1 לַמְנַצֵּ֬חַ ׀ לִבְנֵי־קֹ֬רַח מִזְמֹֽור׃ lamenatseaḥ ׀ liveney־qoraḥ mizemowr׃
2 שִׁמְעוּ־זֹ֭את כָּל־הָֽעַמִּ֑ים הַ֝אֲזִ֗ינוּ כָּל־יֹ֥שְׁבֵי חָֽלֶד׃ shimeʿu־zoʾt kal־haʿamiym haʾaziynu kal־yoshevey ḥaled׃
3 גַּם־בְּנֵ֣י אָ֭דָם גַּם־בְּנֵי־אִ֑ישׁ יַ֝֗חַד עָשִׁ֥יר וְאֶבְיֹֽון׃ gam־beney ʾadam gam־beney־ʾiysh yaḥad ʿashiyr weʾeveyown׃
4 פִּ֭י יְדַבֵּ֣ר חָכְמֹ֑ות וְהָג֖וּת לִבִּ֣י תְבוּנֹֽות׃ piy yedaber ḥakhemowt wehagut libiy tevunowt׃
5 אַטֶּ֣ה לְמָשָׁ֣ל אָזְנִ֑י אֶפְתַּ֥ח בְּ֝כִנֹּ֗ור חִידָתִֽי׃ ʾaṭeh lemashal ʾazeniy ʾefetaḥ bekhinowr ḥiydatiy׃
6 לָ֣מָּה אִ֭ירָא בִּ֣ימֵי רָ֑ע עֲוֹ֖ן עֲקֵבַ֣י יְסוּבֵּֽנִי׃ lamah ʾiyraʾ biymey raʿ ʿaon ʿaqevay yesubeniy׃
7 הַבֹּטְחִ֥ים עַל־חֵילָ֑ם וּבְרֹ֥ב עָ֝שְׁרָ֗ם יִתְהַלָּֽלוּ׃ haboṭeḥiym ʿal־ḥeylam uverov ʿasheram yitehalalu׃
8 אָ֗ח לֹא־פָדֹ֣ה יִפְדֶּ֣ה אִ֑ישׁ לֹא־יִתֵּ֖ן לֵאלֹהִ֣ים כָּפְרֹֽו׃ ʾaḥ loʾ־fadoh yifedeh ʾiysh loʾ־yiten leʾlohiym kaferow׃
9 וְ֭יֵקַר פִּדְיֹ֥ון נַפְשָׁ֗ם וְחָדַ֥ל לְעֹולָֽם׃ weyeqar pideyown nafesham weḥadal leʿowlam׃
10 וִֽיחִי־עֹ֥וד לָנֶ֑צַח לֹ֖א יִרְאֶ֣ה הַשָּֽׁחַת׃ wiyḥiy־ʿowd lanetsaḥ loʾ yireʾeh hashaḥat׃
11 כִּ֤י יִרְאֶ֨ה ׀ חֲכָ֘מִ֤ים יָמ֗וּתוּ יַ֤חַד כְּסִ֣יל וָבַ֣עַר יֹאבֵ֑דוּ וְעָזְב֖וּ לַאֲחֵרִ֣ים חֵילָֽם׃ kiy yireʾeh ׀ ḥakhamiym yamutu yaḥad kesiyl wavaʿar yoʾvedu weʿazevu laʾaḥeriym ḥeylam׃
12 קִרְבָּ֤ם בָּתֵּ֨ימֹו ׀ לְֽעֹולָ֗ם מִ֭שְׁכְּנֹתָם לְדֹ֣ר וָדֹ֑ר קָֽרְא֥וּ בִ֝שְׁמֹותָ֗ם עֲלֵ֣י אֲדָמֹֽות׃ qirebam bateymow ׀ leʿowlam mishekenotam ledor wador qareʾu vishemowtam ʿaley ʾadamowt׃
13 וְאָדָ֣ם בִּ֭יקָר בַּל־יָלִ֑ין נִמְשַׁ֖ל כַּבְּהֵמֹ֣ות נִדְמֽוּ׃ weʾadam biyqar bal־yaliyn nimeshal kabehemowt nidemu׃
14 זֶ֣ה דַ֭רְכָּם כֵּ֣סֶל לָ֑מֹו וְאַחֲרֵיהֶ֓ם ׀ בְּפִיהֶ֖ם יִרְצ֣וּ סֶֽלָה׃ zeh darekam kesel lamow weʾaḥareyhem ׀ befiyhem yiretsu selah׃
15 כַּצֹּ֤אן ׀ לִֽשְׁאֹ֣ול שַׁתּוּ֮ מָ֤וֶת יִ֫רְעֵ֥ם וַיִּרְדּ֘וּ בָ֤ם יְשָׁרִ֨ים ׀ לַבֹּ֗קֶר [וְצִירָם כ] (וְ֭צוּרָם ק) לְבַלֹּ֥ות שְׁאֹ֗ול מִזְּבֻ֥ל לֹֽו׃ katsoʾn ׀ lisheʾowl shatu mawet yireʿem wayiredu vam yeshariym ׀ laboqer [wetsiyram kh] (wetsuram q) levalowt sheʾowl mizevul low׃
16 אַךְ־אֱלֹהִ֗ים יִפְדֶּ֣ה נַ֭פְשִׁי מִֽיַּד־שְׁאֹ֑ול כִּ֖י יִקָּחֵ֣נִי סֶֽלָה׃ ʾakhe־ʾelohiym yifedeh nafeshiy miyad־sheʾowl kiy yiqaḥeniy selah׃
17 אַל־תִּ֭ירָא כִּֽי־יַעֲשִׁ֣ר אִ֑ישׁ כִּֽי־יִ֝רְבֶּה כְּבֹ֣וד בֵּיתֹֽו׃ ʾal־tiyraʾ kiy־yaʿashir ʾiysh kiy־yirebeh kevowd beytow׃
18 כִּ֤י לֹ֣א בְ֭מֹותֹו יִקַּ֣ח הַכֹּ֑ל לֹא־יֵרֵ֖ד אַחֲרָ֣יו כְּבֹודֹֽו׃ kiy loʾ vemowtow yiqaḥ hakol loʾ־yered ʾaḥarayw kevowdow׃
19 כִּֽי־נַ֭פְשֹׁו בְּחַיָּ֣יו יְבָרֵ֑ךְ וְ֝יֹודֻ֗ךָ כִּי־תֵיטִ֥יב לָֽךְ׃ kiy־nafeshow beḥayayw yevarekhe weyowdukha kiy־teyṭiyv lakhe׃
20 תָּ֭בֹוא עַד־דֹּ֣ור אֲבֹותָ֑יו עַד־נֵ֝֗צַח לֹ֣א יִרְאוּ־אֹֽור׃ tavowʾ ʿad־dowr ʾavowtayw ʿad־netsaḥ loʾ yireʾu־ʾowr׃
21 אָדָ֣ם בִּ֭יקָר וְלֹ֣א יָבִ֑ין נִמְשַׁ֖ל כַּבְּהֵמֹ֣ות נִדְמֽוּ׃ ʾadam biyqar weloʾ yaviyn nimeshal kabehemowt nidemu׃