Ésaïe 43

¹ וְעַתָּ֞ה כֹּֽה־אָמַ֤ר יְהוָה֙ בֹּרַאֲךָ֣ יַעֲקֹ֔ב וְיֹצֶרְךָ֖ יִשְׂרָאֵ֑ל אַל־תִּירָא֙ כִּ֣י גְאַלְתִּ֔יךָ קָרָ֥אתִי בְשִׁמְךָ֖ לִי־אָֽתָּה׃ weʿatah koh־ʾamar yehwah boraʾakha yaʿaqov weyotserekha yiseraʾel ʾal־tiyraʾ kiy geʾaletiykha qaraʾtiy veshimekha liy־ʾatah׃

² כִּֽי־תַעֲבֹ֤ר בַּמַּ֙יִם֙ אִתְּךָ־אָ֔נִי וּבַנְּהָרֹ֖ות לֹ֣א יִשְׁטְפ֑וּךָ כִּֽי־תֵלֵ֤ךְ בְּמֹו־אֵשׁ֙ לֹ֣א תִכָּוֶ֔ה וְלֶהָבָ֖ה לֹ֥א תִבְעַר־בָּֽךְ׃ kiy־taʿavor bamayim ʾitekha־ʾaniy uvaneharowt loʾ yisheṭefukha kiy־telekhe bemow־ʾesh loʾ tikaweh welehavah loʾ tiveʿar־bakhe׃

³ כִּ֗י אֲנִי֙ יְהוָ֣ה אֱלֹהֶ֔יךָ קְדֹ֥ושׁ יִשְׂרָאֵ֖ל מֹושִׁיעֶ֑ךָ נָתַ֤תִּי כָפְרְךָ֙ מִצְרַ֔יִם כּ֥וּשׁ וּסְבָ֖א תַּחְתֶּֽיךָ׃ kiy ʾaniy yehwah ʾeloheykha qedowsh yiseraʾel mowshiyʿekha natatiy khaferekha mitserayim kush usevaʾ taḥeteykha׃

⁴ מֵאֲשֶׁ֨ר יָקַ֧רְתָּ בְעֵינַ֛י נִכְבַּ֖דְתָּ וַאֲנִ֣י אֲהַבְתִּ֑יךָ וְאֶתֵּ֤ן אָדָם֙ תַּחְתֶּ֔יךָ וּלְאֻמִּ֖ים תַּ֥חַת נַפְשֶֽׁךָ׃ meʾasher yaqareta veʿeynay nikhebadeta waʾaniy ʾahavetiykha weʾeten ʾadam taḥeteykha uleʾumiym taḥat nafeshekha׃

⁵ אַל־תִּירָ֖א כִּ֣י אִתְּךָ־אָ֑נִי מִמִּזְרָח֙ אָבִ֣יא זַרְעֶ֔ךָ וּמִֽמַּעֲרָ֖ב אֲקַבְּצֶֽךָּ׃ ʾal־tiyraʾ kiy ʾitekha־ʾaniy mimizeraḥ ʾaviyʾ zareʿekha umimaʿarav ʾaqabetseka׃

⁶ אֹמַ֤ר לַצָּפֹון֙ תֵּ֔נִי וּלְתֵימָ֖ן אַל־תִּכְלָ֑אִי הָבִ֤יאִי בָנַי֙ מֵרָחֹ֔וק וּבְנֹותַ֖י מִקְצֵ֥ה הָאָֽרֶץ׃ ʾomar latsafown teniy uleteyman ʾal־tikhelaʾiy haviyʾiy vanay meraḥowq uvenowtay miqetseh haʾarets׃

⁷ כֹּ֚ל הַנִּקְרָ֣א בִשְׁמִ֔י וְלִכְבֹודִ֖י בְּרָאתִ֑יו יְצַרְתִּ֖יו אַף־עֲשִׂיתִֽיו׃ kol haniqeraʾ vishemiy welikhevowdiy beraʾtiyw yetsaretiyw ʾaf־ʿasiytiyw׃

⁸ הֹוצִ֥יא עַם־עִוֵּ֖ר וְעֵינַ֣יִם יֵ֑שׁ וְחֵרְשִׁ֖ים וְאָזְנַ֥יִם לָֽמֹו׃ howtsiyʾ ʿam־ʿiuer weʿeynayim yesh weḥereshiym weʾazenayim lamow׃

⁹ כָּֽל־הַגֹּויִ֞ם נִקְבְּצ֣וּ יַחְדָּ֗ו וְיֵאָֽסְפוּ֙ לְאֻמִּ֔ים מִ֤י בָהֶם֙ יַגִּ֣יד זֹ֔את וְרִֽאשֹׁנֹ֖ות יַשְׁמִיעֻ֑נוּ יִתְּנ֤וּ עֵֽדֵיהֶם֙ וְיִצְדָּ֔קוּ וְיִשְׁמְע֖וּ וְיֹאמְר֥וּ אֱמֶֽת׃ kal־hagowyim niqebetsu yaḥedaw weyeʾasefu leʾumiym miy vahem yagiyd zoʾt weriʾshonowt yashemiyʿunu yitenu ʿedeyhem weyitsedaqu weyishemeʿu weyoʾmeru ʾemet׃

