Ézéchiel 24

¹ וַיְהִי֩ דְבַר־יְהוָ֨ה אֵלַ֜י בַּשָּׁנָ֤ה הַתְּשִׁיעִית֙ בַּחֹ֣דֶשׁ הָעֲשִׂירִ֔י בֶּעָשֹׂ֥ור לַחֹ֖דֶשׁ לֵאמֹֽר׃ wayehiy devar־yehwah ʾelay bashanah hateshiyʿiyt baḥodesh haʿasiyriy beʿasowr laḥodesh leʾmor׃

² בֶּן־אָדָ֗ם [כְּתֹוב־ כ] (כְּתָב־לְךָ֙ ק) אֶת־שֵׁ֣ם הַיֹּ֔ום אֶת־עֶ֖צֶם הַיֹּ֣ום הַזֶּ֑ה סָמַ֤ךְ מֶֽלֶךְ־בָּבֶל֙ אֶל־יְר֣וּשָׁלִַ֔ם בְּעֶ֖צֶם הַיֹּ֥ום הַזֶּֽה׃ ben־ʾadam [ketowv־ kh] (ketav־lekha q) ʾet־shem hayowm ʾet־ʿetsem hayowm hazeh samakhe melekhe־bavel ʾel־yerushalim beʿetsem hayowm hazeh׃

³ וּמְשֹׁ֤ל אֶל־בֵּית־הַמֶּ֙רִי֙ מָשָׁ֔ל וְאָמַרְתָּ֣ אֲלֵיהֶ֔ם כֹּ֥ה אָמַ֖ר אֲדֹנָ֣י יְהוִ֑ה שְׁפֹ֤ת הַסִּיר֙ שְׁפֹ֔ת וְגַם־יְצֹ֥ק בֹּ֖ו מָֽיִם׃ umeshol ʾel־beyt־hameriy mashal weʾamareta ʾaleyhem koh ʾamar ʾadonay yehwih shefot hasiyr shefot wegam־yetsoq bow mayim׃

⁴ אֱסֹ֤ף נְתָחֶ֙יהָ֙ אֵלֶ֔יהָ כָּל־נֵ֥תַח טֹ֖וב יָרֵ֣ךְ וְכָתֵ֑ף מִבְחַ֥ר עֲצָמִ֖ים מַלֵּֽא׃ ʾesof netaḥeyha ʾeleyha kal־netaḥ ṭowv yarekhe wekhatef miveḥar ʿatsamiym maleʾ׃

⁵ מִבְחַ֤ר הַצֹּאן֙ לָקֹ֔וחַ וְגַ֛ם דּ֥וּר הָעֲצָמִ֖ים תַּחְתֶּ֑יהָ רַתַּ֣ח רְתָחֶ֔יהָ גַּם־בָּשְׁל֥וּ עֲצָמֶ֖יהָ בְּתֹוכָֽהּ׃ ס miveḥar hatsoʾn laqowḥa wegam dur haʿatsamiym taḥeteyha rataḥ retaḥeyha gam־bashelu ʿatsameyha betowkhah׃ s

⁶ לָכֵ֞ן כֹּה־אָמַ֣ר ׀ אֲדֹנָ֣י יְהֹוִ֗ה אֹוי֮ עִ֣יר הַדָּמִים֒ סִ֚יר אֲשֶׁ֣ר חֶלְאָתָ֣ה בָ֔הּ וְחֶ֨לְאָתָ֔הּ לֹ֥א יָצְאָ֖ה מִמֶּ֑נָּה לִנְתָחֶ֤יהָ לִנְתָחֶ֙יהָ֙ הֹוצִיאָ֔הּ לֹא־נָפַ֥ל עָלֶ֖יהָ גֹּורָֽל׃ lakhen koh־ʾamar ׀ ʾadonay yehowih ʾowy ʿiyr hadamiym siyr ʾasher ḥeleʾatah vah weḥeleʾatah loʾ yatseʾah mimenah linetaḥeyha linetaḥeyha howtsiyʾah loʾ־nafal ʿaleyha gowral׃

