1 וַיְהִ֧י אֲרֹון־יְהוָ֛ה בִּשְׂדֵ֥ה פְלִשְׁתִּ֖ים שִׁבְעָ֥ה חֳדָשִֽׁים׃ wayehiy ʾarown־yehwah bisedeh felishetiym shiveʿah ḥodashiym׃
2 וַיִּקְרְא֣וּ פְלִשְׁתִּ֗ים לַכֹּהֲנִ֤ים וְלַקֹּֽסְמִים֙ לֵאמֹ֔ר מַֽה־נַּעֲשֶׂ֖ה לַאֲרֹ֣ון יְהוָ֑ה הֹודִעֻ֕נוּ בַּמֶּ֖ה נְשַׁלְּחֶ֥נּוּ לִמְקֹומֹֽו׃ wayiqereʾu felishetiym lakohaniym welaqosemiym leʾmor mah־naʿaseh laʾarown yehwah howdiʿunu bameh neshaleḥenu limeqowmow׃
3 וַיֹּאמְר֗וּ אִֽם־מְשַׁלְּחִ֞ים אֶת־אֲרֹ֨ון אֱלֹהֵ֤י יִשְׂרָאֵל֙ אַל־תְּשַׁלְּח֤וּ אֹתֹו֙ רֵיקָ֔ם כִּֽי־הָשֵׁ֥ב תָּשִׁ֛יבוּ לֹ֖ו אָשָׁ֑ם אָ֤ז תֵּרָֽפְאוּ֙ וְנֹודַ֣ע לָכֶ֔ם לָ֛מָּה לֹא־תָס֥וּר יָדֹ֖ו מִכֶּֽם׃ wayoʾmeru ʾim־meshaleḥiym ʾet־ʾarown ʾelohey yiseraʾel ʾal־teshaleḥu ʾotow reyqam kiy־hashev tashiyvu low ʾasham ʾaz terafeʾu wenowdaʿ lakhem lamah loʾ־tasur yadow mikem׃
4 וַיֹּאמְר֗וּ מָ֣ה הָאָשָׁם֮ אֲשֶׁ֣ר נָשִׁ֣יב לֹו֒ וַיֹּאמְר֗וּ מִסְפַּר֙ סַרְנֵ֣י פְלִשְׁתִּ֔ים חֲמִשָּׁה֙ [עָפְלֵי כ] (טְחֹרֵ֣י ק) זָהָ֔ב וַחֲמִשָּׁ֖ה עַכְבְּרֵ֣י זָהָ֑ב כִּֽי־מַגֵּפָ֥ה אַחַ֛ת לְכֻלָּ֖ם וּלְסַרְנֵיכֶֽם׃ wayoʾmeru mah haʾasham ʾasher nashiyv low wayoʾmeru misepar sareney felishetiym ḥamishah [ʿafeley kh] (ṭeḥorey q) zahav waḥamishah ʿakheberey zahav kiy־magefah ʾaḥat lekhulam ulesareneykhem׃
5 וַעֲשִׂיתֶם֩ צַלְמֵ֨י [עָפְלֵיכֶם כ] (טְחֹרֵיכֶ֜ם ק) וְצַלְמֵ֣י עַכְבְּרֵיכֶ֗ם הַמַּשְׁחִיתִם֙ אֶת־הָאָ֔רֶץ וּנְתַתֶּ֛ם לֵאלֹהֵ֥י יִשְׂרָאֵ֖ל כָּבֹ֑וד אוּלַ֗י יָקֵ֤ל אֶת־יָדֹו֙ מֵֽעֲלֵיכֶ֔ם וּמֵעַ֥ל אֱלֹהֵיכֶ֖ם וּמֵעַ֥ל אַרְצְכֶֽם׃ waʿasiytem tsalemey [ʿafeleykhem kh] (ṭeḥoreykhem q) wetsalemey ʿakhebereykhem hamasheḥiytim ʾet־haʾarets unetatem leʾlohey yiseraʾel kavowd ʾulay yaqel ʾet־yadow meʿaleykhem umeʿal ʾeloheykhem umeʿal ʾaretsekhem׃
