Ézéchiel 16

¹ וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃

² בֶּן־אָדָ֕ם הֹודַ֥ע אֶת־יְרוּשָׁלִַ֖ם אֶת־תֹּועֲבֹתֶֽיהָ׃ ben־ʾadam howdaʿ ʾet־yerushalim ʾet־towʿavoteyha׃

³ וְאָמַרְתָּ֞ כֹּה־אָמַ֨ר אֲדֹנָ֤י יְהוִה֙ לִיר֣וּשָׁלִַ֔ם מְכֹרֹתַ֙יִךְ֙ וּמֹ֣לְדֹתַ֔יִךְ מֵאֶ֖רֶץ הַֽכְּנַעֲנִ֑י אָבִ֥יךְ הָאֱמֹרִ֖י וְאִמֵּ֥ךְ חִתִּֽית׃ weʾamareta koh־ʾamar ʾadonay yehwih liyrushalim mekhorotayikhe umoledotayikhe meʾerets hakenaʿaniy ʾaviykhe haʾemoriy weʾimekhe ḥitiyt׃

⁴ וּמֹולְדֹותַ֗יִךְ בְּיֹ֨ום הוּלֶּ֤דֶת אֹתָךְ֙ לֹֽא־כָרַּ֣ת שָׁרֵּ֔ךְ וּבְמַ֥יִם לֹֽא־רֻחַ֖צְתְּ לְמִשְׁעִ֑י וְהָמְלֵ֙חַ֙ לֹ֣א הֻמְלַ֔חַתְּ וְהָחְתֵּ֖ל לֹ֥א חֻתָּֽלְתְּ׃ umowledowtayikhe beyowm huledet ʾotakhe loʾ־kharat sharekhe uvemayim loʾ־ruḥatsete lemisheʿiy wehameleaḥ loʾ humelaḥate wehaḥetel loʾ ḥutalete׃

⁵ לֹא־חָ֨סָה עָלַ֜יִךְ עַ֗יִן לַעֲשֹׂ֥ות לָ֛ךְ אַחַ֥ת מֵאֵ֖לֶּה לְחֻמְלָ֣ה עָלָ֑יִךְ וַֽתֻּשְׁלְכִ֞י אֶל־פְּנֵ֤י הַשָּׂדֶה֙ בְּגֹ֣עַל נַפְשֵׁ֔ךְ בְּיֹ֖ום הֻלֶּ֥דֶת אֹתָֽךְ׃ loʾ־ḥasah ʿalayikhe ʿayin laʿasowt lakhe ʾaḥat meʾeleh leḥumelah ʿalayikhe watushelekhiy ʾel־peney hasadeh begoʿal nafeshekhe beyowm huledet ʾotakhe׃

⁶ וָאֶעֱבֹ֤ר עָלַ֙יִךְ֙ וָֽאֶרְאֵ֔ךְ מִתְבֹּוסֶ֖סֶת בְּדָמָ֑יִךְ וָאֹ֤מַר לָךְ֙ בְּדָמַ֣יִךְ חֲיִ֔י וָאֹ֥מַר לָ֖ךְ בְּדָמַ֥יִךְ חֲיִֽי׃ waʾeʿevor ʿalayikhe waʾereʾekhe mitebowseset bedamayikhe waʾomar lakhe bedamayikhe ḥayiy waʾomar lakhe bedamayikhe ḥayiy׃

⁷ רְבָבָ֗ה כְּצֶ֤מַח הַשָּׂדֶה֙ נְתַתִּ֔יךְ וַתִּרְבִּי֙ וַֽתִּגְדְּלִ֔י וַתָּבֹ֖אִי בַּעֲדִ֣י עֲדָיִ֑ים שָׁדַ֤יִם נָכֹ֙נוּ֙ וּשְׂעָרֵ֣ךְ צִמֵּ֔חַ וְאַ֖תְּ עֵרֹ֥ם וְעֶרְיָֽה׃ revavah ketsemaḥ hasadeh netatiykhe watirebiy watigedeliy watavoʾiy baʿadiy ʿadayiym shadayim nakhonu useʿarekhe tsimeaḥ weʾate ʿerom weʿereyah׃

⁸ וָאֶעֱבֹ֨ר עָלַ֜יִךְ וָאֶרְאֵ֗ךְ וְהִנֵּ֤ה עִתֵּךְ֙ עֵ֣ת דֹּדִ֔ים וָאֶפְרֹ֤שׂ כְּנָפִי֙ עָלַ֔יִךְ וָאֲכַסֶּ֖ה עֶרְוָתֵ֑ךְ וָאֶשָּׁ֣בַֽע לָ֠ךְ וָאָבֹ֨וא בִבְרִ֜ית אֹתָ֗ךְ נְאֻ֛ם אֲדֹנָ֥י יְהוִ֖ה וַתִּ֥הְיִי לִֽי׃ waʾeʿevor ʿalayikhe waʾereʾekhe wehineh ʿitekhe ʿet dodiym waʾeferos kenafiy ʿalayikhe waʾakhaseh ʿerewatekhe waʾeshavaʿ lakhe waʾavowʾ viveriyt ʾotakhe neʾum ʾadonay yehwih watiheyiy liy׃

