Daniel 6

¹ וְדָרְיָ֙וֶשׁ֙ [מָדָיָא כ] (מָֽדָאָ֔ה ק) קַבֵּ֖ל מַלְכוּתָ֑א כְּבַ֥ר שְׁנִ֖ין שִׁתִּ֥ין וְתַרְתֵּֽין׃ wedareyawesh [madayaʾ kh] (madaʾah q) qabel malekhutaʾ kevar sheniyn shitiyn wetareteyn׃

² שְׁפַר֙ קֳדָ֣ם דָּרְיָ֔וֶשׁ וַהֲקִים֙ עַל־מַלְכוּתָ֔א לַאֲחַשְׁדַּרְפְּנַיָּ֖א מְאָ֣ה וְעֶשְׂרִ֑ין דִּ֥י לֶהֱוֹ֖ן בְּכָל־מַלְכוּתָֽא׃ shefar qodam dareyawesh wahaqiym ʿal־malekhutaʾ laʾaḥashedarepenayaʾ meʾah weʿeseriyn diy leheon bekhal־malekhutaʾ׃

³ וְעֵ֤לָּא מִנְּהֹון֙ סָרְכִ֣ין תְּלָתָ֔א דִּ֥י דָנִיֵּ֖אל חַֽד־מִנְּהֹ֑ון דִּֽי־לֶהֱוֹ֞ן אֲחַשְׁדַּרְפְּנַיָּ֣א אִלֵּ֗ין יָהֲבִ֤ין לְהֹון֙ טַעְמָ֔א וּמַלְכָּ֖א לָֽא־לֶהֱוֵ֥א נָזִֽק׃ weʿelaʾ minehown sarekhiyn telataʾ diy daniyeʾl ḥad־minehown diy־leheon ʾaḥashedarepenayaʾ ʾileyn yahaviyn lehown ṭaʿemaʾ umalekaʾ laʾ־leheweʾ naziq׃

⁴ אֱדַ֙יִן֙ דָּנִיֵּ֣אל דְּנָ֔ה הֲוָ֣א מִתְנַצַּ֔ח עַל־סָרְכַיָּ֖א וַאֲחַשְׁדַּרְפְּנַיָּ֑א כָּל־קֳבֵ֗ל דִּ֣י ר֤וּחַ יַתִּירָא֙ בֵּ֔הּ וּמַלְכָּ֣א עֲשִׁ֔ית לַהֲקָמוּתֵ֖הּ עַל־כָּל־מַלְכוּתָֽא׃ ʾedayin daniyeʾl denah hawaʾ mitenatsaḥ ʿal־sarekhayaʾ waʾaḥashedarepenayaʾ kal־qovel diy ruaḥ yatiyraʾ beh umalekaʾ ʿashiyt lahaqamuteh ʿal־kal־malekhutaʾ׃

⁵ אֱדַ֨יִן סָֽרְכַיָּ֜א וַאֲחַשְׁדַּרְפְּנַיָּ֗א הֲוֹ֨ו בָעַ֧יִן עִלָּ֛ה לְהַשְׁכָּחָ֥ה לְדָנִיֵּ֖אל מִצַּ֣ד מַלְכוּתָ֑א וְכָל־עִלָּ֨ה וּשְׁחִיתָ֜ה לָא־יָכְלִ֣ין לְהַשְׁכָּחָ֗ה כָּל־קֳבֵל֙ דִּֽי־מְהֵימַ֣ן ה֔וּא וְכָל־שָׁלוּ֙ וּשְׁחִיתָ֔ה לָ֥א הִשְׁתְּכַ֖חַת עֲלֹֽוהִי׃ ʾedayin sarekhayaʾ waʾaḥashedarepenayaʾ haow vaʿayin ʿilah lehashekaḥah ledaniyeʾl mitsad malekhutaʾ wekhal־ʿilah usheḥiytah laʾ־yakheliyn lehashekaḥah kal־qovel diy־meheyman huʾ wekhal־shalu usheḥiytah laʾ hishetekhaḥat ʿalowhiy׃