6 וְלָ֤מָּה תְכַבְּדוּ֙ אֶת־לְבַבְכֶ֔ם כַּאֲשֶׁ֧ר כִּבְּד֛וּ מִצְרַ֥יִם וּפַרְעֹ֖ה אֶת־לִבָּ֑ם הֲלֹוא֙ כַּאֲשֶׁ֣ר הִתְעַלֵּ֣ל בָּהֶ֔ם וַֽיְשַׁלְּח֖וּם וַיֵּלֵֽכוּ׃ welamah tekhabedu ʾet־levavekhem kaʾasher kibedu mitserayim ufareʿoh ʾet־libam halowʾ kaʾasher hiteʿalel bahem wayeshaleḥum wayelekhu׃
7 וְעַתָּ֗ה קְח֨וּ וַעֲשׂ֜וּ עֲגָלָ֤ה חֲדָשָׁה֙ אֶחָ֔ת וּשְׁתֵּ֤י פָרֹות֙ עָלֹ֔ות אֲשֶׁ֛ר לֹא־עָלָ֥ה עֲלֵיהֶ֖ם עֹ֑ל וַאֲסַרְתֶּ֤ם אֶת־הַפָּרֹות֙ בָּעֲגָלָ֔ה וַהֲשֵׁיבֹתֶ֧ם בְּנֵיהֶ֛ם מֵאַחֲרֵיהֶ֖ם הַבָּֽיְתָה׃ weʿatah qeḥu waʿasu ʿagalah ḥadashah ʾeḥat ushetey farowt ʿalowt ʾasher loʾ־ʿalah ʿaleyhem ʿol waʾasaretem ʾet־haparowt baʿagalah wahasheyvotem beneyhem meʾaḥareyhem habayetah׃
8 וּלְקַחְתֶּ֞ם אֶת־אֲרֹ֣ון יְהוָ֗ה וּנְתַתֶּ֤ם אֹתֹו֙ אֶל־הָ֣עֲגָלָ֔ה וְאֵ֣ת ׀ כְּלֵ֣י הַזָּהָ֗ב אֲשֶׁ֨ר הֲשֵׁבֹתֶ֥ם לֹו֙ אָשָׁ֔ם תָּשִׂ֥ימוּ בָאַרְגַּ֖ז מִצִּדֹּ֑ו וְשִׁלַּחְתֶּ֥ם אֹתֹ֖ו וְהָלָֽךְ׃ uleqaḥetem ʾet־ʾarown yehwah unetatem ʾotow ʾel־haʿagalah weʾet ׀ keley hazahav ʾasher hashevotem low ʾasham tasiymu vaʾaregaz mitsidow weshilaḥetem ʾotow wehalakhe׃
9 וּרְאִיתֶ֗ם אִם־דֶּ֨רֶךְ גְּבוּלֹ֤ו יַֽעֲלֶה֙ בֵּ֣ית שֶׁ֔מֶשׁ ה֚וּא עָ֣שָׂה לָ֔נוּ אֶת־הָרָעָ֥ה הַגְּדֹולָ֖ה הַזֹּ֑את וְאִם־לֹ֗א וְיָדַ֙עְנוּ֙ כִּ֣י לֹ֤א יָדֹו֙ נָ֣גְעָה בָּ֔נוּ מִקְרֶ֥ה ה֖וּא הָ֥יָה לָֽנוּ׃ ureʾiytem ʾim־derekhe gevulow yaʿaleh beyt shemesh huʾ ʿasah lanu ʾet־haraʿah hagedowlah hazoʾt weʾim־loʾ weyadaʿenu kiy loʾ yadow nageʿah banu miqereh huʾ hayah lanu׃
10 וַיַּעֲשׂ֤וּ הָאֲנָשִׁים֙ כֵּ֔ן וַיִּקְח֗וּ שְׁתֵּ֤י פָרֹות֙ עָלֹ֔ות וַיַּאַסְר֖וּם בָּעֲגָלָ֑ה וְאֶת־בְּנֵיהֶ֖ם כָּל֥וּ בַבָּֽיִת׃ wayaʿasu haʾanashiym ken wayiqeḥu shetey farowt ʿalowt wayaʾaserum baʿagalah weʾet־beneyhem kalu vabayit׃
11 וַיָּשִׂ֛מוּ אֶת־אֲרֹ֥ון יְהוָ֖ה אֶל־הָעֲגָלָ֑ה וְאֵ֣ת הָאַרְגַּ֗ז וְאֵת֙ עַכְבְּרֵ֣י הַזָּהָ֔ב וְאֵ֖ת צַלְמֵ֥י טְחֹרֵיהֶֽם׃ wayasimu ʾet־ʾarown yehwah ʾel־haʿagalah weʾet haʾaregaz weʾet ʿakheberey hazahav weʾet tsalemey ṭeḥoreyhem׃