⁹ וָאֶרְחָצֵ֣ךְ בַּמַּ֔יִם וָאֶשְׁטֹ֥ף דָּמַ֖יִךְ מֵֽעָלָ֑יִךְ וָאֲסֻכֵ֖ךְ בַּשָּֽׁמֶן׃ waʾereḥatsekhe bamayim waʾesheṭof damayikhe meʿalayikhe waʾasukhekhe bashamen׃

¹⁰ וָאַלְבִּישֵׁ֣ךְ רִקְמָ֔ה וָאֶנְעֲלֵ֖ךְ תָּ֑חַשׁ וָאֶחְבְּשֵׁ֣ךְ בַּשֵּׁ֔שׁ וַאֲכַסֵּ֖ךְ מֶֽשִׁי׃ waʾalebiyshekhe riqemah waʾeneʿalekhe taḥash waʾeḥebeshekhe bashesh waʾakhasekhe meshiy׃

¹¹ וָאֶעְדֵּ֖ךְ עֶ֑דִי וָאֶתְּנָ֤ה צְמִידִים֙ עַל־יָדַ֔יִךְ וְרָבִ֖יד עַל־גְּרֹונֵֽךְ׃ waʾeʿedekhe ʿediy waʾetenah tsemiydiym ʿal־yadayikhe weraviyd ʿal־gerownekhe׃

¹² וָאֶתֵּ֥ן נֶ֙זֶם֙ עַל־אַפֵּ֔ךְ וַעֲגִילִ֖ים עַל־אָזְנָ֑יִךְ וַעֲטֶ֥רֶת תִּפְאֶ֖רֶת בְּרֹאשֵֽׁךְ׃ waʾeten nezem ʿal־ʾapekhe waʿagiyliym ʿal־ʾazenayikhe waʿaṭeret tifeʾeret beroʾshekhe׃

¹³ וַתַּעְדִּ֞י זָהָ֣ב וָכֶ֗סֶף וּמַלְבּוּשֵׁךְ֙ [שֵׁשִׁי כ] (שֵׁ֤שׁ ק) וָמֶ֙שִׁי֙ וְרִקְמָ֔ה סֹ֧לֶת וּדְבַ֛שׁ וָשֶׁ֖מֶן [אָכָלְתִּי כ] (אָכָ֑לְתְּ ק) וַתִּ֙יפִי֙ בִּמְאֹ֣ד מְאֹ֔ד וַֽתִּצְלְחִ֖י לִמְלוּכָֽה׃ wataʿediy zahav wakhesef umalebushekhe [sheshiy kh] (shesh q) wameshiy weriqemah solet udevash washemen [ʾakhaletiy kh] (ʾakhalete q) watiyfiy bimeʾod meʾod watitseleḥiy limelukhah׃

¹⁴ וַיֵּ֨צֵא לָ֥ךְ שֵׁ֛ם בַּגֹּויִ֖ם בְּיָפְיֵ֑ךְ כִּ֣י ׀ כָּלִ֣יל ה֗וּא בַּֽהֲדָרִי֙ אֲשֶׁר־שַׂ֣מְתִּי עָלַ֔יִךְ נְאֻ֖ם אֲדֹנָ֥י יְהוִֽה׃ wayetseʾ lakhe shem bagowyim beyafeyekhe kiy ׀ kaliyl huʾ bahadariy ʾasher־sametiy ʿalayikhe neʾum ʾadonay yehwih׃

¹⁵ וַתִּבְטְחִ֣י בְיָפְיֵ֔ךְ וַתִּזְנִ֖י עַל־שְׁמֵ֑ךְ וַתִּשְׁפְּכִ֧י אֶת־תַּזְנוּתַ֛יִךְ עַל־כָּל־עֹובֵ֖ר לֹו־יֶֽהִי׃ wativeṭeḥiy veyafeyekhe watizeniy ʿal־shemekhe watishepekhiy ʾet־tazenutayikhe ʿal־kal־ʿowver low־yehiy׃

¹⁶ וַתִּקְחִ֣י מִבְּגָדַ֗יִךְ וַתַּֽעֲשִׂי־לָךְ֙ בָּמֹ֣ות טְלֻאֹ֔ות וַתִּזְנִ֖י עֲלֵיהֶ֑ם לֹ֥א בָאֹ֖ות וְלֹ֥א יִהְיֶֽה׃ watiqeḥiy mibegadayikhe wataʿasiy־lakhe bamowt ṭeluʾowt watizeniy ʿaleyhem loʾ vaʾowt weloʾ yiheyeh׃

¹⁷ וַתִּקְחִ֞י כְּלֵ֣י תִפְאַרְתֵּ֗ךְ מִזְּהָבִ֤י וּמִכַּסְפִּי֙ אֲשֶׁ֣ר נָתַ֣תִּי לָ֔ךְ וַתַּעֲשִׂי־לָ֖ךְ צַלְמֵ֣י זָכָ֑ר וַתִּזְנִי־בָֽם׃ watiqeḥiy keley tifeʾaretekhe mizehaviy umikasepiy ʾasher natatiy lakhe wataʿasiy־lakhe tsalemey zakhar watizeniy־vam׃

