Osée 2

¹ וְֽ֠הָיָה מִסְפַּ֤ר בְּנֵֽי־יִשְׂרָאֵל֙ כְּחֹ֣ול הַיָּ֔ם אֲשֶׁ֥ר לֹֽא־יִמַּ֖ד וְלֹ֣א יִסָּפֵ֑ר וְֽ֠הָיָה בִּמְקֹ֞ום אֲשֶׁר־יֵאָמֵ֤ר לָהֶם֙ לֹֽא־עַמִּ֣י אַתֶּ֔ם יֵאָמֵ֥ר לָהֶ֖ם בְּנֵ֥י אֵֽל־חָֽי׃ wehayah misepar beney־yiseraʾel keḥowl hayam ʾasher loʾ־yimad weloʾ yisafer wehayah bimeqowm ʾasher־yeʾamer lahem loʾ־ʿamiy ʾatem yeʾamer lahem beney ʾel־ḥay׃

² וְ֠נִקְבְּצוּ בְּנֵֽי־יְהוּדָ֤ה וּבְנֵֽי־יִשְׂרָאֵל֙ יַחְדָּ֔ו וְשָׂמ֥וּ לָהֶ֛ם רֹ֥אשׁ אֶחָ֖ד וְעָל֣וּ מִן־הָאָ֑רֶץ כִּ֥י גָדֹ֖ול יֹ֥ום יִזְרְעֶֽאל׃ weniqebetsu beney־yehudah uveney־yiseraʾel yaḥedaw wesamu lahem roʾsh ʾeḥad weʿalu min־haʾarets kiy gadowl yowm yizereʿeʾl׃

³ אִמְר֥וּ לַאֲחֵיכֶ֖ם עַמִּ֑י וְלַאֲחֹֽותֵיכֶ֖ם רֻחָֽמָה׃ ʾimeru laʾaḥeykhem ʿamiy welaʾaḥowteykhem ruḥamah׃

⁴ רִ֤יבוּ בְאִמְּכֶם֙ רִ֔יבוּ כִּֽי־הִיא֙ לֹ֣א אִשְׁתִּ֔י וְאָנֹכִ֖י לֹ֣א אִישָׁ֑הּ וְתָסֵ֤ר זְנוּנֶ֙יהָ֙ מִפָּנֶ֔יה וְנַאֲפוּפֶ֖יהָ מִבֵּ֥ין שָׁדֶֽיהָ׃ riyvu veʾimekhem riyvu kiy־hiyʾ loʾ ʾishetiy weʾanokhiy loʾ ʾiyshah wetaser zenuneyha mipaneyh wenaʾafufeyha mibeyn shadeyha׃

⁵ פֶּן־אַפְשִׁיטֶ֣נָּה עֲרֻמָּ֔ה וְהִ֨צַּגְתִּ֔יהָ כְּיֹ֖ום הִוָּֽלְדָ֑הּ וְשַׂמְתִּ֣יהָ כַמִּדְבָּ֗ר וְשַׁתִּ֙הָ֙ כְּאֶ֣רֶץ צִיָּ֔ה וַהֲמִתִּ֖יהָ בַּצָּמָֽא׃ pen־ʾafeshiyṭenah ʿarumah wehitsagetiyha keyowm hiualedah wesametiyha khamidebar weshatiah keʾerets tsiyah wahamitiyha batsamaʾ׃

⁶ וְאֶת־בָּנֶ֖יהָ לֹ֣א אֲרַחֵ֑ם כִּֽי־בְנֵ֥י זְנוּנִ֖ים הֵֽמָּה׃ weʾet־baneyha loʾ ʾaraḥem kiy־veney zenuniym hemah׃

⁷ כִּ֤י זָֽנְתָה֙ אִמָּ֔ם הֹבִ֖ישָׁה הֹֽורָתָ֑ם כִּ֣י אָמְרָ֗ה אֵלְכָ֞ה אַחֲרֵ֤י מְאַהֲבַי֙ נֹתְנֵ֤י לַחְמִי֙ וּמֵימַ֔י צַמְרִ֣י וּפִשְׁתִּ֔י שַׁמְנִ֖י וְשִׁקּוּיָֽי׃ kiy zanetah ʾimam hoviyshah howratam kiy ʾamerah ʾelekhah ʾaḥarey meʾahavay noteney laḥemiy umeymay tsameriy ufishetiy shameniy weshiquyay׃

⁸ לָכֵ֛ן הִנְנִי־שָׂ֥ךְ אֶת־דַּרְכֵּ֖ךְ בַּסִּירִ֑ים וְגָֽדַרְתִּי֙ אֶת־גְּדֵרָ֔הּ וּנְתִיבֹותֶ֖יהָ לֹ֥א תִמְצָֽא׃ lakhen hineniy־sakhe ʾet־darekekhe basiyriym wegadaretiy ʾet־gederah unetiyvowteyha loʾ timetsaʾ׃