12 וַיִשַּׁ֨רְנָה הַפָּרֹ֜ות בַּדֶּ֗רֶךְ עַל־דֶּ֙רֶךְ֙ בֵּ֣ית שֶׁ֔מֶשׁ בִּמְסִלָּ֣ה אַחַ֗ת הָלְכ֤וּ הָלֹךְ֙ וְגָעֹ֔ו וְלֹא־סָ֖רוּ יָמִ֣ין וּשְׂמֹ֑אול וְסַרְנֵ֤י פְלִשְׁתִּים֙ הֹלְכִ֣ים אַחֲרֵיהֶ֔ם עַד־גְּב֖וּל בֵּ֥ית שָֽׁמֶשׁ׃ wayisharenah haparowt baderekhe ʿal־derekhe beyt shemesh bimesilah ʾaḥat halekhu halokhe wegaʿow weloʾ־saru yamiyn usemoʾwl wesareney felishetiym holekhiym ʾaḥareyhem ʿad־gevul beyt shamesh׃
13 וּבֵ֣ית שֶׁ֔מֶשׁ קֹצְרִ֥ים קְצִיר־חִטִּ֖ים בָּעֵ֑מֶק וַיִּשְׂא֣וּ אֶת־עֵינֵיהֶ֗ם וַיִּרְאוּ֙ אֶת־הָ֣אָרֹ֔ון וַֽיִּשְׂמְח֖וּ לִרְאֹֽות׃ uveyt shemesh qotseriym qetsiyr־ḥiṭiym baʿemeq wayiseʾu ʾet־ʿeyneyhem wayireʾu ʾet־haʾarown wayisemeḥu lireʾowt׃
14 וְהָעֲגָלָ֡ה בָּ֠אָה אֶל־שְׂדֵ֨ה יְהֹושֻׁ֤עַ בֵּֽית־הַשִּׁמְשִׁי֙ וַתַּעֲמֹ֣ד שָׁ֔ם וְשָׁ֖ם אֶ֣בֶן גְּדֹולָ֑ה וַֽיְבַקְּעוּ֙ אֶת־עֲצֵ֣י הָעֲגָלָ֔ה וְאֶת־הַ֨פָּרֹ֔ות הֶעֱל֥וּ עֹלָ֖ה לַיהוָֽה׃ ס wehaʿagalah baʾah ʾel־sedeh yehowshuaʿ beyt־hashimeshiy wataʿamod sham wesham ʾeven gedowlah wayevaqeʿu ʾet־ʿatsey haʿagalah weʾet־haparowt heʿelu ʿolah layhwah׃ s
15 וְהַלְוִיִּ֞ם הֹורִ֣ידוּ ׀ אֶת־אֲרֹ֣ון יְהוָ֗ה וְאֶת־הָאַרְגַּ֤ז אֲשֶׁר־אִתֹּו֙ אֲשֶׁר־בֹּ֣ו כְלֵֽי־זָהָ֔ב וַיָּשִׂ֖מוּ אֶל־הָאֶ֣בֶן הַגְּדֹולָ֑ה וְאַנְשֵׁ֣י בֵֽית־שֶׁ֗מֶשׁ הֶעֱל֨וּ עֹלֹ֜ות וַֽיִּזְבְּח֧וּ זְבָחִ֛ים בַּיֹּ֥ום הַה֖וּא לַֽיהוָֽה׃ wehalewiyim howriydu ׀ ʾet־ʾarown yehwah weʾet־haʾaregaz ʾasher־ʾitow ʾasher־bow kheley־zahav wayasimu ʾel־haʾeven hagedowlah weʾaneshey veyt־shemesh heʿelu ʿolowt wayizebeḥu zevaḥiym bayowm hahuʾ layhwah׃
16 וַחֲמִשָּׁ֥ה סַרְנֵֽי־פְלִשְׁתִּ֖ים רָא֑וּ וַיָּשֻׁ֥בוּ עֶקְרֹ֖ון בַּיֹּ֥ום הַהֽוּא׃ ס waḥamishah sareney־felishetiym raʾu wayashuvu ʿeqerown bayowm hahuʾ׃ s
