Exode 10

¹ וַיֹּ֤אמֶר יְהוָה֙ אֶל־מֹשֶׁ֔ה בֹּ֖א אֶל־פַּרְעֹ֑ה כִּֽי־אֲנִ֞י הִכְבַּ֤דְתִּי אֶת־לִבֹּו֙ וְאֶת־לֵ֣ב עֲבָדָ֔יו לְמַ֗עַן שִׁתִ֛י אֹתֹתַ֥י אֵ֖לֶּה בְּקִרְבֹּו׃ wayoʾmer yehwah ʾel־mosheh boʾ ʾel־pareʿoh kiy־ʾaniy hikhebadetiy ʾet־libow weʾet־lev ʿavadayw lemaʿan shitiy ʾototay ʾeleh beqirebow׃

² וּלְמַ֡עַן תְּסַפֵּר֩ בְּאָזְנֵ֨י בִנְךָ֜ וּבֶן־בִּנְךָ֗ אֵ֣ת אֲשֶׁ֤ר הִתְעַלַּ֙לְתִּי֙ בְּמִצְרַ֔יִם וְאֶת־אֹתֹתַ֖י אֲשֶׁר־שַׂ֣מְתִּי בָ֑ם וִֽידַעְתֶּ֖ם כִּי־אֲנִ֥י יְהוָֽה׃ ulemaʿan tesaper beʾazeney vinekha uven־binekha ʾet ʾasher hiteʿalaletiy bemitserayim weʾet־ʾototay ʾasher־sametiy vam wiydaʿetem kiy־ʾaniy yehwah׃

³ וַיָּבֹ֨א מֹשֶׁ֣ה וְאַהֲרֹן֮ אֶל־פַּרְעֹה֒ וַיֹּאמְר֣וּ אֵלָ֗יו כֹּֽה־אָמַ֤ר יְהוָה֙ אֱלֹהֵ֣י הָֽעִבְרִ֔ים עַד־מָתַ֣י מֵאַ֔נְתָּ לֵעָנֹ֖ת מִפָּנָ֑י שַׁלַּ֥ח עַמִּ֖י וְיַֽעַבְדֻֽנִי׃ wayavoʾ mosheh weʾaharon ʾel־pareʿoh wayoʾmeru ʾelayw koh־ʾamar yehwah ʾelohey haʿiveriym ʿad־matay meʾaneta leʿanot mipanay shalaḥ ʿamiy weyaʿaveduniy׃

⁴ כִּ֛י אִם־מָאֵ֥ן אַתָּ֖ה לְשַׁלֵּ֣חַ אֶת־עַמִּ֑י הִנְנִ֨י מֵבִ֥יא מָחָ֛ר אַרְבֶּ֖ה בִּגְבֻלֶֽךָ׃ kiy ʾim־maʾen ʾatah leshaleaḥ ʾet־ʿamiy hineniy meviyʾ maḥar ʾarebeh bigevulekha׃

⁵ וְכִסָּה֙ אֶת־עֵ֣ין הָאָ֔רֶץ וְלֹ֥א יוּכַ֖ל לִרְאֹ֣ת אֶת־הָאָ֑רֶץ וְאָכַ֣ל ׀ אֶת־יֶ֣תֶר הַפְּלֵטָ֗ה הַנִּשְׁאֶ֤רֶת לָכֶם֙ מִן־הַבָּרָ֔ד וְאָכַל֙ אֶת־כָּל־הָעֵ֔ץ הַצֹּמֵ֥חַ לָכֶ֖ם מִן־הַשָּׂדֶֽה׃ wekhisah ʾet־ʿeyn haʾarets weloʾ yukhal lireʾot ʾet־haʾarets weʾakhal ׀ ʾet־yeter hapeleṭah hanisheʾeret lakhem min־habarad weʾakhal ʾet־kal־haʿets hatsomeaḥ lakhem min־hasadeh׃