¹⁸ וַתִּקְחִ֛י אֶת־בִּגְדֵ֥י רִקְמָתֵ֖ךְ וַתְּכַסִּ֑ים וְשַׁמְנִי֙ וּקְטָרְתִּ֔י [נָתַתִּי כ] (נָתַ֖תְּ ק) לִפְנֵיהֶֽם׃ watiqeḥiy ʾet־bigedey riqematekhe watekhasiym weshameniy uqeṭaretiy [natatiy kh] (natate q) lifeneyhem׃

¹⁹ וְלַחְמִי֩ אֲשֶׁר־נָתַ֨תִּי לָ֜ךְ סֹ֣לֶת וָשֶׁ֤מֶן וּדְבַשׁ֙ הֶֽאֱכַלְתִּ֔יךְ וּנְתַתִּ֧יהוּ לִפְנֵיהֶ֛ם לְרֵ֥יחַ נִיחֹ֖חַ וַיֶּ֑הִי נְאֻ֖ם אֲדֹנָ֥י יְהוִֽה׃ welaḥemiy ʾasher־natatiy lakhe solet washemen udevash heʾekhaletiykhe unetatiyhu lifeneyhem lereyḥa niyḥoaḥ wayehiy neʾum ʾadonay yehwih׃

²⁰ וַתִּקְחִ֞י אֶת־בָּנַ֤יִךְ וְאֶת־בְּנֹותַ֙יִךְ֙ אֲשֶׁ֣ר יָלַ֣דְתְּ לִ֔י וַתִּזְבָּחִ֥ים לָהֶ֖ם לֶאֱכֹ֑ול הַמְעַ֖ט [מִתַּזְנֻתֵךְ כ] (מִתַּזְנוּתָֽיִךְ׃ ק) watiqeḥiy ʾet־banayikhe weʾet־benowtayikhe ʾasher yaladete liy watizebaḥiym lahem leʾekhowl hameʿaṭ [mitazenutekhe kh] (mitazenutayikhe׃ q)

²¹ וַֽתִּשְׁחֲטִ֖י אֶת־בָּנָ֑י וַֽתִּתְּנִ֔ים בְּהַעֲבִ֥יר אֹותָ֖ם לָהֶֽם׃ watisheḥaṭiy ʾet־banay watiteniym behaʿaviyr ʾowtam lahem׃

²² וְאֵ֤ת כָּל־תֹּועֲבֹתַ֙יִךְ֙ וְתַזְנֻתַ֔יִךְ לֹ֥א [זָכַרְתִּי כ] (זָכַ֖רְתְּ ק) אֶת־יְמֵ֣י נְעוּרָ֑יִךְ בִּֽהְיֹותֵךְ֙ עֵרֹ֣ם וְעֶרְיָ֔ה מִתְבֹּוסֶ֥סֶת בְּדָמֵ֖ךְ הָיִֽית׃ weʾet kal־towʿavotayikhe wetazenutayikhe loʾ [zakharetiy kh] (zakharete q) ʾet־yemey neʿurayikhe biheyowtekhe ʿerom weʿereyah mitebowseset bedamekhe hayiyt׃

²³ וַיְהִ֕י אַחֲרֵ֖י כָּל־רָעָתֵ֑ךְ אֹ֣וי אֹ֣וי לָ֔ךְ נְאֻ֖ם אֲדֹנָ֥י יְהוִֽה׃ wayehiy ʾaḥarey kal־raʿatekhe ʾowy ʾowy lakhe neʾum ʾadonay yehwih׃

²⁴ וַתִּבְנִי־לָ֖ךְ גֶּ֑ב וַתַּעֲשִׂי־לָ֥ךְ רָמָ֖ה בְּכָל־רְחֹֽוב׃ wativeniy־lakhe gev wataʿasiy־lakhe ramah bekhal־reḥowv׃

²⁵ אֶל־כָּל־רֹ֣אשׁ דֶּ֗רֶךְ בָּנִית֙ רָֽמָתֵ֔ךְ וַתְּתַֽעֲבִי֙ אֶת־יָפְיֵ֔ךְ וַתְּפַשְּׂקִ֥י אֶת־רַגְלַ֖יִךְ לְכָל־עֹובֵ֑ר וַתַּרְבִּ֖י אֶת־ [תַּזְנֻתֵךְ כ] (תַּזְנוּתָֽיִךְ׃ ק) ʾel־kal־roʾsh derekhe baniyt ramatekhe watetaʿaviy ʾet־yafeyekhe watefaseqiy ʾet־ragelayikhe lekhal־ʿowver watarebiy ʾet־ [tazenutekhe kh] (tazenutayikhe׃ q)

