Psaumes 144

¹ לְדָוִ֨ד ׀ בָּ֘ר֤וּךְ יְהוָ֨ה ׀ צוּרִ֗י הַֽמְלַמֵּ֣ד יָדַ֣י לַקְרָ֑ב אֶ֝צְבְּעֹותַ֗י לַמִּלְחָמָֽה׃ ledawid ׀ barukhe yehwah ׀ tsuriy hamelamed yaday laqerav ʾetsebeʿowtay lamileḥamah׃

² חַסְדִּ֥י וּמְצוּדָתִי֮ מִשְׂגַּבִּ֪י וּֽמְפַלְטִ֫י לִ֥י מָ֭גִנִּי וּבֹ֣ו חָסִ֑יתִי הָרֹודֵ֖ד עַמִּ֣י תַחְתָּֽי׃ ḥasediy umetsudatiy misegabiy umefaleṭiy liy maginiy uvow ḥasiytiy harowded ʿamiy taḥetay׃

³ יְֽהוָ֗ה מָה־אָ֭דָם וַתֵּדָעֵ֑הוּ בֶּן־אֱ֝נֹ֗ושׁ וַֽתְּחַשְּׁבֵֽהוּ׃ yehwah mah־ʾadam watedaʿehu ben־ʾenowsh wateḥashevehu׃

⁴ אָ֭דָם לַהֶ֣בֶל דָּמָ֑ה יָ֝מָ֗יו כְּצֵ֣ל עֹובֵֽר׃ ʾadam lahevel damah yamayw ketsel ʿowver׃

⁵ יְ֭הוָה הַט־שָׁמֶ֣יךָ וְתֵרֵ֑ד גַּ֖ע בֶּהָרִ֣ים וְֽיֶעֱשָֽׁנוּ׃ yehwah haṭ־shameykha wetered gaʿ behariym weyeʿeshanu׃

⁶ בְּרֹ֣וק בָּ֭רָק וּתְפִיצֵ֑ם שְׁלַ֥ח חִ֝צֶּ֗יךָ וּתְהֻמֵּֽם׃ berowq baraq utefiytsem shelaḥ ḥitseykha utehumem׃

⁷ שְׁלַ֥ח יָדֶ֗יךָ מִמָּ֫רֹ֥ום פְּצֵ֣נִי וְ֭הַצִּילֵנִי מִמַּ֣יִם רַבִּ֑ים מִ֝יַּ֗ד בְּנֵ֣י נֵכָֽר׃ shelaḥ yadeykha mimarowm petseniy wehatsiyleniy mimayim rabiym miyad beney nekhar׃

⁸ אֲשֶׁ֣ר פִּ֭יהֶם דִּבֶּר־שָׁ֑וְא וִֽ֝ימִינָ֗ם יְמִ֣ין שָֽׁקֶר׃ ʾasher piyhem diber־shaweʾ wiymiynam yemiyn shaqer׃

⁹ אֱ‍ֽלֹהִ֗ים שִׁ֣יר חָ֭דָשׁ אָשִׁ֣ירָה לָּ֑ךְ בְּנֵ֥בֶל עָ֝שֹׂ֗ור אֲזַמְּרָה־לָּֽךְ׃ א‍lohiym shiyr ḥadash ʾashiyrah lakhe benevel ʿasowr ʾazamerah־lakhe׃

¹⁰ הַנֹּותֵ֥ן תְּשׁוּעָ֗ה לַמְּלָ֫כִ֥ים הַ֭פֹּוצֶה אֶת־דָּוִ֥ד עַבְדֹּ֗ו מֵחֶ֥רֶב רָעָֽה׃ hanowten teshuʿah lamelakhiym hapowtseh ʾet־dawid ʿavedow meḥerev raʿah׃

¹¹ פְּצֵ֥נִי וְהַצִּילֵנִי֮ מִיַּ֪ד בְּֽנֵי־נֵ֫כָ֥ר אֲשֶׁ֣ר פִּ֭יהֶם דִּבֶּר־שָׁ֑וְא וִֽ֝ימִינָ֗ם יְמִ֣ין שָֽׁקֶר׃ petseniy wehatsiyleniy miyad beney־nekhar ʾasher piyhem diber־shaweʾ wiymiynam yemiyn shaqer׃

¹² אֲשֶׁ֤ר בָּנֵ֨ינוּ ׀ כִּנְטִעִים֮ מְגֻדָּלִ֪ים בִּֽנְעוּרֵ֫יהֶ֥ם בְּנֹותֵ֥ינוּ כְזָוִיֹּ֑ת מְ֝חֻטָּבֹ֗ות תַּבְנִ֥ית הֵיכָֽל׃ ʾasher baneynu ׀ kineṭiʿiym megudaliym bineʿureyhem benowteynu khezawiyot meḥuṭavowt taveniyt heykhal׃

¹³ מְזָוֵ֣ינוּ מְלֵאִים֮ מְפִיקִ֥ים מִזַּ֗ן אֶ֫ל־זַ֥ן צֹאונֵ֣נוּ מַ֭אֲלִיפֹות מְרֻבָּבֹ֗ות בְּחוּצֹותֵֽינוּ׃ mezaweynu meleʾiym mefiyqiym mizan ʾel־zan tsoʾwnenu maʾaliyfowt merubavowt beḥutsowteynu׃

¹⁴ אַלּוּפֵ֗ינוּ מְֽסֻבָּ֫לִ֥ים אֵֽין־פֶּ֭רֶץ וְאֵ֣ין יֹוצֵ֑את וְאֵ֥ין צְ֝וָחָ֗ה בִּרְחֹבֹתֵֽינוּ׃ ʾalufeynu mesubaliym ʾeyn־perets weʾeyn yowtseʾt weʾeyn tsewaḥah bireḥovoteynu׃

¹⁵ אַשְׁרֵ֣י הָ֭עָם שֶׁכָּ֣כָה לֹּ֑ו אַֽשְׁרֵ֥י הָ֝עָ֗ם שֶׁיֲהוָ֥ה אֱלֹהָֽיו׃ ʾasherey haʿam shekakhah low ʾasherey haʿam sheyahwah ʾelohayw׃