Job 42

¹ וַיַּ֖עַן אִיֹּ֥וב אֶת־יְהוָ֗ה וַיֹּאמַֽר׃ wayaʿan ʾiyowv ʾet־yehwah wayoʾmar׃

² [יָדַעְתָּ כ] (יָ֭דַעְתִּי ק) כִּי־כֹ֣ל תּוּכָ֑ל וְלֹא־יִבָּצֵ֖ר מִמְּךָ֣ מְזִמָּֽה׃ [yadaʿeta kh] (yadaʿetiy q) kiy־khol tukhal weloʾ־yibatser mimekha mezimah׃

³ מִ֤י זֶ֨ה ׀ מַעְלִ֥ים עֵצָ֗ה בְּֽלִ֫י דָ֥עַת לָכֵ֣ן הִ֭גַּדְתִּי וְלֹ֣א אָבִ֑ין נִפְלָאֹ֥ות מִ֝מֶּ֗נִּי וְלֹ֣א אֵדָֽע׃ miy zeh ׀ maʿeliym ʿetsah beliy daʿat lakhen higadetiy weloʾ ʾaviyn nifelaʾowt mimeniy weloʾ ʾedaʿ׃

⁴ שְֽׁמַֽע־נָ֭א וְאָנֹכִ֣י אֲדַבֵּ֑ר אֶ֝שְׁאָלְךָ֗ וְהֹודִיעֵֽנִי׃ shemaʿ־naʾ weʾanokhiy ʾadaber ʾesheʾalekha wehowdiyʿeniy׃

⁵ לְשֵֽׁמַע־אֹ֥זֶן שְׁמַעְתִּ֑יךָ וְ֝עַתָּ֗ה עֵינִ֥י רָאָֽתְךָ׃ leshemaʿ־ʾozen shemaʿetiykha weʿatah ʿeyniy raʾatekha׃

⁶ עַל־כֵּ֭ן אֶמְאַ֣ס וְנִחַ֑מְתִּי עַל־עָפָ֥ר וָאֵֽפֶר׃ פ ʿal־ken ʾemeʾas weniḥametiy ʿal־ʿafar waʾefer׃ f

⁷ וַיְהִ֗י אַחַ֨ר דִּבֶּ֧ר יְהוָ֛ה אֶת־הַדְּבָרִ֥ים הָאֵ֖לֶּה אֶל־אִיֹּ֑וב וַיֹּ֨אמֶר יְהוָ֜ה אֶל־אֱלִיפַ֣ז הַתֵּֽימָנִ֗י חָרָ֨ה אַפִּ֤י בְךָ֙ וּבִשְׁנֵ֣י רֵעֶ֔יךָ כִּ֠י לֹ֣א דִבַּרְתֶּ֥ם אֵלַ֛י נְכֹונָ֖ה כְּעַבְדִּ֥י אִיֹּֽוב׃ wayehiy ʾaḥar diber yehwah ʾet־hadevariym haʾeleh ʾel־ʾiyowv wayoʾmer yehwah ʾel־ʾeliyfaz hateymaniy ḥarah ʾapiy vekha uvisheney reʿeykha kiy loʾ dibaretem ʾelay nekhownah keʿavediy ʾiyowv׃

⁸ וְעַתָּ֡ה קְחֽוּ־לָכֶ֣ם שִׁבְעָֽה־פָרִים֩ וְשִׁבְעָ֨ה אֵילִ֜ים וּלְכ֣וּ ׀ אֶל־עַבְדִּ֣י אִיֹּ֗וב וְהַעֲלִיתֶ֤ם עֹולָה֙ בַּֽעַדְכֶ֔ם וְאִיֹּ֣וב עַבְדִּ֔י יִתְפַּלֵּ֖ל עֲלֵיכֶ֑ם כִּ֧י אִם־פָּנָ֣יו אֶשָּׂ֗א לְבִלְתִּ֞י עֲשֹׂ֤ות עִמָּכֶם֙ נְבָלָ֔ה כִּ֠י לֹ֣א דִבַּרְתֶּ֥ם אֵלַ֛י נְכֹונָ֖ה כְּעַבְדִּ֥י אִיֹּֽוב׃ weʿatah qeḥu־lakhem shiveʿah־fariym weshiveʿah ʾeyliym ulekhu ׀ ʾel־ʿavediy ʾiyowv wehaʿaliytem ʿowlah baʿadekhem weʾiyowv ʿavediy yitepalel ʿaleykhem kiy ʾim־panayw ʾesaʾ leviletiy ʿasowt ʿimakhem nevalah kiy loʾ dibaretem ʾelay nekhownah keʿavediy ʾiyowv׃

⁹ וַיֵּלְכוּ֩ אֱלִיפַ֨ז הַתֵּֽימָנִ֜י וּבִלְדַּ֣ד הַשּׁוּחִ֗י צֹפַר֙ הַנַּ֣עֲמָתִ֔י וַֽיַּעֲשׂ֔וּ כַּאֲשֶׁ֛ר דִּבֶּ֥ר אֲלֵיהֶ֖ם יְהוָ֑ה וַיִּשָּׂ֥א יְהוָ֖ה אֶת־פְּנֵ֥י אִיֹּֽוב׃ wayelekhu ʾeliyfaz hateymaniy uviledad hashuḥiy tsofar hanaʿamatiy wayaʿasu kaʾasher diber ʾaleyhem yehwah wayisaʾ yehwah ʾet־peney ʾiyowv׃

