Proverbes 27

¹ אַֽל־תִּ֭תְהַלֵּל בְּיֹ֣ום מָחָ֑ר כִּ֤י לֹא־תֵ֝דַ֗ע מַה־יֵּ֥לֶד יֹֽום׃ ʾal־titehalel beyowm maḥar kiy loʾ־tedaʿ mah־yeled yowm׃

² יְהַלֶּלְךָ֣ זָ֣ר וְלֹא־פִ֑יךָ נָ֝כְרִ֗י וְאַל־שְׂפָתֶֽיךָ׃ yehalelekha zar weloʾ־fiykha nakheriy weʾal־sefateykha׃

³ כֹּֽבֶד־אֶ֭בֶן וְנֵ֣טֶל הַחֹ֑ול וְכַ֥עַס אֱ֝וִ֗יל כָּבֵ֥ד מִשְּׁנֵיהֶֽם׃ koved־ʾeven weneṭel haḥowl wekhaʿas ʾewiyl kaved misheneyhem׃

⁴ אַכְזְרִיּ֣וּת חֵ֭מָה וְשֶׁ֣טֶף אָ֑ף וּמִ֥י יַ֝עֲמֹד לִפְנֵ֥י קִנְאָֽה׃ ʾakhezeriyut ḥemah wesheṭef ʾaf umiy yaʿamod lifeney qineʾah׃

⁵ טֹ֖ובָה תֹּוכַ֣חַת מְגֻלָּ֑ה מֵֽאַהֲבָ֥ה מְסֻתָּֽרֶת׃ ṭowvah towkhaḥat megulah meʾahavah mesutaret׃

⁶ נֶ֭אֱמָנִים פִּצְעֵ֣י אֹוהֵ֑ב וְ֝נַעְתָּרֹ֗ות נְשִׁיקֹ֥ות שֹׂונֵֽא׃ neʾemaniym pitseʿey ʾowhev wenaʿetarowt neshiyqowt sowneʾ׃

⁷ נֶ֣פֶשׁ בֵעָה תָּב֣וּס נֹ֑פֶת וְנֶ֥פֶשׁ רְ֝עֵבָ֗ה כָּל־מַ֥ר מָתֹֽוק׃ nefesh veʿah tavus nofet wenefesh reʿevah kal־mar matowq׃

⁸ כְּ֭צִפֹּור נֹודֶ֣דֶת מִן־קִנָּ֑הּ כֵּֽן־אִ֝֗ישׁ נֹודֵ֥ד מִמְּקֹומֹֽו׃ ketsipowr nowdedet min־qinah ken־ʾiysh nowded mimeqowmow׃

⁹ שֶׁ֣מֶן וּ֭קְטֹרֶת יְשַׂמַּֽח־לֵ֑ב וּמֶ֥תֶק רֵ֝עֵ֗הוּ מֵֽעֲצַת־נָֽפֶשׁ׃ shemen uqeṭoret yesamaḥ־lev umeteq reʿehu meʿatsat־nafesh׃

¹⁰ רֵֽעֲךָ֙ [וְרֵעֶה כ] (וְרֵ֪עַ ק) אָבִ֡יךָ אַֽל־תַּעֲזֹ֗ב וּבֵ֥ית אָחִ֗יךָ אַל־תָּ֭בֹוא בְּיֹ֣ום אֵידֶ֑ךָ טֹ֥וב שָׁכֵ֥ן קָ֝רֹ֗וב מֵאָ֥ח רָחֹֽוק׃ reʿakha [wereʿeh kh] (wereaʿ q) ʾaviykha ʾal־taʿazov uveyt ʾaḥiykha ʾal־tavowʾ beyowm ʾeydekha ṭowv shakhen qarowv meʾaḥ raḥowq׃

¹¹ חֲכַ֣ם בְּ֭נִי וְשַׂמַּ֣ח לִבִּ֑י וְאָשִׁ֖יבָה חֹרְפִ֣י דָבָֽר׃ ḥakham beniy wesamaḥ libiy weʾashiyvah ḥorefiy davar׃

¹² עָר֤וּם רָאָ֣ה רָעָ֣ה נִסְתָּ֑ר פְּ֝תָאיִ֗ם עָבְר֥וּ נֶעֱנָֽשׁוּ׃ ʿarum raʾah raʿah nisetar petaʾyim ʿaveru neʿenashu׃

¹³ קַח־בִּ֭גְדֹו כִּי־עָ֣רַב זָ֑ר וּבְעַ֖ד נָכְרִיָּ֣ה חַבְלֵֽהוּ׃ qaḥ־bigedow kiy־ʿarav zar uveʿad nakheriyah ḥavelehu׃

¹⁴ מְבָ֘רֵ֤ךְ רֵעֵ֨הוּ ׀ בְּקֹ֣ול גָּ֭דֹול בַּבֹּ֣קֶר הַשְׁכֵּ֑ים קְ֝לָלָ֗ה תֵּחָ֥שֶׁב לֹֽו׃ mevarekhe reʿehu ׀ beqowl gadowl baboqer hashekeym qelalah teḥashev low׃