⁶ וּמָלְא֨וּ בָתֶּ֜יךָ וּבָתֵּ֣י כָל־עֲבָדֶיךָ֮ וּבָתֵּ֣י כָל־מִצְרַיִם֒ אֲשֶׁ֨ר לֹֽא־רָא֤וּ אֲבֹתֶ֙יךָ֙ וַאֲבֹו֣ת אֲבֹתֶ֔יךָ מִיֹּ֗ום הֱיֹותָם֙ עַל־הָ֣אֲדָמָ֔ה עַ֖ד הַיֹּ֣ום הַזֶּ֑ה וַיִּ֥פֶן וַיֵּצֵ֖א מֵעִ֥ם פַּרְעֹֽה׃ umaleʾu vateykha uvatey khal־ʿavadeykha uvatey khal־mitserayim ʾasher loʾ־raʾu ʾavoteykha waʾavowt ʾavoteykha miyowm heyowtam ʿal־haʾadamah ʿad hayowm hazeh wayifen wayetseʾ meʿim pareʿoh׃

⁷ וַיֹּאמְרוּ֩ עַבְדֵ֨י פַרְעֹ֜ה אֵלָ֗יו עַד־מָתַי֙ יִהְיֶ֨ה זֶ֥ה לָ֙נוּ֙ לְמֹוקֵ֔שׁ שַׁלַּח֙ אֶת־הָ֣אֲנָשִׁ֔ים וְיַֽעַבְד֖וּ אֶת־יְהוָ֣ה אֱלֹהֵיהֶ֑ם הֲטֶ֣רֶם תֵּדַ֔ע כִּ֥י אָבְדָ֖ה מִצְרָֽיִם׃ wayoʾmeru ʿavedey fareʿoh ʾelayw ʿad־matay yiheyeh zeh lanu lemowqesh shalaḥ ʾet־haʾanashiym weyaʿavedu ʾet־yehwah ʾeloheyhem haṭerem tedaʿ kiy ʾavedah mitserayim׃

⁸ וַיּוּשַׁ֞ב אֶת־מֹשֶׁ֤ה וְאֶֽת־אַהֲרֹן֙ אֶל־פַּרְעֹ֔ה וַיֹּ֣אמֶר אֲלֵהֶ֔ם לְכ֥וּ עִבְד֖וּ אֶת־יְהוָ֣ה אֱלֹהֵיכֶ֑ם מִ֥י וָמִ֖י הַהֹלְכִֽים׃ wayushav ʾet־mosheh weʾet־ʾaharon ʾel־pareʿoh wayoʾmer ʾalehem lekhu ʿivedu ʾet־yehwah ʾeloheykhem miy wamiy haholekhiym׃

⁹ וַיֹּ֣אמֶר מֹשֶׁ֔ה בִּנְעָרֵ֥ינוּ וּבִזְקֵנֵ֖ינוּ נֵלֵ֑ךְ בְּבָנֵ֨ינוּ וּבִבְנֹותֵ֜נוּ בְּצֹאנֵ֤נוּ וּבִבְקָרֵ֙נוּ֙ נֵלֵ֔ךְ כִּ֥י חַג־יְהוָ֖ה לָֽנוּ׃ wayoʾmer mosheh bineʿareynu uvizeqeneynu nelekhe bevaneynu uvivenowtenu betsoʾnenu uviveqarenu nelekhe kiy ḥag־yehwah lanu׃

¹⁰ וַיֹּ֣אמֶר אֲלֵהֶ֗ם יְהִ֨י כֵ֤ן יְהוָה֙ עִמָּכֶ֔ם כַּאֲשֶׁ֛ר אֲשַׁלַּ֥ח אֶתְכֶ֖ם וְאֶֽת־טַפְּכֶ֑ם רְא֕וּ כִּ֥י רָעָ֖ה נֶ֥גֶד פְּנֵיכֶֽם׃ wayoʾmer ʾalehem yehiy khen yehwah ʿimakhem kaʾasher ʾashalaḥ ʾetekhem weʾet־ṭapekhem reʾu kiy raʿah neged peneykhem׃

