Daniel 5

¹ בֵּלְשַׁאצַּ֣ר מַלְכָּ֗א עֲבַד֙ לְחֶ֣ם רַ֔ב לְרַבְרְבָנֹ֖והִי אֲלַ֑ף וְלָקֳבֵ֥ל אַלְפָּ֖א חַמְרָ֥א שָׁתֵֽה׃ beleshaʾtsar malekaʾ ʿavad leḥem rav leraverevanowhiy ʾalaf welaqovel ʾalepaʾ ḥameraʾ shateh׃

² בֵּלְשַׁאצַּ֞ר אֲמַ֣ר ׀ בִּטְעֵ֣ם חַמְרָ֗א לְהַיְתָיָה֙ לְמָאנֵי֙ דַּהֲבָ֣א וְכַסְפָּ֔א דִּ֤י הַנְפֵּק֙ נְבוּכַדְנֶצַּ֣ר אֲב֔וּהִי מִן־הֵיכְלָ֖א דִּ֣י בִירוּשְׁלֶ֑ם וְיִשְׁתֹּ֣ון בְּהֹ֗ון מַלְכָּא֙ וְרַבְרְבָנֹ֔והִי שֵׁגְלָתֵ֖הּ וּלְחֵנָתֵֽהּ׃ beleshaʾtsar ʾamar ׀ biṭeʿem ḥameraʾ lehayetayah lemaʾney dahavaʾ wekhasepaʾ diy hanepeq nevukhadenetsar ʾavuhiy min־heykhelaʾ diy viyrushelem weyishetown behown malekaʾ weraverevanowhiy shegelateh uleḥenateh׃

³ בֵּאדַ֗יִן הַיְתִיו֙ מָאנֵ֣י דַהֲבָ֔א דִּ֣י הַנְפִּ֗קוּ מִן־הֵֽיכְלָ֛א דִּֽי־בֵ֥ית אֱלָהָ֖א דִּ֣י בִירֽוּשְׁלֶ֑ם וְאִשְׁתִּ֣יו בְּהֹ֗ון מַלְכָּא֙ וְרַבְרְבָנֹ֔והִי שֵׁגְלָתֵ֖הּ וּלְחֵנָתֵֽהּ׃ beʾdayin hayetiyw maʾney dahavaʾ diy hanepiqu min־heykhelaʾ diy־veyt ʾelahaʾ diy viyrushelem weʾishetiyw behown malekaʾ weraverevanowhiy shegelateh uleḥenateh׃

⁴ אִשְׁתִּ֖יו חַמְרָ֑א וְ֠שַׁבַּחוּ לֵֽאלָהֵ֞י דַּהֲבָ֧א וְכַסְפָּ֛א נְחָשָׁ֥א פַרְזְלָ֖א אָעָ֥א וְאַבְנָֽא׃ ʾishetiyw ḥameraʾ weshabaḥu leʾlahey dahavaʾ wekhasepaʾ neḥashaʾ farezelaʾ ʾaʿaʾ weʾavenaʾ׃

⁵ בַּהּ־שַׁעֲתָ֗ה [נְפַקוּ כ] (נְפַ֙קָה֙ ק) אֶצְבְּעָן֙ דִּ֣י יַד־אֱנָ֔שׁ וְכָֽתְבָן֙ לָקֳבֵ֣ל נֶבְרַשְׁתָּ֔א עַל־גִּירָ֕א דִּֽי־כְתַ֥ל הֵיכְלָ֖א דִּ֣י מַלְכָּ֑א וּמַלְכָּ֣א חָזֵ֔ה פַּ֥ס יְדָ֖ה דִּ֥י כָתְבָֽה׃ bah־shaʿatah [nefaqu kh] (nefaqah q) ʾetsebeʿan diy yad־ʾenash wekhatevan laqovel neverashetaʾ ʿal־giyraʾ diy־khetal heykhelaʾ diy malekaʾ umalekaʾ ḥazeh pas yedah diy khatevah׃

⁶ אֱדַ֤יִן מַלְכָּא֙ זִיוֹ֣הִי שְׁנֹ֔והִי וְרַעיֹנֹ֖הִי יְבַהֲלוּנֵּ֑הּ וְקִטְרֵ֤י חַרְצֵהּ֙ מִשְׁתָּרַ֔יִן וְאַ֨רְכֻבָּתֵ֔הּ דָּ֥א לְדָ֖א נָֽקְשָֽׁן׃ ʾedayin malekaʾ ziyohiy shenowhiy weraʿyonohiy yevahaluneh weqiṭerey ḥaretseh mishetarayin weʾarekhubateh daʾ ledaʾ naqeshan׃

