1 וּמִן־הַתְּכֵ֤לֶת וְהָֽאַרְגָּמָן֙ וְתֹולַ֣עַת הַשָּׁנִ֔י עָשׂ֥וּ בִגְדֵי־שְׂרָ֖ד לְשָׁרֵ֣ת בַּקֹּ֑דֶשׁ וַֽיַּעֲשׂ֞וּ אֶת־בִּגְדֵ֤י הַקֹּ֙דֶשׁ֙ אֲשֶׁ֣ר לְאַהֲרֹ֔ן כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ פ umin־hatekhelet wehaʾaregaman wetowlaʿat hashaniy ʿasu vigedey־serad lesharet baqodesh wayaʿasu ʾet־bigedey haqodesh ʾasher leʾaharon kaʾasher tsiuah yehwah ʾet־mosheh׃ f
2 וַיַּ֖עַשׂ אֶת־הָאֵפֹ֑ד זָהָ֗ב תְּכֵ֧לֶת וְאַרְגָּמָ֛ן וְתֹולַ֥עַת שָׁנִ֖י וְשֵׁ֥שׁ מָשְׁזָֽר׃ wayaʿas ʾet־haʾefod zahav tekhelet weʾaregaman wetowlaʿat shaniy weshesh mashezar׃
3 וַֽיְרַקְּע֞וּ אֶת־פַּחֵ֣י הַזָּהָב֮ וְקִצֵּ֣ץ פְּתִילִם֒ לַעֲשֹׂ֗ות בְּתֹ֤וךְ הַתְּכֵ֙לֶת֙ וּבְתֹ֣וךְ הָֽאַרְגָּמָ֔ן וּבְתֹ֛וךְ תֹּולַ֥עַת הַשָּׁנִ֖י וּבְתֹ֣וךְ הַשֵּׁ֑שׁ מַעֲשֵׂ֖ה חֹשֵֽׁב׃ wayeraqeʿu ʾet־paḥey hazahav weqitsets petiylim laʿasowt betowkhe hatekhelet uvetowkhe haʾaregaman uvetowkhe towlaʿat hashaniy uvetowkhe hashesh maʿaseh ḥoshev׃
4 כְּתֵפֹ֥ת עָֽשׂוּ־לֹ֖ו חֹבְרֹ֑ת עַל־שְׁנֵ֥י [קִצְוֹותֹו כ] (קְצֹותָ֖יו ק) חֻבָּֽר׃ ketefot ʿasu־low ḥoverot ʿal־sheney [qitseowtow kh] (qetsowtayw q) ḥubar׃
5 וְחֵ֨שֶׁב אֲפֻדָּתֹ֜ו אֲשֶׁ֣ר עָלָ֗יו מִמֶּ֣נּוּ הוּא֮ כְּמַעֲשֵׂהוּ֒ זָהָ֗ב תְּכֵ֧לֶת וְאַרְגָּמָ֛ן וְתֹולַ֥עַת שָׁנִ֖י וְשֵׁ֣שׁ מָשְׁזָ֑ר כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ weḥeshev ʾafudatow ʾasher ʿalayw mimenu huʾ kemaʿasehu zahav tekhelet weʾaregaman wetowlaʿat shaniy weshesh mashezar kaʾasher tsiuah yehwah ʾet־mosheh׃
6 וַֽיַּעֲשׂוּ֙ אֶת־אַבְנֵ֣י הַשֹּׁ֔הַם מֻֽסַבֹּ֖ת מִשְׁבְּצֹ֣ת זָהָ֑ב מְפֻתָּחֹת֙ פִּתּוּחֵ֣י חֹותָ֔ם עַל־שְׁמֹ֖ות בְּנֵ֥י יִשְׂרָאֵֽל׃ wayaʿasu ʾet־ʾaveney hashoham musabot mishebetsot zahav mefutaḥot pituḥey ḥowtam ʿal־shemowt beney yiseraʾel׃
