכֵ֣י יִשְׂרָאֵ֣ל ׀ לֹֽא־עָשׂ֡וּ כַּפֶּ֣סַח אֲשֶׁר־עָשָׂ֣ה יֹֽ֠אשִׁיָּהוּ וְהַכֹּהֲנִ֨ים וְהַלְוִיִּ֤ם וְכָל־יְהוּדָה֙ וְיִשְׂרָאֵ֣ל הַנִּמְצָ֔א וְיֹושְׁבֵ֖י יְרוּשָׁלִָֽם׃ ס weloʾ־naʿasah fesaḥ kamohu beyiseraʾel miymey shemuʾel hanaviyʾ wekhal־malekhey yiseraʾel ׀ loʾ־ʿasu kapesaḥ ʾasher־ʿasah yoʾshiyahu wehakohaniym wehalewiyim wekhal־yehudah weyiseraʾel hanimetsaʾ weyowshevey yerushalim׃ s
19 בִּשְׁמֹונֶ֤ה עֶשְׂרֵה֙ שָׁנָ֔ה לְמַלְכ֖וּת יֹאשִׁיָּ֑הוּ נַעֲשָׂ֖ה הַפֶּ֥סַח הַזֶּֽה׃ bishemowneh ʿesereh shanah lemalekhut yoʾshiyahu naʿasah hapesaḥ hazeh׃
20 אַחֲרֵ֣י כָל־זֹ֗את אֲשֶׁ֨ר הֵכִ֤ין יֹֽאשִׁיָּ֙הוּ֙ אֶת־הַבַּ֔יִת עָלָ֞ה נְכֹ֧ו מֶֽלֶךְ־מִצְרַ֛יִם לְהִלָּחֵ֥ם בְּכַרְכְּמִ֖ישׁ עַל־פְּרָ֑ת וַיֵּצֵ֥א לִקְרָאתֹ֖ו יֹאשִׁיָּֽהוּ׃ ʾaḥarey khal־zoʾt ʾasher hekhiyn yoʾshiyahu ʾet־habayit ʿalah nekhow melekhe־mitserayim lehilaḥem bekharekemiysh ʿal־perat wayetseʾ liqeraʾtow yoʾshiyahu׃
21 וַיִּשְׁלַ֣ח אֵלָ֣יו מַלְאָכִ֣ים ׀ לֵאמֹר֩ ׀ מַה־לִּ֨י וָלָ֜ךְ מֶ֣לֶךְ יְהוּדָ֗ה לֹא־עָלֶ֨יךָ אַתָּ֤ה הַיֹּום֙ כִּ֚י אֶל־בֵּ֣ית מִלְחַמְתִּ֔י וֵאלֹהִ֖ים אָמַ֣ר לְבַֽהֲלֵ֑נִי חֲדַל־לְךָ֛ מֵאֱלֹהִ֥ים אֲשֶׁר־עִמִּ֖י וְאַל־יַשְׁחִיתֶֽךָ׃ wayishelaḥ ʾelayw maleʾakhiym ׀ leʾmor ׀ mah־liy walakhe melekhe yehudah loʾ־ʿaleykha ʾatah hayowm kiy ʾel־beyt mileḥametiy weʾlohiym ʾamar levahaleniy ḥadal־lekha meʾelohiym ʾasher־ʿimiy weʾal־yasheḥiytekha׃
22 וְלֹֽא־הֵסֵב֩ יֹאשִׁיָּ֨הוּ פָנָ֜יו מִמֶּ֗נּוּ כִּ֤י לְהִלָּחֵֽם־בֹּו֙ הִתְחַפֵּ֔שׂ וְלֹ֥א שָׁמַ֛ע אֶל־דִּבְרֵ֥י נְכֹ֖ו מִפִּ֣י אֱלֹהִ֑ים וַיָּבֹ֕א לְהִלָּחֵ֖ם בְּבִקְעַ֥ת מְגִדֹּֽו׃ weloʾ־hesev yoʾshiyahu fanayw mimenu kiy lehilaḥem־bow hiteḥapes weloʾ shamaʿ ʾel־diverey nekhow mipiy ʾelohiym wayavoʾ lehilaḥem beviqeʿat megidow׃
23 וַיֹּרוּ֙ הַיֹּרִ֔ים לַמֶּ֖לֶךְ יֹאשִׁיָּ֑הוּ וַיֹּ֨אמֶר הַמֶּ֤לֶךְ לַעֲבָדָיו֙ הַעֲבִיר֔וּנִי כִּ֥י הָחֳלֵ֖יתִי מְאֹֽד׃ wayoru hayoriym lamelekhe yoʾshiyahu wayoʾmer hamelekhe laʿavadayw haʿaviyruniy kiy haḥoleytiy meʾod׃
24 וַיַּֽעֲבִירֻ֨הוּ עֲבָדָ֜יו מִן־הַמֶּרְכָּבָ֗ה וַֽיַּרְכִּיבֻהוּ֮ עַ֣ל רֶ֣כֶב הַמִּשְׁנֶה֮ אֲשֶׁר־לֹו֒ וַיֹּולִיכֻ֙הוּ֙ יְר֣וּשָׁלִַ֔ם וַיָּ֕מָת וַיִּקָּבֵ֖ר בְּקִבְרֹ֣ות אֲבֹתָ֑יו וְכָל־יְהוּדָה֙ וִיר֣וּשָׁלִַ֔ם מִֽתְאַבְּלִ֖ים עַל־יֹאשִׁיָּֽהוּ׃ פ wayaʿaviyruhu ʿavadayw min־hamerekavah wayarekiyvuhu ʿal rekhev hamisheneh ʾasher־low wayowliykhuhu yerushalim wayamat wayiqaver beqiverowt ʾavotayw wekhal־yehudah wiyrushalim miteʾabeliym ʿal־yoʾshiyahu׃ f
25 וַיְקֹונֵ֣ן יִרְמְיָהוּ֮ עַל־יֹאשִׁיָּהוּ֒ וַיֹּאמְר֣וּ כָֽל־הַשָּׁרִ֣ים ׀ וְ֠הַשָּׁרֹות בְּקִינֹ֨ותֵיהֶ֤ם עַל־יֹאשִׁיָּ֙הוּ֙ עַד־הַיֹּ֔ום וַיִּתְּנ֥וּם לְחֹ֖ק עַל־יִשְׂרָאֵ֑ל וְהִנָּ֥ם כְּתוּבִ֖ים עַל־הַקִּינֹֽות׃ wayeqownen yiremeyahu ʿal־yoʾshiyahu wayoʾmeru khal־hashariym ׀ wehasharowt beqiynowteyhem ʿal־yoʾshiyahu ʿad־hayowm wayitenum leḥoq ʿal־yiseraʾel wehinam ketuviym ʿal־haqiynowt׃
26 וְיֶ֛תֶר דִּבְרֵ֥י יֹאשִׁיָּ֖הוּ וַחֲסָדָ֑יו כַּכָּת֖וּב בְּתֹורַ֥ת יְהוָֽה׃ weyeter diverey yoʾshiyahu waḥasadayw kakatuv betowrat yehwah׃
27 וּדְבָרָ֕יו הָרִאשֹׁנִ֖ים וְהָאַחֲרֹנִ֑ים הִנָּ֣ם כְּתוּבִ֔ים עַל־סֵ֥פֶר מַלְכֵֽי־יִשְׂרָאֵ֖ל וִיהוּדָֽה׃ udevarayw hariʾshoniym wehaʾaḥaroniym hinam ketuviym ʿal־sefer malekhey־yiseraʾel wiyhudah׃