Job 36

¹ וַיֹּ֥סֶף אֱלִיה֗וּא וַיֹּאמַֽר׃ wayosef ʾeliyhuʾ wayoʾmar׃

² כַּתַּר־לִ֣י זְ֭עֵיר וַאֲחַוֶּ֑ךָּ כִּ֤י עֹ֖וד לֶאֱלֹ֣והַּ מִלִּֽים׃ katar־liy zeʿeyr waʾaḥaueka kiy ʿowd leʾelowha miliym׃

³ אֶשָּׂ֣א דֵ֭עִי לְמֵרָחֹ֑וק וּ֝לְפֹעֲלִ֗י אֶֽתֵּֽן־צֶֽדֶק׃ ʾesaʾ deʿiy lemeraḥowq ulefoʿaliy ʾeten־tsedeq׃

⁴ כִּֽי־אָ֭מְנָם לֹא־שֶׁ֣קֶר מִלָּ֑י תְּמִ֖ים דֵּעֹ֣ות עִמָּֽךְ׃ kiy־ʾamenam loʾ־sheqer milay temiym deʿowt ʿimakhe׃

⁵ הֶן־אֵ֣ל כַּ֭בִּיר וְלֹ֣א יִמְאָ֑ס כַּ֝בִּ֗יר כֹּ֣חַֽ לֵֽב׃ hen־ʾel kabiyr weloʾ yimeʾas kabiyr koaḥ lev׃

⁶ לֹא־יְחַיֶּ֥ה רָשָׁ֑ע וּמִשְׁפַּ֖ט עֲנִיִּ֣ים יִתֵּֽן׃ loʾ־yeḥayeh rashaʿ umishepaṭ ʿaniyiym yiten׃

⁷ לֹֽא־יִגְרַ֥ע מִצַּדִּ֗יק עֵ֫ינָ֥יו וְאֶת־מְלָכִ֥ים לַכִּסֵּ֑א וַיֹּשִׁיבֵ֥ם לָ֝נֶ֗צַח וַיִּגְבָּֽהוּ׃ loʾ־yigeraʿ mitsadiyq ʿeynayw weʾet־melakhiym lakiseʾ wayoshiyvem lanetsaḥ wayigebahu׃

⁸ וְאִם־אֲסוּרִ֥ים בַּזִּקִּ֑ים יִ֝לָּכְד֗וּן בְּחַבְלֵי־עֹֽנִי׃ weʾim־ʾasuriym baziqiym yilakhedun beḥaveley־ʿoniy׃

⁹ וַיַּגֵּ֣ד לָהֶ֣ם פָּעֳלָ֑ם וּ֝פִשְׁעֵיהֶ֗ם כִּ֣י יִתְגַּבָּֽרוּ׃ wayaged lahem paʿolam ufisheʿeyhem kiy yitegabaru׃

¹⁰ וַיִּ֣גֶל אָ֭זְנָם לַמּוּסָ֑ר וַ֝יֹּ֗אמֶר כִּֽי־יְשֻׁב֥וּן מֵאָֽוֶן׃ wayigel ʾazenam lamusar wayoʾmer kiy־yeshuvun meʾawen׃

¹¹ אִֽם־יִשְׁמְע֗וּ וְֽיַ֫עֲבֹ֥דוּ יְכַלּ֣וּ יְמֵיהֶ֣ם בַּטֹּ֑וב וּ֝שְׁנֵיהֶ֗ם בַּנְּעִימִֽים׃ ʾim־yishemeʿu weyaʿavodu yekhalu yemeyhem baṭowv usheneyhem baneʿiymiym׃

¹² וְאִם־לֹ֣א יִ֭שְׁמְעוּ בְּשֶׁ֣לַח יַעֲבֹ֑רוּ וְ֝יִגְוְע֗וּ כִּבְלִי־דָֽעַת ׃ weʾim־loʾ yishemeʿu beshelaḥ yaʿavoru weyigeweʿu kiveliy־daʿat ׃

¹³ וְֽחַנְפֵי־לֵ֭ב יָשִׂ֣ימוּ אָ֑ף לֹ֥א יְ֝שַׁוְּע֗וּ כִּ֣י אֲסָרָֽם׃ weḥanefey־lev yasiymu ʾaf loʾ yeshaueʿu kiy ʾasaram׃

¹⁴ תָּמֹ֣ת בַּנֹּ֣עַר נַפְשָׁ֑ם וְ֝חַיָּתָ֗ם בַּקְּדֵשִֽׁים׃ tamot banoʿar nafesham weḥayatam baqedeshiym׃

¹⁵ יְחַלֵּ֣ץ עָנִ֣י בְעָנְיֹ֑ו וְיִ֖גֶל בַּלַּ֣חַץ אָזְנָֽם׃ yeḥalets ʿaniy veʿaneyow weyigel balaḥats ʾazenam׃

¹⁶ וְאַ֤ף הֲסִיתְךָ֨ ׀ מִפִּי־צָ֗ר רַ֭חַב לֹא־מוּצָ֣ק תַּחְתֶּ֑יהָ וְנַ֥חַת לְחָנְךָ֗ מָ֣לֵא דָֽשֶׁן׃ weʾaf hasiytekha ׀ mipiy־tsar raḥav loʾ־mutsaq taḥeteyha wenaḥat leḥanekha maleʾ dashen׃