17 וְאֵ֙לֶּה֙ טְחֹרֵ֣י הַזָּהָ֔ב אֲשֶׁ֨ר הֵשִׁ֧יבוּ פְלִשְׁתִּ֛ים אָשָׁ֖ם לַֽיהוָ֑ה לְאַשְׁדֹּ֨וד אֶחָ֔ד לְעַזָּ֤ה אֶחָד֙ לְאַשְׁקְלֹ֣ון אֶחָ֔ד לְגַ֥ת אֶחָ֖ד לְעֶקְרֹ֥ון אֶחָֽד׃ ס weʾeleh ṭeḥorey hazahav ʾasher heshiyvu felishetiym ʾasham layhwah leʾashedowd ʾeḥad leʿazah ʾeḥad leʾasheqelown ʾeḥad legat ʾeḥad leʿeqerown ʾeḥad׃ s
18 וְעַכְבְּרֵ֣י הַזָּהָ֗ב מִסְפַּ֞ר כָּל־עָרֵ֤י פְלִשְׁתִּים֙ לַחֲמֵ֣שֶׁת הַסְּרָנִ֔ים מֵעִ֣יר מִבְצָ֔ר וְעַ֖ד כֹּ֣פֶר הַפְּרָזִ֑י וְעַ֣ד ׀ אָבֵ֣ל הַגְּדֹולָ֗ה אֲשֶׁ֨ר הִנִּ֤יחוּ עָלֶ֙יהָ֙ אֵ֚ת אֲרֹ֣ון יְהוָ֔ה עַ֚ד הַיֹּ֣ום הַזֶּ֔ה בִּשְׂדֵ֥ה יְהֹושֻׁ֖עַ בֵּֽית־הַשִּׁמְשִֽׁי׃ weʿakheberey hazahav misepar kal־ʿarey felishetiym laḥameshet haseraniym meʿiyr mivetsar weʿad kofer haperaziy weʿad ׀ ʾavel hagedowlah ʾasher hiniyḥu ʿaleyha ʾet ʾarown yehwah ʿad hayowm hazeh bisedeh yehowshuaʿ beyt־hashimeshiy׃
19 וַיַּ֞ךְ בְּאַנְשֵׁ֣י בֵֽית־שֶׁ֗מֶשׁ כִּ֤י רָאוּ֙ בַּאֲרֹ֣ון יְהוָ֔ה וַיַּ֤ךְ בָּעָם֙ שִׁבְעִ֣ים אִ֔ישׁ חֲמִשִּׁ֥ים אֶ֖לֶף אִ֑ישׁ וַיִּֽתְאַבְּל֣וּ הָעָ֔ם כִּֽי־הִכָּ֧ה יְהוָ֛ה בָּעָ֖ם מַכָּ֥ה גְדֹולָֽה ׃ wayakhe beʾaneshey veyt־shemesh kiy raʾu baʾarown yehwah wayakhe baʿam shiveʿiym ʾiysh ḥamishiym ʾelef ʾiysh wayiteʾabelu haʿam kiy־hikah yehwah baʿam makah gedowlah ׃
20 וַיֹּֽאמְרוּ֙ אַנְשֵׁ֣י בֵֽית־שֶׁ֔מֶשׁ מִ֚י יוּכַ֣ל לַעֲמֹ֔ד לִפְנֵ֨י יְהוָ֧ה הָאֱלֹהִ֛ים הַקָּדֹ֖ושׁ הַזֶּ֑ה וְאֶל־מִ֖י יַעֲלֶ֥ה מֵעָלֵֽינוּ׃ ס wayoʾmeru ʾaneshey veyt־shemesh miy yukhal laʿamod lifeney yehwah haʾelohiym haqadowsh hazeh weʾel־miy yaʿaleh meʿaleynu׃ s
21 וַֽיִּשְׁלְחוּ֙ מַלְאָכִ֔ים אֶל־יֹושְׁבֵ֥י קִרְיַת־יְעָרִ֖ים לֵאמֹ֑ר הֵשִׁ֤בוּ פְלִשְׁתִּים֙ אֶת־אֲרֹ֣ון יְהוָ֔ה רְד֕וּ הַעֲל֥וּ אֹתֹ֖ו אֲלֵיכֶֽם׃ wayisheleḥu maleʾakhiym ʾel־yowshevey qireyat־yeʿariym leʾmor heshivu felishetiym ʾet־ʾarown yehwah redu haʿalu ʾotow ʾaleykhem׃