7 וַיָּ֣שֶׂם אֹתָ֗ם עַ֚ל כִּתְפֹ֣ת הָאֵפֹ֔ד אַבְנֵ֥י זִכָּרֹ֖ון לִבְנֵ֣י יִשְׂרָאֵ֑ל כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ פ wayasem ʾotam ʿal kitefot haʾefod ʾaveney zikarown liveney yiseraʾel kaʾasher tsiuah yehwah ʾet־mosheh׃ f
8 וַיַּ֧עַשׂ אֶת־הַחֹ֛שֶׁן מַעֲשֵׂ֥ה חֹשֵׁ֖ב כְּמַעֲשֵׂ֣ה אֵפֹ֑ד זָהָ֗ב תְּכֵ֧לֶת וְאַרְגָּמָ֛ן וְתֹולַ֥עַת שָׁנִ֖י וְשֵׁ֥שׁ מָשְׁזָֽר׃ wayaʿas ʾet־haḥoshen maʿaseh ḥoshev kemaʿaseh ʾefod zahav tekhelet weʾaregaman wetowlaʿat shaniy weshesh mashezar׃
9 רָב֧וּעַ הָיָ֛ה כָּפ֖וּל עָשׂ֣וּ אֶת־הַחֹ֑שֶׁן זֶ֧רֶת אָרְכֹּ֛ו וְזֶ֥רֶת רָחְבֹּ֖ו כָּפֽוּל׃ ravuaʿ hayah kaful ʿasu ʾet־haḥoshen zeret ʾarekow wezeret raḥebow kaful׃
10 וַיְמַלְאוּ־בֹ֔ו אַרְבָּעָ֖ה ט֣וּרֵי אָ֑בֶן ט֗וּר אֹ֤דֶם פִּטְדָה֙ וּבָרֶ֔קֶת הַטּ֖וּר הָאֶחָֽד׃ wayemaleʾu־vow ʾarebaʿah ṭurey ʾaven ṭur ʾodem piṭedah uvareqet haṭur haʾeḥad׃
11 וְהַטּ֖וּר הַשֵּׁנִ֑י נֹ֥פֶךְ סַפִּ֖יר וְיָהֲלֹֽם׃ wehaṭur hasheniy nofekhe sapiyr weyahalom׃
12 וְהַטּ֖וּר הַשְּׁלִישִׁ֑י לֶ֥שֶׁם שְׁבֹ֖ו וְאַחְלָֽמָה׃ wehaṭur hasheliyshiy leshem shevow weʾaḥelamah׃
13 וְהַטּוּר֙ הָֽרְבִיעִ֔י תַּרְשִׁ֥ישׁ שֹׁ֖הַם וְיָשְׁפֵ֑ה מֽוּסַבֹּ֛ת מִשְׁבְּצֹ֥ות זָהָ֖ב בְּמִלֻּאֹתָֽם׃ wehaṭur hareviyʿiy tareshiysh shoham weyashefeh musabot mishebetsowt zahav bemiluʾotam׃
14 וְ֠הָאֲבָנִים עַל־שְׁמֹ֨ת בְּנֵי־יִשְׂרָאֵ֥ל הֵ֛נָּה שְׁתֵּ֥ים עֶשְׂרֵ֖ה עַל־שְׁמֹתָ֑ם פִּתּוּחֵ֤י חֹתָם֙ אִ֣ישׁ עַל־שְׁמֹ֔ו לִשְׁנֵ֥ים עָשָׂ֖ר שָֽׁבֶט׃ wehaʾavaniym ʿal־shemot beney־yiseraʾel henah sheteym ʿesereh ʿal־shemotam pituḥey ḥotam ʾiysh ʿal־shemow lisheneym ʿasar shaveṭ׃