¹⁵ דֶּ֣לֶף טֹ֭ורֵד בְּיֹ֣ום סַגְרִ֑יר וְאֵ֥שֶׁת [מִדֹונִים כ] (מִ֝דְיָנִ֗ים ק) נִשְׁתָּוָֽה׃ delef ṭowred beyowm sageriyr weʾeshet [midowniym kh] (mideyaniym q) nishetawah׃

¹⁶ צֹפְנֶ֥יהָ צָֽפַן־ר֑וּחַ וְשֶׁ֖מֶן יְמִינֹ֣ו יִקְרָֽא׃ tsofeneyha tsafan־ruaḥ weshemen yemiynow yiqeraʾ׃

¹⁷ בַּרְזֶ֣ל בְּבַרְזֶ֣ל יָ֑חַד וְ֝אִ֗ישׁ יַ֣חַד פְּנֵֽי־רֵעֵֽהוּ׃ barezel bevarezel yaḥad weʾiysh yaḥad peney־reʿehu׃

¹⁸ נֹצֵ֣ר תְּ֭אֵנָה יֹאכַ֣ל פִּרְיָ֑הּ וְשֹׁמֵ֖ר אֲדֹנָ֣יו יְכֻבָּֽד׃ notser teʾenah yoʾkhal pireyah weshomer ʾadonayw yekhubad׃

¹⁹ כַּ֭מַּיִם הַפָּנִ֣ים לַפָּנִ֑ים כֵּ֤ן לֵֽב־הָ֝אָדָ֗ם לָאָדָֽם׃ kamayim hapaniym lapaniym ken lev־haʾadam laʾadam׃

²⁰ שְׁאֹ֣ול [וַאֲבַדֹּה כ] (וַ֭אֲבַדֹּו ק) לֹ֣א תִשְׂבַּ֑עְנָה וְעֵינֵ֥י הָ֝אָדָ֗ם לֹ֣א תִשְׂבַּֽעְנָה׃ sheʾowl [waʾavadoh kh] (waʾavadow q) loʾ tisebaʿenah weʿeyney haʾadam loʾ tisebaʿenah׃

²¹ מַצְרֵ֣ף לַ֭כֶּסֶף וְכ֣וּר לַזָּהָ֑ב וְ֝אִ֗ישׁ לְפִ֣י מַהֲלָלֹֽו׃ matseref lakesef wekhur lazahav weʾiysh lefiy mahalalow׃

²² אִ֥ם תִּכְתֹּֽושׁ־אֶת־הָאֱוִ֨יל ׀ בַּֽמַּכְתֵּ֡שׁ בְּתֹ֣וךְ הָ֭רִיפֹות בַּֽעֱלִ֑י לֹא־תָס֥וּר מֵ֝עָלָ֗יו אִוַּלְתֹּֽו׃ פ ʾim tikhetowsh־ʾet־haʾewiyl ׀ bamakhetesh betowkhe hariyfowt baʿeliy loʾ־tasur meʿalayw ʾiualetow׃ f

²³ יָדֹ֣עַ תֵּ֭דַע פְּנֵ֣י צֹאנֶ֑ךָ שִׁ֥ית לִ֝בְּךָ֗ לַעֲדָרִֽים׃ yadoaʿ tedaʿ peney tsoʾnekha shiyt libekha laʿadariym׃

²⁴ כִּ֤י לֹ֣א לְעֹולָ֣ם חֹ֑סֶן וְאִם־נֵ֝֗זֶר לְדֹ֣ור [דֹור כ] (וָדֹֽור׃ ק) kiy loʾ leʿowlam ḥosen weʾim־nezer ledowr [dowr kh] (wadowr׃ q)

²⁵ גָּלָ֣ה חָ֭צִיר וְנִרְאָה־דֶ֑שֶׁא וְ֝נֶאֶסְפ֗וּ עִשְּׂבֹ֥ות הָרִֽים׃ galah ḥatsiyr wenireʾah־desheʾ weneʾesefu ʿisevowt hariym׃

²⁶ כְּבָשִׂ֥ים לִלְבוּשֶׁ֑ךָ וּמְחִ֥יר דֶ֗ה עַתּוּדִֽים׃ kevasiym lilevushekha umeḥiyr deh ʿatudiym׃

²⁷ וְדֵ֤י ׀ חֲלֵ֬ב עִזִּ֗ים לְֽ֭לַחְמְךָ לְלֶ֣חֶם בֵּיתֶ֑ךָ וְ֝חַיִּ֗ים לְנַעֲרֹותֶֽיךָ׃ wedey ׀ ḥalev ʿiziym lelaḥemekha leleḥem beytekha weḥayiym lenaʿarowteykha׃