¹⁰ אַתֶּ֤ם עֵדַי֙ נְאֻם־יְהוָ֔ה וְעַבְדִּ֖י אֲשֶׁ֣ר בָּחָ֑רְתִּי לְמַ֣עַן תֵּ֠דְעוּ וְתַאֲמִ֨ינוּ לִ֤י וְתָבִ֙ינוּ֙ כִּֽי־אֲנִ֣י ה֔וּא לְפָנַי֙ לֹא־נֹ֣וצַר אֵ֔ל וְאַחֲרַ֖י לֹ֥א יִהְיֶֽה׃ ס ʾatem ʿeday neʾum־yehwah weʿavediy ʾasher baḥaretiy lemaʿan tedeʿu wetaʾamiynu liy wetaviynu kiy־ʾaniy huʾ lefanay loʾ־nowtsar ʾel weʾaḥaray loʾ yiheyeh׃ s

¹¹ אָנֹכִ֥י אָנֹכִ֖י יְהוָ֑ה וְאֵ֥ין מִבַּלְעָדַ֖י מֹושִֽׁיעַ׃ ʾanokhiy ʾanokhiy yehwah weʾeyn mibaleʿaday mowshiyʿa׃

¹² אָנֹכִ֞י הִגַּ֤דְתִּי וְהֹושַׁ֙עְתִּי֙ וְהִשְׁמַ֔עְתִּי וְאֵ֥ין בָּכֶ֖ם זָ֑ר וְאַתֶּ֥ם עֵדַ֛י נְאֻם־יְהוָ֖ה וַֽאֲנִי־אֵֽל׃ ʾanokhiy higadetiy wehowshaʿetiy wehishemaʿetiy weʾeyn bakhem zar weʾatem ʿeday neʾum־yehwah waʾaniy־ʾel׃

¹³ גַּם־מִיֹּום֙ אֲנִ֣י ה֔וּא וְאֵ֥ין מִיָּדִ֖י מַצִּ֑יל אֶפְעַ֖ל וּמִ֥י יְשִׁיבֶֽנָּה׃ ס gam־miyowm ʾaniy huʾ weʾeyn miyadiy matsiyl ʾefeʿal umiy yeshiyvenah׃ s

¹⁴ כֹּֽה־אָמַ֧ר יְהוָ֛ה גֹּאַלְכֶ֖ם קְדֹ֣ושׁ יִשְׂרָאֵ֑ל לְמַעַנְכֶ֞ם שִׁלַּ֣חְתִּי בָבֶ֗לָה וְהֹורַדְתִּ֤י בָֽרִיחִים֙ כֻּלָּ֔ם וְכַשְׂדִּ֖ים בָּאֳנִיֹּ֥ות רִנָּתָֽם׃ koh־ʾamar yehwah goʾalekhem qedowsh yiseraʾel lemaʿanekhem shilaḥetiy vavelah wehowradetiy variyḥiym kulam wekhasediym baʾoniyowt rinatam׃

¹⁵ אֲנִ֥י יְהוָ֖ה קְדֹֽושְׁכֶ֑ם בֹּורֵ֥א יִשְׂרָאֵ֖ל מַלְכְּכֶֽם׃ ס ʾaniy yehwah qedowshekhem bowreʾ yiseraʾel malekekhem׃ s

¹⁶ כֹּ֚ה אָמַ֣ר יְהוָ֔ה הַנֹּותֵ֥ן בַּיָּ֖ם דָּ֑רֶךְ וּבְמַ֥יִם עַזִּ֖ים נְתִיבָֽה׃ koh ʾamar yehwah hanowten bayam darekhe uvemayim ʿaziym netiyvah׃

¹⁷ הַמֹּוצִ֥יא רֶֽכֶב־וָס֖וּס חַ֣יִל וְעִזּ֑וּז יַחְדָּ֤ו יִשְׁכְּבוּ֙ בַּל־יָק֔וּמוּ דָּעֲכ֖וּ כַּפִּשְׁתָּ֥ה כָבֽוּ׃ hamowtsiyʾ rekhev־wasus ḥayil weʿizuz yaḥedaw yishekevu bal־yaqumu daʿakhu kapishetah khavu׃

¹⁸ אַֽל־תִּזְכְּר֖וּ רִֽאשֹׁנֹ֑ות וְקַדְמֹנִיֹּ֖ות אַל־תִּתְבֹּנָֽנוּ׃ ʾal־tizekeru riʾshonowt weqademoniyowt ʾal־titebonanu׃

