1 וְלִבְנֵ֣י יִשָׂשכָ֗ר תֹּולָ֧ע וּפוּאָ֛ה [יָשִׁיב כ] (יָשׁ֥וּב ק) וְשִׁמְרֹ֖ון אַרְבָּעָֽה׃ ס weliveney yisashkhar towlaʿ ufuʾah [yashiyv kh] (yashuv q) weshimerown ʾarebaʿah׃ s
2 וּבְנֵ֣י תֹולָ֗ע עֻזִּ֡י וּרְפָיָ֡ה וִֽ֠ירִיאֵל וְיַחְמַ֨י וְיִבְשָׂ֜ם וּשְׁמוּאֵ֗ל רָאשִׁ֤ים לְבֵית־אֲבֹותָם֙ לְתֹולָ֔ע גִּבֹּ֥ורֵי חַ֖יִל לְתֹלְדֹותָ֑ם מִסְפָּרָם֙ בִּימֵ֣י דָוִ֔יד עֶשְׂרִֽים־וּשְׁנַ֥יִם אֶ֖לֶף וְשֵׁ֥שׁ מֵאֹֽות׃ ס uveney towlaʿ ʿuziy urefayah wiyriyʾel weyaḥemay weyivesam ushemuʾel raʾshiym leveyt־ʾavowtam letowlaʿ gibowrey ḥayil letoledowtam miseparam biymey dawiyd ʿeseriym־ushenayim ʾelef weshesh meʾowt׃ s
3 וּבְנֵ֥י עֻזִּ֖י יִֽזְרַֽחְיָ֑ה וּבְנֵ֣י יִֽזְרַֽחְיָ֗ה מִֽיכָאֵ֡ל וְ֠עֹבַדְיָה וְיֹואֵ֧ל יִשִּׁיָּ֛ה חֲמִשָּׁ֖ה רָאשִׁ֥ים כֻּלָּֽם׃ uveney ʿuziy yizeraḥeyah uveney yizeraḥeyah miykhaʾel weʿovadeyah weyowʾel yishiyah ḥamishah raʾshiym kulam׃
4 וַעֲלֵיהֶ֨ם לְתֹלְדֹותָ֜ם לְבֵ֣ית אֲבֹותָ֗ם גְּדוּדֵי֙ צְבָ֣א מִלְחָמָ֔ה שְׁלֹשִׁ֥ים וְשִׁשָּׁ֖ה אָ֑לֶף כִּֽי־הִרְבּ֥וּ נָשִׁ֖ים וּבָנִֽים׃ waʿaleyhem letoledowtam leveyt ʾavowtam gedudey tsevaʾ mileḥamah sheloshiym weshishah ʾalef kiy־hirebu nashiym uvaniym׃
5 וַאֲחֵיהֶ֗ם לְכֹל֙ מִשְׁפְּחֹ֣ות יִשָׂשכָ֔ר גִּבֹּורֵ֖י חֲיָלִ֑ים שְׁמֹונִ֤ים וְשִׁבְעָה֙ אֶ֔לֶף הִתְיַחְשָׂ֖ם לַכֹּֽל׃ פ waʾaḥeyhem lekhol mishepeḥowt yisashkhar gibowrey ḥayaliym shemowniym weshiveʿah ʾelef hiteyaḥesam lakol׃ f
6 בִּנְיָמִ֗ן בֶּ֧לַע וָבֶ֛כֶר וִידִֽיעֲאֵ֖ל שְׁלֹשָֽׁה׃ bineyamin belaʿ wavekher wiydiyʿaʾel sheloshah׃