15 וַיַּעֲשׂ֧וּ עַל־הַחֹ֛שֶׁן שַׁרְשְׁרֹ֥ת גַּבְלֻ֖ת מַעֲשֵׂ֣ה עֲבֹ֑ת זָהָ֖ב טָהֹֽור׃ wayaʿasu ʿal־haḥoshen sharesherot gavelut maʿaseh ʿavot zahav ṭahowr׃
16 וַֽיַּעֲשׂ֗וּ שְׁתֵּי֙ מִשְׁבְּצֹ֣ת זָהָ֔ב וּשְׁתֵּ֖י טַבְּעֹ֣ת זָהָ֑ב וַֽיִּתְּנ֗וּ אֶת־שְׁתֵּי֙ הַטַּבָּעֹ֔ת עַל־שְׁנֵ֖י קְצֹ֥ות הַחֹֽשֶׁן׃ wayaʿasu shetey mishebetsot zahav ushetey ṭabeʿot zahav wayitenu ʾet־shetey haṭabaʿot ʿal־sheney qetsowt haḥoshen׃
17 וַֽיִּתְּנ֗וּ שְׁתֵּי֙ הָעֲבֹתֹ֣ת הַזָּהָ֔ב עַל־שְׁתֵּ֖י הַטַּבָּעֹ֑ת עַל־קְצֹ֖ות הַחֹֽשֶׁן׃ wayitenu shetey haʿavotot hazahav ʿal־shetey haṭabaʿot ʿal־qetsowt haḥoshen׃
18 וְאֵ֨ת שְׁתֵּ֤י קְצֹות֙ שְׁתֵּ֣י הָֽעֲבֹתֹ֔ת נָתְנ֖וּ עַל־שְׁתֵּ֣י הַֽמִּשְׁבְּצֹ֑ת וַֽיִּתְּנֻ֛ם עַל־כִּתְפֹ֥ת הָאֵפֹ֖ד אֶל־מ֥וּל פָּנָֽיו׃ weʾet shetey qetsowt shetey haʿavotot natenu ʿal־shetey hamishebetsot wayitenum ʿal־kitefot haʾefod ʾel־mul panayw׃
19 וַֽיַּעֲשׂ֗וּ שְׁתֵּי֙ טַבְּעֹ֣ת זָהָ֔ב וַיָּשִׂ֕ימוּ עַל־שְׁנֵ֖י קְצֹ֣ות הַחֹ֑שֶׁן עַל־שְׂפָתֹ֕ו אֲשֶׁ֛ר אֶל־עֵ֥בֶר הָאֵפֹ֖ד בָּֽיְתָה׃ wayaʿasu shetey ṭabeʿot zahav wayasiymu ʿal־sheney qetsowt haḥoshen ʿal־sefatow ʾasher ʾel־ʿever haʾefod bayetah׃
20 וַֽיַּעֲשׂוּ֮ שְׁתֵּ֣י טַבְּעֹ֣ת זָהָב֒ וַֽיִּתְּנֻ֡ם עַל־שְׁתֵּי֩ כִתְפֹ֨ת הָאֵפֹ֤ד מִלְמַ֙טָּה֙ מִמּ֣וּל פָּנָ֔יו לְעֻמַּ֖ת מֶחְבַּרְתֹּ֑ו מִמַּ֕עַל לְחֵ֖שֶׁב הָאֵפֹֽד׃ wayaʿasu shetey ṭabeʿot zahav wayitenum ʿal־shetey khitefot haʾefod milemaṭah mimul panayw leʿumat meḥebaretow mimaʿal leḥeshev haʾefod׃
21 וַיִּרְכְּס֣וּ אֶת־הַחֹ֡שֶׁן מִטַּבְּעֹתָיו֩ אֶל־טַבְּעֹ֨ת הָאֵפֹ֜ד בִּפְתִ֣יל תְּכֵ֗לֶת לִֽהְיֹת֙ עַל־חֵ֣שֶׁב הָאֵפֹ֔ד וְלֹֽא־יִזַּ֣ח הַחֹ֔שֶׁן מֵעַ֖ל הָאֵפֹ֑ד כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ wayirekesu ʾet־haḥoshen miṭabeʿotayw ʾel־ṭabeʿot haʾefod bifetiyl tekhelet liheyot ʿal־ḥeshev haʾefod weloʾ־yizaḥ haḥoshen meʿal haʾefod kaʾasher tsiuah yehwah ʾet־mosheh׃
