Job 37

¹ אַף־לְ֭זֹאת יֶחֱרַ֣ד לִבִּ֑י וְ֝יִתַּ֗ר מִמְּקֹומֹֽו׃ ʾaf־lezoʾt yeḥerad libiy weyitar mimeqowmow׃

² שִׁמְע֤וּ שָׁמֹ֣ועַ בְּרֹ֣גֶז קֹלֹ֑ו וְ֝הֶ֗גֶה מִפִּ֥יו יֵצֵֽא׃ shimeʿu shamowʿa berogez qolow wehegeh mipiyw yetseʾ׃

³ תַּֽחַת־כָּל־הַשָּׁמַ֥יִם יִשְׁרֵ֑הוּ וְ֝אֹורֹ֗ו עַל־כַּנְפֹ֥ות הָאָֽרֶץ׃ taḥat־kal־hashamayim yisherehu weʾowrow ʿal־kanefowt haʾarets׃

⁴ אַחֲרָ֤יו ׀ יִשְׁאַג־קֹ֗ול יַ֭רְעֵם בְּקֹ֣ול גְּאֹונֹ֑ו וְלֹ֥א יְ֝עַקְּבֵ֗ם כִּֽי־יִשָּׁמַ֥ע קֹולֹֽו׃ ʾaḥarayw ׀ yisheʾag־qowl yareʿem beqowl geʾownow weloʾ yeʿaqevem kiy־yishamaʿ qowlow׃

⁵ יַרְעֵ֤ם אֵ֣ל בְּ֭קֹולֹו נִפְלָאֹ֑ות עֹשֶׂ֥ה גְ֝דֹלֹ֗ות וְלֹ֣א נֵדָֽע׃ yareʿem ʾel beqowlow nifelaʾowt ʿoseh gedolowt weloʾ nedaʿ׃

⁶ כִּ֤י לַשֶּׁ֨לַג ׀ יֹאמַ֗ר הֱוֵ֫א אָ֥רֶץ וְגֶ֥שֶׁם מָטָ֑ר וְ֝גֶ֗שֶׁם מִטְרֹ֥ות עֻזֹּֽו׃ kiy lashelag ׀ yoʾmar heweʾ ʾarets wegeshem maṭar wegeshem miṭerowt ʿuzow׃

⁷ בְּיַד־כָּל־אָדָ֥ם יַחְתֹּ֑ום לָ֝דַ֗עַת כָּל־אַנְשֵׁ֥י מַעֲשֵֽׂהוּ׃ beyad־kal־ʾadam yaḥetowm ladaʿat kal־ʾaneshey maʿasehu׃

⁸ וַתָּבֹ֣א חַיָּ֣ה בְמֹו־אָ֑רֶב וּבִמְעֹ֖ונֹתֶ֣יהָ תִשְׁכֹּֽן׃ watavoʾ ḥayah vemow־ʾarev uvimeʿownoteyha tishekon׃

⁹ מִן־הַ֭חֶדֶר תָּבֹ֣וא סוּפָ֑ה וּֽמִמְּזָרִ֥ים קָרָֽה׃ min־haḥeder tavowʾ sufah umimezariym qarah׃

¹⁰ מִנִּשְׁמַת־אֵ֥ל יִתֶּן־קָ֑רַח וְרֹ֖חַב מַ֣יִם בְּמוּצָֽק׃ minishemat־ʾel yiten־qaraḥ weroḥav mayim bemutsaq׃

¹¹ אַף־בְּ֭רִי יַטְרִ֣יחַ עָ֑ב יָ֝פִ֗יץ עֲנַ֣ן אֹורֹֽו׃ ʾaf־beriy yaṭeriyḥa ʿav yafiyts ʿanan ʾowrow׃

¹² וְה֤וּא מְסִבֹּ֨ות ׀ מִתְהַפֵּ֣ךְ [בְּתַחְבּוּלָתֹו כ] (בְּתַחְבּוּלֹתָ֣יו ק) לְפָעֳלָ֑ם כֹּ֖ל אֲשֶׁ֥ר יְצַוֵּ֓ם ׀ עַל־פְּנֵ֖י תֵבֵ֣ל אָֽרְצָה׃ wehuʾ mesibowt ׀ mitehapekhe [betaḥebulatow kh] (betaḥebulotayw q) lefaʿolam kol ʾasher yetsauem ׀ ʿal־peney tevel ʾaretsah׃

