Ésaïe 7

¹ וַיְהִ֡י בִּימֵ֣י אָ֠חָז בֶּן־יֹותָ֨ם בֶּן־עֻזִּיָּ֜הוּ מֶ֣לֶךְ יְהוּדָ֗ה עָלָ֣ה רְצִ֣ין מֶֽלֶךְ־אֲ֠רָם וּפֶ֨קַח בֶּן־רְמַלְיָ֤הוּ מֶֽלֶךְ־יִשְׂרָאֵל֙ יְר֣וּשָׁלִַ֔ם לַמִּלְחָמָ֖ה עָלֶ֑יהָ וְלֹ֥א יָכֹ֖ל לְהִלָּחֵ֥ם עָלֶֽיהָ׃ wayehiy biymey ʾaḥaz ben־yowtam ben־ʿuziyahu melekhe yehudah ʿalah retsiyn melekhe־ʾaram ufeqaḥ ben־remaleyahu melekhe־yiseraʾel yerushalim lamileḥamah ʿaleyha weloʾ yakhol lehilaḥem ʿaleyha׃

² וַיֻּגַּ֗ד לְבֵ֤ית דָּוִד֙ לֵאמֹ֔ר נָ֥חָֽה אֲרָ֖ם עַל־אֶפְרָ֑יִם וַיָּ֤נַע לְבָבֹו֙ וּלְבַ֣ב עַמֹּ֔ו כְּנֹ֥ועַ עֲצֵי־יַ֖עַר מִפְּנֵי־רֽוּחַ׃ wayugad leveyt dawid leʾmor naḥah ʾaram ʿal־ʾeferayim wayanaʿ levavow ulevav ʿamow kenowʿa ʿatsey־yaʿar mipeney־ruaḥ׃

³ וַיֹּ֣אמֶר יְהוָה֮ אֶֽל־יְשַׁעְיָהוּ֒ צֵא־נָא֙ לִקְרַ֣את אָחָ֔ז אַתָּ֕ה וּשְׁאָ֖ר יָשׁ֣וּב בְּנֶ֑ךָ אֶל־קְצֵ֗ה תְּעָלַת֙ הַבְּרֵכָ֣ה הָעֶלְיֹונָ֔ה אֶל־מְסִלַּ֖ת שְׂדֵ֥ה כֹובֵֽס׃ wayoʾmer yehwah ʾel־yeshaʿeyahu tseʾ־naʾ liqeraʾt ʾaḥaz ʾatah usheʾar yashuv benekha ʾel־qetseh teʿalat haberekhah haʿeleyownah ʾel־mesilat sedeh khowves׃

⁴ וְאָמַרְתָּ֣ אֵ֠לָיו הִשָּׁמֵ֨ר וְהַשְׁקֵ֜ט אַל־תִּירָ֗א וּלְבָבְךָ֙ אַל־יֵרַ֔ךְ מִשְּׁנֵ֨י זַנְבֹ֧ות הָאוּדִ֛ים הָעֲשֵׁנִ֖ים הָאֵ֑לֶּה בָּחֳרִי־אַ֛ף רְצִ֥ין וַאֲרָ֖ם וּבֶן־רְמַלְיָֽהוּ׃ weʾamareta ʾelayw hishamer wehasheqeṭ ʾal־tiyraʾ ulevavekha ʾal־yerakhe misheney zanevowt haʾudiym haʿasheniym haʾeleh baḥoriy־ʾaf retsiyn waʾaram uven־remaleyahu׃

⁵ יַ֗עַן כִּֽי־יָעַ֥ץ עָלֶ֛יךָ אֲרָ֖ם רָעָ֑ה אֶפְרַ֥יִם וּבֶן־רְמַלְיָ֖הוּ לֵאמֹֽר׃ yaʿan kiy־yaʿats ʿaleykha ʾaram raʿah ʾeferayim uven־remaleyahu leʾmor׃

⁶ נַעֲלֶ֤ה בִֽיהוּדָה֙ וּנְקִיצֶ֔נָּה וְנַבְקִעֶ֖נָּה אֵלֵ֑ינוּ וְנַמְלִ֥יךְ מֶ֙לֶךְ֙ בְּתֹוכָ֔הּ אֵ֖ת בֶּן־טָֽבְאַֽל׃ ס naʿaleh viyhudah uneqiytsenah wenaveqiʿenah ʾeleynu wenameliykhe melekhe betowkhah ʾet ben־ṭaveʾal׃ s

⁷ כֹּ֥ה אָמַ֖ר אֲדֹנָ֣י יְהוִ֑ה לֹ֥א תָק֖וּם וְלֹ֥א תִֽהְיֶֽה׃ koh ʾamar ʾadonay yehwih loʾ taqum weloʾ tiheyeh׃

