Daniel 1

¹ בִּשְׁנַ֣ת שָׁלֹ֔ושׁ לְמַלְכ֖וּת יְהֹויָקִ֣ים מֶֽלֶךְ־יְהוּדָ֑ה בָּ֣א נְבוּכַדְנֶאצַּ֧ר מֶֽלֶךְ־בָּבֶ֛ל יְרוּשָׁלִַ֖ם וַיָּ֥צַר עָלֶֽיהָ׃ bishenat shalowsh lemalekhut yehowyaqiym melekhe־yehudah baʾ nevukhadeneʾtsar melekhe־bavel yerushalim wayatsar ʿaleyha׃

² וַיִּתֵּן֩ אֲדֹנָ֨י בְּיָדֹ֜ו אֶת־יְהֹויָקִ֣ים מֶֽלֶךְ־יְהוּדָ֗ה וּמִקְצָת֙ כְּלֵ֣י בֵית־הָֽאֱלֹהִ֔ים וַיְבִיאֵ֥ם אֶֽרֶץ־שִׁנְעָ֖ר בֵּ֣ית אֱלֹהָ֑יו וְאֶת־הַכֵּלִ֣ים הֵבִ֔יא בֵּ֖ית אֹוצַ֥ר אֱלֹהָֽיו׃ wayiten ʾadonay beyadow ʾet־yehowyaqiym melekhe־yehudah umiqetsat keley veyt־haʾelohiym wayeviyʾem ʾerets־shineʿar beyt ʾelohayw weʾet־hakeliym heviyʾ beyt ʾowtsar ʾelohayw׃

³ וַיֹּ֣אמֶר הַמֶּ֔לֶךְ לְאַשְׁפְּנַ֖ז רַ֣ב סָרִיסָ֑יו לְהָבִ֞יא מִבְּנֵ֧י יִשְׂרָאֵ֛ל וּמִזֶּ֥רַע הַמְּלוּכָ֖ה וּמִן־הַֽפַּרְתְּמִֽים׃ wayoʾmer hamelekhe leʾashepenaz rav sariysayw lehaviyʾ mibeney yiseraʾel umizeraʿ hamelukhah umin־haparetemiym׃

⁴ יְלָדִ֣ים אֲשֶׁ֣ר אֵֽין־בָּהֶ֣ם כָּל־ [מְאוּם כ] (מוּם֩ ק) וְטֹובֵ֨י מַרְאֶ֜ה וּמַשְׂכִּילִ֣ים בְּכָל־חָכְמָ֗ה וְיֹ֤דְעֵי דַ֙עַת֙ וּמְבִינֵ֣י מַדָּ֔ע וַאֲשֶׁר֙ כֹּ֣חַ בָּהֶ֔ם לַעֲמֹ֖ד בְּהֵיכַ֣ל הַמֶּ֑לֶךְ וּֽלֲלַמְּדָ֥ם סֵ֖פֶר וּלְשֹׁ֥ון כַּשְׂדִּֽים׃ yeladiym ʾasher ʾeyn־bahem kal־ [meʾum kh] (mum q) weṭowvey mareʾeh umasekiyliym bekhal־ḥakhemah weyodeʿey daʿat umeviyney madaʿ waʾasher koaḥ bahem laʿamod beheykhal hamelekhe ulalamedam sefer uleshown kasediym׃

⁵ וַיְמַן֩ לָהֶ֨ם הַמֶּ֜לֶךְ דְּבַר־יֹ֣ום בְּיֹומֹ֗ו מִפַּת־בַּ֤ג הַמֶּ֙לֶךְ֙ וּמִיֵּ֣ין מִשְׁתָּ֔יו וּֽלְגַדְּלָ֖ם שָׁנִ֣ים שָׁלֹ֑ושׁ וּמִ֨קְצָתָ֔ם יַֽעַמְד֖וּ לִפְנֵ֥י הַמֶּֽלֶךְ׃ wayeman lahem hamelekhe devar־yowm beyowmow mipat־bag hamelekhe umiyeyn mishetayw ulegadelam shaniym shalowsh umiqetsatam yaʿamedu lifeney hamelekhe׃

⁶ וַיְהִ֥י בָהֶ֖ם מִבְּנֵ֣י יְהוּדָ֑ה דָּנִיֵּ֣אל חֲנַנְיָ֔ה מִֽישָׁאֵ֖ל וַעֲזַרְיָֽה׃ wayehiy vahem mibeney yehudah daniyeʾl ḥananeyah miyshaʾel waʿazareyah׃

