1 וַ֠יָּשָׁב יְהֹושָׁפָ֨ט מֶֽלֶךְ־יְהוּדָ֧ה אֶל־בֵּיתֹ֛ו בְּשָׁלֹ֖ום לִֽירוּשָׁלִָֽם׃ wayashav yehowshafaṭ melekhe־yehudah ʾel־beytow beshalowm liyrushalim׃
2 וַיֵּצֵ֣א אֶל־פָּנָ֗יו יֵה֣וּא בֶן־חֲנָ֘נִי֮ הַחֹזֶה֒ וַיֹּ֙אמֶר֙ אֶל־הַמֶּ֣לֶךְ יְהֹושָׁפָ֔ט הֲלָרָשָׁ֣ע לַעְזֹ֔ר וּלְשֹׂנְאֵ֥י יְהוָ֖ה תֶּאֱהָ֑ב וּבָזֹאת֙ עָלֶ֣יךָ קֶּ֔צֶף מִלִּפְנֵ֖י יְהוָֽה׃ wayetseʾ ʾel־panayw yehuʾ ven־ḥananiy haḥozeh wayoʾmer ʾel־hamelekhe yehowshafaṭ halarashaʿ laʿezor ulesoneʾey yehwah teʾehav uvazoʾt ʿaleykha qetsef milifeney yehwah׃
3 אֲבָ֕ל דְּבָרִ֥ים טֹובִ֖ים נִמְצְא֣וּ עִמָּ֑ךְ כִּֽי־בִעַ֤רְתָּ הָאֲשֵׁרֹות֙ מִן־הָאָ֔רֶץ וַהֲכִינֹ֥ותָ לְבָבְךָ֖ לִדְרֹ֥שׁ הָֽאֱלֹהִֽים׃ ʾaval devariym ṭowviym nimetseʾu ʿimakhe kiy־viʿareta haʾasherowt min־haʾarets wahakhiynowta levavekha liderosh haʾelohiym׃
4 וַיֵּ֥שֶׁב יְהֹושָׁפָ֖ט בִּירוּשָׁלִָ֑ם ס וַיָּ֜שָׁב וַיֵּצֵ֣א בָעָ֗ם מִבְּאֵ֥ר שֶׁ֙בַע֙ עַד־הַ֣ר אֶפְרַ֔יִם וַיְשִׁיבֵ֕ם אֶל־יְהוָ֖ה אֱלֹהֵ֥י אֲבֹותֵיהֶֽם׃ wayeshev yehowshafaṭ biyrushalim s wayashav wayetseʾ vaʿam mibeʾer shevaʿ ʿad־har ʾeferayim wayeshiyvem ʾel־yehwah ʾelohey ʾavowteyhem׃
5 וַיַּעֲמֵ֨ד שֹֽׁפְטִ֜ים בָּאָ֗רֶץ בְּכָל־עָרֵ֧י יְהוּדָ֛ה הַבְּצֻרֹ֖ות לְעִ֥יר וָעִֽיר׃ wayaʿamed shofeṭiym baʾarets bekhal־ʿarey yehudah habetsurowt leʿiyr waʿiyr׃
6 וַיֹּ֣אמֶר אֶל־הַשֹּֽׁפְטִ֗ים רְאוּ֙ מָֽה־אַתֶּ֣ם עֹשִׂ֔ים כִּ֣י לֹ֧א לְאָדָ֛ם תִּשְׁפְּט֖וּ כִּ֣י לַיהוָ֑ה וְעִמָּכֶ֖ם בִּדְבַ֥ר מִשְׁפָּֽט׃ wayoʾmer ʾel־hashofeṭiym reʾu mah־ʾatem ʿosiym kiy loʾ leʾadam tishepeṭu kiy layhwah weʿimakhem bidevar mishepaṭ׃