⁶ אֱ֠דַיִן גֻּבְרַיָּ֤א אִלֵּךְ֙ אָֽמְרִ֔ין דִּ֣י לָ֧א נְהַשְׁכַּ֛ח לְדָנִיֵּ֥אל דְּנָ֖ה כָּל־עִלָּ֑א לָהֵ֕ן הַשְׁכַּ֥חְנָֽה עֲלֹ֖והִי בְּדָ֥ת אֱלָהֵֽהּ׃ ס ʾedayin guverayaʾ ʾilekhe ʾameriyn diy laʾ nehashekaḥ ledaniyeʾl denah kal־ʿilaʾ lahen hashekaḥenah ʿalowhiy bedat ʾelaheh׃ s

⁷ אֱ֠דַיִן סָרְכַיָּ֤א וַאֲחַשְׁדַּרְפְּנַיָּא֙ אִלֵּ֔ן הַרְגִּ֖שׁוּ עַל־מַלְכָּ֑א וְכֵן֙ אָמְרִ֣ין לֵ֔הּ דָּרְיָ֥וֶשׁ מַלְכָּ֖א לְעָלְמִ֥ין חֱיִֽי׃ ʾedayin sarekhayaʾ waʾaḥashedarepenayaʾ ʾilen haregishu ʿal־malekaʾ wekhen ʾameriyn leh dareyawesh malekaʾ leʿalemiyn ḥeyiy׃

⁸ אִתְיָעַ֜טוּ כֹּ֣ל ׀ סָרְכֵ֣י מַלְכוּתָ֗א סִגְנַיָּ֤א וַֽאֲחַשְׁדַּרְפְּנַיָּא֙ הַדָּֽבְרַיָּ֣א וּפַחֲוָתָ֔א לְקַיָּמָ֤ה קְיָם֙ מַלְכָּ֔א וּלְתַקָּפָ֖ה אֱסָ֑ר דִּ֣י כָל־דִּֽי־יִבְעֵ֣ה בָ֠עוּ מִן־כָּל־אֱלָ֨הּ וֶֽאֱנָ֜שׁ עַד־יֹומִ֣ין תְּלָתִ֗ין לָהֵן֙ מִנָּ֣ךְ מַלְכָּ֔א יִתְרְמֵ֕א לְגֹ֖ב אַרְיָוָתָֽא׃ ʾiteyaʿaṭu kol ׀ sarekhey malekhutaʾ sigenayaʾ waʾaḥashedarepenayaʾ hadaverayaʾ ufaḥawataʾ leqayamah qeyam malekaʾ uletaqafah ʾesar diy khal־diy־yiveʿeh vaʿu min־kal־ʾelah weʾenash ʿad־yowmiyn telatiyn lahen minakhe malekaʾ yiteremeʾ legov ʾareyawataʾ׃

⁹ כְּעַ֣ן מַלְכָּ֔א תְּקִ֥ים אֱסָרָ֖א וְתִרְשֻׁ֣ם כְּתָבָ֑א דִּ֣י לָ֧א לְהַשְׁנָיָ֛ה כְּדָת־מָדַ֥י וּפָרַ֖ס דִּי־לָ֥א תֶעְדֵּֽא׃ keʿan malekaʾ teqiym ʾesaraʾ wetireshum ketavaʾ diy laʾ lehashenayah kedat־maday ufaras diy־laʾ teʿedeʾ׃

¹⁰ כָּל־קֳבֵ֖ל דְּנָ֑ה מַלְכָּא֙ דָּֽרְיָ֔וֶשׁ רְשַׁ֥ם כְּתָבָ֖א וֶאֱסָרָֽא׃ kal־qovel denah malekaʾ dareyawesh resham ketavaʾ weʾesaraʾ׃

