Osée 9

¹ אַל־תִּשְׂמַ֨ח יִשְׂרָאֵ֤ל ׀ אֶל־גִּיל֙ כָּֽעַמִּ֔ים כִּ֥י זָנִ֖יתָ מֵעַ֣ל אֱלֹהֶ֑יךָ אָהַ֣בְתָּ אֶתְנָ֔ן עַ֖ל כָּל־גָּרְנֹ֥ות דָּגָֽן׃ ʾal־tisemaḥ yiseraʾel ׀ ʾel־giyl kaʿamiym kiy zaniyta meʿal ʾeloheykha ʾahaveta ʾetenan ʿal kal־garenowt dagan׃

² גֹּ֥רֶן וָיֶ֖קֶב לֹ֣א יִרְעֵ֑ם וְתִירֹ֖ושׁ יְכַ֥חֶשׁ בָּֽהּ׃ goren wayeqev loʾ yireʿem wetiyrowsh yekhaḥesh bah׃

³ לֹ֥א יֵשְׁב֖וּ בְּאֶ֣רֶץ יְהוָ֑ה וְשָׁ֤ב אֶפְרַ֙יִם֙ מִצְרַ֔יִם וּבְאַשּׁ֖וּר טָמֵ֥א יֹאכֵֽלוּ׃ loʾ yeshevu beʾerets yehwah weshav ʾeferayim mitserayim uveʾashur ṭameʾ yoʾkhelu׃

⁴ לֹא־יִסְּכ֨וּ לַיהוָ֥ה ׀ יַיִן֮ וְלֹ֣א יֶֽעֶרְבוּ־לֹו֒ זִבְחֵיהֶ֗ם כְּלֶ֤חֶם אֹונִים֙ לָהֶ֔ם כָּל־אֹכְלָ֖יו יִטַמָּ֑אוּ כִּֽי־לַחְמָ֣ם לְנַפְשָׁ֔ם לֹ֥א יָבֹ֖וא בֵּ֥ית יְהוָֽה ׃ loʾ־yisekhu layhwah ׀ yayin weloʾ yeʿerevu־low ziveḥeyhem keleḥem ʾowniym lahem kal־ʾokhelayw yiṭamaʾu kiy־laḥemam lenafesham loʾ yavowʾ beyt yehwah ׃

⁵ מַֽה־תַּעֲשׂ֖וּ לְיֹ֣ום מֹועֵ֑ד וּלְיֹ֖ום חַג־יְהוָֽה׃ mah־taʿasu leyowm mowʿed uleyowm ḥag־yehwah׃

⁶ כִּֽי־הִנֵּ֤ה הָֽלְכוּ֙ מִשֹּׁ֔ד מִצְרַ֥יִם תְּקַבְּצֵ֖ם מֹ֣ף תְּקַבְּרֵ֑ם מַחְמַ֣ד לְכַסְפָּ֗ם קִמֹּושׂ֙ יִֽירָשֵׁ֔ם חֹ֖וחַ בְּאָהֳלֵיהֶֽם׃ kiy־hineh halekhu mishod mitserayim teqabetsem mof teqaberem maḥemad lekhasepam qimows yiyrashem ḥowḥa beʾaholeyhem׃

⁷ בָּ֣אוּ ׀ יְמֵ֣י הַפְּקֻדָּ֗ה בָּ֚אוּ יְמֵ֣י הַשִׁלֻּ֔ם יֵדְע֖וּ יִשְׂרָאֵ֑ל אֱוִ֣יל הַנָּבִ֗יא מְשֻׁגָּע֙ אִ֣ישׁ הָר֔וּחַ עַ֚ל רֹ֣ב עֲוֹנְךָ֔ וְרַבָּ֖ה מַשְׂטֵמָֽה׃ baʾu ׀ yemey hapequdah baʾu yemey hashilum yedeʿu yiseraʾel ʾewiyl hanaviyʾ meshugaʿ ʾiysh haruaḥ ʿal rov ʿaonekha werabah maseṭemah׃

⁸ צֹפֶ֥ה אֶפְרַ֖יִם עִם־אֱלֹהָ֑י נָבִ֞יא פַּ֤ח יָקֹושׁ֙ עַל־כָּל־דְּרָכָ֔יו מַשְׂטֵמָ֖ה בְּבֵ֥ית אֱלֹהָֽיו׃ tsofeh ʾeferayim ʿim־ʾelohay naviyʾ paḥ yaqowsh ʿal־kal־derakhayw maseṭemah beveyt ʾelohayw׃