⁷ וַיָּ֧שֶׂם לָהֶ֛ם שַׂ֥ר הַסָּרִיסִ֖ים שֵׁמֹ֑ות וַיָּ֨שֶׂם לְדָֽנִיֵּ֜אל בֵּ֣לְטְשַׁאצַּ֗ר וְלַֽחֲנַנְיָה֙ שַׁדְרַ֔ךְ וּלְמִֽישָׁאֵ֣ל מֵישַׁ֔ךְ וְלַעֲזַרְיָ֖ה עֲבֵ֥ד נְגֹֽו׃ wayasem lahem sar hasariysiym shemowt wayasem ledaniyeʾl beleṭeshaʾtsar welaḥananeyah shaderakhe ulemiyshaʾel meyshakhe welaʿazareyah ʿaved negow׃

⁸ וַיָּ֤שֶׂם דָּנִיֵּאל֙ עַל־לִבֹּ֔ו אֲשֶׁ֧ר לֹֽא־יִתְגָּאַ֛ל בְּפַתְבַּ֥ג הַמֶּ֖לֶךְ וּבְיֵ֣ין מִשְׁתָּ֑יו וַיְבַקֵּשׁ֙ מִשַּׂ֣ר הַסָּרִיסִ֔ים אֲשֶׁ֖ר לֹ֥א יִתְגָּאָֽל׃ wayasem daniyeʾl ʿal־libow ʾasher loʾ־yitegaʾal befatebag hamelekhe uveyeyn mishetayw wayevaqesh misar hasariysiym ʾasher loʾ yitegaʾal׃

⁹ וַיִּתֵּ֤ן הָֽאֱלֹהִים֙ אֶת־דָּ֣נִיֵּ֔אל לְחֶ֖סֶד וּֽלְרַחֲמִ֑ים לִפְנֵ֖י שַׂ֥ר הַסָּרִיסִֽים׃ wayiten haʾelohiym ʾet־daniyeʾl leḥesed uleraḥamiym lifeney sar hasariysiym׃

¹⁰ וַיֹּ֜אמֶר שַׂ֤ר הַסָּרִיסִים֙ לְדָ֣נִיֵּ֔אל יָרֵ֤א אֲנִי֙ אֶת־אֲדֹנִ֣י הַמֶּ֔לֶךְ אֲשֶׁ֣ר מִנָּ֔ה אֶת־מַאֲכַלְכֶ֖ם וְאֶת־מִשְׁתֵּיכֶ֑ם אֲשֶׁ֡ר לָמָּה֩ יִרְאֶ֨ה אֶת־פְּנֵיכֶ֜ם זֹֽעֲפִ֗ים מִן־הַיְלָדִים֙ אֲשֶׁ֣ר כְּגִֽילְכֶ֔ם וְחִיַּבְתֶּ֥ם אֶת־רֹאשִׁ֖י לַמֶּֽלֶךְ׃ wayoʾmer sar hasariysiym ledaniyeʾl yareʾ ʾaniy ʾet־ʾadoniy hamelekhe ʾasher minah ʾet־maʾakhalekhem weʾet־misheteykhem ʾasher lamah yireʾeh ʾet־peneykhem zoʿafiym min־hayeladiym ʾasher kegiylekhem weḥiyavetem ʾet־roʾshiy lamelekhe׃

¹¹ וַיֹּ֥אמֶר דָּנִיֵּ֖אל אֶל־הַמֶּלְצַ֑ר אֲשֶׁ֤ר מִנָּה֙ שַׂ֣ר הַסָּֽרִיסִ֔ים עַל־דָּנִיֵּ֣אל חֲנַנְיָ֔ה מִֽישָׁאֵ֖ל וַעֲזַרְיָֽה׃ wayoʾmer daniyeʾl ʾel־hameletsar ʾasher minah sar hasariysiym ʿal־daniyeʾl ḥananeyah miyshaʾel waʿazareyah׃

¹² נַס־נָ֥א אֶת־עֲבָדֶ֖יךָ יָמִ֣ים עֲשָׂרָ֑ה וְיִתְּנוּ־לָ֜נוּ מִן־הַזֵּרֹעִ֛ים וְנֹאכְלָ֖ה וּמַ֥יִם וְנִשְׁתֶּֽה׃ nas־naʾ ʾet־ʿavadeykha yamiym ʿasarah weyitenu־lanu min־hazeroʿiym wenoʾkhelah umayim wenisheteh׃

¹³ וְיֵרָא֤וּ לְפָנֶ֙יךָ֙ מַרְאֵ֔ינוּ וּמַרְאֵה֙ הַיְלָדִ֔ים הָאֹ֣כְלִ֔ים אֵ֖ת פַּתְבַּ֣ג הַמֶּ֑לֶךְ וְכַאֲשֶׁ֣ר תִּרְאֵ֔ה עֲשֵׂ֖ה עִם־עֲבָדֶֽיךָ׃ weyeraʾu lefaneykha mareʾeynu umareʾeh hayeladiym haʾokheliym ʾet patebag hamelekhe wekhaʾasher tireʾeh ʿaseh ʿim־ʿavadeykha׃