¹¹ וְ֠דָנִיֵּאל כְּדִ֨י יְדַ֜ע דִּֽי־רְשִׁ֤ים כְּתָבָא֙ עַ֣ל לְבַיְתֵ֔הּ וְכַוִּ֨ין פְּתִיחָ֥ן לֵהּ֙ בְּעִלִּיתֵ֔הּ נֶ֖גֶד יְרוּשְׁלֶ֑ם וְזִמְנִין֩ תְּלָתָ֨ה בְיֹומָ֜א ה֣וּא ׀ בָּרֵ֣ךְ עַל־בִּרְכֹ֗והִי וּמְצַלֵּ֤א וּמֹודֵא֙ קֳדָ֣ם אֱלָהֵ֔הּ כָּל־קֳבֵל֙ דִּֽי־הֲוָ֣א עָבֵ֔ד מִן־קַדְמַ֖ת דְּנָֽה׃ ס wedaniyeʾl kediy yedaʿ diy־reshiym ketavaʾ ʿal levayeteh wekhauiyn petiyḥan leh beʿiliyteh neged yerushelem wezimeniyn telatah veyowmaʾ huʾ ׀ barekhe ʿal־birekhowhiy umetsaleʾ umowdeʾ qodam ʾelaheh kal־qovel diy־hawaʾ ʿaved min־qademat denah׃ s

¹² אֱ֠דַיִן גֻּבְרַיָּ֤א אִלֵּךְ֙ הַרְגִּ֔שׁוּ וְהַשְׁכַּ֖חוּ לְדָנִיֵּ֑אל בָּעֵ֥א וּמִתְחַנַּ֖ן קֳדָ֥ם אֱלָהֵֽהּ׃ ʾedayin guverayaʾ ʾilekhe haregishu wehashekaḥu ledaniyeʾl baʿeʾ umiteḥanan qodam ʾelaheh׃

¹³ בֵּ֠אדַיִן קְרִ֨יבוּ וְאָמְרִ֥ין קֳדָם־מַלְכָּא֮ עַל־אֱסָ֣ר מַלְכָּא֒ הֲלָ֧א אֱסָ֣ר רְשַׁ֗מְתָּ דִּ֣י כָל־אֱנָ֡שׁ דִּֽי־יִבְעֵה֩ מִן־כָּל־אֱלָ֨הּ וֶֽאֱנָ֜שׁ עַד־יֹומִ֣ין תְּלָתִ֗ין לָהֵן֙ מִנָּ֣ךְ מַלְכָּ֔א יִתְרְמֵ֕א לְגֹ֖וב אַרְיָותָ֑א עָנֵ֨ה מַלְכָּ֜א וְאָמַ֗ר יַצִּיבָ֧א מִלְּתָ֛א כְּדָת־מָדַ֥י וּפָרַ֖ס דִּי־לָ֥א תֶעְדֵּֽא׃ beʾdayin qeriyvu weʾameriyn qodam־malekaʾ ʿal־ʾesar malekaʾ halaʾ ʾesar reshameta diy khal־ʾenash diy־yiveʿeh min־kal־ʾelah weʾenash ʿad־yowmiyn telatiyn lahen minakhe malekaʾ yiteremeʾ legowv ʾareyawtaʾ ʿaneh malekaʾ weʾamar yatsiyvaʾ miletaʾ kedat־maday ufaras diy־laʾ teʿedeʾ׃

¹⁴ בֵּ֠אדַיִן עֲנֹ֣ו וְאָמְרִין֮ קֳדָ֣ם מַלְכָּא֒ דִּ֣י דָנִיֵּ֡אל דִּי֩ מִן־בְּנֵ֨י גָלוּתָ֜א דִּ֣י יְה֗וּד לָא־שָׂ֨ם [עֲלַיִךְ כ] (עֲלָ֤ךְ ק) מַלְכָּא֙ טְעֵ֔ם וְעַל־אֱסָרָ֖א דִּ֣י רְשַׁ֑מְתָּ וְזִמְנִ֤ין תְּלָתָה֙ בְּיֹומָ֔א בָּעֵ֖א בָּעוּתֵֽהּ׃ beʾdayin ʿanow weʾameriyn qodam malekaʾ diy daniyeʾl diy min־beney galutaʾ diy yehud laʾ־sam [ʿalayikhe kh] (ʿalakhe q) malekaʾ ṭeʿem weʿal־ʾesaraʾ diy reshameta wezimeniyn telatah beyowmaʾ baʿeʾ baʿuteh׃

