Jérémie 31

¹ בָּעֵ֤ת הַהִיא֙ נְאֻם־יְהוָ֔ה אֶֽהְיֶה֙ לֵֽאלֹהִ֔ים לְכֹ֖ל מִשְׁפְּחֹ֣ות יִשְׂרָאֵ֑ל וְהֵ֖מָּה יִֽהְיוּ־לִ֥י לְעָֽם׃ ס baʿet hahiyʾ neʾum־yehwah ʾeheyeh leʾlohiym lekhol mishepeḥowt yiseraʾel wehemah yiheyu־liy leʿam׃ s

² כֹּ֚ה אָמַ֣ר יְהוָ֔ה מָצָ֥א חֵן֙ בַּמִּדְבָּ֔ר עַ֖ם שְׂרִ֣ידֵי חָ֑רֶב הָלֹ֥וךְ לְהַרְגִּיעֹ֖ו יִשְׂרָאֵֽל׃ koh ʾamar yehwah matsaʾ ḥen bamidebar ʿam seriydey ḥarev halowkhe leharegiyʿow yiseraʾel׃

³ מֵרָחֹ֕וק יְהוָ֖ה נִרְאָ֣ה לִ֑י וְאַהֲבַ֤ת עֹולָם֙ אֲהַבְתִּ֔יךְ עַל־כֵּ֖ן מְשַׁכְתִּ֥יךְ חָֽסֶד׃ meraḥowq yehwah nireʾah liy weʾahavat ʿowlam ʾahavetiykhe ʿal־ken meshakhetiykhe ḥased׃

⁴ עֹ֤וד אֶבְנֵךְ֙ וְֽנִבְנֵ֔ית בְּתוּלַ֖ת יִשְׂרָאֵ֑ל עֹ֚וד תַּעְדִּ֣י תֻפַּ֔יִךְ וְיָצָ֖את בִּמְחֹ֥ול מְשַׂחֲקִֽים׃ ʿowd ʾevenekhe weniveneyt betulat yiseraʾel ʿowd taʿediy tupayikhe weyatsaʾt bimeḥowl mesaḥaqiym׃

⁵ עֹ֚וד תִּטְּעִ֣י כְרָמִ֔ים בְּהָרֵ֖י שֹֽׁמְרֹ֑ון נָטְע֥וּ נֹטְעִ֖ים וְחִלֵּֽלוּ׃ ʿowd tiṭeʿiy kheramiym beharey shomerown naṭeʿu noṭeʿiym weḥilelu׃

⁶ כִּ֣י יֶשׁ־יֹ֔ום קָרְא֥וּ נֹצְרִ֖ים בְּהַ֣ר אֶפְרָ֑יִם ק֚וּמוּ וְנַעֲלֶ֣ה צִיֹּ֔ון אֶל־יְהוָ֖ה אֱלֹהֵֽינוּ׃ פ kiy yesh־yowm qareʾu notseriym behar ʾeferayim qumu wenaʿaleh tsiyown ʾel־yehwah ʾeloheynu׃ f

⁷ כִּי־כֹ֣ה ׀ אָמַ֣ר יְהוָ֗ה רָנּ֤וּ לְיַֽעֲקֹב֙ שִׂמְחָ֔ה וְצַהֲל֖וּ בְּרֹ֣אשׁ הַגֹּויִ֑ם הַשְׁמִ֤יעוּ הַֽלְלוּ֙ וְאִמְר֔וּ הֹושַׁ֤ע יְהוָה֙ אֶֽת־עַמְּךָ֔ אֵ֖ת שְׁאֵרִ֥ית יִשְׂרָאֵֽל׃ kiy־khoh ׀ ʾamar yehwah ranu leyaʿaqov simeḥah wetsahalu beroʾsh hagowyim hashemiyʿu halelu weʾimeru howshaʿ yehwah ʾet־ʿamekha ʾet sheʾeriyt yiseraʾel׃

⁸ הִנְנִי֩ מֵבִ֨יא אֹותָ֜ם מֵאֶ֣רֶץ צָפֹ֗ון וְקִבַּצְתִּים֮ מִיַּרְכְּתֵי־אָרֶץ֒ בָּ֚ם עִוֵּ֣ר וּפִסֵּ֔חַ הָרָ֥ה וְיֹלֶ֖דֶת יַחְדָּ֑ו קָהָ֥ל גָּדֹ֖ול יָשׁ֥וּבוּ הֵֽנָּה׃ hineniy meviyʾ ʾowtam meʾerets tsafown weqibatsetiym miyareketey־ʾarets bam ʿiuer ufiseaḥ harah weyoledet yaḥedaw qahal gadowl yashuvu henah׃