7 וּבְנֵ֣י בֶ֗לַע אֶצְבֹּ֡ון וְעֻזִּ֡י וְ֠עֻזִּיאֵל וִירִימֹ֨ות וְעִירִ֜י חֲמִשָּׁ֗ה רָאשֵׁי֙ בֵּ֣ית אָבֹ֔ות גִּבֹּורֵ֖י חֲיָלִ֑ים וְהִתְיַחְשָׂ֗ם עֶשְׂרִ֤ים וּשְׁנַ֙יִם֙ אֶ֔לֶף וּשְׁלֹשִׁ֖ים וְאַרְבָּעָֽה׃ ס uveney velaʿ ʾetsebown weʿuziy weʿuziyʾel wiyriymowt weʿiyriy ḥamishah raʾshey beyt ʾavowt gibowrey ḥayaliym wehiteyaḥesam ʿeseriym ushenayim ʾelef usheloshiym weʾarebaʿah׃ s
8 וּבְנֵ֣י בֶ֗כֶר זְמִירָ֡ה וְיֹועָ֡שׁ וֶ֠אֱלִיעֶזֶר וְאֶלְיֹועֵינַ֤י וְעָמְרִי֙ וִירֵמֹ֣ות וַאֲבִיָּ֔ה וַעֲנָתֹ֖ות וְעָלָ֑מֶת כָּל־אֵ֖לֶּה בְּנֵי־בָֽכֶר׃ uveney vekher zemiyrah weyowʿash weʾeliyʿezer weʾeleyowʿeynay weʿameriy wiyremowt waʾaviyah waʿanatowt weʿalamet kal־ʾeleh beney־vakher׃
9 וְהִתְיַחְשָׂ֣ם לְתֹלְדֹותָ֗ם רָאשֵׁי֙ בֵּ֣ית אֲבֹותָ֔ם גִּבֹּורֵ֖י חָ֑יִל עֶשְׂרִ֥ים אֶ֖לֶף וּמָאתָֽיִם׃ ס wehiteyaḥesam letoledowtam raʾshey beyt ʾavowtam gibowrey ḥayil ʿeseriym ʾelef umaʾtayim׃ s
10 וּבְנֵ֥י יְדִיעֲאֵ֖ל בִּלְהָ֑ן וּבְנֵ֣י בִלְהָ֗ן [יְעִישׁ כ] (יְע֡וּשׁ ק) וּ֠בִנְיָמִן וְאֵה֤וּד וּֽכְנַעֲנָה֙ וְזֵיתָ֔ן וְתַרְשִׁ֖ישׁ וַאֲחִישָֽׁחַר׃ uveney yediyʿaʾel bilehan uveney vilehan [yeʿiysh kh] (yeʿush q) uvineyamin weʾehud ukhenaʿanah wezeytan wetareshiysh waʾaḥiyshaḥar׃
11 כָּל־אֵ֜לֶּה בְּנֵ֤י יְדִֽיעֲאֵל֙ לְרָאשֵׁ֣י הָאָבֹ֔ות גִּבֹּורֵ֖י חֲיָלִ֑ים שִׁבְעָֽה־עָשָׂ֥ר אֶ֙לֶף֙ וּמָאתַ֔יִם יֹצְאֵ֥י צָבָ֖א לַמִּלְחָמָֽה׃ kal־ʾeleh beney yediyʿaʾel leraʾshey haʾavowt gibowrey ḥayaliym shiveʿah־ʿasar ʾelef umaʾtayim yotseʾey tsavaʾ lamileḥamah׃
12 וְשֻׁפִּ֤ם וְחֻפִּם֙ בְּנֵ֣י עִ֔יר חֻשִׁ֖ם בְּנֵ֥י אַחֵֽר׃ weshupim weḥupim beney ʿiyr ḥushim beney ʾaḥer׃
13 בְּנֵ֣י נַפְתָּלִ֗י יַחֲצִיאֵ֧ל וְגוּנִ֛י וְיֵ֥צֶר וְשַׁלּ֖וּם בְּנֵ֥י בִלְהָֽה׃ פ beney nafetaliy yaḥatsiyʾel weguniy weyetser weshalum beney vilehah׃ f