¹⁰ וַֽיהוָ֗ה ב אֶת־ [שְׁבִית כ] (שְׁב֣וּת ק) אִיֹּ֔וב בְּהִֽתְפַּֽלְלֹ֖ו בְּעַ֣ד רֵעֵ֑הוּ וַ֧יֹּסֶף יְהוָ֛ה אֶת־כָּל־אֲשֶׁ֥ר לְאִיֹּ֖וב לְמִשְׁנֶֽה׃ wayhwah v ʾet־ [sheviyt kh] (shevut q) ʾiyowv behitepalelow beʿad reʿehu wayosef yehwah ʾet־kal־ʾasher leʾiyowv lemisheneh׃

¹¹ וַיָּבֹ֣אוּ אֵ֠לָיו כָּל־אֶחָ֨יו וְכָל־ [אַחְיֹתָיו כ] (אַחְיֹותָ֜יו ק) וְכָל־יֹדְעָ֣יו לְפָנִ֗ים וַיֹּאכְל֨וּ עִמֹּ֣ו לֶחֶם֮ בְּבֵיתֹו֒ וַיָּנֻ֤דוּ לֹו֙ וַיְנַחֲמ֣וּ אֹתֹ֔ו עַ֚ל כָּל־הָ֣רָעָ֔ה אֲשֶׁר־הֵבִ֥יא יְהוָ֖ה עָלָ֑יו וַיִּתְּנוּ־לֹ֗ו אִ֚ישׁ קְשִׂיטָ֣ה אֶחָ֔ת וְאִ֕ישׁ נֶ֥זֶם זָהָ֖ב אֶחָֽד׃ ס wayavoʾu ʾelayw kal־ʾeḥayw wekhal־ [ʾaḥeyotayw kh] (ʾaḥeyowtayw q) wekhal־yodeʿayw lefaniym wayoʾkhelu ʿimow leḥem beveytow wayanudu low wayenaḥamu ʾotow ʿal kal־haraʿah ʾasher־heviyʾ yehwah ʿalayw wayitenu־low ʾiysh qesiyṭah ʾeḥat weʾiysh nezem zahav ʾeḥad׃ s

¹² וַֽיהוָ֗ה בֵּרַ֛ךְ אֶת־אַחֲרִ֥ית אִיֹּ֖וב מֵרֵאשִׁתֹ֑ו וַֽיְהִי־לֹ֡ו אַרְבָּעָה֩ עָשָׂ֨ר אֶ֜לֶף צֹ֗אן וְשֵׁ֤שֶׁת אֲלָפִים֙ גְּמַלִּ֔ים וְאֶֽלֶף־צֶ֥מֶד בָּקָ֖ר וְאֶ֥לֶף אֲתֹונֹֽות׃ wayhwah berakhe ʾet־ʾaḥariyt ʾiyowv mereʾshitow wayehiy־low ʾarebaʿah ʿasar ʾelef tsoʾn wesheshet ʾalafiym gemaliym weʾelef־tsemed baqar weʾelef ʾatownowt׃

¹³ וַֽיְהִי־לֹ֛ו שִׁבְעָ֥נָה בָנִ֖ים וְשָׁלֹ֥ושׁ בָּנֹֽות׃ wayehiy־low shiveʿanah vaniym weshalowsh banowt׃

¹⁴ וַיִּקְרָ֤א שֵׁם־הָֽאַחַת֙ יְמִימָ֔ה וְשֵׁ֥ם הַשֵּׁנִ֖ית קְצִיעָ֑ה וְשֵׁ֥ם הַשְּׁלִישִׁ֖ית קֶ֥רֶן הַפּֽוּךְ׃ wayiqeraʾ shem־haʾaḥat yemiymah weshem hasheniyt qetsiyʿah weshem hasheliyshiyt qeren hapukhe׃

¹⁵ וְלֹ֨א נִמְצָ֜א נָשִׁ֥ים יָפֹ֛ות כִּבְנֹ֥ות אִיֹּ֖וב בְּכָל־הָאָ֑רֶץ וַיִּתֵּ֨ן לָהֶ֧ם אֲבִיהֶ֛ם נַחֲלָ֖ה בְּתֹ֥וךְ אֲחֵיהֶֽם׃ ס weloʾ nimetsaʾ nashiym yafowt kivenowt ʾiyowv bekhal־haʾarets wayiten lahem ʾaviyhem naḥalah betowkhe ʾaḥeyhem׃ s

¹⁶ וַיְחִ֤י אִיֹּוב֙ אַֽחֲרֵי־זֹ֔את מֵאָ֥ה וְאַרְבָּעִ֖ים שָׁנָ֑ה [וַיַּרְא כ] (וַיִּרְאֶ֗ה ק) אֶת־בָּנָיו֙ וְאֶת־בְּנֵ֣י בָנָ֔יו אַרְבָּעָ֖ה דֹּרֹֽות׃ wayeḥiy ʾiyowv ʾaḥarey־zoʾt meʾah weʾarebaʿiym shanah [wayareʾ kh] (wayireʾeh q) ʾet־banayw weʾet־beney vanayw ʾarebaʿah dorowt׃

¹⁷ וַיָּ֣מָת אִיֹּ֔וב זָקֵ֖ן וּשְׂבַ֥ע יָמִֽים׃ wayamat ʾiyowv zaqen usevaʿ yamiym׃