⁷ קָרֵ֤א מַלְכָּא֙ בְּחַ֔יִל לְהֶֽעָלָה֙ לְאָ֣שְׁפַיָּ֔א [כַּשְׂדָּיֵא כ] (כַּשְׂדָּאֵ֖י ק) וְגָזְרַיָּ֑א עָנֵ֨ה מַלְכָּ֜א וְאָמַ֣ר ׀ לְחַכִּימֵ֣י בָבֶ֗ל דִּ֣י כָל־אֱ֠נָשׁ דִּֽי־יִקְרֵ֞ה כְּתָבָ֣ה דְנָ֗ה וּפִשְׁרֵהּ֙ יְחַוִּנַּ֔נִי אַרְגְּוָנָ֣א יִלְבַּ֗שׁ [וְהַמֹּונְכָא כ] (וְהַֽמְנִיכָ֤א ק) דִֽי־דַהֲבָא֙ עַֽל־צַוְּארֵ֔הּ וְתַלְתִּ֥י בְמַלְכוּתָ֖א יִשְׁלַֽט׃ ס qareʾ malekaʾ beḥayil leheʿalah leʾashefayaʾ [kasedayeʾ kh] (kasedaʾey q) wegazerayaʾ ʿaneh malekaʾ weʾamar ׀ leḥakiymey vavel diy khal־ʾenash diy־yiqereh ketavah denah ufishereh yeḥauinaniy ʾaregewanaʾ yilebash [wehamownekhaʾ kh] (wehameniykhaʾ q) diy־dahavaʾ ʿal־tsaueʾreh wetaletiy vemalekhutaʾ yishelaṭ׃ s

⁸ אֱדַ֙יִן֙ [עָלֲלִין כ] (עָֽלִּ֔ין ק) כֹּ֖ל חַכִּימֵ֣י מַלְכָּ֑א וְלָֽא־כָהֲלִ֤ין כְּתָבָא֙ לְמִקְרֵ֔א [וּפִשְׁרָא כ] (וּפִשְׁרֵ֖הּ ק) לְהֹודָעָ֥ה לְמַלְכָּֽא׃ ʾedayin [ʿalaliyn kh] (ʿaliyn q) kol ḥakiymey malekaʾ welaʾ־khahaliyn ketavaʾ lemiqereʾ [ufisheraʾ kh] (ufishereh q) lehowdaʿah lemalekaʾ׃

⁹ אֱ֠דַיִן מַלְכָּ֤א בֵלְשַׁאצַּר֙ שַׂגִּ֣יא מִתְבָּהַ֔ל וְזִיוֹ֖הִי שָׁנַ֣יִן עֲלֹ֑והִי וְרַבְרְבָנֹ֖והִי מִֽשְׁתַּבְּשִֽׁין׃ ʾedayin malekaʾ veleshaʾtsar sagiyʾ mitebahal weziyohiy shanayin ʿalowhiy weraverevanowhiy mishetabeshiyn׃

¹⁰ מַלְכְּתָ֕א לָקֳבֵ֨ל מִלֵּ֤י מַלְכָּא֙ וְרַבְרְבָנֹ֔והִי לְבֵ֥ית מִשְׁתְּיָ֖א [עַלֲלַת כ] (עַלַּ֑ת ק) עֲנָ֨ת מַלְכְּתָ֜א וַאֲמֶ֗רֶת מַלְכָּא֙ לְעָלְמִ֣ין חֱיִ֔י אַֽל־יְבַהֲלוּךְ֙ רַעְיֹונָ֔ךְ וְזִיוָ֖יךְ אַל־יִשְׁתַּנֹּֽו׃ maleketaʾ laqovel miley malekaʾ weraverevanowhiy leveyt misheteyaʾ [ʿalalat kh] (ʿalat q) ʿanat maleketaʾ waʾameret malekaʾ leʿalemiyn ḥeyiy ʾal־yevahalukhe raʿeyownakhe weziywaykhe ʾal־yishetanow׃

