Psaumes 35

¹ לְדָוִ֨ד ׀ רִיבָ֣ה יְ֭הוָה אֶת־יְרִיבַ֑י לְ֝חַ֗ם אֶת־לֹֽחֲמָֽי׃ ledawid ׀ riyvah yehwah ʾet־yeriyvay leḥam ʾet־loḥamay׃

² הַחֲזֵ֣ק מָגֵ֣ן וְצִנָּ֑ה וְ֝ק֗וּמָה בְּעֶזְרָתִֽי׃ haḥazeq magen wetsinah wequmah beʿezeratiy׃

³ וְהָ֘רֵ֤ק חֲנִ֣ית וּ֭סְגֹר לִקְרַ֣את רֹדְפָ֑י אֱמֹ֥ר לְ֝נַפְשִׁ֗י יְֽשֻׁעָתֵ֥ךְ אָֽנִי׃ wehareq ḥaniyt usegor liqeraʾt rodefay ʾemor lenafeshiy yeshuʿatekhe ʾaniy׃

⁴ יֵבֹ֣שׁוּ וְיִכָּלְמוּ֮ מְבַקְשֵׁ֪י נַ֫פְשִׁ֥י יִסֹּ֣גוּ אָחֹ֣ור וְיַחְפְּר֑וּ חֹ֝שְׁבֵ֗י רָעָתִֽי׃ yevoshu weyikalemu mevaqeshey nafeshiy yisogu ʾaḥowr weyaḥeperu ḥoshevey raʿatiy׃

⁵ יִֽהְי֗וּ כְּמֹ֥ץ לִפְנֵי־ר֑וּחַ וּמַלְאַ֖ךְ יְהוָ֣ה דֹּוחֶֽה׃ yiheyu kemots lifeney־ruaḥ umaleʾakhe yehwah dowḥeh׃

⁶ יְֽהִי־דַרְכָּ֗ם חֹ֥שֶׁךְ וַחֲלַקְלַקֹּ֑ות וּמַלְאַ֥ךְ יְ֝הוָ֗ה רֹדְפָֽם׃ yehiy־darekam ḥoshekhe waḥalaqelaqowt umaleʾakhe yehwah rodefam׃

⁷ כִּֽי־חִנָּ֣ם טָֽמְנוּ־לִ֭י שַׁ֣חַת רִשְׁתָּ֑ם חִ֝נָּ֗ם חָפְר֥וּ לְנַפְשִֽׁי׃ kiy־ḥinam ṭamenu־liy shaḥat rishetam ḥinam ḥaferu lenafeshiy׃

⁸ תְּבֹואֵ֣הוּ שֹׁואָה֮ לֹֽא־יֵ֫דָ֥ע וְרִשְׁתֹּ֣ו אֲשֶׁר־טָמַ֣ן תִּלְכְּדֹ֑ו בְּ֝שֹׁואָ֗ה יִפָּל־בָּֽהּ׃ tevowʾehu showʾah loʾ־yedaʿ werishetow ʾasher־ṭaman tilekedow beshowʾah yipal־bah׃

⁹ וְ֭נַפְשִׁי תָּגִ֣יל בַּיהוָ֑ה תָּ֝שִׂישׂ בִּישׁוּעָתֹֽו׃ wenafeshiy tagiyl bayhwah tasiys biyshuʿatow׃

¹⁰ כָּ֥ל עַצְמֹותַ֨י ׀ תֹּאמַרְנָה֮ יְהוָ֗ה מִ֥י כָ֫מֹ֥וךָ מַצִּ֣יל עָ֭נִי מֵחָזָ֣ק מִמֶּ֑נּוּ וְעָנִ֥י וְ֝אֶבְיֹ֗ון מִגֹּזְלֹֽו׃ kal ʿatsemowtay ׀ toʾmarenah yehwah miy khamowkha matsiyl ʿaniy meḥazaq mimenu weʿaniy weʾeveyown migozelow׃

¹¹ יְ֭קוּמוּן עֵדֵ֣י חָמָ֑ס אֲשֶׁ֥ר לֹא־יָ֝דַ֗עְתִּי יִשְׁאָלֽוּנִי׃ yequmun ʿedey ḥamas ʾasher loʾ־yadaʿetiy yisheʾaluniy׃

¹² יְשַׁלְּמ֣וּנִי רָ֭עָה תַּ֥חַת טֹובָ֗ה שְׁכֹ֣ול לְנַפְשִֽׁי׃ yeshalemuniy raʿah taḥat ṭowvah shekhowl lenafeshiy׃

¹³ וַאֲנִ֤י ׀ בַּחֲלֹותָ֡ם לְב֬וּשִׁי שָׂ֗ק עִנֵּ֣יתִי בַצֹּ֣ום נַפְשִׁ֑י וּ֝תְפִלָּתִ֗י עַל־חֵיקִ֥י תָשֽׁוּב׃ waʾaniy ׀ baḥalowtam levushiy saq ʿineytiy vatsowm nafeshiy utefilatiy ʿal־ḥeyqiy tashuv׃

¹⁴ כְּרֵֽעַ־כְּאָ֣ח לִ֭י הִתְהַלָּ֑כְתִּי כַּאֲבֶל־אֵ֝֗ם קֹדֵ֥ר שַׁחֹֽותִי׃ kereaʿ־keʾaḥ liy hitehalakhetiy kaʾavel־ʾem qoder shaḥowtiy׃