²⁶ וַתִּזְנִ֧י אֶל־בְּנֵֽי־מִצְרַ֛יִם שְׁכֵנַ֖יִךְ גִּדְלֵ֣י בָשָׂ֑ר וַתַּרְבִּ֥י אֶת־תַּזְנֻתֵ֖ךְ לְהַכְעִיסֵֽנִי׃ watizeniy ʾel־beney־mitserayim shekhenayikhe gideley vasar watarebiy ʾet־tazenutekhe lehakheʿiyseniy׃

²⁷ וְהִנֵּ֨ה נָטִ֤יתִי יָדִי֙ עָלַ֔יִךְ וָאֶגְרַ֖ע חֻקֵּ֑ךְ וָאֶתְּנֵ֞ךְ בְּנֶ֤פֶשׁ שֹׂנְאֹותַ֙יִךְ֙ בְּנֹ֣ות פְּלִשְׁתִּ֔ים הַנִּכְלָמֹ֖ות מִדַּרְכֵּ֥ךְ זִמָּֽה׃ wehineh naṭiytiy yadiy ʿalayikhe waʾegeraʿ ḥuqekhe waʾetenekhe benefesh soneʾowtayikhe benowt pelishetiym hanikhelamowt midarekekhe zimah׃

²⁸ וַתִּזְנִי֙ אֶל־בְּנֵ֣י אַשּׁ֔וּר מִבִּלְתִּ֖י שָׂבְעָתֵ֑ךְ וַתִּזְנִ֕ים וְגַ֖ם לֹ֥א שָׂבָֽעַתְּ׃ watizeniy ʾel־beney ʾashur mibiletiy saveʿatekhe watizeniym wegam loʾ savaʿate׃

²⁹ וַתַּרְבִּ֧י אֶת־תַּזְנוּתֵ֛ךְ אֶל־אֶ֥רֶץ כְּנַ֖עַן כַּשְׂדִּ֑ימָה וְגַם־בְּזֹ֖את לֹ֥א שָׂבָֽעַתְּ׃ watarebiy ʾet־tazenutekhe ʾel־ʾerets kenaʿan kasediymah wegam־bezoʾt loʾ savaʿate׃

³⁰ מָ֤ה אֲמֻלָה֙ לִבָּתֵ֔ךְ נְאֻ֖ם אֲדֹנָ֣י יְהוִ֑ה בַּעֲשֹׂותֵךְ֙ אֶת־כָּל־אֵ֔לֶּה מַעֲשֵׂ֥ה אִשָּֽׁה־זֹונָ֖ה שַׁלָּֽטֶת׃ mah ʾamulah libatekhe neʾum ʾadonay yehwih baʿasowtekhe ʾet־kal־ʾeleh maʿaseh ʾishah־zownah shalaṭet׃

³¹ בִּבְנֹותַ֤יִךְ גַּבֵּךְ֙ בְּרֹ֣אשׁ כָּל־דֶּ֔רֶךְ וְרָמָתֵ֥ךְ [עָשִׂיתִי כ] (עָשִׂ֖ית ק) בְּכָל־רְחֹ֑וב וְלֹא־ [הָיִיתי כ] (הָיִ֥ית ק) כַּזֹּונָ֖ה לְקַלֵּ֥ס אֶתְנָֽן׃ bivenowtayikhe gabekhe beroʾsh kal־derekhe weramatekhe [ʿasiytiy kh] (ʿasiyt q) bekhal־reḥowv weloʾ־ [hayiyty kh] (hayiyt q) kazownah leqales ʾetenan׃

³² הָאִשָּׁ֖ה הַמְּנָאָ֑פֶת תַּ֣חַת אִישָׁ֔הּ תִּקַּ֖ח אֶת־זָרִֽים׃ haʾishah hamenaʾafet taḥat ʾiyshah tiqaḥ ʾet־zariym׃

³³ לְכָל־זֹנֹ֖ות יִתְּנוּ־נֵ֑דֶה וְאַ֨תְּ נָתַ֤תְּ אֶת־נְדָנַ֙יִךְ֙ לְכָל־מְאַֽהֲבַ֔יִךְ וַתִּשְׁחֳדִ֣י אֹותָ֗ם לָבֹ֥וא אֵלַ֛יִךְ מִסָּבִ֖יב בְּתַזְנוּתָֽיִךְ׃ lekhal־zonowt yitenu־nedeh weʾate natate ʾet־nedanayikhe lekhal־meʾahavayikhe watisheḥodiy ʾowtam lavowʾ ʾelayikhe misaviyv betazenutayikhe׃

³⁴ וַיְהִי־בָ֨ךְ הֵ֤פֶךְ מִן־הַנָּשִׁים֙ בְּתַזְנוּתַ֔יִךְ וְאַחֲרַ֖יִךְ לֹ֣א זוּנָּ֑ה וּבְתִתֵּ֣ךְ אֶתְנָ֗ן וְאֶתְנַ֛ן לֹ֥א נִתַּן־לָ֖ךְ וַתְּהִ֥י לְהֶֽפֶךְ׃ wayehiy־vakhe hefekhe min־hanashiym betazenutayikhe weʾaḥarayikhe loʾ zunah uvetitekhe ʾetenan weʾetenan loʾ nitan־lakhe watehiy lehefekhe׃