¹⁵ אֱדַ֨יִן מַלְכָּ֜א כְּדִ֧י מִלְּתָ֣א שְׁמַ֗ע שַׂגִּיא֙ בְּאֵ֣שׁ עֲלֹ֔והִי וְעַ֧ל דָּנִיֵּ֛אל שָׂ֥ם בָּ֖ל לְשֵׁיזָבוּתֵ֑הּ וְעַד֙ מֶֽעָלֵ֣י שִׁמְשָׁ֔א הֲוָ֥א מִשְׁתַּדַּ֖ר לְהַצָּלוּתֵֽהּ׃ ʾedayin malekaʾ kediy miletaʾ shemaʿ sagiyʾ beʾesh ʿalowhiy weʿal daniyeʾl sam bal lesheyzavuteh weʿad meʿaley shimeshaʾ hawaʾ mishetadar lehatsaluteh׃

¹⁶ בֵּאדַ֙יִן֙ גֻּבְרַיָּ֣א אִלֵּ֔ךְ הַרְגִּ֖שׁוּ עַל־מַלְכָּ֑א וְאָמְרִ֣ין לְמַלְכָּ֗א דַּ֤ע מַלְכָּא֙ דִּֽי־דָת֙ לְמָדַ֣י וּפָרַ֔ס דִּֽי־כָל־אֱסָ֥ר וּקְיָ֛ם דִּֽי־מַלְכָּ֥א יְהָקֵ֖ים לָ֥א לְהַשְׁנָיָֽה׃ beʾdayin guverayaʾ ʾilekhe haregishu ʿal־malekaʾ weʾameriyn lemalekaʾ daʿ malekaʾ diy־dat lemaday ufaras diy־khal־ʾesar uqeyam diy־malekaʾ yehaqeym laʾ lehashenayah׃

¹⁷ בֵּאדַ֜יִן מַלְכָּ֣א אֲמַ֗ר וְהַיְתִיו֙ לְדָ֣נִיֵּ֔אל וּרְמֹ֕ו לְגֻבָּ֖א דִּ֣י אַרְיָוָתָ֑א עָנֵ֤ה מַלְכָּא֙ וְאָמַ֣ר לְדָנִיֵּ֔אל אֱלָהָ֗ךְ דִּ֣י [אַנְתָּה כ] (אַ֤נְתְּ ק) פָּֽלַֽח־לֵהּ֙ בִּתְדִירָ֔א ה֖וּא יְשֵׁיזְבִנָּֽךְ׃ beʾdayin malekaʾ ʾamar wehayetiyw ledaniyeʾl uremow legubaʾ diy ʾareyawataʾ ʿaneh malekaʾ weʾamar ledaniyeʾl ʾelahakhe diy [ʾanetah kh] (ʾanete q) palaḥ־leh bitediyraʾ huʾ yesheyzevinakhe׃

¹⁸ וְהֵיתָ֙יִת֙ אֶ֣בֶן חֲדָ֔ה וְשֻׂמַ֖ת עַל־פֻּ֣ם גֻּבָּ֑א וְחַתְמַ֨הּ מַלְכָּ֜א בְּעִזְקְתֵ֗הּ וּבְעִזְקָת֙ רַבְרְבָנֹ֔והִי דִּ֛י לָא־תִשְׁנֵ֥א צְב֖וּ בְּדָנִיֵּֽאל׃ weheytayit ʾeven ḥadah wesumat ʿal־pum gubaʾ weḥatemah malekaʾ beʿizeqeteh uveʿizeqat raverevanowhiy diy laʾ־tisheneʾ tsevu bedaniyeʾl׃

¹⁹ אֱ֠דַיִן אֲזַ֨ל מַלְכָּ֤א לְהֵֽיכְלֵהּ֙ וּבָ֣ת טְוָ֔ת וְדַחֲוָ֖ן לָא־הַנְעֵ֣ל קָֽדָמֹ֑והִי וְשִׁנְתֵּ֖הּ נַדַּ֥ת עֲלֹֽוהִי׃ ʾedayin ʾazal malekaʾ leheykheleh uvat ṭewat wedaḥawan laʾ־haneʿel qadamowhiy weshineteh nadat ʿalowhiy׃