22 וַיַּ֛עַשׂ אֶת־מְעִ֥יל הָאֵפֹ֖ד מַעֲשֵׂ֣ה אֹרֵ֑ג כְּלִ֖יל תְּכֵֽלֶת׃ wayaʿas ʾet־meʿiyl haʾefod maʿaseh ʾoreg keliyl tekhelet׃
23 וּפִֽי־הַמְּעִ֥יל בְּתֹוכֹ֖ו כְּפִ֣י תַחְרָ֑א שָׂפָ֥ה לְפִ֛יו סָבִ֖יב לֹ֥א יִקָּרֵֽעַ׃ ufiy־hameʿiyl betowkhow kefiy taḥeraʾ safah lefiyw saviyv loʾ yiqareaʿ׃
24 וַֽיַּעֲשׂוּ֙ עַל־שׁוּלֵ֣י הַמְּעִ֔יל רִמֹּונֵ֕י תְּכֵ֥לֶת וְאַרְגָּמָ֖ן וְתֹולַ֣עַת שָׁנִ֑י מָשְׁזָֽר׃ wayaʿasu ʿal־shuley hameʿiyl rimowney tekhelet weʾaregaman wetowlaʿat shaniy mashezar׃
25 וַיַּעֲשׂ֥וּ פַעֲמֹנֵ֖י זָהָ֣ב טָהֹ֑ור וַיִּתְּנ֨וּ אֶת־הַפַּֽעֲמֹנִ֜ים בְּתֹ֣וךְ הָרִמֹּנִ֗ים עַל־שׁוּלֵ֤י הַמְּעִיל֙ סָבִ֔יב בְּתֹ֖וךְ הָרִמֹּנִֽים׃ wayaʿasu faʿamoney zahav ṭahowr wayitenu ʾet־hapaʿamoniym betowkhe harimoniym ʿal־shuley hameʿiyl saviyv betowkhe harimoniym׃
26 פַּעֲמֹ֤ן וְרִמֹּן֙ פַּעֲמֹ֣ן וְרִמֹּ֔ן עַל־שׁוּלֵ֥י הַמְּעִ֖יל סָבִ֑יב לְשָׁרֵ֕ת כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ ס paʿamon werimon paʿamon werimon ʿal־shuley hameʿiyl saviyv lesharet kaʾasher tsiuah yehwah ʾet־mosheh׃ s
27 וַֽיַּעֲשׂ֛וּ אֶת־הַכָּתְנֹ֥ת שֵׁ֖שׁ מַעֲשֵׂ֣ה אֹרֵ֑ג לְאַהֲרֹ֖ן וּלְבָנָֽיו׃ wayaʿasu ʾet־hakatenot shesh maʿaseh ʾoreg leʾaharon ulevanayw׃
28 וְאֵת֙ הַמִּצְנֶ֣פֶת שֵׁ֔שׁ וְאֶת־פַּאֲרֵ֥י הַמִּגְבָּעֹ֖ת שֵׁ֑שׁ וְאֶת־מִכְנְסֵ֥י הַבָּ֖ד שֵׁ֥שׁ מָשְׁזָֽר׃ weʾet hamitsenefet shesh weʾet־paʾarey hamigebaʿot shesh weʾet־mikhenesey habad shesh mashezar׃
29 וְֽאֶת־הָאַבְנֵ֞ט שֵׁ֣שׁ מָשְׁזָ֗ר וּתְכֵ֧לֶת וְאַרְגָּמָ֛ן וְתֹולַ֥עַת שָׁנִ֖י מַעֲשֵׂ֣ה רֹקֵ֑ם כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ ס weʾet־haʾaveneṭ shesh mashezar utekhelet weʾaregaman wetowlaʿat shaniy maʿaseh roqem kaʾasher tsiuah yehwah ʾet־mosheh׃ s
