Jérémie 17

¹ חַטַּ֣את יְהוּדָ֗ה כְּתוּבָ֛ה בְּעֵ֥ט בַּרְזֶ֖ל בְּצִפֹּ֣רֶן שָׁמִ֑יר חֲרוּשָׁה֙ עַל־ל֣וּחַ לִבָּ֔ם וּלְקַרְנֹ֖ות מִזְבְּחֹותֵיכֶֽם׃ ḥaṭaʾt yehudah ketuvah beʿeṭ barezel betsiporen shamiyr ḥarushah ʿal־luaḥ libam uleqarenowt mizebeḥowteykhem׃

² כִּזְכֹּ֤ר בְּנֵיהֶם֙ מִזְבְּחֹותָ֔ם וַאֲשֵׁרֵיהֶ֖ם עַל־עֵ֣ץ רַֽעֲנָ֑ן עַ֖ל גְּבָעֹ֥ות הַגְּבֹהֹֽות׃ kizekor beneyhem mizebeḥowtam waʾashereyhem ʿal־ʿets raʿanan ʿal gevaʿowt hagevohowt׃

³ הֲרָרִי֙ בַּשָּׂדֶ֔ה חֵילְךָ֥ כָל־אֹוצְרֹותֶ֖יךָ לָבַ֣ז אֶתֵּ֑ן בָּמֹתֶ֕יךָ בְּחַטָּ֖את בְּכָל־גְּבוּלֶֽיךָ׃ harariy basadeh ḥeylekha khal־ʾowtserowteykha lavaz ʾeten bamoteykha beḥaṭaʾt bekhal־gevuleykha׃

⁴ וְשָׁמַטְתָּ֗ה וּבְךָ֙ מִנַּחֲלָֽתְךָ֙ אֲשֶׁ֣ר נָתַ֣תִּי לָ֔ךְ וְהַעֲבַדְתִּ֙יךָ֙ אֶת־אֹ֣יְבֶ֔יךָ בָּאָ֖רֶץ אֲשֶׁ֣ר לֹֽא־יָדָ֑עְתָּ כִּֽי־אֵ֛שׁ קְדַחְתֶּ֥ם בְּאַפִּ֖י עַד־עֹולָ֥ם תּוּקָֽד׃ ס weshamaṭetah uvekha minaḥalatekha ʾasher natatiy lakhe wehaʿavadetiykha ʾet־ʾoyeveykha baʾarets ʾasher loʾ־yadaʿeta kiy־ʾesh qedaḥetem beʾapiy ʿad־ʿowlam tuqad׃ s

⁵ כֹּ֣ה ׀ אָמַ֣ר יְהוָ֗ה אָר֤וּר הַגֶּ֙בֶר֙ אֲשֶׁ֣ר יִבְטַ֣ח בָּֽאָדָ֔ם וְשָׂ֥ם בָּשָׂ֖ר זְרֹעֹ֑ו וּמִן־יְהוָ֖ה יָס֥וּר לִבֹּֽו׃ koh ׀ ʾamar yehwah ʾarur hagever ʾasher yiveṭaḥ baʾadam wesam basar zeroʿow umin־yehwah yasur libow׃

⁶ וְהָיָה֙ כְּעַרְעָ֣ר בָּֽעֲרָבָ֔ה וְלֹ֥א יִרְאֶ֖ה כִּי־יָבֹ֣וא טֹ֑וב וְשָׁכַ֤ן חֲרֵרִים֙ בַּמִּדְבָּ֔ר אֶ֥רֶץ מְלֵחָ֖ה וְלֹ֥א תֵשֵֽׁב׃ ס wehayah keʿareʿar baʿaravah weloʾ yireʾeh kiy־yavowʾ ṭowv weshakhan ḥareriym bamidebar ʾerets meleḥah weloʾ teshev׃ s

⁷ בָּר֣וּךְ הַגֶּ֔בֶר אֲשֶׁ֥ר יִבְטַ֖ח בַּֽיהוָ֑ה וְהָיָ֥ה יְהוָ֖ה מִבְטַחֹֽו׃ barukhe hagever ʾasher yiveṭaḥ bayhwah wehayah yehwah miveṭaḥow׃

