1 וַיֹּאמֶר֩ אֵלִיָּ֨הוּ הַתִּשְׁבִּ֜י מִתֹּשָׁבֵ֣י גִלְעָד֮ אֶל־אַחְאָב֒ חַי־יְהוָ֞ה אֱלֹהֵ֤י יִשְׂרָאֵל֙ אֲשֶׁ֣ר עָמַ֣דְתִּי לְפָנָ֔יו אִם־יִהְיֶ֛ה הַשָּׁנִ֥ים הָאֵ֖לֶּה טַ֣ל וּמָטָ֑ר כִּ֖י אִם־לְפִ֥י דְבָרִֽי׃ ס wayoʾmer ʾeliyahu hatishebiy mitoshavey gileʿad ʾel־ʾaḥeʾav ḥay־yehwah ʾelohey yiseraʾel ʾasher ʿamadetiy lefanayw ʾim־yiheyeh hashaniym haʾeleh ṭal umaṭar kiy ʾim־lefiy devariy׃ s
2 וַיְהִ֥י דְבַר־יְהוָ֖ה אֵלָ֥יו לֵאמֹֽר׃ wayehiy devar־yehwah ʾelayw leʾmor׃
3 לֵ֣ךְ מִזֶּ֔ה וּפָנִ֥יתָ לְּךָ֖ קֵ֑דְמָה וְנִסְתַּרְתָּ֙ בְּנַ֣חַל כְּרִ֔ית אֲשֶׁ֖ר עַל־פְּנֵ֥י הַיַּרְדֵּֽן׃ lekhe mizeh ufaniyta lekha qedemah wenisetareta benaḥal keriyt ʾasher ʿal־peney hayareden׃
4 וְהָיָ֖ה מֵהַנַּ֣חַל תִּשְׁתֶּ֑ה וְאֶת־הָעֹרְבִ֣ים צִוִּ֔יתִי לְכַלְכֶּלְךָ֖ שָֽׁם׃ wehayah mehanaḥal tisheteh weʾet־haʿoreviym tsiuiytiy lekhalekelekha sham׃
5 וַיֵּ֥לֶךְ וַיַּ֖עַשׂ כִּדְבַ֣ר יְהוָ֑ה וַיֵּ֗לֶךְ וַיֵּ֙שֶׁב֙ בְּנַ֣חַל כְּרִ֔ית אֲשֶׁ֖ר עַל־פְּנֵ֥י הַיַּרְדֵּֽן׃ wayelekhe wayaʿas kidevar yehwah wayelekhe wayeshev benaḥal keriyt ʾasher ʿal־peney hayareden׃
6 וְהָעֹרְבִ֗ים מְבִיאִ֨ים לֹ֜ו לֶ֤חֶם וּבָשָׂר֙ בַּבֹּ֔קֶר וְלֶ֥חֶם וּבָשָׂ֖ר בָּעָ֑רֶב וּמִן־הַנַּ֖חַל יִשְׁתֶּֽה׃ wehaʿoreviym meviyʾiym low leḥem uvasar baboqer weleḥem uvasar baʿarev umin־hanaḥal yisheteh׃
7 וַיְהִ֛י מִקֵּ֥ץ יָמִ֖ים וַיִּיבַ֣שׁ הַנָּ֑חַל כִּ֛י לֹֽא־הָיָ֥ה גֶ֖שֶׁם בָּאָֽרֶץ׃ ס wayehiy miqets yamiym wayiyvash hanaḥal kiy loʾ־hayah geshem baʾarets׃ s
8 וַיְהִ֥י דְבַר־יְהוָ֖ה אֵלָ֥יו לֵאמֹֽר׃ wayehiy devar־yehwah ʾelayw leʾmor׃
9 ק֣וּם לֵ֤ךְ צָרְפַ֙תָה֙ אֲשֶׁ֣ר לְצִידֹ֔ון וְיָשַׁבְתָּ֖ שָׁ֑ם הִנֵּ֨ה צִוִּ֥יתִי שָׁ֛ם אִשָּׁ֥ה אַלְמָנָ֖ה לְכַלְכְּלֶֽךָ׃ qum lekhe tsarefatah ʾasher letsiydown weyashaveta sham hineh tsiuiytiy sham ʾishah ʾalemanah lekhalekelekha׃
10 וַיָּ֣קָם ׀ וַיֵּ֣לֶךְ צָרְפַ֗תָה וַיָּבֹא֙ אֶל־פֶּ֣תַח הָעִ֔יר וְהִנֵּֽה־שָׁ֛ם אִשָּׁ֥ה אַלְמָנָ֖ה מְקֹשֶׁ֣שֶׁת עֵצִ֑ים וַיִּקְרָ֤א אֵלֶ֙יהָ֙ וַיֹּאמַ֔ר קְחִי־נָ֨א לִ֧י מְעַט־מַ֛יִם בַּכְּלִ֖י וְאֶשְׁתֶּֽה׃ wayaqam ׀ wayelekhe tsarefatah wayavoʾ ʾel־petaḥ haʿiyr wehineh־sham ʾishah ʾalemanah meqosheshet ʿetsiym wayiqeraʾ ʾeleyha wayoʾmar qeḥiy־naʾ liy meʿaṭ־mayim bakeliy weʾesheteh׃