¹⁷ וְדִין־רָשָׁ֥ע מָלֵ֑אתָ דִּ֖ין וּמִשְׁפָּ֣ט יִתְמֹֽכוּ׃ wediyn־rashaʿ maleʾta diyn umishepaṭ yitemokhu׃

¹⁸ כִּֽי־חֵ֭מָה פֶּן־יְסִֽיתְךָ֣ בְסָ֑פֶק וְרָב־כֹּ֝֗פֶר אַל־יַטֶּֽךָּ׃ kiy־ḥemah pen־yesiytekha vesafeq werav־kofer ʾal־yaṭeka׃

¹⁹ הֲיַעֲרֹ֣ךְ שׁ֖וּעֲךָ לֹ֣א בְצָ֑ר וְ֝כֹ֗ל מַאֲמַצֵּי־כֹֽחַ׃ hayaʿarokhe shuʿakha loʾ vetsar wekhol maʾamatsey־khoaḥ׃

²⁰ אַל־תִּשְׁאַ֥ף הַלָּ֑יְלָה לַעֲלֹ֖ות עַמִּ֣ים תַּחְתָּֽם׃ ʾal־tisheʾaf halayelah laʿalowt ʿamiym taḥetam׃

²¹ הִ֭שָּׁמֶר אַל־תֵּ֣פֶן אֶל־אָ֑וֶן כִּֽי־עַל־זֶ֝֗ה בָּחַ֥רְתָּ מֵעֹֽנִי׃ hishamer ʾal־tefen ʾel־ʾawen kiy־ʿal־zeh baḥareta meʿoniy׃

²² הֶן־אֵ֭ל יַשְׂגִּ֣יב בְּכֹחֹ֑ו מִ֖י כָמֹ֣הוּ מֹורֶֽה׃ hen־ʾel yasegiyv bekhoḥow miy khamohu mowreh׃

²³ מִֽי־פָקַ֣ד עָלָ֣יו דַּרְכֹּ֑ו וּמִֽי־אָ֝מַ֗ר פָּעַ֥לְתָּ עַוְלָֽה׃ miy־faqad ʿalayw darekow umiy־ʾamar paʿaleta ʿawelah׃

²⁴ זְ֭כֹר כִּֽי־תַשְׂגִּ֣יא פָעֳלֹ֑ו אֲשֶׁ֖ר שֹׁרְר֣וּ אֲנָשִֽׁים׃ zekhor kiy־tasegiyʾ faʿolow ʾasher shoreru ʾanashiym׃

²⁵ כָּל־אָדָ֥ם חָֽזוּ־בֹ֑ו אֱ֝נֹ֗ושׁ יַבִּ֥יט מֵרָחֹֽוק׃ kal־ʾadam ḥazu־vow ʾenowsh yabiyṭ meraḥowq׃

²⁶ הֶן־אֵ֣ל גִּיא וְלֹ֣א נֵדָ֑ע מִסְפַּ֖ר שָׁנָ֣יו וְלֹא־חֵֽקֶר׃ hen־ʾel giyʾ weloʾ nedaʿ misepar shanayw weloʾ־ḥeqer׃

²⁷ כִּ֭י יְגָרַ֣ע נִטְפֵי־מָ֑יִם יָזֹ֖קּוּ מָטָ֣ר לְאֵדֹֽו׃ kiy yegaraʿ niṭefey־mayim yazoqu maṭar leʾedow׃

²⁸ אֲשֶֽׁר־יִזְּל֥וּ שְׁחָקִ֑ים יִ֝רְעֲפ֗וּ עֲלֵ֤י ׀ אָדָ֬ם רָֽב׃ ʾasher־yizelu sheḥaqiym yireʿafu ʿaley ׀ ʾadam rav׃

²⁹ אַ֣ף אִם־יָ֭בִין מִפְרְשֵׂי־עָ֑ב תְּ֝שֻׁאֹ֗ות סֻכָּתֹֽו׃ ʾaf ʾim־yaviyn miferesey־ʿav teshuʾowt sukatow׃

³⁰ הֵן־פָּרַ֣שׂ עָלָ֣יו אֹורֹ֑ו וְשָׁרְשֵׁ֖י הַיָּ֣ם כִּסָּֽה׃ hen־paras ʿalayw ʾowrow weshareshey hayam kisah׃

³¹ כִּי־בָ֭ם יָדִ֣ין עַמִּ֑ים יִֽתֶּן־אֹ֥כֶל לְמַכְבִּֽיר׃ kiy־vam yadiyn ʿamiym yiten־ʾokhel lemakhebiyr׃

³² עַל־כַּפַּ֥יִם כִּסָּה־אֹ֑ור וַיְצַ֖ו עָלֶ֣יהָ בְמַפְגִּֽיעַ׃ ʿal־kapayim kisah־ʾowr wayetsaw ʿaleyha vemafegiyʿa׃

³³ יַגִּ֣יד עָלָ֣יו רֵעֹ֑ו מִ֝קְנֶ֗ה אַ֣ף עַל־עֹולֶֽה׃ yagiyd ʿalayw reʿow miqeneh ʾaf ʿal־ʿowleh׃