³⁵ לָכֵ֣ן זֹונָ֔ה שִׁמְעִ֖י דְּבַר־יְהוָֽה׃ פ lakhen zownah shimeʿiy devar־yehwah׃ f

³⁶ כֹּֽה־אָמַ֞ר אֲדֹנָ֣י יְהֹוִ֗ה יַ֣עַן הִשָּׁפֵ֤ךְ נְחֻשְׁתֵּךְ֙ וַתִּגָּלֶ֣ה עֶרְוָתֵ֔ךְ בְּתַזְנוּתַ֖יִךְ עַל־מְאַהֲבָ֑יִךְ וְעַל֙ כָּל־גִּלּוּלֵ֣י תֹועֲבֹותַ֔יִךְ וְכִדְמֵ֣י בָנַ֔יִךְ אֲשֶׁ֥ר נָתַ֖תְּ לָהֶֽם׃ koh־ʾamar ʾadonay yehowih yaʿan hishafekhe neḥushetekhe watigaleh ʿerewatekhe betazenutayikhe ʿal־meʾahavayikhe weʿal kal־giluley towʿavowtayikhe wekhidemey vanayikhe ʾasher natate lahem׃

³⁷ לָ֠כֵן הִנְנִ֨י מְקַבֵּ֤ץ אֶת־כָּל־מְאַהֲבַ֙יִךְ֙ אֲשֶׁ֣ר עָרַ֣בְתְּ עֲלֵיהֶ֔ם וְאֵת֙ כָּל־אֲשֶׁ֣ר אָהַ֔בְתְּ עַ֖ל כָּל־אֲשֶׁ֣ר שָׂנֵ֑את וְקִבַּצְתִּי֩ אֹתָ֨ם עָלַ֜יִךְ מִסָּבִ֗יב וְגִלֵּיתִ֤י עֶרְוָתֵךְ֙ אֲלֵהֶ֔ם וְרָא֖וּ אֶת־כָּל־עֶרְוָתֵֽךְ׃ lakhen hineniy meqabets ʾet־kal־meʾahavayikhe ʾasher ʿaravete ʿaleyhem weʾet kal־ʾasher ʾahavete ʿal kal־ʾasher saneʾt weqibatsetiy ʾotam ʿalayikhe misaviyv wegileytiy ʿerewatekhe ʾalehem weraʾu ʾet־kal־ʿerewatekhe׃

³⁸ וּשְׁפַטְתִּיךְ֙ מִשְׁפְּטֵ֣י נֹאֲפֹ֔ות וְשֹׁפְכֹ֖ת דָּ֑ם וּנְתַתִּ֕יךְ דַּ֥ם חֵמָ֖ה וְקִנְאָֽה׃ ushefaṭetiykhe mishepeṭey noʾafowt weshofekhot dam unetatiykhe dam ḥemah weqineʾah׃

³⁹ וְנָתַתִּ֨י אֹותָ֜ךְ בְּיָדָ֗ם וְהָרְס֤וּ גַבֵּךְ֙ וְנִתְּצ֣וּ רָמֹתַ֔יִךְ וְהִפְשִׁ֤יטוּ אֹותָךְ֙ בְּגָדַ֔יִךְ וְלָקְח֖וּ כְּלֵ֣י תִפְאַרְתֵּ֑ךְ וְהִנִּיח֖וּךְ עֵירֹ֥ם וְעֶרְיָֽה׃ wenatatiy ʾowtakhe beyadam weharesu gabekhe wenitetsu ramotayikhe wehifeshiyṭu ʾowtakhe begadayikhe welaqeḥu keley tifeʾaretekhe wehiniyḥukhe ʿeyrom weʿereyah׃

⁴⁰ וְהֶעֱל֤וּ עָלַ֙יִךְ֙ קָהָ֔ל וְרָגְמ֥וּ אֹותָ֖ךְ בָּאָ֑בֶן וּבִתְּק֖וּךְ בְּחַרְבֹותָֽם׃ weheʿelu ʿalayikhe qahal weragemu ʾowtakhe baʾaven uvitequkhe beḥarevowtam׃

⁴¹ וְשָׂרְפ֤וּ בָתַּ֙יִךְ֙ בָּאֵ֔שׁ וְעָשׂוּ־בָ֣ךְ שְׁפָטִ֔ים לְעֵינֵ֖י נָשִׁ֣ים רַבֹּ֑ות וְהִשְׁבַּתִּיךְ֙ מִזֹּונָ֔ה וְגַם־אֶתְנַ֖ן לֹ֥א תִתְּנִי־עֹֽוד׃ wesarefu vatayikhe baʾesh weʿasu־vakhe shefaṭiym leʿeyney nashiym rabowt wehishebatiykhe mizownah wegam־ʾetenan loʾ titeniy־ʿowd׃