14 בְּנֵ֣י מְנַשֶּׁ֔ה אַשְׂרִיאֵ֖ל אֲשֶׁ֣ר יָלָ֑דָה פִּֽילַגְשֹׁו֙ הָֽאֲרַמִּיָּ֔ה יָלְדָ֕ה אֶת־מָכִ֖יר אֲבִ֥י גִלְעָֽד׃ beney menasheh ʾaseriyʾel ʾasher yaladah piylageshow haʾaramiyah yaledah ʾet־makhiyr ʾaviy gileʿad׃
15 וּמָכִ֞יר לָקַ֤ח אִשָּׁה֙ לְחֻפִּ֣ים וּלְשֻׁפִּ֔ים וְשֵׁ֤ם אֲחֹתֹו֙ מַעֲכָ֔ה וְשֵׁ֥ם הַשֵּׁנִ֖י צְלָפְחָ֑ד וַתִּהְיֶ֥נָה לִצְלָפְחָ֖ד בָּנֹֽות׃ umakhiyr laqaḥ ʾishah leḥupiym uleshupiym weshem ʾaḥotow maʿakhah weshem hasheniy tselafeḥad watiheyenah litselafeḥad banowt׃
16 וַתֵּ֨לֶד מַעֲכָ֤ה אֵֽשֶׁת־מָכִיר֙ בֵּ֔ן וַתִּקְרָ֤א שְׁמֹו֙ פֶּ֔רֶשׁ וְשֵׁ֥ם אָחִ֖יו שָׁ֑רֶשׁ וּבָנָ֖יו אוּלָ֥ם וָרָֽקֶם׃ wateled maʿakhah ʾeshet־makhiyr ben watiqeraʾ shemow peresh weshem ʾaḥiyw sharesh uvanayw ʾulam waraqem׃
17 וּבְנֵ֥י אוּלָ֖ם בְּדָ֑ן אֵ֚לֶּה בְּנֵ֣י גִלְעָ֔ד בֶּן־מָכִ֖יר בֶּן־מְנַשֶּֽׁה׃ uveney ʾulam bedan ʾeleh beney gileʿad ben־makhiyr ben־menasheh׃
18 וַאֲחֹתֹ֖ו הַמֹּלֶ֑כֶת יָלְדָה֙ אֶת־אִישְׁהֹ֔וד וְאֶת־אֲבִיעֶ֖זֶר וְאֶת־מַחְלָֽה׃ waʾaḥotow hamolekhet yaledah ʾet־ʾiyshehowd weʾet־ʾaviyʿezer weʾet־maḥelah׃
19 וַיִּהְי֖וּ בְּנֵ֣י שְׁמִידָ֑ע אַחְיָ֣ן וָשֶׁ֔כֶם וְלִקְחִ֖י וַאֲנִיעָֽם׃ פ wayiheyu beney shemiydaʿ ʾaḥeyan washekhem weliqeḥiy waʾaniyʿam׃ f
20 וּבְנֵ֥י אֶפְרַ֖יִם שׁוּתָ֑לַח וּבֶ֤רֶד בְּנֹו֙ וְתַ֣חַת בְּנֹ֔ו וְאֶלְעָדָ֥ה בְנֹ֖ו וְתַ֥חַת בְּנֹֽו׃ uveney ʾeferayim shutalaḥ uvered benow wetaḥat benow weʾeleʿadah venow wetaḥat benow׃
21 וְזָבָ֥ד בְּנֹ֛ו וְשׁוּתֶ֥לַח בְּנֹ֖ו וְעֵ֣זֶר וְאֶלְעָ֑ד וַהֲרָג֗וּם אַנְשֵׁי־גַת֙ הַנֹּולָדִ֣ים בָּאָ֔רֶץ כִּ֣י יָרְד֔וּ לָקַ֖חַת אֶת־מִקְנֵיהֶֽם׃ wezavad benow weshutelaḥ benow weʿezer weʾeleʿad waharagum ʾaneshey־gat hanowladiym baʾarets kiy yaredu laqaḥat ʾet־miqeneyhem׃