²⁰ בֵּאדַ֣יִן מַלְכָּ֔א בִּשְׁפַּרְפָּרָ֖א יְק֣וּם בְּנָגְהָ֑א וּבְהִ֨תְבְּהָלָ֔ה לְגֻבָּ֥א דִֽי־אַרְיָוָתָ֖א אֲזַֽל׃ beʾdayin malekaʾ bishepareparaʾ yequm benagehaʾ uvehitebehalah legubaʾ diy־ʾareyawataʾ ʾazal׃

²¹ וּכְמִקְרְבֵ֣הּ לְגֻבָּ֔א לְדָ֣נִיֵּ֔אל בְּקָ֥ל עֲצִ֖יב זְעִ֑ק עָנֵ֨ה מַלְכָּ֜א וְאָמַ֣ר לְדָנִיֵּ֗אל דָּֽנִיֵּאל֙ עֲבֵד֙ אֱלָהָ֣א חַיָּ֔א אֱלָהָ֗ךְ דִּ֣י [אַנְתָּה כ] (אַ֤נְתְּ ק) פָּֽלַֽח־לֵהּ֙ בִּתְדִירָ֔א הַיְכִ֥ל לְשֵׁיזָבוּתָ֖ךְ מִן־אַרְיָוָתָֽא׃ ukhemiqereveh legubaʾ ledaniyeʾl beqal ʿatsiyv zeʿiq ʿaneh malekaʾ weʾamar ledaniyeʾl daniyeʾl ʿaved ʾelahaʾ ḥayaʾ ʾelahakhe diy [ʾanetah kh] (ʾanete q) palaḥ־leh bitediyraʾ hayekhil lesheyzavutakhe min־ʾareyawataʾ׃

²² אֱדַ֙יִן֙ דָּנִיֶּ֔אל עִם־מַלְכָּ֖א מַלִּ֑ל מַלְכָּ֖א לְעָלְמִ֥ין חֱיִֽי׃ ʾedayin daniyeʾl ʿim־malekaʾ malil malekaʾ leʿalemiyn ḥeyiy׃

²³ אֱלָהִ֞י שְׁלַ֣ח מַלְאֲכֵ֗הּ וּֽסֲגַ֛ר פֻּ֥ם אַרְיָוָתָ֖א וְלָ֣א חַבְּל֑וּנִי כָּל־קֳבֵ֗ל דִּ֤י קָֽדָמֹ֙והִי֙ זָכוּ֙ הִשְׁתְּכַ֣חַת לִ֔י וְאַ֤ף [קָדָמַיִךְ כ] (קָֽדָמָךְ֙ ק) מַלְכָּ֔א חֲבוּלָ֖ה לָ֥א עַבְדֵֽת׃ ʾelahiy shelaḥ maleʾakheh usagar pum ʾareyawataʾ welaʾ ḥabeluniy kal־qovel diy qadamowhiy zakhu hishetekhaḥat liy weʾaf [qadamayikhe kh] (qadamakhe q) malekaʾ ḥavulah laʾ ʿavedet׃

²⁴ בֵּאדַ֣יִן מַלְכָּ֗א שַׂגִּיא֙ טְאֵ֣ב עֲלֹ֔והִי וּלְדָ֣נִיֵּ֔אל אֲמַ֖ר לְהַנְסָקָ֣ה מִן־גֻּבָּ֑א וְהֻסַּ֨ק דָּנִיֵּ֜אל מִן־גֻּבָּ֗א וְכָל־חֲבָל֙ לָא־הִשְׁתְּכַ֣ח בֵּ֔הּ דִּ֖י הֵימִ֥ן בֵּאלָהֵֽהּ׃ beʾdayin malekaʾ sagiyʾ ṭeʾev ʿalowhiy uledaniyeʾl ʾamar lehanesaqah min־gubaʾ wehusaq daniyeʾl min־gubaʾ wekhal־ḥaval laʾ־hishetekhaḥ beh diy heymin beʾlaheh׃