⁹ בִּבְכִ֣י יָבֹ֗אוּ וּֽבְתַחֲנוּנִים֮ אֹֽובִילֵם֒ אֹֽולִיכֵם֙ אֶל־נַ֣חֲלֵי מַ֔יִם בְּדֶ֣רֶךְ יָשָׁ֔ר לֹ֥א יִכָּשְׁל֖וּ בָּ֑הּ כִּֽי־הָיִ֤יתִי לְיִשְׂרָאֵל֙ לְאָ֔ב וְאֶפְרַ֖יִם בְּכֹ֥רִי הֽוּא׃ ס bivekhiy yavoʾu uvetaḥanuniym ʾowviylem ʾowliykhem ʾel־naḥaley mayim bederekhe yashar loʾ yikashelu bah kiy־hayiytiy leyiseraʾel leʾav weʾeferayim bekhoriy huʾ׃ s

¹⁰ שִׁמְע֤וּ דְבַר־יְהוָה֙ גֹּויִ֔ם וְהַגִּ֥ידוּ בָאִיִּ֖ים מִמֶּרְחָ֑ק וְאִמְר֗וּ מְזָרֵ֤ה יִשְׂרָאֵל֙ יְקַבְּצֶ֔נּוּ וּשְׁמָרֹ֖ו כְּרֹעֶ֥ה עֶדְרֹֽו׃ shimeʿu devar־yehwah gowyim wehagiydu vaʾiyiym mimereḥaq weʾimeru mezareh yiseraʾel yeqabetsenu ushemarow keroʿeh ʿederow׃

¹¹ כִּֽי־פָדָ֥ה יְהוָ֖ה אֶֽת־יַעֲקֹ֑ב וּגְאָלֹ֕ו מִיַּ֖ד חָזָ֥ק מִמֶּֽנּוּ׃ kiy־fadah yehwah ʾet־yaʿaqov ugeʾalow miyad ḥazaq mimenu׃

¹² וּבָאוּ֮ וְרִנְּנ֣וּ בִמְרֹום־צִיֹּון֒ וְנָהֲר֞וּ אֶל־ט֣וּב יְהוָ֗ה עַל־דָּגָן֙ וְעַל־תִּירֹ֣שׁ וְעַל־יִצְהָ֔ר וְעַל־בְּנֵי־צֹ֖אן וּבָקָ֑ר וְהָיְתָ֤ה נַפְשָׁם֙ כְּגַ֣ן רָוֶ֔ה וְלֹא־יֹוסִ֥יפוּ לְדַאֲבָ֖ה עֹֽוד׃ uvaʾu werinenu vimerowm־tsiyown wenaharu ʾel־ṭuv yehwah ʿal־dagan weʿal־tiyrosh weʿal־yitsehar weʿal־beney־tsoʾn uvaqar wehayetah nafesham kegan raweh weloʾ־yowsiyfu ledaʾavah ʿowd׃

¹³ אָ֣ז תִּשְׂמַ֤ח בְּתוּלָה֙ בְּמָחֹ֔ול וּבַחֻרִ֥ים וּזְקֵנִ֖ים יַחְדָּ֑ו וְהָפַכְתִּ֨י אֶבְלָ֤ם לְשָׂשֹׂון֙ וְנִ֣חַמְתִּ֔ים וְשִׂמַּחְתִּ֖ים מִיגֹונָֽם׃ ʾaz tisemaḥ betulah bemaḥowl uvaḥuriym uzeqeniym yaḥedaw wehafakhetiy ʾevelam lesasown weniḥametiym wesimaḥetiym miygownam׃

¹⁴ וְרִוֵּיתִ֛י נֶ֥פֶשׁ הַכֹּהֲנִ֖ים דָּ֑שֶׁן וְעַמִּ֛י אֶת־טוּבִ֥י יִשְׂבָּ֖עוּ נְאֻם־יְהוָֽה׃ ס weriueytiy nefesh hakohaniym dashen weʿamiy ʾet־ṭuviy yisebaʿu neʾum־yehwah׃ s