22 וַיִּתְאַבֵּ֛ל אֶפְרַ֥יִם אֲבִיהֶ֖ם יָמִ֣ים רַבִּ֑ים וַיָּבֹ֥אוּ אֶחָ֖יו לְנַחֲמֹֽו׃ wayiteʾabel ʾeferayim ʾaviyhem yamiym rabiym wayavoʾu ʾeḥayw lenaḥamow׃
23 וַיָּבֹא֙ אֶל־אִשְׁתֹּ֔ו וַתַּ֖הַר וַתֵּ֣לֶד בֵּ֑ן וַיִּקְרָ֤א אֶת־שְׁמֹו֙ בְּרִיעָ֔ה כִּ֥י בְרָעָ֖ה הָיְתָ֥ה בְּבֵיתֹֽו׃ wayavoʾ ʾel־ʾishetow watahar wateled ben wayiqeraʾ ʾet־shemow beriyʿah kiy veraʿah hayetah beveytow׃
24 וּבִתֹּ֣ו שֶׁאֱרָ֔ה וַתִּ֧בֶן אֶת־בֵּית־חֹורֹ֛ון הַתַּחְתֹּ֖ון וְאֶת־הָעֶלְיֹ֑ון וְאֵ֖ת אֻזֵּ֥ן שֶׁאֱרָֽה׃ uvitow sheʾerah wativen ʾet־beyt־ḥowrown hataḥetown weʾet־haʿeleyown weʾet ʾuzen sheʾerah׃
25 וְרֶ֣פַח בְּנֹ֗ו וְרֶ֧שֶׁף וְתֶ֛לַח בְּנֹ֖ו וְתַ֥חַן בְּנֹֽו׃ werefaḥ benow wereshef wetelaḥ benow wetaḥan benow׃
26 לַעְדָּ֥ן בְּנֹ֛ו עַמִּיה֥וּד בְּנֹ֖ו אֱלִישָׁמָ֥ע בְּנֹֽו׃ laʿedan benow ʿamiyhud benow ʾeliyshamaʿ benow׃
27 נֹ֥ון בְּנֹ֖ו יְהֹושֻׁ֥עַ בְּנֹֽו׃ nown benow yehowshuaʿ benow׃
28 וַאֲחֻזָּתָם֙ וּמֹ֣שְׁבֹותָ֔ם בֵּֽית־אֵ֖ל וּבְנֹתֶ֑יהָ וְלַמִּזְרָ֣ח נַעֲרָ֔ן וְלַֽמַּעֲרָ֗ב גֶּ֤זֶר וּבְנֹתֶ֙יהָ֙ וּשְׁכֶ֣ם וּבְנֹתֶ֔יהָ עַד־עַיָּ֖ה וּבְנֹתֶֽיהָ׃ waʾaḥuzatam umoshevowtam beyt־ʾel uvenoteyha welamizeraḥ naʿaran welamaʿarav gezer uvenoteyha ushekhem uvenoteyha ʿad־ʿayah uvenoteyha׃
29 וְעַל־יְדֵ֣י בְנֵי־מְנַשֶּׁ֗ה בֵּית־שְׁאָ֤ן וּבְנֹתֶ֙יהָ֙ תַּעְנַ֣ךְ וּבְנֹתֶ֔יהָ מְגִדֹּ֥ו וּבְנֹותֶ֖יהָ דֹּ֣ור וּבְנֹותֶ֑יהָ בְּאֵ֙לֶּה֙ יָשְׁב֔וּ בְּנֵ֥י יֹוסֵ֖ף בֶּן־יִשְׂרָאֵֽל׃ פ weʿal־yedey veney־menasheh beyt־sheʾan uvenoteyha taʿenakhe uvenoteyha megidow uvenowteyha dowr uvenowteyha beʾeleh yashevu beney yowsef ben־yiseraʾel׃ f
30 בְּנֵ֣י אָשֵׁ֗ר יִמְנָ֧ה וְיִשְׁוָ֛ה וְיִשְׁוִ֥י וּבְרִיעָ֖ה וְשֶׂ֥רַח אֲחֹותָֽם׃ beney ʾasher yimenah weyishewah weyishewiy uveriyʿah weseraḥ ʾaḥowtam׃