7 וְעַתָּ֕ה יְהִ֥י פַֽחַד־יְהוָ֖ה עֲלֵיכֶ֑ם שִׁמְר֣וּ וַעֲשׂ֔וּ כִּֽי־אֵ֞ין עִם־יְהוָ֣ה אֱלֹהֵ֗ינוּ עַוְלָ֛ה וּמַשֹּׂ֥א פָנִ֖ים וּמִקַּח־שֹֽׁחַד׃ weʿatah yehiy faḥad־yehwah ʿaleykhem shimeru waʿasu kiy־ʾeyn ʿim־yehwah ʾeloheynu ʿawelah umasoʾ faniym umiqaḥ־shoḥad׃
8 וְגַ֣ם בִּ֠ירוּשָׁלִַם הֶעֱמִ֨יד יְהֹושָׁפָ֜ט מִן־הַלְוִיִּ֣ם וְהַכֹּהֲנִ֗ים וּמֵרָאשֵׁ֤י הָאָבֹות֙ לְיִשְׂרָאֵ֔ל לְמִשְׁפַּ֥ט יְהוָ֖ה וְלָרִ֑יב וַיָּשֻׁ֖בוּ יְרוּשָׁלִָֽם׃ wegam biyrushalim heʿemiyd yehowshafaṭ min־halewiyim wehakohaniym umeraʾshey haʾavowt leyiseraʾel lemishepaṭ yehwah welariyv wayashuvu yerushalim׃
9 וַיְצַ֥ו עֲלֵיהֶ֖ם לֵאמֹ֑ר כֹּ֤ה תַעֲשׂוּן֙ בְּיִרְאַ֣ת יְהוָ֔ה בֶּאֱמוּנָ֖ה וּבְלֵבָ֥ב שָׁלֵֽם׃ wayetsaw ʿaleyhem leʾmor koh taʿasun beyireʾat yehwah beʾemunah uvelevav shalem׃
10 וְכָל־רִיב֩ אֲשֶׁר־יָבֹ֨וא עֲלֵיכֶ֜ם מֵאֲחֵיכֶ֣ם ׀ הַיֹּשְׁבִ֣ים בְּעָרֵיהֶ֗ם בֵּֽין־דָּ֣ם ׀ לְדָם֮ בֵּין־תֹּורָ֣ה לְמִצְוָה֮ לְחֻקִּ֣ים וּלְמִשְׁפָּטִים֒ וְהִזְהַרְתֶּ֣ם אֹתָ֔ם וְלֹ֤א יֶאְשְׁמוּ֙ לַיהוָ֔ה וְהָֽיָה־קֶ֥צֶף עֲלֵיכֶ֖ם וְעַל־אֲחֵיכֶ֑ם כֹּ֥ה תַעֲשׂ֖וּן וְלֹ֥א תֶאְשָֽׁמוּ׃ wekhal־riyv ʾasher־yavowʾ ʿaleykhem meʾaḥeykhem ׀ hayosheviym beʿareyhem beyn־dam ׀ ledam beyn־towrah lemitsewah leḥuqiym ulemishepaṭiym wehizeharetem ʾotam weloʾ yeʾeshemu layhwah wehayah־qetsef ʿaleykhem weʿal־ʾaḥeykhem koh taʿasun weloʾ teʾeshamu׃
11 וְהִנֵּ֡ה אֲמַרְיָ֣הוּ כֹהֵן֩ הָרֹ֨אשׁ עֲלֵיכֶ֜ם לְכֹ֣ל דְּבַר־יְהוָ֗ה וּזְבַדְיָ֨הוּ בֶן־יִשְׁמָעֵ֜אל הַנָּגִ֤יד לְבֵית־יְהוּדָה֙ לְכֹ֣ל דְּבַר־הַמֶּ֔לֶךְ וְשֹׁטְרִ֥ים הַלְוִיִּ֖ם לִפְנֵיכֶ֑ם חִזְק֣וּ וַעֲשׂ֔וּ וִיהִ֥י יְהוָ֖ה עִם־הַטֹּֽוב׃ פ wehineh ʾamareyahu khohen haroʾsh ʿaleykhem lekhol devar־yehwah uzevadeyahu ven־yishemaʿeʾl hanagiyd leveyt־yehudah lekhol devar־hamelekhe weshoṭeriym halewiyim lifeneykhem ḥizequ waʿasu wiyhiy yehwah ʿim־haṭowv׃ f