1 שַׁלַּ֥ח לַחְמְךָ֖ עַל־פְּנֵ֣י הַמָּ֑יִם כִּֽי־בְרֹ֥ב הַיָּמִ֖ים תִּמְצָאֶֽנּוּ׃ shalaḥ laḥemekha ʿal־peney hamayim kiy־verov hayamiym timetsaʾenu׃

2 תֶּן־חֵ֥לֶק לְשִׁבְעָ֖ה וְגַ֣ם לִשְׁמֹונָ֑ה כִּ֚י לֹ֣א תֵדַ֔ע מַה־יִּהְיֶ֥ה רָעָ֖ה עַל־הָאָֽרֶץ׃ ten־ḥeleq leshiveʿah wegam lishemownah kiy loʾ tedaʿ mah־yiheyeh raʿah ʿal־haʾarets׃

3 אִם־יִמָּלְא֨וּ הֶעָבִ֥ים גֶּ֙שֶׁם֙ עַל־הָאָ֣רֶץ יָרִ֔יקוּ וְאִם־יִפֹּ֥ול עֵ֛ץ בַּדָּרֹ֖ום וְאִ֣ם בַּצָּפֹ֑ון מְקֹ֛ום שֶׁיִּפֹּ֥ול הָעֵ֖ץ שָׁ֥ם יְהֽוּא׃ ʾim־yimaleʾu heʿaviym geshem ʿal־haʾarets yariyqu weʾim־yipowl ʿets badarowm weʾim batsafown meqowm sheyipowl haʿets sham yehuʾ׃

4 שֹׁמֵ֥ר ר֖וּחַ לֹ֣א יִזְרָ֑ע וְרֹאֶ֥ה בֶעָבִ֖ים לֹ֥א יִקְצֹֽור׃ shomer ruaḥ loʾ yizeraʿ weroʾeh veʿaviym loʾ yiqetsowr׃

5 כַּאֲשֶׁ֨ר אֵֽינְךָ֤ יֹודֵ֙עַ֙ מַה־דֶּ֣רֶךְ הָר֔וּחַ כַּעֲצָמִ֖ים בְּבֶ֣טֶן הַמְּלֵאָ֑ה כָּ֗כָה לֹ֤א תֵדַע֙ אֶת־מַעֲשֵׂ֣ה הָֽאֱלֹהִ֔ים אֲשֶׁ֥ר יַעֲשֶׂ֖ה אֶת־הַכֹּֽל׃ kaʾasher ʾeynekha yowdeaʿ mah־derekhe haruaḥ kaʿatsamiym beveṭen hameleʾah kakhah loʾ tedaʿ ʾet־maʿaseh haʾelohiym ʾasher yaʿaseh ʾet־hakol׃

6 בַּבֹּ֙קֶר֙ זְרַ֣ע אֶת־זַרְעֶ֔ךָ וְלָעֶ֖רֶב אַל־תַּנַּ֣ח יָדֶ֑ךָ כִּי֩ אֵֽינְךָ֨ יֹודֵ֜ע אֵ֣י זֶ֤ה יִכְשָׁר֙ הֲזֶ֣ה אֹו־זֶ֔ה וְאִם־שְׁנֵיהֶ֥ם כְּאֶחָ֖ד טֹובִֽים׃ baboqer zeraʿ ʾet־zareʿekha welaʿerev ʾal־tanaḥ yadekha kiy ʾeynekha yowdeʿ ʾey zeh yikheshar hazeh ʾow־zeh weʾim־sheneyhem keʾeḥad ṭowviym׃

7 וּמָתֹ֖וק הָאֹ֑ור וְטֹ֥וב לַֽעֵינַ֖יִם לִרְאֹ֥ות אֶת־הַשָּֽׁמֶשׁ׃ umatowq haʾowr weṭowv laʿeynayim lireʾowt ʾet־hashamesh׃

8 כִּ֣י אִם־שָׁנִ֥ים הַרְבֵּ֛ה יִחְיֶ֥ה הָאָדָ֖ם בְּכֻלָּ֣ם יִשְׂמָ֑ח וְיִזְכֹּר֙ אֶת־יְמֵ֣י הַחֹ֔שֶׁךְ כִּֽי־הַרְבֵּ֥ה יִהְי֖וּ כָּל־שֶׁבָּ֥א הָֽבֶל׃ kiy ʾim־shaniym harebeh yiḥeyeh haʾadam bekhulam yisemaḥ weyizekor ʾet־yemey haḥoshekhe kiy־harebeh yiheyu kal־shebaʾ havel׃

9 שְׂמַ֧ח בָּח֣וּר בְּיַלְדוּתֶ֗יךָ וִֽיטִֽיבְךָ֤ לִבְּךָ֙ בִּימֵ֣י בְחוּרֹותֶ֔ךָ וְהַלֵּךְ֙ בְּדַרְכֵ֣י לִבְּךָ֔ וּבְמַרְאֵ֖י עֵינֶ֑יךָ וְדָ֕ע כִּ֧י עַל־כָּל־אֵ֛לֶּה יְבִֽיאֲךָ֥ הָאֱלֹהִ֖ים בַּמִּשְׁפָּֽט׃ semaḥ baḥur beyaleduteykha wiyṭiyvekha libekha biymey veḥurowtekha wehalekhe bedarekhey libekha uvemareʾey ʿeyneykha wedaʿ kiy ʿal־kal־ʾeleh yeviyʾakha haʾelohiym bamishepaṭ׃

10 וְהָסֵ֥ר כַּ֙עַס֙ מִלִּבֶּ֔ךָ וְהַעֲבֵ֥ר רָעָ֖ה מִבְּשָׂרֶ֑ךָ כִּֽי־הַיַּלְד֥וּת וְהַֽשַּׁחֲר֖וּת הָֽבֶל׃ wehaser kaʿas milibekha wehaʿaver raʿah mibesarekha kiy־hayaledut wehashaḥarut havel׃