¹¹ אִיתַ֨י גְּבַ֜ר בְּמַלְכוּתָ֗ךְ דִּ֠י ר֣וּחַ אֱלָהִ֣ין קַדִּישִׁין֮ בֵּהּ֒ וּבְיֹומֵ֣י אֲב֗וּךְ נַהִיר֧וּ וְשָׂכְלְתָנ֛וּ וְחָכְמָ֥ה כְּחָכְמַת־אֱלָהִ֖ין הִשְׁתְּכַ֣חַת בֵּ֑הּ וּמַלְכָּ֤א נְבֻֽכַדְנֶצַּר֙ אֲב֔וּךְ רַ֧ב חַרְטֻמִּ֣ין אָֽשְׁפִ֗ין כַּשְׂדָּאִין֙ גָּזְרִ֔ין הֲקִימֵ֖הּ אֲב֥וּךְ מַלְכָּֽא׃ ʾiytay gevar bemalekhutakhe diy ruaḥ ʾelahiyn qadiyshiyn beh uveyowmey ʾavukhe nahiyru wesakheletanu weḥakhemah keḥakhemat־ʾelahiyn hishetekhaḥat beh umalekaʾ nevukhadenetsar ʾavukhe rav ḥareṭumiyn ʾashefiyn kasedaʾiyn gazeriyn haqiymeh ʾavukhe malekaʾ׃

¹² כָּל־קֳבֵ֡ל דִּ֣י ר֣וּחַ ׀ יַתִּירָ֡ה וּמַנְדַּ֡ע וְשָׂכְלְתָנ֡וּ מְפַשַּׁ֣ר חֶלְמִין֩ וַֽאַֽחֲוָיַ֨ת אֲחִידָ֜ן וּמְשָׁרֵ֣א קִטְרִ֗ין הִשְׁתְּכַ֤חַת בֵּהּ֙ בְּדָ֣נִיֵּ֔אל דִּֽי־מַלְכָּ֥א שָׂם־שְׁמֵ֖הּ בֵּלְטְשַׁאצַּ֑ר כְּעַ֛ן דָּנִיֵּ֥אל יִתְקְרֵ֖י וּפִשְׁרָ֥ה יְהַֽחֲוֵֽה׃ פ kal־qovel diy ruaḥ ׀ yatiyrah umanedaʿ wesakheletanu mefashar ḥelemiyn waʾaḥawayat ʾaḥiydan umeshareʾ qiṭeriyn hishetekhaḥat beh bedaniyeʾl diy־malekaʾ sam־shemeh beleṭeshaʾtsar keʿan daniyeʾl yiteqerey ufisherah yehaḥaweh׃ f

¹³ בֵּאדַ֙יִן֙ דָּֽנִיֵּ֔אל הֻעַ֖ל קֳדָ֣ם מַלְכָּ֑א עָנֵ֨ה מַלְכָּ֜א וְאָמַ֣ר לְדָנִיֵּ֗אל [אַנְתָּה כ] (אַנְתְּ־ה֤וּא ק) דָנִיֵּאל֙ דִּֽי־מִן־בְּנֵ֤י גָלוּתָא֙ דִּ֣י יְה֔וּד דִּ֥י הַיְתִ֛י מַלְכָּ֥א אַ֖בִי מִן־יְהֽוּד׃ beʾdayin daniyeʾl huʿal qodam malekaʾ ʿaneh malekaʾ weʾamar ledaniyeʾl [ʾanetah kh] (ʾanete־huʾ q) daniyeʾl diy־min־beney galutaʾ diy yehud diy hayetiy malekaʾ ʾaviy min־yehud׃

¹⁴ וְשִׁמְעֵ֣ת [עֲלַיִךְ כ] (עֲלָ֔ךְ ק) דִּ֛י ר֥וּחַ אֱלָהִ֖ין בָּ֑ךְ וְנַהִיר֧וּ וְשָׂכְלְתָנ֛וּ וְחָכְמָ֥ה יַתִּירָ֖ה הִשְׁתְּכַ֥חַת בָּֽךְ׃ weshimeʿet [ʿalayikhe kh] (ʿalakhe q) diy ruaḥ ʾelahiyn bakhe wenahiyru wesakheletanu weḥakhemah yatiyrah hishetekhaḥat bakhe׃