¹⁵ כֹּ֣ה ׀ אָמַ֣ר יְהוָ֗ה קֹ֣ול בְּרָמָ֤ה נִשְׁמָע֙ נְהִי֙ בְּכִ֣י תַמְרוּרִ֔ים רָחֵ֖ל מְבַכָּ֣ה עַל־בָּנֶ֑יהָ מֵאֲנָ֛ה לְהִנָּחֵ֥ם עַל־בָּנֶ֖יהָ כִּ֥י אֵינֶֽנּוּ׃ ס koh ׀ ʾamar yehwah qowl beramah nishemaʿ nehiy bekhiy tameruriym raḥel mevakah ʿal־baneyha meʾanah lehinaḥem ʿal־baneyha kiy ʾeynenu׃ s

¹⁶ כֹּ֣ה ׀ אָמַ֣ר יְהוָ֗ה מִנְעִ֤י קֹולֵךְ֙ מִבֶּ֔כִי וְעֵינַ֖יִךְ מִדִּמְעָ֑ה כִּי֩ יֵ֨שׁ שָׂכָ֤ר לִפְעֻלָּתֵךְ֙ נְאֻם־יְהוָ֔ה וְשָׁ֖בוּ מֵאֶ֥רֶץ אֹויֵֽב׃ koh ׀ ʾamar yehwah mineʿiy qowlekhe mibekhiy weʿeynayikhe midimeʿah kiy yesh sakhar lifeʿulatekhe neʾum־yehwah weshavu meʾerets ʾowyev׃

¹⁷ וְיֵשׁ־תִּקְוָ֥ה לְאַחֲרִיתֵ֖ךְ נְאֻם־יְהוָ֑ה וְשָׁ֥בוּ בָנִ֖ים לִגְבוּלָֽם׃ ס weyesh־tiqewah leʾaḥariytekhe neʾum־yehwah weshavu vaniym ligevulam׃ s

¹⁸ שָׁמֹ֣ועַ שָׁמַ֗עְתִּי אֶפְרַ֙יִם֙ מִתְנֹודֵ֔ד יִסַּרְתַּ֙נִי֙ וָֽאִוָּסֵ֔ר כְּעֵ֖גֶל לֹ֣א לֻמָּ֑ד הֲשִׁיבֵ֣נִי וְאָשׁ֔וּבָה כִּ֥י אַתָּ֖ה יְהוָ֥ה אֱלֹהָֽי׃ shamowʿa shamaʿetiy ʾeferayim mitenowded yisaretaniy waʾiuaser keʿegel loʾ lumad hashiyveniy weʾashuvah kiy ʾatah yehwah ʾelohay׃

¹⁹ כִּֽי־אַחֲרֵ֤י שׁוּבִי֙ נִחַ֔מְתִּי וְאַֽחֲרֵי֙ הִוָּ֣דְעִ֔י סָפַ֖קְתִּי עַל־יָרֵ֑ךְ בֹּ֚שְׁתִּי וְגַם־נִכְלַ֔מְתִּי כִּ֥י נָשָׂ֖אתִי חֶרְפַּ֥ת נְעוּרָֽי׃ kiy־ʾaḥarey shuviy niḥametiy weʾaḥarey hiuadeʿiy safaqetiy ʿal־yarekhe boshetiy wegam־nikhelametiy kiy nasaʾtiy ḥerepat neʿuray׃

²⁰ הֲבֵן֩ יַקִּ֨יר לִ֜י אֶפְרַ֗יִם אִ֚ם יֶ֣לֶד שַׁעֲשֻׁעִ֔ים כִּֽי־מִדֵּ֤י דַבְּרִי֙ בֹּ֔ו זָכֹ֥ר אֶזְכְּרֶ֖נּוּ עֹ֑וד עַל־כֵּ֗ן הָמ֤וּ מֵעַי֙ לֹ֔ו רַחֵ֥ם אֲ‍ֽרַחֲמֶ֖נּוּ נְאֻם־יְהוָֽה׃ ס haven yaqiyr liy ʾeferayim ʾim yeled shaʿashuʿiym kiy־midey daberiy bow zakhor ʾezekerenu ʿowd ʿal־ken hamu meʿay low raḥem א‍raḥamenu neʾum־yehwah׃ s

