Psaumes 71

¹ בְּךָֽ־יְהוָ֥ה חָסִ֑יתִי אַל־אֵבֹ֥ושָׁה לְעֹולָֽם׃ bekha־yehwah ḥasiytiy ʾal־ʾevowshah leʿowlam׃

² בְּצִדְקָתְךָ֗ תַּצִּילֵ֥נִי וּֽתְפַלְּטֵ֑נִי הַטֵּֽה־אֵלַ֥י אָ֝זְנְךָ֗ וְהֹושִׁיעֵֽנִי׃ betsideqatekha tatsiyleniy utefaleṭeniy haṭeh־ʾelay ʾazenekha wehowshiyʿeniy׃

³ הֱיֵ֤ה לִ֨י ׀ לְצ֥וּר מָעֹ֡ון לָבֹ֗וא תָּמִ֗יד צִוִּ֥יתָ לְהֹושִׁיעֵ֑נִי כִּֽי־סַלְעִ֖י וּמְצוּדָתִ֣י אָֽתָּה׃ heyeh liy ׀ letsur maʿown lavowʾ tamiyd tsiuiyta lehowshiyʿeniy kiy־saleʿiy umetsudatiy ʾatah׃

⁴ אֱ‍ֽלֹהַ֗י פַּ֭לְּטֵנִי מִיַּ֣ד רָשָׁ֑ע מִכַּ֖ף מְעַוֵּ֣ל וְחֹומֵץ ׃ א‍lohay paleṭeniy miyad rashaʿ mikaf meʿauel weḥowmets ׃

⁵ כִּֽי־אַתָּ֥ה תִקְוָתִ֑י אֲדֹנָ֥י יְ֝הוִ֗ה מִבְטַחִ֥י מִנְּעוּרָֽי׃ kiy־ʾatah tiqewatiy ʾadonay yehwih miveṭaḥiy mineʿuray׃

⁶ עָלֶ֤יךָ ׀ נִסְמַ֬כְתִּי מִבֶּ֗טֶן מִמְּעֵ֣י אִ֭מִּי אַתָּ֣ה גֹוזִ֑י בְּךָ֖ תְהִלָּתִ֣י תָמִֽיד׃ ʿaleykha ׀ nisemakhetiy mibeṭen mimeʿey ʾimiy ʾatah gowziy bekha tehilatiy tamiyd׃

⁷ כְּ֭מֹופֵת הָיִ֣יתִי לְרַבִּ֑ים וְ֝אַתָּ֗ה מַֽחֲסִי־עֹֽז׃ kemowfet hayiytiy lerabiym weʾatah maḥasiy־ʿoz׃

⁸ יִמָּ֣לֵא פִ֭י תְּהִלָּתֶ֑ךָ כָּל־הַ֝יֹּ֗ום תִּפְאַרְתֶּֽךָ׃ yimaleʾ fiy tehilatekha kal־hayowm tifeʾaretekha׃

⁹ אַֽל־תַּ֭שְׁלִיכֵנִי לְעֵ֣ת זִקְנָ֑ה כִּכְלֹ֥ות כֹּ֝חִ֗י אַֽל־תַּעַזְבֵֽנִי׃ ʾal־tasheliykheniy leʿet ziqenah kikhelowt koḥiy ʾal־taʿazeveniy׃

¹⁰ כִּֽי־אָמְר֣וּ אֹויְבַ֣י לִ֑י וְשֹׁמְרֵ֥י נַ֝פְשִׁ֗י נֹועֲצ֥וּ יַחְדָּֽו׃ kiy־ʾameru ʾowyevay liy weshomerey nafeshiy nowʿatsu yaḥedaw׃

¹¹ לֵ֭אמֹר אֱלֹהִ֣ים עֲזָבֹ֑ו רִֽדְפ֥וּ וְ֝תִפְשׂ֗וּהוּ כִּי־אֵ֥ין מַצִּֽיל׃ leʾmor ʾelohiym ʿazavow ridefu wetifesuhu kiy־ʾeyn matsiyl׃

¹² אֱ֭לֹהִים אַל־תִּרְחַ֣ק מִמֶּ֑נִּי אֱ֝לֹהַ֗י לְעֶזְרָ֥תִי [חִישָׁה כ] (חֽוּשָׁה׃ ק) ʾelohiym ʾal־tireḥaq mimeniy ʾelohay leʿezeratiy [ḥiyshah kh] (ḥushah׃ q)

¹³ יֵבֹ֣שׁוּ יִכְלוּ֮ שֹׂטְנֵ֪י נַ֫פְשִׁ֥י יַֽעֲט֣וּ חֶ֭רְפָּה וּכְלִמָּ֑ה מְ֝בַקְשֵׁ֗י רָעָתִֽי׃ yevoshu yikhelu soṭeney nafeshiy yaʿaṭu ḥerepah ukhelimah mevaqeshey raʿatiy׃