¹⁵ וּכְעַ֞ן הֻעַ֣לּוּ קָֽדָמַ֗י חַכִּֽימַיָּא֙ אָֽשְׁפַיָּ֔א דִּֽי־כְתָבָ֤ה דְנָה֙ יִקְרֹ֔ון וּפִשְׁרֵ֖הּ לְהֹודָעֻתַ֑נִי וְלָֽא־כָהֲלִ֥ין פְּשַֽׁר־מִלְּתָ֖א לְהַחֲוָיָֽה׃ ukheʿan huʿalu qadamay ḥakiymayaʾ ʾashefayaʾ diy־khetavah denah yiqerown ufishereh lehowdaʿutaniy welaʾ־khahaliyn peshar־miletaʾ lehaḥawayah׃

¹⁶ וַאֲנָה֙ שִׁמְעֵ֣ת [עֲלַיִךְ כ] (עֲלָ֔ךְ ק) דִּֽי־ [תוּכַל כ] (תִיכּ֥וּל ק) פִּשְׁרִ֛ין לְמִפְשַׁ֖ר וְקִטְרִ֣ין לְמִשְׁרֵ֑א כְּעַ֡ן הֵן֩ [תּוּכַל כ] (תִּכ֨וּל ק) כְּתָבָ֜א לְמִקְרֵ֗א וּפִשְׁרֵהּ֙ לְהֹודָ֣עֻתַ֔נִי אַרְגְּוָנָ֣א תִלְבַּ֗שׁ [וְהַמֹּונְכָא כ] (וְהַֽמְנִיכָ֤א ק) דִֽי־דַהֲבָא֙ עַֽל־צַוְּארָ֔ךְ וְתַלְתָּ֥א בְמַלְכוּתָ֖א תִּשְׁלַֽט׃ פ waʾanah shimeʿet [ʿalayikhe kh] (ʿalakhe q) diy־ [tukhal kh] (tiykul q) pisheriyn lemifeshar weqiṭeriyn lemishereʾ keʿan hen [tukhal kh] (tikhul q) ketavaʾ lemiqereʾ ufishereh lehowdaʿutaniy ʾaregewanaʾ tilebash [wehamownekhaʾ kh] (wehameniykhaʾ q) diy־dahavaʾ ʿal־tsaueʾrakhe wetaletaʾ vemalekhutaʾ tishelaṭ׃ f

¹⁷ בֵּאדַ֜יִן עָנֵ֣ה דָנִיֵּ֗אל וְאָמַר֙ קֳדָ֣ם מַלְכָּ֔א מַתְּנָתָךְ֙ לָ֣ךְ לֶֽהֶוְיָ֔ן וּנְבָ֥זְבְּיָתָ֖ךְ לְאָחֳרָ֣ן הַ֑ב בְּרַ֗ם כְּתָבָא֙ אֶקְרֵ֣א לְמַלְכָּ֔א וּפִשְׁרָ֖א אֲהֹודְעִנֵּֽהּ׃ beʾdayin ʿaneh daniyeʾl weʾamar qodam malekaʾ matenatakhe lakhe leheweyan unevazebeyatakhe leʾaḥoran hav beram ketavaʾ ʾeqereʾ lemalekaʾ ufisheraʾ ʾahowdeʿineh׃

¹⁸ [אַנְתָּה כ] (אַ֖נְתְּ ק) מַלְכָּ֑א אֱלָהָא֙ [עִלָּיָא כ] (עִלָּאָ֔ה ק) מַלְכוּתָ֤א וּרְבוּתָא֙ וִיקָרָ֣א וְהַדְרָ֔ה יְהַ֖ב לִנְבֻכַדְנֶצַּ֥ר אֲבֽוּךְ׃ [ʾanetah kh] (ʾanete q) malekaʾ ʾelahaʾ [ʿilayaʾ kh] (ʿilaʾah q) malekhutaʾ urevutaʾ wiyqaraʾ wehaderah yehav linevukhadenetsar ʾavukhe׃

¹⁹ וּמִן־רְבוּתָא֙ דִּ֣י יְהַב־לֵ֔הּ כֹּ֣ל עַֽמְמַיָּ֗א אֻמַיָּא֙ וְלִשָּׁ֣נַיָּ֔א הֲוֹ֛ו [זָאֲעִין כ] (זָיְעִ֥ין ק) וְדָחֲלִ֖ין מִן־קֳדָמֹ֑והִי דִּֽי־הֲוָ֨ה צָבֵ֜א הֲוָ֣א קָטֵ֗ל וְדִֽי־הֲוָ֤ה צָבֵא֙ הֲוָ֣ה מַחֵ֔א וְדִֽי־הֲוָ֤ה צָבֵא֙ הֲוָ֣ה מָרִ֔ים וְדִֽי־הֲוָ֥ה צָבֵ֖א הֲוָ֥ה מַשְׁפִּֽיל׃ umin־revutaʾ diy yehav־leh kol ʿamemayaʾ ʾumayaʾ welishanayaʾ haow [zaʾaʿiyn kh] (zayeʿiyn q) wedaḥaliyn min־qodamowhiy diy־hawah tsaveʾ hawaʾ qaṭel wediy־hawah tsaveʾ hawah maḥeʾ wediy־hawah tsaveʾ hawah mariym wediy־hawah tsaveʾ hawah mashepiyl׃

