Ézéchiel 26

¹ וַיְהִ֛י בְּעַשְׁתֵּֽי־עֶשְׂרֵ֥ה שָׁנָ֖ה בְּאֶחָ֣ד לַחֹ֑דֶשׁ הָיָ֥ה דְבַר־יְהוָ֖ה אֵלַ֥י לֵאמֹֽר׃ wayehiy beʿashetey־ʿesereh shanah beʾeḥad laḥodesh hayah devar־yehwah ʾelay leʾmor׃

² בֶּן־אָדָ֗ם יַ֠עַן אֲשֶׁר־אָ֨מְרָה צֹּ֤ר עַל־יְרוּשָׁלִַ֙ם֙ הֶאָ֔ח נִשְׁבְּרָ֛ה דַּלְתֹ֥ות הָעַמִּ֖ים נָסֵ֣בָּה אֵלָ֑י אִמָּלְאָ֖ה הָחֳרָֽבָה׃ ben־ʾadam yaʿan ʾasher־ʾamerah tsor ʿal־yerushalim heʾaḥ nisheberah daletowt haʿamiym nasebah ʾelay ʾimaleʾah haḥoravah׃

³ לָכֵ֗ן כֹּ֤ה אָמַר֙ אֲדֹנָ֣י יְהוִ֔ה הִנְנִ֥י עָלַ֖יִךְ צֹ֑ר וְהַעֲלֵיתִ֤י עָלַ֙יִךְ֙ גֹּויִ֣ם רַבִּ֔ים כְּהַעֲלֹ֥ות הַיָּ֖ם לְגַלָּֽיו׃ lakhen koh ʾamar ʾadonay yehwih hineniy ʿalayikhe tsor wehaʿaleytiy ʿalayikhe gowyim rabiym kehaʿalowt hayam legalayw׃

⁴ וְשִׁחֲת֞וּ חֹמֹ֣ות צֹ֗ר וְהָֽרְסוּ֙ מִגְדָּלֶ֔יהָ וְסִֽחֵיתִ֥י עֲפָרָ֖הּ מִמֶּ֑נָּה וְנָתַתִּ֥י אֹותָ֖הּ לִצְחִ֥יחַ סָֽלַע׃ weshiḥatu ḥomowt tsor weharesu migedaleyha wesiḥeytiy ʿafarah mimenah wenatatiy ʾowtah litseḥiyḥa salaʿ׃

⁵ מִשְׁטַ֨ח חֲרָמִ֤ים תִּֽהְיֶה֙ בְּתֹ֣וךְ הַיָּ֔ם כִּ֚י אֲנִ֣י דִבַּ֔רְתִּי נְאֻ֖ם אֲדֹנָ֣י יְהוִ֑ה וְהָיְתָ֥ה לְבַ֖ז לַגֹּויִֽם׃ misheṭaḥ ḥaramiym tiheyeh betowkhe hayam kiy ʾaniy dibaretiy neʾum ʾadonay yehwih wehayetah levaz lagowyim׃

⁶ וּבְנֹותֶ֙יהָ֙ אֲשֶׁ֣ר בַּשָּׂדֶ֔ה בַּחֶ֖רֶב תֵּהָרַ֑גְנָה וְיָדְע֖וּ כִּי־אֲנִ֥י יְהוָֽה׃ פ uvenowteyha ʾasher basadeh baḥerev teharagenah weyadeʿu kiy־ʾaniy yehwah׃ f

⁷ כִּ֣י כֹ֤ה אָמַר֙ אֲדֹנָ֣י יְהוִ֔ה הִנְנִ֧י מֵבִ֣יא אֶל־צֹ֗ר נְבוּכַדְרֶאצַּ֧ר מֶֽלֶךְ־בָּבֶ֛ל מִצָּפֹ֖ון מֶ֣לֶךְ מְלָכִ֑ים בְּס֛וּס וּבְרֶ֥כֶב וּבְפָרָשִׁ֖ים וְקָהָ֥ל וְעַם־רָֽב׃ kiy khoh ʾamar ʾadonay yehwih hineniy meviyʾ ʾel־tsor nevukhadereʾtsar melekhe־bavel mitsafown melekhe melakhiym besus uverekhev uvefarashiym weqahal weʿam־rav׃

⁸ בְּנֹותַ֥יִךְ בַּשָּׂדֶ֖ה בַּחֶ֣רֶב יַהֲרֹ֑ג וְנָתַ֨ן עָלַ֜יִךְ דָּיֵ֗ק וְשָׁפַ֤ךְ עָלַ֙יִךְ֙ סֹֽלְלָ֔ה וְהֵקִ֥ים עָלַ֖יִךְ צִנָּֽה׃ benowtayikhe basadeh baḥerev yaharog wenatan ʿalayikhe dayeq weshafakhe ʿalayikhe solelah weheqiym ʿalayikhe tsinah׃