⁸ כִּ֣י רֹ֤אשׁ אֲרָם֙ דַּמֶּ֔שֶׂק וְרֹ֥אשׁ דַּמֶּ֖שֶׂק רְצִ֑ין וּבְעֹ֗וד שִׁשִּׁ֤ים וְחָמֵשׁ֙ שָׁנָ֔ה יֵחַ֥ת אֶפְרַ֖יִם מֵעָֽם׃ kiy roʾsh ʾaram dameseq weroʾsh dameseq retsiyn uveʿowd shishiym weḥamesh shanah yeḥat ʾeferayim meʿam׃

⁹ וְרֹ֤אשׁ אֶפְרַ֙יִם֙ שֹׁמְרֹ֔ון וְרֹ֥אשׁ שֹׁמְרֹ֖ון בֶּן־רְמַלְיָ֑הוּ אִ֚ם לֹ֣א תַאֲמִ֔ינוּ כִּ֖י לֹ֥א תֵאָמֵֽנוּ׃ ס weroʾsh ʾeferayim shomerown weroʾsh shomerown ben־remaleyahu ʾim loʾ taʾamiynu kiy loʾ teʾamenu׃ s

¹⁰ וַיֹּ֣וסֶף יְהוָ֔ה דַּבֵּ֥ר אֶל־אָחָ֖ז לֵאמֹֽר׃ wayowsef yehwah daber ʾel־ʾaḥaz leʾmor׃

¹¹ שְׁאַל־לְךָ֣ אֹ֔ות מֵעִ֖ם יְהוָ֣ה אֱלֹהֶ֑יךָ הַעְמֵ֣ק שְׁאָ֔לָה אֹ֖ו הַגְבֵּ֥הַּ לְמָֽעְלָה׃ sheʾal־lekha ʾowt meʿim yehwah ʾeloheykha haʿemeq sheʾalah ʾow hagebeah lemaʿelah׃

¹² וַיֹּ֖אמֶר אָחָ֑ז לֹא־אֶשְׁאַ֥ל וְלֹֽא־אֲנַסֶּ֖ה אֶת־יְהוָֽה׃ wayoʾmer ʾaḥaz loʾ־ʾesheʾal weloʾ־ʾanaseh ʾet־yehwah׃

¹³ וַיֹּ֕אמֶר שִׁמְעוּ־נָ֖א בֵּ֣ית דָּוִ֑ד הַמְעַ֤ט מִכֶּם֙ הַלְאֹ֣ות אֲנָשִׁ֔ים כִּ֥י תַלְא֖וּ גַּ֥ם אֶת־אֱלֹהָֽי׃ wayoʾmer shimeʿu־naʾ beyt dawid hameʿaṭ mikem haleʾowt ʾanashiym kiy taleʾu gam ʾet־ʾelohay׃

¹⁴ לָ֠כֵן יִתֵּ֨ן אֲדֹנָ֥י ה֛וּא לָכֶ֖ם אֹ֑ות הִנֵּ֣ה הָעַלְמָ֗ה הָרָה֙ וְיֹלֶ֣דֶת בֵּ֔ן וְקָרָ֥את שְׁמֹ֖ו עִמָּ֥נוּ אֵֽל׃ lakhen yiten ʾadonay huʾ lakhem ʾowt hineh haʿalemah harah weyoledet ben weqaraʾt shemow ʿimanu ʾel׃

¹⁵ חֶמְאָ֥ה וּדְבַ֖שׁ יֹאכֵ֑ל לְדַעְתֹּ֛ו מָאֹ֥וס בָּרָ֖ע וּבָחֹ֥ור בַּטֹּֽוב׃ ḥemeʾah udevash yoʾkhel ledaʿetow maʾows baraʿ uvaḥowr baṭowv׃

¹⁶ כִּ֠י בְּטֶ֨רֶם יֵדַ֥ע הַנַּ֛עַר מָאֹ֥ס בָּרָ֖ע וּבָחֹ֣ר בַּטֹּ֑וב תֵּעָזֵ֤ב הָאֲדָמָה֙ אֲשֶׁ֣ר אַתָּ֣ה קָ֔ץ מִפְּנֵ֖י שְׁנֵ֥י מְלָכֶֽיהָ׃ kiy beṭerem yedaʿ hanaʿar maʾos baraʿ uvaḥor baṭowv teʿazev haʾadamah ʾasher ʾatah qats mipeney sheney melakheyha׃

¹⁷ יָבִ֨יא יְהוָ֜ה עָלֶ֗יךָ וְעַֽל־עַמְּךָ֮ וְעַל־בֵּ֣ית אָבִיךָ֒ יָמִים֙ אֲשֶׁ֣ר לֹא־בָ֔אוּ לְמִיֹּ֥ום סוּר־אֶפְרַ֖יִם מֵעַ֣ל יְהוּדָ֑ה אֵ֖ת מֶ֥לֶךְ אַשּֽׁוּר׃ פ yaviyʾ yehwah ʿaleykha weʿal־ʿamekha weʿal־beyt ʾaviykha yamiym ʾasher loʾ־vaʾu lemiyowm sur־ʾeferayim meʿal yehudah ʾet melekhe ʾashur׃ f