²⁰ וּכְדִי֙ רִ֣ם לִבְבֵ֔הּ וְרוּחֵ֖הּ תִּֽקְפַ֣ת לַהֲזָדָ֑ה הָנְחַת֙ מִן־כָּרְסֵ֣א מַלְכוּתֵ֔הּ וִֽיקָרָ֖ה הֶעְדִּ֥יוּ מִנֵּֽהּ׃ ukhediy rim liveveh weruḥeh tiqefat lahazadah haneḥat min־kareseʾ malekhuteh wiyqarah heʿediyu mineh׃

²¹ וּמִן־בְּנֵי֩ אֲנָשָׁ֨א טְרִ֜יד וְלִבְבֵ֣הּ ׀ עִם־חֵיוְתָ֣א [שְׁוִי כ] (שַׁוִּ֗יְו ק) וְעִם־עֲרָֽדַיָּא֙ מְדֹורֵ֔הּ עִשְׂבָּ֤א כְתֹורִין֙ יְטַ֣עֲמוּנֵּ֔הּ וּמִטַּ֥ל שְׁמַיָּ֖א גִּשְׁמֵ֣הּ יִצְטַבַּ֑ע עַ֣ד דִּֽי־יְדַ֗ע דִּֽי־שַׁלִּ֞יט אֱלָהָ֤א [עִלָּיָא כ] (עִלָּאָה֙ ק) בְּמַלְכ֣וּת אֲנָשָׁ֔א וּלְמַן־דִּ֥י יִצְבֵּ֖ה יְהָקֵ֥ים [עֲלַיֵהּ כ] (עֲלַֽהּ׃ ק) umin־beney ʾanashaʾ ṭeriyd weliveveh ׀ ʿim־ḥeywetaʾ [shewiy kh] (shauiyew q) weʿim־ʿaradayaʾ medowreh ʿisebaʾ khetowriyn yeṭaʿamuneh umiṭal shemayaʾ gishemeh yitseṭabaʿ ʿad diy־yedaʿ diy־shaliyṭ ʾelahaʾ [ʿilayaʾ kh] (ʿilaʾah q) bemalekhut ʾanashaʾ uleman־diy yitsebeh yehaqeym [ʿalayeh kh] (ʿalah׃ q)

²² [וְאַנְתָּה כ] (וְאַ֤נְתְּ ק) בְּרֵהּ֙ בֵּלְשַׁאצַּ֔ר לָ֥א הַשְׁפֵּ֖לְתְּ לִבְבָ֑ךְ כָּל־קֳבֵ֕ל דִּ֥י כָל־דְּנָ֖ה יְדַֽעְתָּ׃ [weʾanetah kh] (weʾanete q) bereh beleshaʾtsar laʾ hashepelete livevakhe kal־qovel diy khal־denah yedaʿeta׃