²¹ הַצִּ֧יבִי לָ֣ךְ צִיֻּנִ֗ים שִׂ֤מִי לָךְ֙ תַּמְרוּרִ֔ים שִׁ֣תִי לִבֵּ֔ךְ לַֽמְסִלָּ֖ה דֶּ֣רֶךְ [הָלָכְתִּי כ] (הָלָ֑כְתְּ ק) וּבִי בְּתוּלַ֣ת יִשְׂרָאֵ֔ל שֻׁ֖בִי אֶל־עָרַ֥יִךְ אֵֽלֶּה׃ hatsiyviy lakhe tsiyuniym simiy lakhe tameruriym shitiy libekhe lamesilah derekhe [halakhetiy kh] (halakhete q) uviy betulat yiseraʾel shuviy ʾel־ʿarayikhe ʾeleh׃

²² עַד־מָתַי֙ תִּתְחַמָּקִ֔ין הַבַּ֖ת הַשֹּֽׁובֵבָ֑ה כִּֽי־בָרָ֨א יְהוָ֤ה חֲדָשָׁה֙ בָּאָ֔רֶץ נְקֵבָ֖ה תְּסֹ֥ובֵֽב גָּֽבֶר׃ ס ʿad־matay titeḥamaqiyn habat hashowvevah kiy־varaʾ yehwah ḥadashah baʾarets neqevah tesowvev gaver׃ s

²³ כֹּֽה־אָמַ֞ר יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל עֹ֣וד יֹאמְר֞וּ אֶת־הַדָּבָ֣ר הַזֶּ֗ה בְּאֶ֤רֶץ יְהוּדָה֙ וּבְעָרָ֔יו בְּשׁוּבִ֖י אֶת־שְׁבוּתָ֑ם יְבָרֶכְךָ֧ יְהוָ֛ה נְוֵה־צֶ֖דֶק הַ֥ר הַקֹּֽדֶשׁ׃ koh־ʾamar yehwah tsevaʾowt ʾelohey yiseraʾel ʿowd yoʾmeru ʾet־hadavar hazeh beʾerets yehudah uveʿarayw beshuviy ʾet־shevutam yevarekhekha yehwah neweh־tsedeq har haqodesh׃

²⁴ וְיָ֥שְׁבוּ בָ֛הּ יְהוּדָ֥ה וְכָל־עָרָ֖יו יַחְדָּ֑ו אִכָּרִ֕ים וְנָסְע֖וּ בַּעֵֽדֶר׃ weyashevu vah yehudah wekhal־ʿarayw yaḥedaw ʾikariym wenaseʿu baʿeder׃

²⁵ כִּ֥י הִרְוֵ֖יתִי נֶ֣פֶשׁ עֲיֵפָ֑ה וְכָל־נֶ֥פֶשׁ דָּאֲבָ֖ה מִלֵּֽאתִי׃ kiy hireweytiy nefesh ʿayefah wekhal־nefesh daʾavah mileʾtiy׃

²⁶ עַל־זֹ֖את הֱקִיצֹ֣תִי וָאֶרְאֶ֑ה וּשְׁנָתִ֖י עָ֥רְבָה לִּֽי׃ ס ʿal־zoʾt heqiytsotiy waʾereʾeh ushenatiy ʿarevah liy׃ s

²⁷ הִנֵּ֛ה יָמִ֥ים בָּאִ֖ים נְאֻם־יְהוָ֑ה וְזָרַעְתִּ֗י אֶת־בֵּ֤ית יִשְׂרָאֵל֙ וְאֶת־בֵּ֣ית יְהוּדָ֔ה זֶ֥רַע אָדָ֖ם וְזֶ֥רַע בְּהֵמָֽה׃ hineh yamiym baʾiym neʾum־yehwah wezaraʿetiy ʾet־beyt yiseraʾel weʾet־beyt yehudah zeraʿ ʾadam wezeraʿ behemah׃

²⁸ וְהָיָ֞ה כַּאֲשֶׁ֧ר שָׁקַ֣דְתִּי עֲלֵיהֶ֗ם לִנְתֹ֧ושׁ וְלִנְתֹ֛וץ וְלַהֲרֹ֖ס וּלְהַאֲבִ֣יד וּלְהָרֵ֑עַ כֵּ֣ן אֶשְׁקֹ֧ד עֲלֵיהֶ֛ם לִבְנֹ֥ות וְלִנְטֹ֖ועַ נְאֻם־יְהוָֽה׃ wehayah kaʾasher shaqadetiy ʿaleyhem linetowsh welinetowts welaharos ulehaʾaviyd ulehareaʿ ken ʾesheqod ʿaleyhem livenowt welineṭowʿa neʾum־yehwah׃