⁹ וְרִדְּפָ֤ה אֶת־מְאַהֲבֶ֙יהָ֙ וְלֹֽא־תַשִּׂ֣יג אֹתָ֔ם וּבִקְשָׁ֖תַם וְלֹ֣א תִמְצָ֑א וְאָמְרָ֗ה אֵלְכָ֤ה וְאָשׁ֙וּבָה֙ אֶל־אִישִׁ֣י הָֽרִאשֹׁ֔ון כִּ֣י טֹ֥וב לִ֛י אָ֖ז מֵעָֽתָּה׃ weridefah ʾet־meʾahaveyha weloʾ־tasiyg ʾotam uviqeshatam weloʾ timetsaʾ weʾamerah ʾelekhah weʾashuvah ʾel־ʾiyshiy hariʾshown kiy ṭowv liy ʾaz meʿatah׃

¹⁰ וְהִיא֙ לֹ֣א יָֽדְעָ֔ה כִּ֤י אָֽנֹכִי֙ נָתַ֣תִּי לָ֔הּ הַדָּגָ֖ן וְהַתִּירֹ֣ושׁ וְהַיִּצְהָ֑ר וְכֶ֨סֶף הִרְבֵּ֥יתִי לָ֛הּ וְזָהָ֖ב עָשׂ֥וּ לַבָּֽעַל׃ wehiyʾ loʾ yadeʿah kiy ʾanokhiy natatiy lah hadagan wehatiyrowsh wehayitsehar wekhesef hirebeytiy lah wezahav ʿasu labaʿal׃

¹¹ לָכֵ֣ן אָשׁ֔וּב וְלָקַחְתִּ֤י דְגָנִי֙ בְּעִתֹּ֔ו וְתִירֹושִׁ֖י בְּמֹֽועֲדֹ֑ו וְהִצַּלְתִּי֙ צַמְרִ֣י וּפִשְׁתִּ֔י לְכַסֹּ֖ות אֶת־עֶרְוָתָֽהּ׃ lakhen ʾashuv welaqaḥetiy deganiy beʿitow wetiyrowshiy bemowʿadow wehitsaletiy tsameriy ufishetiy lekhasowt ʾet־ʿerewatah׃

¹² וְעַתָּ֛ה אֲגַלֶּ֥ה אֶת־נַבְלֻתָ֖הּ לְעֵינֵ֣י מְאַהֲבֶ֑יהָ וְאִ֖ישׁ לֹֽא־יַצִּילֶ֥נָּה מִיָּדִֽי׃ weʿatah ʾagaleh ʾet־navelutah leʿeyney meʾahaveyha weʾiysh loʾ־yatsiylenah miyadiy׃

¹³ וְהִשְׁבַּתִּי֙ כָּל־מְשֹׂושָׂ֔הּ חַגָּ֖הּ חָדְשָׁ֣הּ וְשַׁבַּתָּ֑הּ וְכֹ֖ל מֹועֲדָֽהּ׃ wehishebatiy kal־mesowsah ḥagah ḥadeshah weshabatah wekhol mowʿadah׃

¹⁴ וַהֲשִׁמֹּתִ֗י גַּפְנָהּ֙ וּתְאֵ֣נָתָ֔הּ אֲשֶׁ֣ר אָמְרָ֗ה אֶתְנָ֥ה הֵ֙מָּה֙ לִ֔י אֲשֶׁ֥ר נָֽתְנוּ־לִ֖י מְאַֽהֲבָ֑י וְשַׂמְתִּ֣ים לְיַ֔עַר וַאֲכָלָ֖תַם חַיַּ֥ת הַשָּׂדֶֽה׃ wahashimotiy gafenah uteʾenatah ʾasher ʾamerah ʾetenah hemah liy ʾasher natenu־liy meʾahavay wesametiym leyaʿar waʾakhalatam ḥayat hasadeh׃

¹⁵ וּפָקַדְתִּ֣י עָלֶ֗יהָ אֶת־יְמֵ֤י הַבְּעָלִים֙ אֲשֶׁ֣ר תַּקְטִ֣יר לָהֶ֔ם וַתַּ֤עַד נִזְמָהּ֙ וְחֶלְיָתָ֔הּ וַתֵּ֖לֶךְ אַחֲרֵ֣י מְאַהֲבֶ֑יהָ וְאֹתִ֥י שָׁכְחָ֖ה נְאֻם־יְהוָֽה׃ פ ufaqadetiy ʿaleyha ʾet־yemey habeʿaliym ʾasher taqeṭiyr lahem wataʿad nizemah weḥeleyatah watelekhe ʾaḥarey meʾahaveyha weʾotiy shakheḥah neʾum־yehwah׃ f

¹⁶ לָכֵ֗ן הִנֵּ֤ה אָֽנֹכִי֙ מְפַתֶּ֔יהָ וְהֹֽלַכְתִּ֖יהָ הַמִּדְבָּ֑ר וְדִבַּרְתִּ֖י עַל־לִבָּֽהּ׃ lakhen hineh ʾanokhiy mefateyha weholakhetiyha hamidebar wedibaretiy ʿal־libah׃