²³ וְעַ֣ל מָרֵֽא־שְׁמַיָּ֣א ׀ הִתְרֹומַ֡מְתָּ וּלְמָֽאנַיָּ֨א דִֽי־בַיְתֵ֜הּ הַיְתִ֣יו [קָדָמַיִךְ כ] (קָֽדָמָ֗ךְ ק) [וְאַנְתָּה כ] (וְאַ֨נְתְּ ק) [וְרַבְרְבָנַיִךְ כ] (וְרַבְרְבָנָ֜ךְ ק) שֵֽׁגְלָתָ֣ךְ וּלְחֵנָתָךְ֮ חַמְרָא֮ שָׁתַ֣יִן בְּהֹון֒ וְלֵֽאלָהֵ֣י כַסְפָּֽא־וְ֠דַהֲבָא נְחָשָׁ֨א פַרְזְלָ֜א אָעָ֣א וְאַבְנָ֗א דִּ֠י לָֽא־חָזַ֧יִן וְלָא־שָׁמְעִ֛ין וְלָ֥א יָדְעִ֖ין שַׁבַּ֑חְתָּ וְלֵֽאלָהָ֞א דִּֽי־נִשְׁמְתָ֥ךְ בִּידֵ֛הּ וְכָל־אֹרְחָתָ֥ךְ לֵ֖הּ לָ֥א הַדַּֽרְתָּ׃ weʿal mareʾ־shemayaʾ ׀ hiterowmameta ulemaʾnayaʾ diy־vayeteh hayetiyw [qadamayikhe kh] (qadamakhe q) [weʾanetah kh] (weʾanete q) [weraverevanayikhe kh] (weraverevanakhe q) shegelatakhe uleḥenatakhe ḥameraʾ shatayin behown weleʾlahey khasepaʾ־wedahavaʾ neḥashaʾ farezelaʾ ʾaʿaʾ weʾavenaʾ diy laʾ־ḥazayin welaʾ־shameʿiyn welaʾ yadeʿiyn shabaḥeta weleʾlahaʾ diy־nishemetakhe biydeh wekhal־ʾoreḥatakhe leh laʾ hadareta׃

²⁴ בֵּאדַ֙יִן֙ מִן־קֳדָמֹ֔והִי שְׁלִ֖יַחַ פַּסָּ֣א דִֽי־יְדָ֑א וּכְתָבָ֥א דְנָ֖ה רְשִֽׁים׃ beʾdayin min־qodamowhiy sheliyaaḥ pasaʾ diy־yedaʾ ukhetavaʾ denah reshiym׃

²⁵ וּדְנָ֥ה כְתָבָ֖א דִּ֣י רְשִׁ֑ים מְנֵ֥א מְנֵ֖א תְּקֵ֥ל וּפַרְסִֽין׃ udenah khetavaʾ diy reshiym meneʾ meneʾ teqel ufaresiyn׃

²⁶ דְּנָ֖ה פְּשַֽׁר־מִלְּתָ֑א מְנֵ֕א מְנָֽה־אֱלָהָ֥א מַלְכוּתָ֖ךְ וְהַשְׁלְמַֽהּ׃ denah peshar־miletaʾ meneʾ menah־ʾelahaʾ malekhutakhe wehashelemah׃

²⁷ תְּקֵ֑ל תְּקִ֥ילְתָּה בְמֹֽאזַנְיָ֖א וְהִשְׁתְּכַ֥חַתְּ חַסִּֽיר׃ teqel teqiyletah vemoʾzaneyaʾ wehishetekhaḥate ḥasiyr׃

²⁸ פְּרֵ֑ס פְּרִיסַת֙ מַלְכוּתָ֔ךְ וִיהִיבַ֖ת לְמָדַ֥י וּפָרָֽס׃ peres periysat malekhutakhe wiyhiyvat lemaday ufaras׃

²⁹ בֵּאדַ֣יִן ׀ אֲמַ֣ר בֵּלְשַׁאצַּ֗ר וְהַלְבִּ֤ישׁוּ לְדָֽנִיֵּאל֙ אַרְגְּוָנָ֔א [וְהַמֹּונְכָא כ] (וְהַֽמְנִיכָ֥א ק) דִֽי־דַהֲבָ֖א עַֽל־צַוְּארֵ֑הּ וְהַכְרִ֣זֽוּ עֲלֹ֔והִי דִּֽי־לֶהֱוֵ֥א שַׁלִּ֛יט תַּלְתָּ֖א בְּמַלְכוּתָֽא׃ beʾdayin ׀ ʾamar beleshaʾtsar wehalebiyshu ledaniyeʾl ʾaregewanaʾ [wehamownekhaʾ kh] (wehameniykhaʾ q) diy־dahavaʾ ʿal־tsaueʾreh wehakherizu ʿalowhiy diy־leheweʾ shaliyṭ taletaʾ bemalekhutaʾ׃

³⁰ בֵּ֚הּ בְּלֵ֣ילְיָ֔א קְטִ֕יל בֵּלְאשַׁצַּ֖ר מַלְכָּ֥א [כַשְׂדָּיָא כ] (כַשְׂדָּאָֽה׃ ק) פ beh beleyleyaʾ qeṭiyl beleʾshatsar malekaʾ [khasedayaʾ kh] (khasedaʾah׃ q) f