30 וַֽיַּעֲשׂ֛וּ אֶת־צִ֥יץ נֵֽזֶר־הַקֹּ֖דֶשׁ זָהָ֣ב טָהֹ֑ור וַיִּכְתְּב֣וּ עָלָ֗יו מִכְתַּב֙ פִּתּוּחֵ֣י חֹותָ֔ם קֹ֖דֶשׁ לַיהוָֽה׃ wayaʿasu ʾet־tsiyts nezer־haqodesh zahav ṭahowr wayikhetevu ʿalayw mikhetav pituḥey ḥowtam qodesh layhwah׃
31 וַיִּתְּנ֤וּ עָלָיו֙ פְּתִ֣יל תְּכֵ֔לֶת לָתֵ֥ת עַל־הַמִּצְנֶ֖פֶת מִלְמָ֑עְלָה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ ס wayitenu ʿalayw petiyl tekhelet latet ʿal־hamitsenefet milemaʿelah kaʾasher tsiuah yehwah ʾet־mosheh׃ s
32 וַתֵּ֕כֶל כָּל־עֲבֹדַ֕ת מִשְׁכַּ֖ן אֹ֣הֶל מֹועֵ֑ד וַֽיַּעֲשׂוּ֙ בְּנֵ֣י יִשְׂרָאֵ֔ל כְּ֠כֹל אֲשֶׁ֨ר צִוָּ֧ה יְהוָ֛ה אֶת־מֹשֶׁ֖ה כֵּ֥ן עָשֽׂוּ׃ פ watekhel kal־ʿavodat mishekan ʾohel mowʿed wayaʿasu beney yiseraʾel kekhol ʾasher tsiuah yehwah ʾet־mosheh ken ʿasu׃ f
33 וַיָּבִ֤יאוּ אֶת־הַמִּשְׁכָּן֙ אֶל־מֹשֶׁ֔ה אֶת־הָאֹ֖הֶל וְאֶת־כָּל־כֵּלָ֑יו קְרָסָ֣יו קְרָשָׁ֔יו [בְּרִיחֹו כ] (בְּרִיחָ֖יו ק) וְעַמֻּדָ֥יו וַאֲדָנָֽיו׃ wayaviyʾu ʾet־hamishekan ʾel־mosheh ʾet־haʾohel weʾet־kal־kelayw qerasayw qerashayw [beriyḥow kh] (beriyḥayw q) weʿamudayw waʾadanayw׃
34 וְאֶת־מִכְסֵ֞ה עֹורֹ֤ת הָֽאֵילִם֙ הַמְאָדָּמִ֔ים וְאֶת־מִכְסֵ֖ה עֹרֹ֣ת הַתְּחָשִׁ֑ים וְאֵ֖ת פָּרֹ֥כֶת הַמָּסָֽךְ׃ weʾet־mikheseh ʿowrot haʾeylim hameʾadamiym weʾet־mikheseh ʿorot hateḥashiym weʾet parokhet hamasakhe׃
35 אֶת־אֲרֹ֥ן הָעֵדֻ֖ת וְאֶת־בַּדָּ֑יו וְאֵ֖ת הַכַּפֹּֽרֶת׃ ʾet־ʾaron haʿedut weʾet־badayw weʾet hakaporet׃
36 אֶת־הַשֻּׁלְחָן֙ אֶת־כָּל־כֵּלָ֔יו וְאֵ֖ת לֶ֥חֶם הַפָּנִֽים׃ ʾet־hashuleḥan ʾet־kal־kelayw weʾet leḥem hapaniym׃