⁸ וְהָיָ֞ה כְּעֵ֣ץ ׀ שָׁת֣וּל עַל־מַ֗יִם וְעַל־יוּבַל֙ יְשַׁלַּ֣ח שָֽׁרָשָׁ֔יו וְלֹ֤א [יִרָא כ] (יִרְאֶה֙ ק) כִּֽי־יָבֹ֣א חֹ֔ם וְהָיָ֥ה עָלֵ֖הוּ רַֽעֲנָ֑ן וּבִשְׁנַ֤ת בַּצֹּ֙רֶת֙ לֹ֣א יִדְאָ֔ג וְלֹ֥א יָמִ֖ישׁ מֵעֲשֹׂ֥ות פֶּֽרִי׃ wehayah keʿets ׀ shatul ʿal־mayim weʿal־yuval yeshalaḥ sharashayw weloʾ [yiraʾ kh] (yireʾeh q) kiy־yavoʾ ḥom wehayah ʿalehu raʿanan uvishenat batsoret loʾ yideʾag weloʾ yamiysh meʿasowt periy׃

⁹ עָקֹ֥ב הַלֵּ֛ב מִכֹּ֖ל וְאָנֻ֣שׁ ה֑וּא מִ֖י יֵדָעֶֽנּוּ׃ ʿaqov halev mikol weʾanush huʾ miy yedaʿenu׃

¹⁰ אֲנִ֧י יְהוָ֛ה חֹקֵ֥ר לֵ֖ב בֹּחֵ֣ן כְּלָיֹ֑ות וְלָתֵ֤ת לְאִישׁ֙ [כְּדַרְכֹּו כ] (כִּדְרָכָ֔יו ק) כִּפְרִ֖י מַעֲלָלָֽיו׃ ס ʾaniy yehwah ḥoqer lev boḥen kelayowt welatet leʾiysh [kedarekow kh] (kiderakhayw q) kiferiy maʿalalayw׃ s

¹¹ קֹרֵ֤א דָגַר֙ וְלֹ֣א יָלָ֔ד עֹ֥שֶׂה עֹ֖שֶׁר וְלֹ֣א בְמִשְׁפָּ֑ט בַּחֲצִ֤י [יֹמֹו כ] (יָמָיו֙ ק) יַעַזְבֶ֔נּוּ וּבְאַחֲרִיתֹ֖ו יִהְיֶ֥ה נָבָֽל׃ qoreʾ dagar weloʾ yalad ʿoseh ʿosher weloʾ vemishepaṭ baḥatsiy [yomow kh] (yamayw q) yaʿazevenu uveʾaḥariytow yiheyeh naval׃

¹² כִּסֵּ֣א כָבֹ֔וד מָרֹ֖ום מֵֽרִאשֹׁ֑ון מְקֹ֖ום מִקְדָּשֵֽׁנוּ׃ kiseʾ khavowd marowm meriʾshown meqowm miqedashenu׃

¹³ מִקְוֵ֤ה יִשְׂרָאֵל֙ יְהוָ֔ה כָּל־עֹזְבֶ֖יךָ יֵבֹ֑שׁוּ [יִסֹורַי כ] (וְסוּרַי֙ ק) בָּאָ֣רֶץ יִכָּתֵ֔בוּ כִּ֥י עָזְב֛וּ מְקֹ֥ור מַֽיִם־חַיִּ֖ים אֶת־יְהוָֽה׃ ס miqeweh yiseraʾel yehwah kal־ʿozeveykha yevoshu [yisowray kh] (wesuray q) baʾarets yikatevu kiy ʿazevu meqowr mayim־ḥayiym ʾet־yehwah׃ s

¹⁴ רְפָאֵ֤נִי יְהוָה֙ וְאֵ֣רָפֵ֔א הֹושִׁיעֵ֖נִי וְאִוָּשֵׁ֑עָה כִּ֥י תְהִלָּתִ֖י אָֽתָּה׃ refaʾeniy yehwah weʾerafeʾ howshiyʿeniy weʾiuasheʿah kiy tehilatiy ʾatah׃

¹⁵ הִנֵּה־הֵ֕מָּה אֹמְרִ֖ים אֵלָ֑י אַיֵּ֥ה דְבַר־יְהוָ֖ה יָ֥בֹוא נָֽא׃ hineh־hemah ʾomeriym ʾelay ʾayeh devar־yehwah yavowʾ naʾ׃

¹⁶ וַאֲנִ֞י לֹא־אַ֣צְתִּי ׀ מֵרֹעֶ֣ה אַחֲרֶ֗יךָ וְיֹ֥ום אָנ֛וּשׁ לֹ֥א הִתְאַוֵּ֖יתִי אַתָּ֣ה יָדָ֑עְתָּ מֹוצָ֣א שְׂפָתַ֔י נֹ֥כַח פָּנֶ֖יךָ הָיָֽה׃ waʾaniy loʾ־ʾatsetiy ׀ meroʿeh ʾaḥareykha weyowm ʾanush loʾ hiteʾaueytiy ʾatah yadaʿeta mowtsaʾ sefatay nokhaḥ paneykha hayah׃