¹⁸ וְהָיָ֣ה ׀ בַּיֹּ֣ום הַה֗וּא יִשְׁרֹ֤ק יְהוָה֙ לַזְּב֔וּב אֲשֶׁ֥ר בִּקְצֵ֖ה יְאֹרֵ֣י מִצְרָ֑יִם וְלַ֨דְּבֹורָ֔ה אֲשֶׁ֖ר בְּאֶ֥רֶץ אַשּֽׁוּר׃ wehayah ׀ bayowm hahuʾ yisheroq yehwah lazevuv ʾasher biqetseh yeʾorey mitserayim weladevowrah ʾasher beʾerets ʾashur׃

¹⁹ וּבָ֨אוּ וְנָח֤וּ כֻלָּם֙ בְּנַחֲלֵ֣י הַבַּתֹּ֔ות וּבִנְקִיקֵ֖י הַסְּלָעִ֑ים וּבְכֹל֙ הַנַּ֣עֲצוּצִ֔ים וּבְכֹ֖ל הַנַּהֲלֹלִֽים׃ uvaʾu wenaḥu khulam benaḥaley habatowt uvineqiyqey haselaʿiym uvekhol hanaʿatsutsiym uvekhol hanahaloliym׃

²⁰ בַּיֹּ֣ום הַה֡וּא יְגַלַּ֣ח אֲדֹנָי֩ בְּתַ֨עַר הַשְּׂכִירָ֜ה בְּעֶבְרֵ֤י נָהָר֙ בְּמֶ֣לֶךְ אַשּׁ֔וּר אֶת־הָרֹ֖אשׁ וְשַׂ֣עַר הָרַגְלָ֑יִם וְגַ֥ם אֶת־הַזָּקָ֖ן תִּסְפֶּֽה׃ ס bayowm hahuʾ yegalaḥ ʾadonay betaʿar hasekhiyrah beʿeverey nahar bemelekhe ʾashur ʾet־haroʾsh wesaʿar haragelayim wegam ʾet־hazaqan tisepeh׃ s

²¹ וְהָיָ֖ה בַּיֹּ֣ום הַה֑וּא יְחַיֶּה־אִ֛ישׁ עֶגְלַ֥ת בָּקָ֖ר וּשְׁתֵּי־צֹֽאן׃ wehayah bayowm hahuʾ yeḥayeh־ʾiysh ʿegelat baqar ushetey־tsoʾn׃

²² וְהָיָ֗ה מֵרֹ֛ב עֲשֹׂ֥ות חָלָ֖ב יֹאכַ֣ל חֶמְאָ֑ה כִּֽי־חֶמְאָ֤ה וּדְבַשׁ֙ יֹאכֵ֔ל כָּל־הַנֹּותָ֖ר בְּקֶ֥רֶב הָאָֽרֶץ׃ wehayah merov ʿasowt ḥalav yoʾkhal ḥemeʾah kiy־ḥemeʾah udevash yoʾkhel kal־hanowtar beqerev haʾarets׃

²³ וְהָיָה֙ בַּיֹּ֣ום הַה֔וּא יִֽהְיֶ֣ה כָל־מָקֹ֗ום אֲשֶׁ֧ר יִֽהְיֶה־שָּׁ֛ם אֶ֥לֶף גֶּ֖פֶן בְּאֶ֣לֶף כָּ֑סֶף לַשָּׁמִ֥יר וְלַשַּׁ֖יִת יִֽהְיֶֽה׃ wehayah bayowm hahuʾ yiheyeh khal־maqowm ʾasher yiheyeh־sham ʾelef gefen beʾelef kasef lashamiyr welashayit yiheyeh׃

²⁴ בַּחִצִּ֥ים וּבַקֶּ֖שֶׁת יָ֣בֹוא שָׁ֑מָּה כִּי־שָׁמִ֥יר וָשַׁ֖יִת תִּֽהְיֶ֥ה כָל־הָאָֽרֶץ׃ baḥitsiym uvaqeshet yavowʾ shamah kiy־shamiyr washayit tiheyeh khal־haʾarets׃

²⁵ וְכֹ֣ל הֶהָרִ֗ים אֲשֶׁ֤ר בַּמַּעְדֵּר֙ יֵעָ֣דֵר֔וּן לֹֽא־תָבֹ֣וא שָׁ֔מָּה יִרְאַ֖ת שָׁמִ֣יר וָשָׁ֑יִת וְהָיָה֙ לְמִשְׁלַ֣ח שֹׁ֔ור וּלְמִרְמַ֖ס שֶֽׂה׃ פ wekhol hehariym ʾasher bamaʿeder yeʿaderun loʾ־tavowʾ shamah yireʾat shamiyr washayit wehayah lemishelaḥ showr ulemiremas seh׃ f