⁷ כִּ֤י דָמָהּ֙ בְּתֹוכָ֣הּ הָיָ֔ה עַל־צְחִ֥יחַ סֶ֖לַע שָׂמָ֑תְהוּ לֹ֤א שְׁפָכַ֙תְהוּ֙ עַל־הָאָ֔רֶץ לְכַסֹּ֥ות עָלָ֖יו עָפָֽר׃ kiy damah betowkhah hayah ʿal־tseḥiyḥa selaʿ samatehu loʾ shefakhatehu ʿal־haʾarets lekhasowt ʿalayw ʿafar׃

⁸ לְהַעֲלֹ֤ות חֵמָה֙ לִנְקֹ֣ם נָקָ֔ם נָתַ֥תִּי אֶת־דָּמָ֖הּ עַל־צְחִ֣יחַ סָ֑לַע לְבִלְתִּ֖י הִכָּסֹֽות׃ פ lehaʿalowt ḥemah lineqom naqam natatiy ʾet־damah ʿal־tseḥiyḥa salaʿ leviletiy hikasowt׃ f

⁹ לָכֵ֗ן כֹּ֤ה אָמַר֙ אֲדֹנָ֣י יְהוִ֔ה אֹ֖וי עִ֣יר הַדָּמִ֑ים גַּם־אֲנִ֖י אַגְדִּ֥יל הַמְּדוּרָֽה׃ lakhen koh ʾamar ʾadonay yehwih ʾowy ʿiyr hadamiym gam־ʾaniy ʾagediyl hamedurah׃

¹⁰ הַרְבֵּ֤ה הָעֵצִים֙ הַדְלֵ֣ק הָאֵ֔שׁ הָתֵ֖ם הַבָּשָׂ֑ר וְהַרְקַח֙ הַמֶּרְקָחָ֔ה וְהָעֲצָמֹ֖ות יֵחָֽרוּ׃ harebeh haʿetsiym hadeleq haʾesh hatem habasar wehareqaḥ hamereqaḥah wehaʿatsamowt yeḥaru׃

¹¹ וְהַעֲמִידֶ֥הָ עַל־גֶּחָלֶ֖יהָ רֵקָ֑ה לְמַ֨עַן תֵּחַ֜ם וְחָ֣רָה נְחֻשְׁתָּ֗הּ וְנִתְּכָ֤ה בְתֹוכָהּ֙ טֻמְאָתָ֔הּ תִּתֻּ֖ם חֶלְאָתָֽהּ׃ wehaʿamiydeah ʿal־geḥaleyha reqah lemaʿan teḥam weḥarah neḥushetah wenitekhah vetowkhah ṭumeʾatah titum ḥeleʾatah׃

¹² תְּאֻנִ֖ים הֶלְאָ֑ת וְלֹֽא־תֵצֵ֤א מִמֶּ֙נָּה֙ רַבַּ֣ת חֶלְאָתָ֔הּ בְּאֵ֖שׁ חֶלְאָתָֽהּ׃ teʾuniym heleʾat weloʾ־tetseʾ mimenah rabat ḥeleʾatah beʾesh ḥeleʾatah׃

¹³ בְּטֻמְאָתֵ֖ךְ זִמָּ֑ה יַ֤עַן טִֽהַרְתִּיךְ֙ וְלֹ֣א טָהַ֔רְתְּ מִטֻּמְאָתֵךְ֙ לֹ֣א תִטְהֲרִי־עֹ֔וד עַד־הֲנִיחִ֥י אֶת־חֲמָתִ֖י בָּֽךְ׃ beṭumeʾatekhe zimah yaʿan ṭiharetiykhe weloʾ ṭaharete miṭumeʾatekhe loʾ tiṭehariy־ʿowd ʿad־haniyḥiy ʾet־ḥamatiy bakhe׃