⁹ הֶעְמִֽיקוּ־שִׁחֵ֖תוּ כִּימֵ֣י הַגִּבְעָ֑ה יִזְכֹּ֣ור עֲוֹנָ֔ם יִפְקֹ֖וד חַטֹּאותָֽם׃ ס heʿemiyqu־shiḥetu kiymey hagiveʿah yizekowr ʿaonam yifeqowd ḥaṭoʾwtam׃ s

¹⁰ כַּעֲנָבִ֣ים בַּמִּדְבָּ֗ר מָצָ֙אתִי֙ יִשְׂרָאֵ֔ל כְּבִכּוּרָ֤ה בִתְאֵנָה֙ בְּרֵ֣אשִׁיתָ֔הּ רָאִ֖יתִי אֲבֹֽותֵיכֶ֑ם הֵ֜מָּה בָּ֣אוּ בַֽעַל־פְּעֹ֗ור וַיִּנָּֽזְרוּ֙ לַבֹּ֔שֶׁת וַיִּהְי֥וּ שִׁקּוּצִ֖ים כְּאָהֳבָֽם׃ kaʿanaviym bamidebar matsaʾtiy yiseraʾel kevikurah viteʾenah bereʾshiytah raʾiytiy ʾavowteykhem hemah baʾu vaʿal־peʿowr wayinazeru laboshet wayiheyu shiqutsiym keʾahovam׃

¹¹ אֶפְרַ֕יִם כָּעֹ֖וף יִתְעֹופֵ֣ף כְּבֹודָ֑ם מִלֵּדָ֥ה וּמִבֶּ֖טֶן וּמֵהֵרָיֹֽון׃ ʾeferayim kaʿowf yiteʿowfef kevowdam miledah umibeṭen umeherayown׃

¹² כִּ֤י אִם־יְגַדְּלוּ֙ אֶת־בְּנֵיהֶ֔ם וְשִׁכַּלְתִּ֖ים מֵֽאָדָ֑ם כִּֽי־גַם־אֹ֥וי לָהֶ֖ם בְּשׂוּרִ֥י מֵהֶֽם׃ kiy ʾim־yegadelu ʾet־beneyhem weshikaletiym meʾadam kiy־gam־ʾowy lahem besuriy mehem׃

¹³ אֶפְרַ֛יִם כַּאֲשֶׁר־רָאִ֥יתִי לְצֹ֖ור שְׁתוּלָ֣ה בְנָוֶ֑ה וְאֶפְרַ֕יִם לְהֹוצִ֥יא אֶל־הֹרֵ֖ג בָּנָֽיו׃ ʾeferayim kaʾasher־raʾiytiy letsowr shetulah venaweh weʾeferayim lehowtsiyʾ ʾel־horeg banayw׃

¹⁴ תֵּן־לָהֶ֥ם יְהוָ֖ה מַה־תִּתֵּ֑ן תֵּן־לָהֶם֙ רֶ֣חֶם מַשְׁכִּ֔יל וְשָׁדַ֖יִם צֹמְקִֽים׃ ten־lahem yehwah mah־titen ten־lahem reḥem mashekiyl weshadayim tsomeqiym׃

¹⁵ כָּל־רָעָתָ֤ם בַּגִּלְגָּל֙ כִּֽי־שָׁ֣ם שְׂנֵאתִ֔ים עַ֚ל רֹ֣עַ מַֽעַלְלֵיהֶ֔ם מִבֵּיתִ֖י אֲגָרְשֵׁ֑ם לֹ֤א אֹוסֵף֙ אַהֲבָתָ֔ם כָּל־שָׂרֵיהֶ֖ם סֹרְרִֽים׃ kal־raʿatam bagilegal kiy־sham seneʾtiym ʿal roaʿ maʿaleleyhem mibeytiy ʾagareshem loʾ ʾowsef ʾahavatam kal־sareyhem soreriym׃

¹⁶ הֻכָּ֣ה אֶפְרַ֔יִם שָׁרְשָׁ֥ם יָבֵ֖שׁ פְּרִ֣י [בְלִי־ כ] (בַֽל־יַעֲשׂ֑וּן ק) גַּ֚ם כִּ֣י יֵֽלֵד֔וּן וְהֵמַתִּ֖י מַחֲמַדֵּ֥י בִטְנָֽם׃ ס hukah ʾeferayim sharesham yavesh periy [veliy־ kh] (val־yaʿasun q) gam kiy yeledun wehematiy maḥamadey viṭenam׃ s

¹⁷ יִמְאָסֵ֣ם אֱלֹהַ֔י כִּ֛י לֹ֥א שָׁמְע֖וּ לֹ֑ו וְיִהְי֥וּ נֹדְדִ֖ים בַּגֹּויִֽם׃ ס yimeʾasem ʾelohay kiy loʾ shameʿu low weyiheyu nodediym bagowyim׃ s