²⁹ בַּיָּמִ֣ים הָהֵ֔ם לֹא־יֹאמְר֣וּ עֹ֔וד אָבֹ֖ות אָ֣כְלוּ בֹ֑סֶר וְשִׁנֵּ֥י בָנִ֖ים תִּקְהֶֽינָה׃ bayamiym hahem loʾ־yoʾmeru ʿowd ʾavowt ʾakhelu voser weshiney vaniym tiqeheynah׃

³⁰ כִּ֛י אִם־אִ֥ישׁ בַּעֲוֹנֹ֖ו יָמ֑וּת כָּל־הָֽאָדָ֛ם הָאֹכֵ֥ל הַבֹּ֖סֶר תִּקְהֶ֥ינָה שִׁנָּֽיו׃ ס kiy ʾim־ʾiysh baʿaonow yamut kal־haʾadam haʾokhel haboser tiqeheynah shinayw׃ s

³¹ הִנֵּ֛ה יָמִ֥ים בָּאִ֖ים נְאֻם־יְהוָ֑ה וְכָרַתִּ֗י אֶת־בֵּ֧ית יִשְׂרָאֵ֛ל וְאֶת־בֵּ֥ית יְהוּדָ֖ה בְּרִ֥ית חֲדָשָֽׁה׃ hineh yamiym baʾiym neʾum־yehwah wekharatiy ʾet־beyt yiseraʾel weʾet־beyt yehudah beriyt ḥadashah׃

³² לֹ֣א כַבְּרִ֗ית אֲשֶׁ֤ר כָּרַ֙תִּי֙ אֶת־אֲבֹותָ֔ם בְּיֹום֙ הֶחֱזִיקִ֣י בְיָדָ֔ם לְהֹוצִיאָ֖ם מֵאֶ֖רֶץ מִצְרָ֑יִם אֲשֶׁר־הֵ֜מָּה הֵפֵ֣רוּ אֶת־בְּרִיתִ֗י וְאָנֹכִ֛י בָּעַ֥לְתִּי בָ֖ם נְאֻם־יְהוָֽה׃ loʾ khaberiyt ʾasher karatiy ʾet־ʾavowtam beyowm heḥeziyqiy veyadam lehowtsiyʾam meʾerets mitserayim ʾasher־hemah heferu ʾet־beriytiy weʾanokhiy baʿaletiy vam neʾum־yehwah׃

³³ כִּ֣י זֹ֣את הַבְּרִ֡ית אֲשֶׁ֣ר אֶכְרֹת֩ אֶת־בֵּ֨ית יִשְׂרָאֵ֜ל אַחֲרֵ֨י הַיָּמִ֤ים הָהֵם֙ נְאֻם־יְהוָ֔ה נָתַ֤תִּי אֶת־תֹּֽורָתִי֙ בְּקִרְבָּ֔ם וְעַל־לִבָּ֖ם אֶכְתֲּבֶ֑נָּה וְהָיִ֤יתִי לָהֶם֙ לֵֽאלֹהִ֔ים וְהֵ֖מָּה יִֽהְיוּ־לִ֥י לְעָֽם׃ kiy zoʾt haberiyt ʾasher ʾekherot ʾet־beyt yiseraʾel ʾaḥarey hayamiym hahem neʾum־yehwah natatiy ʾet־towratiy beqirebam weʿal־libam ʾekhetavenah wehayiytiy lahem leʾlohiym wehemah yiheyu־liy leʿam׃

³⁴ וְלֹ֧א יְלַמְּד֣וּ עֹ֗וד אִ֣ישׁ אֶת־רֵעֵ֜הוּ וְאִ֤ישׁ אֶת־אָחִיו֙ לֵאמֹ֔ר דְּע֖וּ אֶת־יְהוָ֑ה כִּֽי־כוּלָּם֩ יֵדְע֨וּ אֹותִ֜י לְמִקְטַנָּ֤ם וְעַד־גְּדֹולָם֙ נְאֻם־יְהוָ֔ה כִּ֤י אֶסְלַח֙ לַֽעֲוֹנָ֔ם וּלְחַטָּאתָ֖ם לֹ֥א אֶזְכָּר־עֹֽוד׃ ס weloʾ yelamedu ʿowd ʾiysh ʾet־reʿehu weʾiysh ʾet־ʾaḥiyw leʾmor deʿu ʾet־yehwah kiy־khulam yedeʿu ʾowtiy lemiqeṭanam weʿad־gedowlam neʾum־yehwah kiy ʾeselaḥ laʿaonam uleḥaṭaʾtam loʾ ʾezekar־ʿowd׃ s