¹⁴ וַ֭אֲנִי תָּמִ֣יד אֲיַחֵ֑ל וְ֝הֹוסַפְתִּ֗י עַל־כָּל־תְּהִלָּתֶֽךָ׃ waʾaniy tamiyd ʾayaḥel wehowsafetiy ʿal־kal־tehilatekha׃

¹⁵ פִּ֤י ׀ יְסַפֵּ֬ר צִדְקָתֶ֗ךָ כָּל־הַיֹּ֥ום תְּשׁוּעָתֶ֑ךָ כִּ֤י לֹ֖א יָדַ֣עְתִּי סְפֹרֹֽות׃ piy ׀ yesaper tsideqatekha kal־hayowm teshuʿatekha kiy loʾ yadaʿetiy seforowt׃

¹⁶ אָבֹ֗וא בִּ֭גְבֻרֹות אֲדֹנָ֣י יְהוִ֑ה אַזְכִּ֖יר צִדְקָתְךָ֣ לְבַדֶּֽךָ׃ ʾavowʾ bigevurowt ʾadonay yehwih ʾazekiyr tsideqatekha levadekha׃

¹⁷ אֱ‍ֽלֹהִ֗ים לִמַּדְתַּ֥נִי מִנְּעוּרָ֑י וְעַד־הֵ֝֗נָּה אַגִּ֥יד נִפְלְאֹותֶֽיךָ׃ א‍lohiym limadetaniy mineʿuray weʿad־henah ʾagiyd nifeleʾowteykha׃

¹⁸ וְגַ֤ם עַד־זִקְנָ֨ה ׀ וְשֵׂיבָה֮ אֱלֹהִ֪ים אַֽל־תַּעַ֫זְבֵ֥נִי עַד־אַגִּ֣יד זְרֹועֲךָ֣ לְדֹ֑ור לְכָל־יָ֝בֹ֗וא גְּבוּרָתֶֽךָ׃ wegam ʿad־ziqenah ׀ weseyvah ʾelohiym ʾal־taʿazeveniy ʿad־ʾagiyd zerowʿakha ledowr lekhal־yavowʾ gevuratekha׃

¹⁹ וְצִדְקָתְךָ֥ אֱלֹהִ֗ים עַד־מָ֫רֹ֥ום אֲשֶׁר־עָשִׂ֥יתָ גְדֹלֹ֑ות אֱ֝לֹהִ֗ים מִ֣י כָמֹֽוךָ׃ wetsideqatekha ʾelohiym ʿad־marowm ʾasher־ʿasiyta gedolowt ʾelohiym miy khamowkha׃

²⁰ אֲשֶׁ֤ר [הִרְאִיתַנוּ כ] (הִרְאִיתַ֨נִי ׀ ק) צָרֹ֥ות רַבֹּ֗ות וְרָ֫עֹ֥ות תָּשׁ֥וּב [תְּחַיֵּינוּ כ] (תְּחַיֵּ֑ינִי ק) וּֽמִתְּהֹמֹ֥ות הָ֝אָ֗רֶץ תָּשׁ֥וּב תַּעֲלֵֽנִי׃ ʾasher [hireʾiytanu kh] (hireʾiytaniy ׀ q) tsarowt rabowt weraʿowt tashuv [teḥayeynu kh] (teḥayeyniy q) umitehomowt haʾarets tashuv taʿaleniy׃

²¹ תֶּ֤רֶב ׀ גְּֽדֻלָּתִ֗י וְתִסֹּ֥ב תְּֽנַחֲמֵֽנִי׃ terev ׀ gedulatiy wetisov tenaḥameniy׃

²² גַּם־אֲנִ֤י ׀ אֹודְךָ֣ בִכְלִי־נֶבֶל֮ אֲמִתְּךָ֪ אֱלֹ֫הָ֥י אֲזַמְּרָ֣ה לְךָ֣ בְכִנֹּ֑ור קְ֝דֹ֗ושׁ יִשְׂרָאֵֽל׃ gam־ʾaniy ׀ ʾowdekha vikheliy־nevel ʾamitekha ʾelohay ʾazamerah lekha vekhinowr qedowsh yiseraʾel׃

²³ תְּרַנֵּ֣נָּ֣ה פָתַי כִּ֣י אֲזַמְּרָה־לָּ֑ךְ וְ֝נַפְשִׁ֗י אֲשֶׁ֣ר פָּדִֽיתָ׃ teranenah fatay kiy ʾazamerah־lakhe wenafeshiy ʾasher padiyta׃

²⁴ גַּם־לְשֹׁונִ֗י כָּל־הַ֭יֹּום תֶּהְגֶּ֣ה צִדְקָתֶ֑ךָ כִּי־בֹ֥שׁוּ כִֽי־חָ֝פְר֗וּ מְבַקְשֵׁ֥י רָעָתִֽי׃ gam־leshowniy kal־hayowm tehegeh tsideqatekha kiy־voshu khiy־ḥaferu mevaqeshey raʿatiy׃