¹¹ לֹ֣א כֵ֗ן לְכֽוּ־נָ֤א הַגְּבָרִים֙ וְעִבְד֣וּ אֶת־יְהוָ֔ה כִּ֥י אֹתָ֖הּ אַתֶּ֣ם מְבַקְשִׁ֑ים וַיְגָ֣רֶשׁ אֹתָ֔ם מֵאֵ֖ת פְּנֵ֥י פַרְעֹֽה׃ פ loʾ khen lekhu־naʾ hagevariym weʿivedu ʾet־yehwah kiy ʾotah ʾatem mevaqeshiym wayegaresh ʾotam meʾet peney fareʿoh׃ f

¹² וַיֹּ֨אמֶר יְהוָ֜ה אֶל־מֹשֶׁ֗ה נְטֵ֨ה יָדְךָ֜ עַל־אֶ֤רֶץ מִצְרַ֙יִם֙ בָּֽאַרְבֶּ֔ה וְיַ֖עַל עַל־אֶ֣רֶץ מִצְרָ֑יִם וְיֹאכַל֙ אֶת־כָּל־עֵ֣שֶׂב הָאָ֔רֶץ אֵ֛ת כָּל־אֲשֶׁ֥ר הִשְׁאִ֖יר הַבָּרָֽד׃ wayoʾmer yehwah ʾel־mosheh neṭeh yadekha ʿal־ʾerets mitserayim baʾarebeh weyaʿal ʿal־ʾerets mitserayim weyoʾkhal ʾet־kal־ʿesev haʾarets ʾet kal־ʾasher hisheʾiyr habarad׃

¹³ וַיֵּ֨ט מֹשֶׁ֣ה אֶת־מַטֵּהוּ֮ עַל־אֶ֣רֶץ מִצְרַיִם֒ וַֽיהוָ֗ה נִהַ֤ג ר֥וּחַ קָדִים֙ בָּאָ֔רֶץ כָּל־הַיֹּ֥ום הַה֖וּא וְכָל־הַלָּ֑יְלָה הַבֹּ֣קֶר הָיָ֔ה וְר֙וּחַ֙ הַקָּדִ֔ים נָשָׂ֖א אֶת־הָאַרְבֶּֽה׃ wayeṭ mosheh ʾet־maṭehu ʿal־ʾerets mitserayim wayhwah nihag ruaḥ qadiym baʾarets kal־hayowm hahuʾ wekhal־halayelah haboqer hayah weruaḥ haqadiym nasaʾ ʾet־haʾarebeh׃

¹⁴ וַיַּ֣עַל הָֽאַרְבֶּ֗ה עַ֚ל כָּל־אֶ֣רֶץ מִצְרַ֔יִם וַיָּ֕נַח בְּכֹ֖ל גְּב֣וּל מִצְרָ֑יִם כָּבֵ֣ד מְאֹ֔ד לְ֠פָנָיו לֹא־הָ֨יָה כֵ֤ן אַרְבֶּה֙ כָּמֹ֔הוּ וְאַחֲרָ֖יו לֹ֥א יִֽהְיֶה־כֵּֽן׃ wayaʿal haʾarebeh ʿal kal־ʾerets mitserayim wayanaḥ bekhol gevul mitserayim kaved meʾod lefanayw loʾ־hayah khen ʾarebeh kamohu weʾaḥarayw loʾ yiheyeh־ken׃

¹⁵ וַיְכַ֞ס אֶת־עֵ֣ין כָּל־הָאָרֶץ֮ וַתֶּחְשַׁ֣ךְ הָאָרֶץ֒ וַיֹּ֜אכַל אֶת־כָּל־עֵ֣שֶׂב הָאָ֗רֶץ וְאֵת֙ כָּל־פְּרִ֣י הָעֵ֔ץ אֲשֶׁ֥ר הֹותִ֖יר הַבָּרָ֑ד וְלֹא־נֹותַ֨ר כָּל־יֶ֧רֶק בָּעֵ֛ץ וּבְעֵ֥שֶׂב הַשָּׂדֶ֖ה בְּכָל־אֶ֥רֶץ מִצְרָֽיִם׃ wayekhas ʾet־ʿeyn kal־haʾarets wateḥeshakhe haʾarets wayoʾkhal ʾet־kal־ʿesev haʾarets weʾet kal־periy haʿets ʾasher howtiyr habarad weloʾ־nowtar kal־yereq baʿets uveʿesev hasadeh bekhal־ʾerets mitserayim׃