⁴² וַהֲנִחֹתִ֤י חֲמָתִי֙ בָּ֔ךְ וְסָ֥רָה קִנְאָתִ֖י מִמֵּ֑ךְ וְשָׁ֣קַטְתִּ֔י וְלֹ֥א אֶכְעַ֖ס עֹֽוד׃ wahaniḥotiy ḥamatiy bakhe wesarah qineʾatiy mimekhe weshaqaṭetiy weloʾ ʾekheʿas ʿowd׃

⁴³ יַ֗עַן אֲשֶׁ֤ר לֹֽא־ [זָכַרְתִּי כ] (זָכַרְתְּ֙ ק) אֶת־יְמֵ֣י נְעוּרַ֔יִךְ וַתִּרְגְּזִי־לִ֖י בְּכָל־אֵ֑לֶּה וְגַם־אֲנִ֨י הֵ֜א דַּרְכֵּ֣ךְ ׀ בְּרֹ֣אשׁ נָתַ֗תִּי נְאֻם֙ אֲדֹנָ֣י יְהוִ֔ה וְלֹ֤א [עָשִׂיתִי כ] (עָשִׂית֙ ק) אֶת־הַזִּמָּ֔ה עַ֖ל כָּל־תֹּועֲבֹתָֽיִךְ׃ yaʿan ʾasher loʾ־ [zakharetiy kh] (zakharete q) ʾet־yemey neʿurayikhe watiregeziy־liy bekhal־ʾeleh wegam־ʾaniy heʾ darekekhe ׀ beroʾsh natatiy neʾum ʾadonay yehwih weloʾ [ʿasiytiy kh] (ʿasiyt q) ʾet־hazimah ʿal kal־towʿavotayikhe׃

⁴⁴ הִנֵּה֙ כָּל־הַמֹּשֵׁ֔ל עָלַ֥יִךְ יִמְשֹׁ֖ל לֵאמֹ֑ר כְּאִמָּ֖ה בִּתָּֽהּ׃ hineh kal־hamoshel ʿalayikhe yimeshol leʾmor keʾimah bitah׃

⁴⁵ בַּת־אִמֵּ֣ךְ אַ֔תְּ גֹּעֶ֥לֶת אִישָׁ֖הּ וּבָנֶ֑יהָ וַאֲחֹ֨ות אֲחֹותֵ֜ךְ אַ֗תְּ אֲשֶׁ֤ר גָּֽעֲ֙לוּ֙ אַנְשֵׁיהֶ֣ן וּבְנֵיהֶ֔ן אִמְּכֶ֣ן חִתִּ֔ית וַאֲבִיכֶ֖ן אֱמֹרִֽי׃ bat־ʾimekhe ʾate goʿelet ʾiyshah uvaneyha waʾaḥowt ʾaḥowtekhe ʾate ʾasher gaʿalu ʾanesheyhen uveneyhen ʾimekhen ḥitiyt waʾaviykhen ʾemoriy׃

⁴⁶ וַאֲחֹותֵ֨ךְ הַגְּדֹולָ֤ה שֹֽׁמְרֹון֙ הִ֣יא וּבְנֹותֶ֔יהָ הַיֹּושֶׁ֖בֶת עַל־שְׂמֹאולֵ֑ךְ וַאֲחֹותֵ֞ךְ הַקְּטַנָּ֣ה מִמֵּ֗ךְ הַיֹּושֶׁ֙בֶת֙ מִֽימִינֵ֔ךְ סְדֹ֖ם וּבְנֹותֶֽיהָ׃ waʾaḥowtekhe hagedowlah shomerown hiyʾ uvenowteyha hayowshevet ʿal־semoʾwlekhe waʾaḥowtekhe haqeṭanah mimekhe hayowshevet miymiynekhe sedom uvenowteyha׃

⁴⁷ וְלֹ֤א בְדַרְכֵיהֶן֙ הָלַ֔כְתְּ וּבְתֹועֲבֹֽותֵיהֶ֖ן [עָשִׂיתִי כ] (עָשִׂ֑ית ק) כִּמְעַ֣ט קָ֔ט וַתַּשְׁחִ֥תִי מֵהֵ֖ן בְּכָל־דְּרָכָֽיִךְ׃ weloʾ vedarekheyhen halakhete uvetowʿavowteyhen [ʿasiytiy kh] (ʿasiyt q) kimeʿaṭ qaṭ watasheḥitiy mehen bekhal־derakhayikhe׃

⁴⁸ חַי־אָ֗נִי נְאֻם֙ אֲדֹנָ֣י יְהוִ֔ה אִם־עָֽשְׂתָה֙ סְדֹ֣ם אֲחֹותֵ֔ךְ הִ֖יא וּבְנֹותֶ֑יהָ כַּאֲשֶׁ֣ר עָשִׂ֔ית אַ֖תְּ וּבְנֹותָֽיִךְ׃ ḥay־ʾaniy neʾum ʾadonay yehwih ʾim־ʿasetah sedom ʾaḥowtekhe hiyʾ uvenowteyha kaʾasher ʿasiyt ʾate uvenowtayikhe׃