¹⁹ הִנְנִ֨י עֹשֶׂ֤ה חֲדָשָׁה֙ עַתָּ֣ה תִצְמָ֔ח הֲלֹ֖וא תֵֽדָע֑וּהָ אַ֣ף אָשִׂ֤ים בַּמִּדְבָּר֙ דֶּ֔רֶךְ בִּֽישִׁמֹ֖ון נְהָרֹֽות׃ hineniy ʿoseh ḥadashah ʿatah titsemaḥ halowʾ tedaʿuah ʾaf ʾasiym bamidebar derekhe biyshimown neharowt׃

²⁰ תְּכַבְּדֵ֙נִי֙ חַיַּ֣ת הַשָּׂדֶ֔ה תַּנִּ֖ים וּבְנֹ֣ות יַֽעֲנָ֑ה כִּֽי־נָתַ֨תִּי בַמִּדְבָּ֜ר מַ֗יִם נְהָרֹות֙ בִּֽישִׁימֹ֔ן לְהַשְׁקֹ֖ות עַמִּ֥י בְחִירִֽי׃ tekhabedeniy ḥayat hasadeh taniym uvenowt yaʿanah kiy־natatiy vamidebar mayim neharowt biyshiymon lehasheqowt ʿamiy veḥiyriy׃

²¹ עַם־זוּ֙ יָצַ֣רְתִּי לִ֔י תְּהִלָּתִ֖י יְסַפֵּֽרוּ׃ ס ʿam־zu yatsaretiy liy tehilatiy yesaperu׃ s

²² וְלֹא־אֹתִ֥י קָרָ֖אתָ יַֽעֲקֹ֑ב כִּֽי־יָגַ֥עְתָּ בִּ֖י יִשְׂרָאֵֽל׃ weloʾ־ʾotiy qaraʾta yaʿaqov kiy־yagaʿeta biy yiseraʾel׃

²³ לֹֽא־הֵבֵ֤יאתָ לִּי֙ שֵׂ֣ה עֹלֹתֶ֔יךָ וּזְבָחֶ֖יךָ לֹ֣א כִבַּדְתָּ֑נִי לֹ֤א הֶעֱבַדְתִּ֙יךָ֙ בְּמִנְחָ֔ה וְלֹ֥א הֹוגַעְתִּ֖יךָ בִּלְבֹונָֽה׃ loʾ־heveyʾta liy seh ʿoloteykha uzevaḥeykha loʾ khibadetaniy loʾ heʿevadetiykha bemineḥah weloʾ howgaʿetiykha bilevownah׃

²⁴ לֹא־קָנִ֨יתָ לִּ֤י בַכֶּ֙סֶף֙ קָנֶ֔ה וְחֵ֥לֶב זְבָחֶ֖יךָ לֹ֣א הִרְוִיתָ֑נִי אַ֗ךְ הֶעֱבַדְתַּ֙נִי֙ בְּחַטֹּאותֶ֔יךָ הֹוגַעְתַּ֖נִי בַּעֲוֹנֹתֶֽיךָ׃ ס loʾ־qaniyta liy vakesef qaneh weḥelev zevaḥeykha loʾ hirewiytaniy ʾakhe heʿevadetaniy beḥaṭoʾwteykha howgaʿetaniy baʿaonoteykha׃ s

²⁵ אָנֹכִ֨י אָנֹכִ֥י ה֛וּא מֹחֶ֥ה פְשָׁעֶ֖יךָ לְמַעֲנִ֑י וְחַטֹּאתֶ֖יךָ לֹ֥א אֶזְכֹּֽר׃ ʾanokhiy ʾanokhiy huʾ moḥeh feshaʿeykha lemaʿaniy weḥaṭoʾteykha loʾ ʾezekor׃

²⁶ הַזְכִּירֵ֕נִי נִשָּׁפְטָ֖ה יָ֑חַד סַפֵּ֥ר אַתָּ֖ה לְמַ֥עַן תִּצְדָּֽק׃ hazekiyreniy nishafeṭah yaḥad saper ʾatah lemaʿan titsedaq׃

²⁷ אָבִ֥יךָ הָרִאשֹׁ֖ון חָטָ֑א וּמְלִיצֶ֖יךָ פָּ֥שְׁעוּ בִֽי׃ ʾaviykha hariʾshown ḥaṭaʾ umeliytseykha pasheʿu viy׃

²⁸ וַאֲחַלֵּ֖ל שָׂ֣רֵי קֹ֑דֶשׁ וְאֶתְּנָ֤ה לַחֵ֙רֶם֙ יַעֲקֹ֔ב וְיִשְׂרָאֵ֖ל לְגִדּוּפִֽים׃ ס waʾaḥalel sarey qodesh weʾetenah laḥerem yaʿaqov weyiseraʾel legidufiym׃ s