31 וּבְנֵ֣י בְרִיעָ֔ה חֶ֖בֶר וּמַלְכִּיאֵ֑ל ה֖וּא אֲבִ֥י [בִרְזֹות כ] (בִרְזָֽיִת׃ ק) uveney veriyʿah ḥever umalekiyʾel huʾ ʾaviy [virezowt kh] (virezayit׃ q)
32 וְחֶ֙בֶר֙ הֹולִ֣יד אֶת־יַפְלֵ֔ט וְאֶת־שֹׁומֵ֖ר וְאֶת־חֹותָ֑ם וְאֵ֖ת שׁוּעָ֥א אֲחֹותָֽם׃ weḥever howliyd ʾet־yafeleṭ weʾet־showmer weʾet־ḥowtam weʾet shuʿaʾ ʾaḥowtam׃
33 וּבְנֵ֣י יַפְלֵ֔ט פָּסַ֥ךְ וּבִמְהָ֖ל וְעַשְׁוָ֑ת אֵ֖לֶּה בְּנֵ֥י יַפְלֵֽט׃ uveney yafeleṭ pasakhe uvimehal weʿashewat ʾeleh beney yafeleṭ׃
34 וּבְנֵ֖י שָׁ֑מֶר אֲחִ֥י [וְרֹוהֲגָה כ] (וְרָהְגָּ֖ה ק) [יַחְבָּה כ] (וְחֻבָּ֥ה ק) וַאֲרָֽם׃ uveney shamer ʾaḥiy [werowhagah kh] (werahegah q) [yaḥebah kh] (weḥubah q) waʾaram׃
35 וּבֶן־הֵ֖לֶם אָחִ֑יו צֹופַ֥ח וְיִמְנָ֖ע וְשֵׁ֥לֶשׁ וְעָמָֽל׃ uven־helem ʾaḥiyw tsowfaḥ weyimenaʿ weshelesh weʿamal׃
36 בְּנֵ֖י צֹופָ֑ח ס֧וּחַ וְחַרְנֶ֛פֶר וְשׁוּעָ֖ל וּבֵרִ֥י וְיִמְרָֽה׃ beney tsowfaḥ suaḥ weḥarenefer weshuʿal uveriy weyimerah׃
37 בֶּ֣צֶר וָהֹ֗וד וְשַׁמָּ֧א וְשִׁלְשָׁ֛ה וְיִתְרָ֖ן וּבְאֵרָֽא׃ betser wahowd weshamaʾ weshileshah weyiteran uveʾeraʾ׃
38 וּבְנֵ֖י יֶ֑תֶר יְפֻנֶּ֥ה וּפִסְפָּ֖ה וַאְרָֽא׃ uveney yeter yefuneh ufisepah waʾeraʾ׃
39 וּבְנֵ֖י עֻלָּ֑א אָרַ֥ח וְחַנִּיאֵ֖ל וְרִצְיָֽא׃ uveney ʿulaʾ ʾaraḥ weḥaniyʾel weritseyaʾ׃
40 כָּל־אֵ֣לֶּה בְנֵי־אָ֠שֵׁר רָאשֵׁ֨י בֵית־הָאָבֹ֤ות בְּרוּרִים֙ גִּבֹּורֵ֣י חֲיָלִ֔ים רָאשֵׁ֖י הַנְּשִׂיאִ֑ים וְהִתְיַחְשָׂ֤ם בַּצָּבָא֙ בַּמִּלְחָמָ֔ה מִסְפָּרָ֣ם אֲנָשִׁ֔ים עֶשְׂרִ֥ים וְשִׁשָּׁ֖ה אָֽלֶף׃ ס kal־ʾeleh veney־ʾasher raʾshey veyt־haʾavowt beruriym gibowrey ḥayaliym raʾshey hanesiyʾiym wehiteyaḥesam batsavaʾ bamileḥamah miseparam ʾanashiym ʿeseriym weshishah ʾalef׃ s