¹³ אִם־לְשֵׁ֥בֶט אִם־לְאַרְצֹ֑ו אִם־לְ֝חֶ֗סֶד יַמְצִאֵֽהוּ׃ ʾim־lesheveṭ ʾim־leʾaretsow ʾim־leḥesed yametsiʾehu׃

¹⁴ הַאֲזִ֣ינָה זֹּ֣את אִיֹּ֑וב עֲ֝מֹ֗ד וְהִתְבֹּונֵ֤ן ׀ נִפְלְאֹ֬ות אֵֽל׃ haʾaziynah zoʾt ʾiyowv ʿamod wehitebownen ׀ nifeleʾowt ʾel׃

¹⁵ הֲ֭תֵדַע בְּשׂוּם־אֱלֹ֣והַּ עֲלֵיהֶ֑ם וְ֝הֹופִ֗יעַ אֹ֣ור עֲנָנֹֽו׃ hatedaʿ besum־ʾelowha ʿaleyhem wehowfiyʿa ʾowr ʿananow׃

¹⁶ הֲ֭תֵדַע עַל־מִפְלְשֵׂי־עָ֑ב מִ֝פְלְאֹ֗ות תְּמִ֣ים דֵּעִֽים׃ hatedaʿ ʿal־mifelesey־ʿav mifeleʾowt temiym deʿiym׃

¹⁷ אֲשֶׁר־בְּגָדֶ֥יךָ חַמִּ֑ים בְּהַשְׁקִ֥ט אֶ֝֗רֶץ מִדָּרֹֽום׃ ʾasher־begadeykha ḥamiym behasheqiṭ ʾerets midarowm׃

¹⁸ תַּרְקִ֣יעַ עִ֭מֹּו לִשְׁחָקִ֑ים חֲ֝זָקִ֗ים כִּרְאִ֥י מוּצָֽק׃ tareqiyʿa ʿimow lisheḥaqiym ḥazaqiym kireʾiy mutsaq׃

¹⁹ הֹ֖ודִיעֵנוּ מַה־נֹּ֣אמַר לֹ֑ו לֹ֥א־נַ֝עֲרֹ֗ךְ מִפְּנֵי־חֹֽשֶׁךְ׃ howdiyʿenu mah־noʾmar low loʾ־naʿarokhe mipeney־ḥoshekhe׃

²⁰ הַֽיְסֻפַּר־לֹ֖ו כִּ֣י אֲדַבֵּ֑ר אִֽם־אָ֥מַר אִ֝֗ישׁ כִּ֣י יְבֻלָּֽע׃ hayesupar־low kiy ʾadaber ʾim־ʾamar ʾiysh kiy yevulaʿ׃

²¹ וְעַתָּ֤ה ׀ לֹ֘א רָ֤אוּ אֹ֗ור בָּהִ֣יר ה֭וּא בַּשְּׁחָקִ֑ים וְר֥וּחַ עָ֝בְרָ֗ה וַֽתְּטַהֲרֵֽם׃ weʿatah ׀ loʾ raʾu ʾowr bahiyr huʾ basheḥaqiym weruaḥ ʿaverah wateṭaharem׃

²² מִ֭צָּפֹון זָהָ֣ב יֶֽאֱתֶ֑ה עַל־אֱ֝לֹ֗והַּ נֹ֣ורָא הֹֽוד׃ mitsafown zahav yeʾeteh ʿal־ʾelowha nowraʾ howd׃

²³ שַׁדַּ֣י לֹֽא־מְ֭צָאנֻהוּ שַׂגִּיא־כֹ֑חַ וּמִשְׁפָּ֥ט וְרֹב־צְ֝דָקָ֗ה לֹ֣א יְעַנֶּֽה׃ shaday loʾ־metsaʾnuhu sagiyʾ־khoaḥ umishepaṭ werov־tsedaqah loʾ yeʿaneh׃

²⁴ לָ֭כֵן יְרֵא֣וּהוּ אֲנָשִׁ֑ים לֹֽא־יִ֝רְאֶ֗ה כָּל־חַכְמֵי־לֵֽב׃ פ lakhen yereʾuhu ʾanashiym loʾ־yireʾeh kal־ḥakhemey־lev׃ f