¹⁴ וַיִּשְׁמַ֥ע לָהֶ֖ם לַדָּבָ֣ר הַזֶּ֑ה וַיְנַסֵּ֖ם יָמִ֥ים עֲשָׂרָֽה׃ wayishemaʿ lahem ladavar hazeh wayenasem yamiym ʿasarah׃

¹⁵ וּמִקְצָת֙ יָמִ֣ים עֲשָׂרָ֔ה נִרְאָ֤ה מַרְאֵיהֶם֙ טֹ֔וב וּבְרִיאֵ֖י בָּשָׂ֑ר מִן־כָּל־הַיְלָדִ֔ים הָאֹ֣כְלִ֔ים אֵ֖ת פַּתְבַּ֥ג הַמֶּֽלֶךְ׃ umiqetsat yamiym ʿasarah nireʾah mareʾeyhem ṭowv uveriyʾey basar min־kal־hayeladiym haʾokheliym ʾet patebag hamelekhe׃

¹⁶ וַיְהִ֣י הַמֶּלְצַ֗ר נֹשֵׂא֙ אֶת־פַּתְבָּגָ֔ם וְיֵ֖ין מִשְׁתֵּיהֶ֑ם וְנֹתֵ֥ן לָהֶ֖ם זֵרְעֹנִֽים׃ wayehiy hameletsar noseʾ ʾet־patebagam weyeyn misheteyhem wenoten lahem zereʿoniym׃

¹⁷ וְהַיְלָדִ֤ים הָאֵ֙לֶּה֙ אַרְבַּעְתָּ֔ם נָתַ֨ן לָהֶ֧ם הָֽאֱלֹהִ֛ים מַדָּ֥ע וְהַשְׂכֵּ֖ל בְּכָל־סֵ֣פֶר וְחָכְמָ֑ה וְדָנִיֵּ֣אל הֵבִ֔ין בְּכָל־חָזֹ֖ון וַחֲלֹמֹֽות׃ wehayeladiym haʾeleh ʾarebaʿetam natan lahem haʾelohiym madaʿ wehasekel bekhal־sefer weḥakhemah wedaniyeʾl heviyn bekhal־ḥazown waḥalomowt׃

¹⁸ וּלְמִקְצָת֙ הַיָּמִ֔ים אֲשֶׁר־אָמַ֥ר הַמֶּ֖לֶךְ לַהֲבִיאָ֑ם וַיְבִיאֵם֙ שַׂ֣ר הַסָּרִיסִ֔ים לִפְנֵ֖י נְבֻכַדְנֶצַּֽר׃ ulemiqetsat hayamiym ʾasher־ʾamar hamelekhe lahaviyʾam wayeviyʾem sar hasariysiym lifeney nevukhadenetsar׃

¹⁹ וַיְדַבֵּ֣ר אִתָּם֮ הַמֶּלֶךְ֒ וְלֹ֤א נִמְצָא֙ מִכֻּלָּ֔ם כְּדָנִיֵּ֣אל חֲנַנְיָ֔ה מִֽישָׁאֵ֖ל וַעֲזַרְיָ֑ה וַיַּֽעַמְד֖וּ לִפְנֵ֥י הַמֶּֽלֶךְ׃ wayedaber ʾitam hamelekhe weloʾ nimetsaʾ mikulam kedaniyeʾl ḥananeyah miyshaʾel waʿazareyah wayaʿamedu lifeney hamelekhe׃

²⁰ וְכֹ֗ל דְּבַר֙ חָכְמַ֣ת בִּינָ֔ה אֲשֶׁר־בִּקֵּ֥שׁ מֵהֶ֖ם הַמֶּ֑לֶךְ וַֽיִּמְצָאֵ֞ם עֶ֣שֶׂר יָדֹ֗ות עַ֤ל כָּל־הַֽחַרְטֻמִּים֙ הָֽאַשָּׁפִ֔ים אֲשֶׁ֖ר בְּכָל־מַלְכוּתֹֽו׃ wekhol devar ḥakhemat biynah ʾasher־biqesh mehem hamelekhe wayimetsaʾem ʿeser yadowt ʿal kal־haḥareṭumiym haʾashafiym ʾasher bekhal־malekhutow׃

²¹ וַֽיְהִי֙ דָּֽנִיֵּ֔אל עַד־שְׁנַ֥ת אַחַ֖ת לְכֹ֥ורֶשׁ הַמֶּֽלֶךְ׃ פ wayehiy daniyeʾl ʿad־shenat ʾaḥat lekhowresh hamelekhe׃ f