⁹ וּמְחִ֣י קָֽבָלֹּ֔ו יִתֵּ֖ן בְּחֹֽמֹותָ֑יִךְ וּמִ֨גְדְּלֹתַ֔יִךְ יִתֹּ֖ץ בְּחַרְבֹותָֽיו׃ umeḥiy qavalow yiten beḥomowtayikhe umigedelotayikhe yitots beḥarevowtayw׃

¹⁰ מִשִּׁפְעַ֥ת סוּסָ֖יו יְכַסֵּ֣ךְ אֲבָקָ֑ם מִקֹּול֩ פָּרַ֨שׁ וְגַלְגַּ֜ל וָרֶ֗כֶב תִּרְעַ֙שְׁנָה֙ חֹֽומֹותַ֔יִךְ בְּבֹאֹו֙ בִּשְׁעָרַ֔יִךְ כִּמְבֹואֵ֖י עִ֥יר מְבֻקָּעָֽה׃ mishifeʿat susayw yekhasekhe ʾavaqam miqowl parash wegalegal warekhev tireʿashenah ḥowmowtayikhe bevoʾow bisheʿarayikhe kimevowʾey ʿiyr mevuqaʿah׃

¹¹ בְּפַרְסֹ֣ות סוּסָ֔יו יִרְמֹ֖ס אֶת־כָּל־חֽוּצֹותָ֑יִךְ עַמֵּךְ֙ בַּחֶ֣רֶב יַהֲרֹ֔ג וּמַצְּבֹ֥ות עֻזֵּ֖ךְ לָאָ֥רֶץ תֵּרֵֽד׃ befaresowt susayw yiremos ʾet־kal־ḥutsowtayikhe ʿamekhe baḥerev yaharog umatsevowt ʿuzekhe laʾarets tered׃

¹² וְשָׁלְל֣וּ חֵילֵ֗ךְ וּבָֽזְזוּ֙ רְכֻלָּתֵ֔ךְ וְהָֽרְסוּ֙ חֹומֹותַ֔יִךְ וּבָתֵּ֥י חֶמְדָּתֵ֖ךְ יִתֹּ֑צוּ וַאֲבָנַ֤יִךְ וְעֵצַ֙יִךְ֙ וַֽעֲפָרֵ֔ךְ בְּתֹ֥וךְ מַ֖יִם יָשִֽׂימוּ׃ weshalelu ḥeylekhe uvazezu rekhulatekhe weharesu ḥowmowtayikhe uvatey ḥemedatekhe yitotsu waʾavanayikhe weʿetsayikhe waʿafarekhe betowkhe mayim yasiymu׃

¹³ וְהִשְׁבַּתִּ֖י הֲמֹ֣ון שִׁירָ֑יִךְ וְקֹ֣ול כִּנֹּורַ֔יִךְ לֹ֥א יִשָּׁמַ֖ע עֹֽוד׃ wehishebatiy hamown shiyrayikhe weqowl kinowrayikhe loʾ yishamaʿ ʿowd׃

¹⁴ וּנְתַתִּ֞יךְ לִצְחִ֣יחַ סֶ֗לַע מִשְׁטַ֤ח חֲרָמִים֙ תִּֽהְיֶ֔ה לֹ֥א תִבָּנֶ֖ה עֹ֑וד כִּ֣י אֲנִ֤י יְהוָה֙ דִּבַּ֔רְתִּי נְאֻ֖ם אֲדֹנָ֥י יְהוִֽה׃ ס unetatiykhe litseḥiyḥa selaʿ misheṭaḥ ḥaramiym tiheyeh loʾ tibaneh ʿowd kiy ʾaniy yehwah dibaretiy neʾum ʾadonay yehwih׃ s

¹⁵ כֹּ֥ה אָמַ֛ר אֲדֹנָ֥י יְהוִ֖ה לְצֹ֑ור הֲלֹ֣א ׀ מִקֹּ֣ול מַפַּלְתֵּ֗ךְ בֶּאֱנֹ֨ק חָלָ֜ל בֵּהָ֤רֵֽג הֶ֙רֶג֙ בְּתֹוכֵ֔ךְ יִרְעֲשׁ֖וּ הָאִיִּֽים׃ koh ʾamar ʾadonay yehwih letsowr haloʾ ׀ miqowl mapaletekhe beʾenoq ḥalal behareg hereg betowkhekhe yireʿashu haʾiyiym׃