11 וַתֵּ֖לֶךְ לָקַ֑חַת וַיִּקְרָ֤א אֵלֶ֙יהָ֙ וַיֹּאמַ֔ר לִֽקְחִי־נָ֥א לִ֛י פַּת־לֶ֖חֶם בְּיָדֵֽךְ׃ watelekhe laqaḥat wayiqeraʾ ʾeleyha wayoʾmar liqeḥiy־naʾ liy pat־leḥem beyadekhe׃
12 וַתֹּ֗אמֶר חַי־יְהוָ֤ה אֱלֹהֶ֙יךָ֙ אִם־יֶשׁ־לִ֣י מָעֹ֔וג כִּ֣י אִם־מְלֹ֤א כַף־קֶ֙מַח֙ בַּכַּ֔ד וּמְעַט־שֶׁ֖מֶן בַּצַּפָּ֑חַת וְהִנְנִ֨י מְקֹשֶׁ֜שֶׁת שְׁנַ֣יִם עֵצִ֗ים וּבָ֙אתִי֙ וַעֲשִׂיתִ֙יהוּ֙ לִ֣י וְלִבְנִ֔י וַאֲכַלְנֻ֖הוּ וָמָֽתְנוּ׃ watoʾmer ḥay־yehwah ʾeloheykha ʾim־yesh־liy maʿowg kiy ʾim־meloʾ khaf־qemaḥ bakad umeʿaṭ־shemen batsapaḥat wehineniy meqosheshet shenayim ʿetsiym uvaʾtiy waʿasiytiyhu liy weliveniy waʾakhalenuhu wamatenu׃
13 וַיֹּ֨אמֶר אֵלֶ֤יהָ אֵלִיָּ֙הוּ֙ אַל־תִּ֣ירְאִ֔י בֹּ֖אִי עֲשִׂ֣י כִדְבָרֵ֑ךְ אַ֣ךְ עֲשִׂי־לִ֣י מִ֠שָּׁם עֻגָ֨ה קְטַנָּ֤ה בָרִאשֹׁנָה֙ וְהֹוצֵ֣אתְ לִ֔י וְלָ֣ךְ וְלִבְנֵ֔ךְ תַּעֲשִׂ֖י בָּאַחֲרֹנָֽה׃ ס wayoʾmer ʾeleyha ʾeliyahu ʾal־tiyreʾiy boʾiy ʿasiy khidevarekhe ʾakhe ʿasiy־liy misham ʿugah qeṭanah variʾshonah wehowtseʾte liy welakhe welivenekhe taʿasiy baʾaḥaronah׃ s
14 כִּ֣י כֹה֩ אָמַ֨ר יְהוָ֜ה אֱלֹהֵ֣י יִשְׂרָאֵ֗ל כַּ֤ד הַקֶּ֙מַח֙ לֹ֣א תִכְלָ֔ה וְצַפַּ֥חַת הַשֶּׁ֖מֶן לֹ֣א תֶחְסָ֑ר עַ֠ד יֹ֧ום [תִּתֶּן־ כ] (תֵּת־יְהוָ֛ה ק) גֶּ֖שֶׁם עַל־פְּנֵ֥י הָאֲדָמָֽה׃ kiy khoh ʾamar yehwah ʾelohey yiseraʾel kad haqemaḥ loʾ tikhelah wetsapaḥat hashemen loʾ teḥesar ʿad yowm [titen־ kh] (tet־yehwah q) geshem ʿal־peney haʾadamah׃
15 וַתֵּ֥לֶךְ וַתַּעֲשֶׂ֖ה כִּדְבַ֣ר אֵלִיָּ֑הוּ וַתֹּ֧אכַל [הוּא־וָהִיא כ] (הִֽיא־וָה֛וּא ק) וּבֵיתָ֖הּ יָמִֽים׃ watelekhe wataʿaseh kidevar ʾeliyahu watoʾkhal [huʾ־wahiyʾ kh] (hiyʾ־wahuʾ q) uveytah yamiym׃
16 כַּ֤ד הַקֶּ֙מַח֙ לֹ֣א כָלָ֔תָה וְצַפַּ֥חַת הַשֶּׁ֖מֶן לֹ֣א חָסֵ֑ר כִּדְבַ֣ר יְהוָ֔ה אֲשֶׁ֥ר דִּבֶּ֖ר בְּיַ֥ד אֵלִיָּֽהוּ׃ פ kad haqemaḥ loʾ khalatah wetsapaḥat hashemen loʾ ḥaser kidevar yehwah ʾasher diber beyad ʾeliyahu׃ f