²⁵ וַאֲמַ֣ר מַלְכָּ֗א וְהַיְתִ֞יו גֻּבְרַיָּ֤א אִלֵּךְ֙ דִּֽי־אֲכַ֤לוּ קַרְצֹ֙והִי֙ דִּ֣י דָֽנִיֵּ֔אל וּלְגֹ֤ב אַרְיָוָתָא֙ רְמֹ֔ו אִנּ֖וּן בְּנֵיהֹ֣ון וּנְשֵׁיהֹ֑ון וְלָֽא־מְטֹ֞ו לְאַרְעִ֣ית גֻּבָּ֗א עַ֠ד דִּֽי־שְׁלִ֤טֽוּ בְהֹון֙ אַרְיָ֣וָתָ֔א וְכָל־גַּרְמֵיהֹ֖ון הַדִּֽקוּ׃ waʾamar malekaʾ wehayetiyw guverayaʾ ʾilekhe diy־ʾakhalu qaretsowhiy diy daniyeʾl ulegov ʾareyawataʾ remow ʾinun beneyhown unesheyhown welaʾ־meṭow leʾareʿiyt gubaʾ ʿad diy־sheliṭu vehown ʾareyawataʾ wekhal־garemeyhown hadiqu׃

²⁶ בֵּאדַ֜יִן דָּרְיָ֣וֶשׁ מַלְכָּ֗א כְּ֠תַב לְֽכָל־עַֽמְמַיָּ֞א אֻמַיָּ֧א וְלִשָּׁנַיָּ֛א דִּֽי־ [דָאֲרִין כ] (דָיְרִ֥ין ק) בְּכָל־אַרְעָ֖א שְׁלָמְכֹ֥ון יִשְׂגֵּֽא׃ beʾdayin dareyawesh malekaʾ ketav lekhal־ʿamemayaʾ ʾumayaʾ welishanayaʾ diy־ [daʾariyn kh] (dayeriyn q) bekhal־ʾareʿaʾ shelamekhown yisegeʾ׃

²⁷ מִן־קֳדָמַי֮ שִׂ֣ים טְעֵם֒ דִּ֣י ׀ בְּכָל־שָׁלְטָ֣ן מַלְכוּתִ֗י לֶהֱוֹ֤ן [זָאֲעִין כ] (זָיְעִין֙ ק) וְדָ֣חֲלִ֔ין מִן־קֳדָ֖ם אֱלָהֵ֣הּ דִּי־דָֽנִיֵּ֑אל דִּי־ה֣וּא ׀ אֱלָהָ֣א חַיָּ֗א וְקַיָּם֙ לְעָ֣לְמִ֔ין וּמַלְכוּתֵהּ֙ דִּֽי־לָ֣א תִתְחַבַּ֔ל וְשָׁלְטָנֵ֖הּ עַד־סֹופָֽא׃ min־qodamay siym ṭeʿem diy ׀ bekhal־shaleṭan malekhutiy leheon [zaʾaʿiyn kh] (zayeʿiyn q) wedaḥaliyn min־qodam ʾelaheh diy־daniyeʾl diy־huʾ ׀ ʾelahaʾ ḥayaʾ weqayam leʿalemiyn umalekhuteh diy־laʾ titeḥabal weshaleṭaneh ʿad־sowfaʾ׃

²⁸ מְשֵׁיזִ֣ב וּמַצִּ֗ל וְעָבֵד֙ אָתִ֣ין וְתִמְהִ֔ין בִּשְׁמַיָּ֖א וּבְאַרְעָ֑א דִּ֚י שֵׁיזִ֣יב לְדָֽנִיֵּ֔אל מִן־יַ֖ד אַרְיָוָתָֽא׃ mesheyziv umatsil weʿaved ʾatiyn wetimehiyn bishemayaʾ uveʾareʿaʾ diy sheyziyv ledaniyeʾl min־yad ʾareyawataʾ׃

²⁹ וְדָנִיֵּ֣אל דְּנָ֔ה הַצְלַ֖ח בְּמַלְכ֣וּת דָּרְיָ֑וֶשׁ וּבְמַלְכ֖וּת כֹּ֥ורֶשׁ [פָּרְסָיָא כ] (פָּרְסָאָֽה׃ ק) פ wedaniyeʾl denah hatselaḥ bemalekhut dareyawesh uvemalekhut kowresh [paresayaʾ kh] (paresaʾah׃ q) f