¹⁵ וּבְצַלְעִי֮ שָׂמְח֪וּ וְֽנֶאֱ֫סָ֥פוּ נֶאֶסְפ֬וּ עָלַ֣י נֵ֭כִים וְלֹ֣א יָדַ֑עְתִּי קָֽרְע֥וּ וְלֹא־דָֽמּוּ׃ uvetsaleʿiy sameḥu weneʾesafu neʾesefu ʿalay nekhiym weloʾ yadaʿetiy qareʿu weloʾ־damu׃

¹⁶ בְּ֭חַנְפֵי לַעֲגֵ֣י מָעֹ֑וג חָרֹ֖ק עָלַ֣י שִׁנֵּֽימֹו׃ beḥanefey laʿagey maʿowg ḥaroq ʿalay shineymow׃

¹⁷ אֲדֹנָי֮ כַּמָּ֪ה תִּ֫רְאֶ֥ה הָשִׁ֣יבָה נַ֭פְשִׁי מִשֹּׁאֵיהֶ֑ם מִ֝כְּפִירִ֗ים יְחִידָתִֽי׃ ʾadonay kamah tireʾeh hashiyvah nafeshiy mishoʾeyhem mikefiyriym yeḥiydatiy׃

¹⁸ אֹ֭ודְךָ בְּקָהָ֣ל רָ֑ב בְּעַ֖ם עָצ֣וּם אֲהַֽלְלֶֽךָּ׃ ʾowdekha beqahal rav beʿam ʿatsum ʾahaleleka׃

¹⁹ אַֽל־יִשְׂמְחוּ־לִ֣י אֹיְבַ֣י שֶׁ֑קֶר שֹׂנְאַ֥י חִ֝נָּ֗ם יִקְרְצוּ־עָֽיִן׃ ʾal־yisemeḥu־liy ʾoyevay sheqer soneʾay ḥinam yiqeretsu־ʿayin׃

²⁰ כִּ֤י לֹ֥א שָׁלֹ֗ום יְדַ֫בֵּ֥רוּ וְעַ֥ל רִגְעֵי־אֶ֑רֶץ דִּבְרֵ֥י מִ֝רְמֹות יַחֲשֹׁבֽוּן׃ kiy loʾ shalowm yedaberu weʿal rigeʿey־ʾerets diverey miremowt yaḥashovun׃

²¹ וַיַּרְחִ֥יבוּ עָלַ֗י פִּ֫יהֶ֥ם אָ֭מְרוּ הֶאָ֣ח ׀ הֶאָ֑ח רָאֲתָ֥ה עֵינֵֽינוּ׃ wayareḥiyvu ʿalay piyhem ʾameru heʾaḥ ׀ heʾaḥ raʾatah ʿeyneynu׃

²² רָאִ֣יתָה יְ֭הוָה אַֽל־תֶּחֱרַ֑שׁ אֲ֝דֹנָ֗י אֲל־תִּרְחַ֥ק מִמֶּֽנִּי׃ raʾiytah yehwah ʾal־teḥerash ʾadonay ʾal־tireḥaq mimeniy׃

²³ הָעִ֣ירָה וְ֭הָקִיצָה לְמִשְׁפָּטִ֑י אֱלֹהַ֖י וַֽאדֹנָ֣י לְרִיבִֽי׃ haʿiyrah wehaqiytsah lemishepaṭiy ʾelohay waʾdonay leriyviy׃

²⁴ שָׁפְטֵ֣נִי כְ֭צִדְקְךָ יְהוָ֥ה אֱלֹהָ֗י וְאַל־יִשְׂמְחוּ־לִֽי׃ shafeṭeniy khetsideqekha yehwah ʾelohay weʾal־yisemeḥu־liy׃

²⁵ אַל־יֹאמְר֣וּ בְ֭לִבָּם הֶאָ֣ח נַפְשֵׁ֑נוּ אַל־יֹ֝אמְר֗וּ בִּֽלַּעֲנֽוּהוּ׃ ʾal־yoʾmeru velibam heʾaḥ nafeshenu ʾal־yoʾmeru bilaʿanuhu׃

²⁶ יֵ֘בֹ֤שׁוּ וְיַחְפְּר֨וּ ׀ יַחְדָּו֮ שְׂמֵחֵ֪י רָעָ֫תִ֥י יִֽלְבְּשׁוּ־בֹ֥שֶׁת וּכְלִמָּ֑ה הַֽמַּגְדִּילִ֥ים עָלָֽי׃ yevoshu weyaḥeperu ׀ yaḥedaw semeḥey raʿatiy yilebeshu־voshet ukhelimah hamagediyliym ʿalay׃

²⁷ יָרֹ֣נּוּ וְיִשְׂמְחוּ֮ חֲפֵצֵ֪י צִ֫דְקִ֥י וְיֹאמְר֣וּ תָ֭מִיד יִגְדַּ֣ל יְהוָ֑ה הֶ֝חָפֵ֗ץ שְׁלֹ֣ום עַבְדֹּֽו׃ yaronu weyisemeḥu ḥafetsey tsideqiy weyoʾmeru tamiyd yigedal yehwah heḥafets shelowm ʿavedow׃

²⁸ וּ֭לְשֹׁונִי תֶּהְגֶּ֣ה צִדְקֶ֑ךָ כָּל־הַ֝יֹּום תְּהִלָּתֶֽךָ׃ uleshowniy tehegeh tsideqekha kal־hayowm tehilatekha׃