¹⁷ וְנָתַ֨תִּי לָ֤הּ אֶת־כְּרָמֶ֙יהָ֙ מִשָּׁ֔ם וְאֶת־עֵ֥מֶק עָכֹ֖ור לְפֶ֣תַח תִּקְוָ֑ה וְעָ֤נְתָה שָּׁ֙מָּה֙ כִּימֵ֣י נְעוּרֶ֔יהָ וִּכְיֹ֖ום עֲלֹתָ֥הּ מֵאֶֽרֶץ־מִצְרָֽיִם׃ ס wenatatiy lah ʾet־kerameyha misham weʾet־ʿemeq ʿakhowr lefetaḥ tiqewah weʿanetah shamah kiymey neʿureyha uikheyowm ʿalotah meʾerets־mitserayim׃ s

¹⁸ וְהָיָ֤ה בַיֹּום־הַהוּא֙ נְאֻם־יְהוָ֔ה תִּקְרְאִ֖י אִישִׁ֑י וְלֹֽא־תִקְרְאִי־לִ֥י עֹ֖וד בַּעְלִֽי׃ wehayah vayowm־hahuʾ neʾum־yehwah tiqereʾiy ʾiyshiy weloʾ־tiqereʾiy־liy ʿowd baʿeliy׃

¹⁹ וַהֲסִרֹתִ֛י אֶת־שְׁמֹ֥ות הַבְּעָלִ֖ים מִפִּ֑יהָ וְלֹֽא־יִזָּכְר֥וּ עֹ֖וד בִּשְׁמָֽם׃ wahasirotiy ʾet־shemowt habeʿaliym mipiyha weloʾ־yizakheru ʿowd bishemam׃

²⁰ וְכָרַתִּ֨י לָהֶ֤ם בְּרִית֙ בַּיֹּ֣ום הַה֔וּא עִם־חַיַּ֤ת הַשָּׂדֶה֙ וְעִם־עֹ֣וף הַשָּׁמַ֔יִם וְרֶ֖מֶשׂ הָֽאֲדָמָ֑ה וְקֶ֨שֶׁת וְחֶ֤רֶב וּמִלְחָמָה֙ אֶשְׁבֹּ֣ור מִן־הָאָ֔רֶץ וְהִשְׁכַּבְתִּ֖ים לָבֶֽטַח׃ wekharatiy lahem beriyt bayowm hahuʾ ʿim־ḥayat hasadeh weʿim־ʿowf hashamayim weremes haʾadamah weqeshet weḥerev umileḥamah ʾeshebowr min־haʾarets wehishekavetiym laveṭaḥ׃

²¹ וְאֵרַשְׂתִּ֥יךְ לִ֖י לְעֹולָ֑ם וְאֵרַשְׂתִּ֥יךְ לִי֙ בְּצֶ֣דֶק וּבְמִשְׁפָּ֔ט וּבְחֶ֖סֶד וּֽבְרַחֲמִֽים׃ weʾerasetiykhe liy leʿowlam weʾerasetiykhe liy betsedeq uvemishepaṭ uveḥesed uveraḥamiym׃

²² וְאֵרַשְׂתִּ֥יךְ לִ֖י בֶּאֱמוּנָ֑ה וְיָדַ֖עַתְּ אֶת־יְהוָֽה׃ ס weʾerasetiykhe liy beʾemunah weyadaʿate ʾet־yehwah׃ s

²³ וְהָיָ֣ה ׀ בַּיֹּ֣ום הַה֗וּא אֶֽעֱנֶה֙ נְאֻם־יְהוָ֔ה אֶעֱנֶ֖ה אֶת־הַשָּׁמָ֑יִם וְהֵ֖ם יַעֲנ֥וּ אֶת־הָאָֽרֶץ׃ wehayah ׀ bayowm hahuʾ ʾeʿeneh neʾum־yehwah ʾeʿeneh ʾet־hashamayim wehem yaʿanu ʾet־haʾarets׃

²⁴ וְהָאָ֣רֶץ תַּעֲנֶ֔ה אֶת־הַדָּגָ֖ן וְאֶת־הַתִּירֹ֣ושׁ וְאֶת־הַיִּצְהָ֑ר וְהֵ֖ם יַעֲנ֥וּ אֶֽת־יִזְרְעֶֽאל׃ wehaʾarets taʿaneh ʾet־hadagan weʾet־hatiyrowsh weʾet־hayitsehar wehem yaʿanu ʾet־yizereʿeʾl׃

²⁵ וּזְרַעְתִּ֤יהָ לִּי֙ בָּאָ֔רֶץ וְרִֽחַמְתִּ֖י אֶת־לֹ֣א רֻחָ֑מָה וְאָמַרְתִּ֤י לְלֹֽא־עַמִּי֙ עַמִּי־אַ֔תָּה וְה֖וּא יֹאמַ֥ר אֱלֹהָֽי׃ פ uzeraʿetiyha liy baʾarets weriḥametiy ʾet־loʾ ruḥamah weʾamaretiy leloʾ־ʿamiy ʿamiy־ʾatah wehuʾ yoʾmar ʾelohay׃ f