¹⁴ אֲנִ֨י יְהוָ֤ה דִּבַּ֙רְתִּי֙ בָּאָ֣ה וְעָשִׂ֔יתִי לֹֽא־אֶפְרַ֥ע וְלֹא־אָח֖וּס וְלֹ֣א אֶנָּחֵ֑ם כִּדְרָכַ֤יִךְ וְכַעֲלִילֹותַ֙יִךְ֙ שְׁפָט֔וּךְ נְאֻ֖ם אֲדֹנָ֥י יְהֹוִֽה׃ פ ʾaniy yehwah dibaretiy baʾah weʿasiytiy loʾ־ʾeferaʿ weloʾ־ʾaḥus weloʾ ʾenaḥem kiderakhayikhe wekhaʿaliylowtayikhe shefaṭukhe neʾum ʾadonay yehowih׃ f

¹⁵ וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃

¹⁶ בֶּן־אָדָ֕ם הִנְנִ֨י לֹקֵ֧חַ מִמְּךָ֛ אֶת־מַחְמַ֥ד עֵינֶ֖יךָ בְּמַגֵּפָ֑ה וְלֹ֤א תִסְפֹּד֙ וְלֹ֣א תִבְכֶּ֔ה וְלֹ֥וא תָבֹ֖וא דִּמְעָתֶֽךָ׃ ben־ʾadam hineniy loqeaḥ mimekha ʾet־maḥemad ʿeyneykha bemagefah weloʾ tisepod weloʾ tivekeh welowʾ tavowʾ dimeʿatekha׃

¹⁷ הֵאָנֵ֣ק ׀ דֹּ֗ם מֵתִים֙ אֵ֣בֶל לֹֽא־תַֽעֲשֶׂ֔ה פְאֵֽרְךָ֙ חֲבֹ֣ושׁ עָלֶ֔יךָ וּנְעָלֶ֖יךָ תָּשִׂ֣ים בְּרַגְלֶ֑יךָ וְלֹ֤א תַעְטֶה֙ עַל־שָׂפָ֔ם וְלֶ֥חֶם אֲנָשִׁ֖ים לֹ֥א תֹאכֵֽל׃ heʾaneq ׀ dom metiym ʾevel loʾ־taʿaseh feʾerekha ḥavowsh ʿaleykha uneʿaleykha tasiym berageleykha weloʾ taʿeṭeh ʿal־safam weleḥem ʾanashiym loʾ toʾkhel׃

¹⁸ וָאֲדַבֵּ֤ר אֶל־הָעָם֙ בַּבֹּ֔קֶר וַתָּ֥מָת אִשְׁתִּ֖י בָּעָ֑רֶב וָאַ֥עַשׂ בַּבֹּ֖קֶר כַּאֲשֶׁ֥ר צֻוֵּֽיתִי׃ waʾadaber ʾel־haʿam baboqer watamat ʾishetiy baʿarev waʾaʿas baboqer kaʾasher tsuueytiy׃

¹⁹ וַיֹּאמְר֥וּ אֵלַ֖י הָעָ֑ם הֲלֹֽא־תַגִּ֥יד לָ֙נוּ֙ מָה־אֵ֣לֶּה לָּ֔נוּ כִּ֥י אַתָּ֖ה עֹשֶֽׂה׃ wayoʾmeru ʾelay haʿam haloʾ־tagiyd lanu mah־ʾeleh lanu kiy ʾatah ʿoseh׃

²⁰ וָאֹמַ֖ר אֲלֵיהֶ֑ם דְּבַ֨ר־יְהוָ֔ה הָיָ֥ה אֵלַ֖י לֵאמֹֽר׃ waʾomar ʾaleyhem devar־yehwah hayah ʾelay leʾmor׃

²¹ אֱמֹ֣ר ׀ לְבֵ֣ית יִשְׂרָאֵ֗ל כֹּֽה־אָמַר֮ אֲדֹנָ֣י יְהוִה֒ הִנְנִ֨י מְחַלֵּ֤ל אֶת־מִקְדָּשִׁי֙ גְּאֹ֣ון עֻזְּכֶ֔ם מַחְמַ֥ד עֵֽינֵיכֶ֖ם וּמַחְמַ֣ל נַפְשְׁכֶ֑ם וּבְנֵיכֶ֧ם וּבְנֹֽותֵיכֶ֛ם אֲשֶׁ֥ר עֲזַבְתֶּ֖ם בַּחֶ֥רֶב יִפֹּֽלוּ׃ ʾemor ׀ leveyt yiseraʾel koh־ʾamar ʾadonay yehwih hineniy meḥalel ʾet־miqedashiy geʾown ʿuzekhem maḥemad ʿeyneykhem umaḥemal nafeshekhem uveneykhem uvenowteykhem ʾasher ʿazavetem baḥerev yipolu׃