17 וַיְהִ֗י אַחַר֙ הַדְּבָרִ֣ים הָאֵ֔לֶּה חָלָ֕ה בֶּן־הָאִשָּׁ֖ה בַּעֲלַ֣ת הַבָּ֑יִת וַיְהִ֤י חָלְיֹו֙ חָזָ֣ק מְאֹ֔ד עַ֛ד אֲשֶׁ֥ר לֹא־נֹֽותְרָה־בֹּ֖ו נְשָׁמָֽה׃ wayehiy ʾaḥar hadevariym haʾeleh ḥalah ben־haʾishah baʿalat habayit wayehiy ḥaleyow ḥazaq meʾod ʿad ʾasher loʾ־nowterah־bow neshamah׃
18 וַתֹּ֙אמֶר֙ אֶל־אֵ֣לִיָּ֔הוּ מַה־לִּ֥י וָלָ֖ךְ אִ֣ישׁ הָאֱלֹהִ֑ים בָּ֧אתָ אֵלַ֛י לְהַזְכִּ֥יר אֶת־עֲוֹנִ֖י וּלְהָמִ֥ית אֶת־בְּנִֽי׃ watoʾmer ʾel־ʾeliyahu mah־liy walakhe ʾiysh haʾelohiym baʾta ʾelay lehazekiyr ʾet־ʿaoniy ulehamiyt ʾet־beniy׃
19 וַיֹּ֥אמֶר אֵלֶ֖יהָ תְּנִֽי־לִ֣י אֶת־בְּנֵ֑ךְ וַיִּקָּחֵ֣הוּ מֵחֵיקָ֗הּ וַֽיַּעֲלֵ֙הוּ֙ אֶל־הָעֲלִיָּ֗ה אֲשֶׁר־הוּא֙ יֹשֵׁ֣ב שָׁ֔ם וַיַּשְׁכִּבֵ֖הוּ עַל־מִטָּתֹֽו׃ wayoʾmer ʾeleyha teniy־liy ʾet־benekhe wayiqaḥehu meḥeyqah wayaʿalehu ʾel־haʿaliyah ʾasher־huʾ yoshev sham wayashekivehu ʿal־miṭatow׃
20 וַיִּקְרָ֥א אֶל־יְהוָ֖ה וַיֹּאמַ֑ר יְהוָ֣ה אֱלֹהָ֔י הֲ֠גַם עַל־הָאַלְמָנָ֞ה אֲשֶׁר־אֲנִ֨י מִתְגֹּורֵ֥ר עִמָּ֛הּ הֲרֵעֹ֖ותָ לְהָמִ֥ית אֶת־בְּנָֽהּ׃ wayiqeraʾ ʾel־yehwah wayoʾmar yehwah ʾelohay hagam ʿal־haʾalemanah ʾasher־ʾaniy mitegowrer ʿimah hareʿowta lehamiyt ʾet־benah׃
21 וַיִּתְמֹדֵ֤ד עַל־הַיֶּ֙לֶד֙ שָׁלֹ֣שׁ פְּעָמִ֔ים וַיִּקְרָ֥א אֶל־יְהוָ֖ה וַיֹּאמַ֑ר יְהוָ֣ה אֱלֹהָ֔י תָּ֥שָׁב נָ֛א נֶֽפֶשׁ־הַיֶּ֥לֶד הַזֶּ֖ה עַל־קִרְבֹּֽו׃ wayitemoded ʿal־hayeled shalosh peʿamiym wayiqeraʾ ʾel־yehwah wayoʾmar yehwah ʾelohay tashav naʾ nefesh־hayeled hazeh ʿal־qirebow׃
22 וַיִּשְׁמַ֥ע יְהוָ֖ה בְּקֹ֣ול אֵלִיָּ֑הוּ וַתָּ֧שָׁב נֶֽפֶשׁ־הַיֶּ֛לֶד עַל־קִרְבֹּ֖ו וַיֶּֽחִי׃ wayishemaʿ yehwah beqowl ʾeliyahu watashav nefesh־hayeled ʿal־qirebow wayeḥiy׃
23 וַיִּקַּ֨ח אֵלִיָּ֜הוּ אֶת־הַיֶּ֗לֶד וַיֹּרִדֵ֤הוּ מִן־הָעֲלִיָּה֙ הַבַּ֔יְתָה וַֽיִּתְּנֵ֖הוּ לְאִמֹּ֑ו וַיֹּ֙אמֶר֙ אֵ֣לִיָּ֔הוּ רְאִ֖י חַ֥י בְּנֵֽךְ׃ wayiqaḥ ʾeliyahu ʾet־hayeled wayoridehu min־haʿaliyah habayetah wayitenehu leʾimow wayoʾmer ʾeliyahu reʾiy ḥay benekhe׃
24 וַתֹּ֤אמֶר הָֽאִשָּׁה֙ אֶל־אֵ֣לִיָּ֔הוּ עַתָּה֙ זֶ֣ה יָדַ֔עְתִּי כִּ֛י אִ֥ישׁ אֱלֹהִ֖ים אָ֑תָּה וּדְבַר־יְהוָ֥ה בְּפִ֖יךָ אֱמֶֽת׃ פ watoʾmer haʾishah ʾel־ʾeliyahu ʿatah zeh yadaʿetiy kiy ʾiysh ʾelohiym ʾatah udevar־yehwah befiykha ʾemet׃ f