³⁵ כֹּ֣ה ׀ אָמַ֣ר יְהוָ֗ה נֹתֵ֥ן שֶׁ֙מֶשׁ֙ לְאֹ֣ור יֹומָ֔ם חֻקֹּ֛ת יָרֵ֥חַ וְכֹוכָבִ֖ים לְאֹ֣ור לָ֑יְלָה רֹגַ֤ע הַיָּם֙ וַיֶּהֱמ֣וּ גַלָּ֔יו יְהוָ֥ה צְבָאֹ֖ות שְׁמֹֽו׃ koh ׀ ʾamar yehwah noten shemesh leʾowr yowmam ḥuqot yareaḥ wekhowkhaviym leʾowr layelah rogaʿ hayam wayehemu galayw yehwah tsevaʾowt shemow׃

³⁶ אִם־יָמֻ֜שׁוּ הַחֻקִּ֥ים הָאֵ֛לֶּה מִלְּפָנַ֖י נְאֻם־יְהוָ֑ה גַּם֩ זֶ֨רַע יִשְׂרָאֵ֜ל יִשְׁבְּת֗וּ מִֽהְיֹ֥ות גֹּ֛וי לְפָנַ֖י כָּל־הַיָּמִֽים׃ ס ʾim־yamushu haḥuqiym haʾeleh milefanay neʾum־yehwah gam zeraʿ yiseraʾel yishebetu miheyowt gowy lefanay kal־hayamiym׃ s

³⁷ כֹּ֣ה ׀ אָמַ֣ר יְהוָ֗ה אִם־יִמַּ֤דּוּ שָׁמַ֙יִם֙ מִלְמַ֔עְלָה וְיֵחָקְר֥וּ מֹֽוסְדֵי־אֶ֖רֶץ לְמָ֑טָּה גַּם־אֲנִ֞י אֶמְאַ֨ס בְּכָל־זֶ֧רַע יִשְׂרָאֵ֛ל עַֽל־כָּל־אֲשֶׁ֥ר עָשׂ֖וּ נְאֻם־יְהוָֽה׃ ס koh ׀ ʾamar yehwah ʾim־yimadu shamayim milemaʿelah weyeḥaqeru mowsedey־ʾerets lemaṭah gam־ʾaniy ʾemeʾas bekhal־zeraʿ yiseraʾel ʿal־kal־ʾasher ʿasu neʾum־yehwah׃ s

³⁸ הִנֵּ֛ה יָמִ֥ים (בָּאִ֖ים ק) נְאֻם־יְהוָ֑ה וְנִבְנְתָ֤ה הָעִיר֙ לַֽיהוָ֔ה מִמִּגְדַּ֥ל חֲנַנְאֵ֖ל שַׁ֥עַר הַפִּנָּֽה׃ hineh yamiym (baʾiym q) neʾum־yehwah wenivenetah haʿiyr layhwah mimigedal ḥananeʾel shaʿar hapinah׃

³⁹ וְיָצָ֨א עֹ֜וד [קְוֵה כ] (קָ֤ו ק) הַמִּדָּה֙ נֶגְדֹּ֔ו עַ֖ל גִּבְעַ֣ת גָּרֵ֑ב וְנָסַ֖ב גֹּעָֽתָה׃ weyatsaʾ ʿowd [qeweh kh] (qaw q) hamidah negedow ʿal giveʿat garev wenasav goʿatah׃

⁴⁰ וְכָל־הָעֵ֣מֶק הַפְּגָרִ֣ים ׀ וְהַדֶּ֡שֶׁן וְכָֽל־ [הַשְּׁרֵמֹות כ] (הַשְּׁדֵמֹות֩ ק) עַד־נַ֨חַל קִדְרֹ֜ון עַד־פִּנַּ֨ת שַׁ֤עַר הַסּוּסִים֙ מִזְרָ֔חָה קֹ֖דֶשׁ לַֽיהוָ֑ה לֹֽא־יִנָּתֵ֧שׁ וְֽלֹא־יֵהָרֵ֛ס עֹ֖וד לְעֹולָֽם׃ ס wekhal־haʿemeq hapegariym ׀ wehadeshen wekhal־ [hasheremowt kh] (hashedemowt q) ʿad־naḥal qiderown ʿad־pinat shaʿar hasusiym mizeraḥah qodesh layhwah loʾ־yinatesh weloʾ־yehares ʿowd leʿowlam׃ s