⁴⁹ הִנֵּה־זֶ֣ה הָיָ֔ה עֲוֹ֖ן סְדֹ֣ם אֲחֹותֵ֑ךְ גָּאֹ֨ון שִׂבְעַת־לֶ֜חֶם וְשַׁלְוַ֣ת הַשְׁקֵ֗ט הָ֤יָה לָהּ֙ וְלִבְנֹותֶ֔יהָ וְיַד־עָנִ֥י וְאֶבְיֹ֖ון לֹ֥א הֶחֱזִֽיקָה׃ hineh־zeh hayah ʿaon sedom ʾaḥowtekhe gaʾown siveʿat־leḥem weshalewat hasheqeṭ hayah lah welivenowteyha weyad־ʿaniy weʾeveyown loʾ heḥeziyqah׃

⁵⁰ וַֽתִּגְבְּהֶ֔ינָה וַתַּעֲשֶׂ֥ינָה תֹועֵבָ֖ה לְפָנָ֑י וָאָסִ֥יר אֶתְהֶ֖ן כַּאֲשֶׁ֥ר רָאִֽיתִי׃ ס watigebeheynah wataʿaseynah towʿevah lefanay waʾasiyr ʾetehen kaʾasher raʾiytiy׃ s

⁵¹ וְשֹׁ֣מְרֹ֔ון כַּחֲצִ֥י חַטֹּאתַ֖יִךְ לֹ֣א חָטָ֑אָה וַתַּרְבִּ֤י אֶת־תֹּועֲבֹותַ֙יִךְ֙ מֵהֵ֔נָּה וַתְּצַדְּקִי֙ אֶת־ [אֲחֹותֵךְ כ] (אֲחֹותַ֔יִךְ ק) בְּכָל־תֹּועֲבֹותַ֖יִךְ אֲשֶׁ֥ר [עָשִׂיתי כ] (עָשִֽׂית׃ ק) weshomerown kaḥatsiy ḥaṭoʾtayikhe loʾ ḥaṭaʾah watarebiy ʾet־towʿavowtayikhe mehenah watetsadeqiy ʾet־ [ʾaḥowtekhe kh] (ʾaḥowtayikhe q) bekhal־towʿavowtayikhe ʾasher [ʿasiyty kh] (ʿasiyt׃ q)

⁵² גַּם־אַ֣תְּ ׀ שְׂאִ֣י כְלִמָּתֵ֗ךְ אֲשֶׁ֤ר פִּלַּלְתְּ֙ לַֽאֲחֹותֵ֔ךְ בְּחַטֹּאתַ֛יִךְ אֲשֶׁר־הִתְעַ֥בְתְּ מֵהֵ֖ן תִּצְדַּ֣קְנָה מִמֵּ֑ךְ וְגַם־אַ֥תְּ בֹּ֙ושִׁי֙ וּשְׂאִ֣י כְלִמָּתֵ֔ךְ בְּצַדֶּקְתֵּ֖ךְ אַחְיֹותֵֽךְ׃ gam־ʾate ׀ seʾiy khelimatekhe ʾasher pilalete laʾaḥowtekhe beḥaṭoʾtayikhe ʾasher־hiteʿavete mehen titsedaqenah mimekhe wegam־ʾate bowshiy useʾiy khelimatekhe betsadeqetekhe ʾaḥeyowtekhe׃

⁵³ וְשַׁבְתִּי֙ אֶת־שְׁבִ֣יתְהֶ֔ן אֶת־ [שְׁבִית כ] (שְׁב֤וּת ק) סְדֹם֙ וּבְנֹותֶ֔יהָ וְאֶת־ [שְׁבִית כ] (שְׁב֥וּת ק) שֹׁמְרֹ֖ון וּבְנֹותֶ֑יהָ [וּשְׁבִית כ] (וּשְׁב֥וּת ק) שְׁבִיתַ֖יִךְ בְּתֹוכָֽהְנָה׃ weshavetiy ʾet־sheviytehen ʾet־ [sheviyt kh] (shevut q) sedom uvenowteyha weʾet־ [sheviyt kh] (shevut q) shomerown uvenowteyha [usheviyt kh] (ushevut q) sheviytayikhe betowkhahenah׃

⁵⁴ לְמַ֙עַן֙ תִּשְׂאִ֣י כְלִמָּתֵ֔ךְ וְנִכְלַ֕מְתְּ מִכֹּ֖ל אֲשֶׁ֣ר עָשִׂ֑ית בְּנַחֲמֵ֖ךְ אֹתָֽן׃ lemaʿan tiseʾiy khelimatekhe wenikhelamete mikol ʾasher ʿasiyt benaḥamekhe ʾotan׃

⁵⁵ וַאֲחֹותַ֗יִךְ סְדֹ֤ם וּבְנֹותֶ֙יהָ֙ תָּשֹׁ֣בְןָ לְקַדְמָתָ֔ן וְשֹֽׁמְרֹון֙ וּבְנֹותֶ֔יהָ תָּשֹׁ֖בְןָ לְקַדְמָתָ֑ן וְאַתְּ֙ וּבְנֹותַ֔יִךְ תְּשֻׁבֶ֖ינָה לְקַדְמַתְכֶֽן׃ waʾaḥowtayikhe sedom uvenowteyha tashovena leqadematan weshomerown uvenowteyha tashovena leqadematan weʾate uvenowtayikhe teshuveynah leqadematekhen׃