¹⁶ וַיְמַהֵ֣ר פַּרְעֹ֔ה לִקְרֹ֖א לְמֹשֶׁ֣ה וּֽלְאַהֲרֹ֑ן וַיֹּ֗אמֶר חָטָ֛אתִי לַיהוָ֥ה אֱלֹֽהֵיכֶ֖ם וְלָכֶֽם׃ wayemaher pareʿoh liqeroʾ lemosheh uleʾaharon wayoʾmer ḥaṭaʾtiy layhwah ʾeloheykhem welakhem׃

¹⁷ וְעַתָּ֗ה שָׂ֣א נָ֤א חַטָּאתִי֙ אַ֣ךְ הַפַּ֔עַם וְהַעְתִּ֖ירוּ לַיהוָ֣ה אֱלֹהֵיכֶ֑ם וְיָסֵר֙ מֵֽעָלַ֔י רַ֖ק אֶת־הַמָּ֥וֶת הַזֶּֽה׃ weʿatah saʾ naʾ ḥaṭaʾtiy ʾakhe hapaʿam wehaʿetiyru layhwah ʾeloheykhem weyaser meʿalay raq ʾet־hamawet hazeh׃

¹⁸ וַיֵּצֵ֖א מֵעִ֣ם פַּרְעֹ֑ה וַיֶּעְתַּ֖ר אֶל־יְהוָֽה׃ wayetseʾ meʿim pareʿoh wayeʿetar ʾel־yehwah׃

¹⁹ וַיַּהֲפֹ֨ךְ יְהוָ֤ה רֽוּחַ־יָם֙ חָזָ֣ק מְאֹ֔ד וַיִּשָּׂא֙ אֶת־הָ֣אַרְבֶּ֔ה וַיִּתְקָעֵ֖הוּ יָ֣מָּה סּ֑וּף לֹ֤א נִשְׁאַר֙ אַרְבֶּ֣ה אֶחָ֔ד בְּכֹ֖ל גְּב֥וּל מִצְרָֽיִם׃ wayahafokhe yehwah ruaḥ־yam ḥazaq meʾod wayisaʾ ʾet־haʾarebeh wayiteqaʿehu yamah suf loʾ nisheʾar ʾarebeh ʾeḥad bekhol gevul mitserayim׃

²⁰ וַיְחַזֵּ֥ק יְהוָ֖ה אֶת־לֵ֣ב פַּרְעֹ֑ה וְלֹ֥א שִׁלַּ֖ח אֶת־בְּנֵ֥י יִשְׂרָאֵֽל׃ פ wayeḥazeq yehwah ʾet־lev pareʿoh weloʾ shilaḥ ʾet־beney yiseraʾel׃ f

²¹ וַיֹּ֨אמֶר יְהוָ֜ה אֶל־מֹשֶׁ֗ה נְטֵ֤ה יָֽדְךָ֙ עַל־הַשָּׁמַ֔יִם וִ֥יהִי חֹ֖שֶׁךְ עַל־אֶ֣רֶץ מִצְרָ֑יִם וְיָמֵ֖שׁ חֹֽשֶׁךְ׃ wayoʾmer yehwah ʾel־mosheh neṭeh yadekha ʿal־hashamayim wiyhiy ḥoshekhe ʿal־ʾerets mitserayim weyamesh ḥoshekhe׃

²² וַיֵּ֥ט מֹשֶׁ֛ה אֶת־יָדֹ֖ו עַל־הַשָּׁמָ֑יִם וַיְהִ֧י חֹֽשֶׁךְ־אֲפֵלָ֛ה בְּכָל־אֶ֥רֶץ מִצְרַ֖יִם שְׁלֹ֥שֶׁת יָמִֽים׃ wayeṭ mosheh ʾet־yadow ʿal־hashamayim wayehiy ḥoshekhe־ʾafelah bekhal־ʾerets mitserayim sheloshet yamiym׃

