1 דְּבַר־יְהוָ֣ה ׀ אֲשֶׁ֣ר הָיָ֗ה אֶל־הֹושֵׁ֙עַ֙ בֶּן־בְּאֵרִ֔י בִּימֵ֨י עֻזִּיָּ֥ה יֹותָ֛ם אָחָ֥ז יְחִזְקִיָּ֖ה מַלְכֵ֣י יְהוּדָ֑ה וּבִימֵ֛י יָרָבְעָ֥ם בֶּן־יֹואָ֖שׁ מֶ֥לֶךְ יִשְׂרָאֵֽל׃ devar־yehwah ׀ ʾasher hayah ʾel־howsheaʿ ben־beʾeriy biymey ʿuziyah yowtam ʾaḥaz yeḥizeqiyah malekhey yehudah uviymey yaraveʿam ben־yowʾash melekhe yiseraʾel׃

2 תְּחִלַּ֥ת דִּבֶּר־יְהוָ֖ה בְּהֹושֵׁ֑עַ פ וַיֹּ֨אמֶר יְהוָ֜ה אֶל־הֹושֵׁ֗עַ לֵ֣ךְ קַח־לְךָ֞ אֵ֤שֶׁת זְנוּנִים֙ וְיַלְדֵ֣י זְנוּנִ֔ים כִּֽי־זָנֹ֤ה תִזְנֶה֙ הָאָ֔רֶץ מֵֽאַחֲרֵ֖י יְהוָֽה׃ teḥilat diber־yehwah behowsheaʿ f wayoʾmer yehwah ʾel־howsheaʿ lekhe qaḥ־lekha ʾeshet zenuniym weyaledey zenuniym kiy־zanoh tizeneh haʾarets meʾaḥarey yehwah׃

3 וַיֵּ֙לֶךְ֙ וַיִּקַּ֔ח אֶת־גֹּ֖מֶר בַּת־דִּבְלָ֑יִם וַתַּ֥הַר וַתֵּֽלֶד־לֹ֖ו בֵּֽן׃ wayelekhe wayiqaḥ ʾet־gomer bat־divelayim watahar wateled־low ben׃

4 וַיֹּ֤אמֶר יְהוָה֙ אֵלָ֔יו קְרָ֥א שְׁמֹ֖ו יִזְרְעֶ֑אל כִּי־עֹ֣וד מְעַ֗ט וּפָ֨קַדְתִּ֜י אֶת־דְּמֵ֤י יִזְרְעֶאל֙ עַל־בֵּ֣ית יֵה֔וּא וְהִ֨שְׁבַּתִּ֔י מַמְלְכ֖וּת בֵּ֥ית יִשְׂרָאֵֽל׃ wayoʾmer yehwah ʾelayw qeraʾ shemow yizereʿeʾl kiy־ʿowd meʿaṭ ufaqadetiy ʾet־demey yizereʿeʾl ʿal־beyt yehuʾ wehishebatiy mamelekhut beyt yiseraʾel׃

5 וְהָיָ֖ה בַּיֹּ֣ום הַה֑וּא וְשָֽׁבַרְתִּי֙ אֶת־קֶ֣שֶׁת יִשְׂרָאֵ֔ל בְּעֵ֖מֶק יִזְרְעֶֽאל׃ wehayah bayowm hahuʾ weshavaretiy ʾet־qeshet yiseraʾel beʿemeq yizereʿeʾl׃

6 וַתַּ֤הַר עֹוד֙ וַתֵּ֣לֶד בַּ֔ת וַיֹּ֣אמֶר לֹ֔ו קְרָ֥א שְׁמָ֖הּ לֹ֣א רֻחָ֑מָה כִּי֩ לֹ֨א אֹוסִ֜יף עֹ֗וד אֲרַחֵם֙ אֶת־בֵּ֣ית יִשְׂרָאֵ֔ל כִּֽי־נָשֹׂ֥א אֶשָּׂ֖א לָהֶֽם׃ watahar ʿowd wateled bat wayoʾmer low qeraʾ shemah loʾ ruḥamah kiy loʾ ʾowsiyf ʿowd ʾaraḥem ʾet־beyt yiseraʾel kiy־nasoʾ ʾesaʾ lahem׃

7 וְאֶת־בֵּ֤ית יְהוּדָה֙ אֲרַחֵ֔ם וְהֹֽושַׁעְתִּ֖ים בַּיהוָ֣ה אֱלֹֽהֵיהֶ֑ם וְלֹ֣א אֹֽושִׁיעֵ֗ם בְּקֶ֤שֶׁת וּבְחֶ֙רֶב֙ וּבְמִלְחָמָ֔ה בְּסוּסִ֖ים וּבְפָרָשִֽׁים׃ weʾet־beyt yehudah ʾaraḥem wehowshaʿetiym bayhwah ʾeloheyhem weloʾ ʾowshiyʿem beqeshet uveḥerev uvemileḥamah besusiym uvefarashiym׃

8 וַתִּגְמֹ֖ל אֶת־לֹ֣א רֻחָ֑מָה וַתַּ֖הַר וַתֵּ֥לֶד בֵּֽן׃ watigemol ʾet־loʾ ruḥamah watahar wateled ben׃

9 וַיֹּ֕אמֶר קְרָ֥א שְׁמֹ֖ו לֹ֣א עַמִּ֑י כִּ֤י אַתֶּם֙ לֹ֣א עַמִּ֔י וְאָנֹכִ֖י לֹֽא־אֶהְיֶ֥ה לָכֶֽם׃ ס wayoʾmer qeraʾ shemow loʾ ʿamiy kiy ʾatem loʾ ʿamiy weʾanokhiy loʾ־ʾeheyeh lakhem׃ s