⁵⁶ וְלֹ֤וא הָֽיְתָה֙ סְדֹ֣ם אֲחֹותֵ֔ךְ לִשְׁמוּעָ֖ה בְּפִ֑יךְ בְּיֹ֖ום גְּאֹונָֽיִךְ׃ welowʾ hayetah sedom ʾaḥowtekhe lishemuʿah befiykhe beyowm geʾownayikhe׃

⁵⁷ בְּטֶרֶם֮ תִּגָּלֶ֣ה רָעָתֵךְ֒ כְּמֹ֗ו עֵ֚ת חֶרְפַּ֣ת בְּנֹות־אֲרָ֔ם וְכָל־סְבִיבֹותֶ֖יהָ בְּנֹ֣ות פְּלִשְׁתִּ֑ים הַשָּׁאטֹ֥ות אֹותָ֖ךְ מִסָּבִֽיב׃ beṭerem tigaleh raʿatekhe kemow ʿet ḥerepat benowt־ʾaram wekhal־seviyvowteyha benowt pelishetiym hashaʾṭowt ʾowtakhe misaviyv׃

⁵⁸ אֶת־זִמָּתֵ֥ךְ וְאֶת־תֹּועֲבֹותַ֖יִךְ אַ֣תְּ נְשָׂאתִ֑ים נְאֻ֖ם יְהוָֽה׃ ס ʾet־zimatekhe weʾet־towʿavowtayikhe ʾate nesaʾtiym neʾum yehwah׃ s

⁵⁹ כִּ֣י כֹ֤ה אָמַר֙ אֲדֹנָ֣י יְהוִ֔ה [וְעָשִׂית כ] (וְעָשִׂ֥יתִי ק) אֹותָ֖ךְ כַּאֲשֶׁ֣ר עָשִׂ֑ית אֲשֶׁר־בָּזִ֥ית אָלָ֖ה לְהָפֵ֥ר בְּרִֽית׃ kiy khoh ʾamar ʾadonay yehwih [weʿasiyt kh] (weʿasiytiy q) ʾowtakhe kaʾasher ʿasiyt ʾasher־baziyt ʾalah lehafer beriyt׃

⁶⁰ וְזָכַרְתִּ֨י אֲנִ֧י אֶת־בְּרִיתִ֛י אֹותָ֖ךְ בִּימֵ֣י נְעוּרָ֑יִךְ וַהֲקִמֹותִ֥י לָ֖ךְ בְּרִ֥ית עֹולָֽם׃ wezakharetiy ʾaniy ʾet־beriytiy ʾowtakhe biymey neʿurayikhe wahaqimowtiy lakhe beriyt ʿowlam׃

⁶¹ וְזָכַ֣רְתְּ אֶת־דְּרָכַיִךְ֮ וְנִכְלַמְתְּ֒ בְּקַחְתֵּ֗ךְ אֶת־אֲחֹותַ֙יִךְ֙ הַגְּדֹלֹ֣ות מִמֵּ֔ךְ אֶל־הַקְּטַנֹּ֖ות מִמֵּ֑ךְ וְנָתַתִּ֨י אֶתְהֶ֥ן לָ֛ךְ לְבָנֹ֖ות וְלֹ֥א מִבְּרִיתֵֽךְ׃ wezakharete ʾet־derakhayikhe wenikhelamete beqaḥetekhe ʾet־ʾaḥowtayikhe hagedolowt mimekhe ʾel־haqeṭanowt mimekhe wenatatiy ʾetehen lakhe levanowt weloʾ miberiytekhe׃

⁶² וַהֲקִימֹותִ֥י אֲנִ֛י אֶת־בְּרִיתִ֖י אִתָּ֑ךְ וְיָדַ֖עַתְּ כִּֽי־אֲנִ֥י יְהוָֽה׃ wahaqiymowtiy ʾaniy ʾet־beriytiy ʾitakhe weyadaʿate kiy־ʾaniy yehwah׃

⁶³ לְמַ֤עַן תִּזְכְּרִי֙ וָבֹ֔שְׁתְּ וְלֹ֨א יִֽהְיֶה־לָּ֥ךְ עֹוד֙ פִּתְחֹ֣ון פֶּ֔ה מִפְּנֵ֖י כְּלִמָּתֵ֑ךְ בְּכַפְּרִי־לָךְ֙ לְכָל־אֲשֶׁ֣ר עָשִׂ֔ית נְאֻ֖ם אֲדֹנָ֥י יְהוִֽה׃ ס lemaʿan tizekeriy wavoshete weloʾ yiheyeh־lakhe ʿowd piteḥown peh mipeney kelimatekhe bekhaperiy־lakhe lekhal־ʾasher ʿasiyt neʾum ʾadonay yehwih׃ s