¹⁷ אַל־תִּֽהְיֵה־לִ֖י לִמְחִתָּ֑ה מַֽחֲסִי־אַ֖תָּה בְּיֹ֥ום רָעָֽה׃ ʾal־tiheyeh־liy limeḥitah maḥasiy־ʾatah beyowm raʿah׃

¹⁸ יֵבֹ֤שׁוּ רֹדְפַי֙ וְאַל־אֵבֹ֣שָׁה אָ֔נִי יֵחַ֣תּוּ הֵ֔מָּה וְאַל־אֵחַ֖תָּה אָ֑נִי הָבִ֤יא עֲלֵיהֶם֙ יֹ֣ום רָעָ֔ה וּמִשְׁנֶ֥ה שִׁבָּרֹ֖ון שָׁבְרֵֽם׃ ס yevoshu rodefay weʾal־ʾevoshah ʾaniy yeḥatu hemah weʾal־ʾeḥatah ʾaniy haviyʾ ʿaleyhem yowm raʿah umisheneh shibarown shaverem׃ s

¹⁹ כֹּה־אָמַ֨ר יְהוָ֜ה אֵלַ֗י הָלֹ֤ךְ וְעָֽמַדְתָּ֙ בְּשַׁ֣עַר בְּנֵֽי־ [עָם כ] (הָעָ֔ם ק) אֲשֶׁ֨ר יָבֹ֤אוּ בֹו֙ מַלְכֵ֣י יְהוּדָ֔ה וַאֲשֶׁ֖ר יֵ֣צְאוּ בֹ֑ו וּבְכֹ֖ל שַׁעֲרֵ֥י יְרוּשָׁלִָֽם׃ koh־ʾamar yehwah ʾelay halokhe weʿamadeta beshaʿar beney־ [ʿam kh] (haʿam q) ʾasher yavoʾu vow malekhey yehudah waʾasher yetseʾu vow uvekhol shaʿarey yerushalim׃

²⁰ וְאָמַרְתָּ֣ אֲ֠לֵיהֶם שִׁמְע֨וּ דְבַר־יְהוָ֜ה מַלְכֵ֤י יְהוּדָה֙ וְכָל־יְהוּדָ֔ה וְכֹ֖ל יֹשְׁבֵ֣י יְרוּשָׁלִָ֑ם הַבָּאִ֖ים בַּשְּׁעָרִ֥ים הָאֵֽלֶּה׃ ס weʾamareta ʾaleyhem shimeʿu devar־yehwah malekhey yehudah wekhal־yehudah wekhol yoshevey yerushalim habaʾiym basheʿariym haʾeleh׃ s

²¹ כֹּ֚ה אָמַ֣ר יְהוָ֔ה הִשָּׁמְר֖וּ בְּנַפְשֹֽׁותֵיכֶ֑ם וְאַל־תִּשְׂא֤וּ מַשָּׂא֙ בְּיֹ֣ום הַשַּׁבָּ֔ת וַהֲבֵאתֶ֖ם בְּשַׁעֲרֵ֥י יְרוּשָׁלִָֽם׃ koh ʾamar yehwah hishameru benafeshowteykhem weʾal־tiseʾu masaʾ beyowm hashabat wahaveʾtem beshaʿarey yerushalim׃

²² וְלֹא־תֹוצִ֨יאוּ מַשָּׂ֤א מִבָּֽתֵּיכֶם֙ בְּיֹ֣ום הַשַּׁבָּ֔ת וְכָל־מְלָאכָ֖ה לֹ֣א תַֽעֲשׂ֑וּ וְקִדַּשְׁתֶּם֙ אֶת־יֹ֣ום הַשַּׁבָּ֔ת כַּאֲשֶׁ֥ר צִוִּ֖יתִי אֶת־אֲבֹותֵיכֶֽם׃ weloʾ־towtsiyʾu masaʾ mibateykhem beyowm hashabat wekhal־melaʾkhah loʾ taʿasu weqidashetem ʾet־yowm hashabat kaʾasher tsiuiytiy ʾet־ʾavowteykhem׃