¹⁶ וְֽיָרְד֞וּ מֵעַ֣ל כִּסְאֹותָ֗ם כֹּ֚ל נְשִׂיאֵ֣י הַיָּ֔ם וְהֵסִ֙ירוּ֙ אֶת־מְעִ֣ילֵיהֶ֔ם וְאֶת־בִּגְדֵ֥י רִקְמָתָ֖ם יִפְשֹׁ֑טוּ חֲרָדֹ֤ות ׀ יִלְבָּ֙שׁוּ֙ עַל־הָאָ֣רֶץ יֵשֵׁ֔בוּ וְחָֽרְדוּ֙ לִרְגָעִ֔ים וְשָׁמְמ֖וּ עָלָֽיִךְ׃ weyaredu meʿal kiseʾowtam kol nesiyʾey hayam wehesiyru ʾet־meʿiyleyhem weʾet־bigedey riqematam yifeshoṭu ḥaradowt ׀ yilebashu ʿal־haʾarets yeshevu weḥaredu liregaʿiym weshamemu ʿalayikhe׃

¹⁷ וְנָשְׂא֨וּ עָלַ֤יִךְ קִינָה֙ וְאָ֣מְרוּ לָ֔ךְ אֵ֣יךְ אָבַ֔דְתְּ נֹושֶׁ֖בֶת מִיַּמִּ֑ים הָעִ֣יר הַהֻלָּ֗לָה אֲשֶׁר֩ הָיְתָ֨ה חֲזָקָ֤ה בַיָּם֙ הִ֣יא וְיֹשְׁבֶ֔יהָ אֲשֶׁר־נָתְנ֥וּ חִתִּיתָ֖ם לְכָל־יֹושְׁבֶֽיהָ׃ wenaseʾu ʿalayikhe qiynah weʾameru lakhe ʾeykhe ʾavadete nowshevet miyamiym haʿiyr hahulalah ʾasher hayetah ḥazaqah vayam hiyʾ weyosheveyha ʾasher־natenu ḥitiytam lekhal־yowsheveyha׃

¹⁸ עַתָּה֙ יֶחְרְד֣וּ הָֽאִיִּ֔ן יֹ֖ום מַפַּלְתֵּ֑ךְ וְנִבְהֲל֛וּ הָאִיִּ֥ים אֲשֶׁר־בַּיָּ֖ם מִצֵּאתֵֽךְ׃ ס ʿatah yeḥeredu haʾiyin yowm mapaletekhe wenivehalu haʾiyiym ʾasher־bayam mitseʾtekhe׃ s

¹⁹ כִּ֣י כֹ֤ה אָמַר֙ אֲדֹנָ֣י יְהוִ֔ה בְּתִתִּ֤י אֹתָךְ֙ עִ֣יר נֶחֱרֶ֔בֶת כֶּעָרִ֖ים אֲשֶׁ֣ר לֹֽא־נֹושָׁ֑בוּ בְּהַעֲלֹ֤ות עָלַ֙יִךְ֙ אֶת־תְּהֹ֔ום וְכִסּ֖וּךְ הַמַּ֥יִם הָרַבִּֽים׃ kiy khoh ʾamar ʾadonay yehwih betitiy ʾotakhe ʿiyr neḥerevet keʿariym ʾasher loʾ־nowshavu behaʿalowt ʿalayikhe ʾet־tehowm wekhisukhe hamayim harabiym׃

²⁰ וְהֹורַדְתִּיךְ֩ אֶת־יֹ֨ורְדֵי בֹ֜ור אֶל־עַ֣ם עֹולָ֗ם וְ֠הֹושַׁבְתִּיךְ בְּאֶ֨רֶץ תַּחְתִּיֹּ֜ות כָּחֳרָבֹ֤ות מֵֽעֹולָם֙ אֶת־יֹ֣ורְדֵי בֹ֔ור לְמַ֖עַן לֹ֣א תֵשֵׁ֑בִי וְנָתַתִּ֥י צְבִ֖י בְּאֶ֥רֶץ חַיִּֽים׃ wehowradetiykhe ʾet־yowredey vowr ʾel־ʿam ʿowlam wehowshavetiykhe beʾerets taḥetiyowt kaḥoravowt meʿowlam ʾet־yowredey vowr lemaʿan loʾ tesheviy wenatatiy tseviy beʾerets ḥayiym׃

²¹ בַּלָּהֹ֥ות אֶתְּנֵ֖ךְ וְאֵינֵ֑ךְ וּֽתְבֻקְשִׁ֗י וְלֹֽא־תִמָּצְאִ֥י עֹוד֙ לְעֹולָ֔ם נְאֻ֖ם אֲדֹנָ֥י יְהֹוִֽה׃ ס balahowt ʾetenekhe weʾeynekhe utevuqeshiy weloʾ־timatseʾiy ʿowd leʿowlam neʾum ʾadonay yehowih׃ s