37 אֶת־הַמְּנֹרָ֨ה הַטְּהֹרָ֜ה אֶת־נֵרֹתֶ֗יהָ נֵרֹ֛ת הַמַּֽעֲרָכָ֖ה וְאֶת־כָּל־כֵּלֶ֑יהָ וְאֵ֖ת שֶׁ֥מֶן הַמָּאֹֽור׃ ʾet־hamenorah haṭehorah ʾet־neroteyha nerot hamaʿarakhah weʾet־kal־keleyha weʾet shemen hamaʾowr׃
38 וְאֵת֙ מִזְבַּ֣ח הַזָּהָ֔ב וְאֵת֙ שֶׁ֣מֶן הַמִּשְׁחָ֔ה וְאֵ֖ת קְטֹ֣רֶת הַסַּמִּ֑ים וְאֵ֕ת מָסַ֖ךְ פֶּ֥תַח הָאֹֽהֶל׃ weʾet mizebaḥ hazahav weʾet shemen hamisheḥah weʾet qeṭoret hasamiym weʾet masakhe petaḥ haʾohel׃
39 אֵ֣ת ׀ מִזְבַּ֣ח הַנְּחֹ֗שֶׁת וְאֶת־מִכְבַּ֤ר הַנְּחֹ֙שֶׁת֙ אֲשֶׁר־לֹ֔ו אֶת־בַּדָּ֖יו וְאֶת־כָּל־כֵּלָ֑יו אֶת־הַכִּיֹּ֖ר וְאֶת־כַּנֹּֽו׃ ʾet ׀ mizebaḥ haneḥoshet weʾet־mikhebar haneḥoshet ʾasher־low ʾet־badayw weʾet־kal־kelayw ʾet־hakiyor weʾet־kanow׃
40 אֵת֩ קַלְעֵ֨י הֶחָצֵ֜ר אֶת־עַמֻּדֶ֣יהָ וְאֶת־אֲדָנֶ֗יהָ וְאֶת־הַמָּסָךְ֙ לְשַׁ֣עַר הֶֽחָצֵ֔ר אֶת־מֵיתָרָ֖יו וִיתֵדֹתֶ֑יהָ וְאֵ֗ת כָּל־כְּלֵ֛י עֲבֹדַ֥ת הַמִּשְׁכָּ֖ן לְאֹ֥הֶל מֹועֵֽד׃ ʾet qaleʿey heḥatser ʾet־ʿamudeyha weʾet־ʾadaneyha weʾet־hamasakhe leshaʿar heḥatser ʾet־meytarayw wiytedoteyha weʾet kal־keley ʿavodat hamishekan leʾohel mowʿed׃
41 אֶת־בִּגְדֵ֥י הַשְּׂרָ֖ד לְשָׁרֵ֣ת בַּקֹּ֑דֶשׁ אֶת־בִּגְדֵ֤י הַקֹּ֙דֶשׁ֙ לְאַהֲרֹ֣ן הַכֹּהֵ֔ן וְאֶת־בִּגְדֵ֥י בָנָ֖יו לְכַהֵֽן׃ ʾet־bigedey haserad lesharet baqodesh ʾet־bigedey haqodesh leʾaharon hakohen weʾet־bigedey vanayw lekhahen׃
42 כְּכֹ֛ל אֲשֶׁר־צִוָּ֥ה יְהוָ֖ה אֶת־מֹשֶׁ֑ה כֵּ֤ן עָשׂוּ֙ בְּנֵ֣י יִשְׂרָאֵ֔ל אֵ֖ת כָּל־הָעֲבֹדָֽה׃ kekhol ʾasher־tsiuah yehwah ʾet־mosheh ken ʿasu beney yiseraʾel ʾet kal־haʿavodah׃
43 וַיַּ֨רְא מֹשֶׁ֜ה אֶת־כָּל־הַמְּלָאכָ֗ה וְהִנֵּה֙ עָשׂ֣וּ אֹתָ֔הּ כַּאֲשֶׁ֛ר צִוָּ֥ה יְהוָ֖ה כֵּ֣ן עָשׂ֑וּ וַיְבָ֥רֶךְ אֹתָ֖ם מֹשֶֽׁה׃ פ wayareʾ mosheh ʾet־kal־hamelaʾkhah wehineh ʿasu ʾotah kaʾasher tsiuah yehwah ken ʿasu wayevarekhe ʾotam mosheh׃ f