²³ וְלֹ֣א שָֽׁמְע֔וּ וְלֹ֥א הִטּ֖וּ אֶת־אָזְנָ֑ם וַיַּקְשׁוּ֙ אֶת־עָרְפָּ֔ם לְבִלְתִּ֣י [שֹׁומֵעַ כ] (שְׁמֹ֔ועַ ק) וּלְבִלְתִּ֖י קַ֥חַת מוּסָֽר׃ weloʾ shameʿu weloʾ hiṭu ʾet־ʾazenam wayaqeshu ʾet־ʿarepam leviletiy [showmeaʿ kh] (shemowʿa q) uleviletiy qaḥat musar׃

²⁴ וְ֠הָיָה אִם־שָׁמֹ֨עַ תִּשְׁמְע֤וּן אֵלַי֙ נְאֻם־יְהוָ֔ה לְבִלְתִּ֣י ׀ הָבִ֣יא מַשָּׂ֗א בְּשַׁעֲרֵ֛י הָעִ֥יר הַזֹּ֖את בְּיֹ֣ום הַשַּׁבָּ֑ת וּלְקַדֵּשׁ֙ אֶת־יֹ֣ום הַשַּׁבָּ֔ת לְבִלְתִּ֥י עֲשֹֽׂות־ [בֹּה כ] (בֹּ֖ו ק) כָּל־מְלָאכָֽה׃ wehayah ʾim־shamoaʿ tishemeʿun ʾelay neʾum־yehwah leviletiy ׀ haviyʾ masaʾ beshaʿarey haʿiyr hazoʾt beyowm hashabat uleqadesh ʾet־yowm hashabat leviletiy ʿasowt־ [boh kh] (bow q) kal־melaʾkhah׃

²⁵ וּבָ֣אוּ בְשַׁעֲרֵ֣י הָעִ֣יר הַזֹּ֡את מְלָכִ֣ים ׀ וְשָׂרִ֡ים יֹשְׁבִים֩ עַל־כִּסֵּ֨א דָוִ֜ד רֹכְבִ֣ים ׀ בָּרֶ֣כֶב וּבַסּוּסִ֗ים הֵ֚מָּה וְשָׂ֣רֵיהֶ֔ם אִ֥ישׁ יְהוּדָ֖ה וְיֹשְׁבֵ֣י יְרוּשָׁלִָ֑ם וְיָשְׁבָ֥ה הָֽעִיר־הַזֹּ֖את לְעֹולָֽם׃ uvaʾu veshaʿarey haʿiyr hazoʾt melakhiym ׀ wesariym yosheviym ʿal־kiseʾ dawid rokheviym ׀ barekhev uvasusiym hemah wesareyhem ʾiysh yehudah weyoshevey yerushalim weyashevah haʿiyr־hazoʾt leʿowlam׃

²⁶ וּבָ֣אוּ מֵעָרֵֽי־יְ֠הוּדָה וּמִסְּבִיבֹ֨ות יְרוּשָׁלִַ֜ם וּמֵאֶ֣רֶץ בִּנְיָמִ֗ן וּמִן־הַשְּׁפֵלָ֤ה וּמִן־הָהָר֙ וּמִן־הַנֶּ֔גֶב מְבִאִ֛ים עֹולָ֥ה וְזֶ֖בַח וּמִנְחָ֣ה וּלְבֹונָ֑ה וּמְבִאֵ֥י תֹודָ֖ה בֵּ֥ית יְהוָֽה׃ uvaʾu meʿarey־yehudah umiseviyvowt yerushalim umeʾerets bineyamin umin־hashefelah umin־hahar umin־hanegev meviʾiym ʿowlah wezevaḥ umineḥah ulevownah umeviʾey towdah beyt yehwah׃

²⁷ וְאִם־לֹ֨א תִשְׁמְע֜וּ אֵלַ֗י לְקַדֵּשׁ֙ אֶת־יֹ֣ום הַשַּׁבָּ֔ת וּלְבִלְתִּ֣י ׀ שְׂאֵ֣ת מַשָּׂ֗א וּבֹ֛א בְּשַׁעֲרֵ֥י יְרוּשָׁלִַ֖ם בְּיֹ֣ום הַשַּׁבָּ֑ת וְהִצַּ֧תִּי אֵ֣שׁ בִּשְׁעָרֶ֗יהָ וְאָֽכְלָ֛ה אַרְמְנֹ֥ות יְרוּשָׁלִַ֖ם וְלֹ֥א תִכְבֶּֽה׃ פ weʾim־loʾ tishemeʿu ʾelay leqadesh ʾet־yowm hashabat uleviletiy ׀ seʾet masaʾ uvoʾ beshaʿarey yerushalim beyowm hashabat wehitsatiy ʾesh bisheʿareyha weʾakhelah ʾaremenowt yerushalim weloʾ tikhebeh׃ f