²³ לֹֽא־רָא֞וּ אִ֣ישׁ אֶת־אָחִ֗יו וְלֹא־קָ֛מוּ אִ֥ישׁ מִתַּחְתָּ֖יו שְׁלֹ֣שֶׁת יָמִ֑ים וּֽלְכָל־בְּנֵ֧י יִשְׂרָאֵ֛ל הָ֥יָה אֹ֖ור בְּמֹושְׁבֹתָֽם׃ loʾ־raʾu ʾiysh ʾet־ʾaḥiyw weloʾ־qamu ʾiysh mitaḥetayw sheloshet yamiym ulekhal־beney yiseraʾel hayah ʾowr bemowshevotam׃

²⁴ וַיִּקְרָ֨א פַרְעֹ֜ה אֶל־מֹשֶׁ֗ה וַיֹּ֙אמֶר֙ לְכוּ֙ עִבְד֣וּ אֶת־יְהוָ֔ה רַ֛ק צֹאנְכֶ֥ם וּבְקַרְכֶ֖ם יֻצָּ֑ג גַּֽם־טַפְּכֶ֖ם יֵלֵ֥ךְ עִמָּכֶֽם׃ wayiqeraʾ fareʿoh ʾel־mosheh wayoʾmer lekhu ʿivedu ʾet־yehwah raq tsoʾnekhem uveqarekhem yutsag gam־ṭapekhem yelekhe ʿimakhem׃

²⁵ וַיֹּ֣אמֶר מֹשֶׁ֔ה גַּם־אַתָּ֛ה תִּתֵּ֥ן בְּיָדֵ֖נוּ זְבָחִ֣ים וְעֹלֹ֑ות וְעָשִׂ֖ינוּ לַיהוָ֥ה אֱלֹהֵֽינוּ׃ wayoʾmer mosheh gam־ʾatah titen beyadenu zevaḥiym weʿolowt weʿasiynu layhwah ʾeloheynu׃

²⁶ וְגַם־מִקְנֵ֜נוּ יֵלֵ֣ךְ עִמָּ֗נוּ לֹ֤א תִשָּׁאֵר֙ פַּרְסָ֔ה כִּ֚י מִמֶּ֣נּוּ נִקַּ֔ח לַעֲבֹ֖ד אֶת־יְהוָ֣ה אֱלֹהֵ֑ינוּ וַאֲנַ֣חְנוּ לֹֽא־נֵדַ֗ע מַֽה־נַּעֲבֹד֙ אֶת־יְהוָ֔ה עַד־בֹּאֵ֖נוּ שָֽׁמָּה׃ wegam־miqenenu yelekhe ʿimanu loʾ tishaʾer paresah kiy mimenu niqaḥ laʿavod ʾet־yehwah ʾeloheynu waʾanaḥenu loʾ־nedaʿ mah־naʿavod ʾet־yehwah ʿad־boʾenu shamah׃

²⁷ וַיְחַזֵּ֥ק יְהוָ֖ה אֶת־לֵ֣ב פַּרְעֹ֑ה וְלֹ֥א אָבָ֖ה לְשַׁלְּחָֽם׃ wayeḥazeq yehwah ʾet־lev pareʿoh weloʾ ʾavah leshaleḥam׃

²⁸ וַיֹּֽאמֶר־לֹ֥ו פַרְעֹ֖ה לֵ֣ךְ מֵעָלָ֑י הִשָּׁ֣מֶר לְךָ֗ אֶל־תֹּ֙סֶף֙ רְאֹ֣ות פָּנַ֔י כִּ֗י בְּיֹ֛ום רְאֹתְךָ֥ פָנַ֖י תָּמֽוּת׃ wayoʾmer־low fareʿoh lekhe meʿalay hishamer lekha ʾel־tosef reʾowt panay kiy beyowm reʾotekha fanay tamut׃

²⁹ וַיֹּ֥אמֶר מֹשֶׁ֖ה כֵּ֣ן דִּבַּ֑רְתָּ לֹא־אֹסִ֥ף עֹ֖וד רְאֹ֥ות פָּנֶֽיךָ׃ פ wayoʾmer mosheh ken dibareta loʾ־ʾosif ʿowd reʾowt paneykha׃ f