²² וַעֲשִׂיתֶ֖ם כַּאֲשֶׁ֣ר עָשִׂ֑יתִי עַל־שָׂפָם֙ לֹ֣א תַעְט֔וּ וְלֶ֥חֶם אֲנָשִׁ֖ים לֹ֥א תֹאכֵֽלוּ׃ waʿasiytem kaʾasher ʿasiytiy ʿal־safam loʾ taʿeṭu weleḥem ʾanashiym loʾ toʾkhelu׃

²³ וּפְאֵרֵכֶ֣ם עַל־רָאשֵׁיכֶ֗ם וְנַֽעֲלֵיכֶם֙ בְּרַגְלֵיכֶ֔ם לֹ֥א תִסְפְּד֖וּ וְלֹ֣א תִבְכּ֑וּ וּנְמַקֹּתֶם֙ בַּעֲוֹנֹ֣תֵיכֶ֔ם וּנְהַמְתֶּ֖ם אִ֥ישׁ אֶל־אָחִֽיו׃ ufeʾerekhem ʿal־raʾsheykhem wenaʿaleykhem berageleykhem loʾ tisepedu weloʾ tiveku unemaqotem baʿaonoteykhem unehametem ʾiysh ʾel־ʾaḥiyw׃

²⁴ וְהָיָ֨ה יְחֶזְקֵ֤אל לָכֶם֙ לְמֹופֵ֔ת כְּכֹ֥ל אֲשֶׁר־עָשָׂ֖ה תַּעֲשׂ֑וּ בְּבֹאָ֕הּ וִֽידַעְתֶּ֕ם כִּ֥י אֲנִ֖י אֲדֹנָ֥י יְהוִֽה׃ ס wehayah yeḥezeqeʾl lakhem lemowfet kekhol ʾasher־ʿasah taʿasu bevoʾah wiydaʿetem kiy ʾaniy ʾadonay yehwih׃ s

²⁵ וְאַתָּ֣ה בֶן־אָדָ֔ם הֲלֹ֗וא בְּיֹ֨ום קַחְתִּ֤י מֵהֶם֙ אֶת־מָ֣עוּזָּ֔ם מְשֹׂ֖ושׂ תִּפְאַרְתָּ֑ם אֶת־מַחְמַ֤ד עֵֽינֵיהֶם֙ וְאֶת־מַשָּׂ֣א נַפְשָׁ֔ם בְּנֵיהֶ֖ם וּבְנֹותֵיהֶֽם׃ weʾatah ven־ʾadam halowʾ beyowm qaḥetiy mehem ʾet־maʿuzam mesows tifeʾaretam ʾet־maḥemad ʿeyneyhem weʾet־masaʾ nafesham beneyhem uvenowteyhem׃

²⁶ בַּיֹּ֣ום הַה֔וּא יָבֹ֥וא הַפָּלִ֖יט אֵלֶ֑יךָ לְהַשְׁמָע֖וּת אָזְנָֽיִם׃ bayowm hahuʾ yavowʾ hapaliyṭ ʾeleykha lehashemaʿut ʾazenayim׃

²⁷ בַּיֹּ֣ום הַה֗וּא יִפָּ֤תַח פִּ֙יךָ֙ אֶת־הַפָּלִ֔יט וּתְדַבֵּ֕ר וְלֹ֥א תֵֽאָלֵ֖ם עֹ֑וד וְהָיִ֤יתָ לָהֶם֙ לְמֹופֵ֔ת וְיָדְע֖וּ כִּֽי־אֲנִ֥י יְהוָֽה׃ ס bayowm hahuʾ yipataḥ piykha ʾet־hapaliyṭ utedaber weloʾ teʾalem ʿowd wehayiyta lahem lemowfet weyadeʿu kiy־ʾaniy yehwah׃ s