1 לְדָוִ֗ד מַ֫שְׂכִּ֥יל אַשְׁרֵ֥י נְֽשׂוּי־פֶּ֗שַׁע כְּס֣וּי חֲטָאָֽה׃ ledawid masekiyl ʾasherey nesuy־peshaʿ kesuy ḥaṭaʾah׃
2 אַ֥שְֽׁרֵי אָדָ֗ם לֹ֤א יַחְשֹׁ֬ב יְהוָ֣ה לֹ֣ו עָוֹ֑ן וְאֵ֖ין בְּרוּחֹ֣ו רְמִיָּה ׃ ʾasherey ʾadam loʾ yaḥeshov yehwah low ʿaon weʾeyn beruḥow remiyah ׃
3 כִּֽי־הֶ֭חֱרַשְׁתִּי בָּל֣וּ עֲצָמָ֑י בְּ֝שַׁאֲגָתִ֗י כָּל־הַיֹּֽום׃ kiy־heḥerashetiy balu ʿatsamay beshaʾagatiy kal־hayowm׃
4 כִּ֤י ׀ יֹומָ֣ם וָלַיְלָה֮ תִּכְבַּ֥ד עָלַ֗י יָ֫דֶ֥ךָ נֶהְפַּ֥ךְ לְשַׁדִּ֑י בְּחַרְבֹ֖נֵי קַ֣יִץ סֶֽלָה׃ kiy ׀ yowmam walayelah tikhebad ʿalay yadekha nehepakhe leshadiy beḥarevoney qayits selah׃
5 חַטָּאתִ֨י אֹודִ֪יעֲךָ֡ וַעֲוֹ֘נִ֤י לֹֽא־כִסִּ֗יתִי אָמַ֗רְתִּי אֹודֶ֤ה עֲלֵ֣י פְ֭שָׁעַי לַיהוָ֑ה וְאַתָּ֨ה נָ֘שָׂ֤אתָ עֲוֹ֖ן חַטָּאתִ֣י סֶֽלָה׃ ḥaṭaʾtiy ʾowdiyʿakha waʿaoniy loʾ־khisiytiy ʾamaretiy ʾowdeh ʿaley feshaʿay layhwah weʾatah nasaʾta ʿaon ḥaṭaʾtiy selah׃
6 עַל־זֹ֡את יִתְפַּלֵּ֬ל כָּל־חָסִ֨יד ׀ אֵלֶיךָ֮ לְעֵ֪ת מְ֫צֹ֥א רַ֗ק לְ֭שֵׁטֶף מַ֣יִם רַבִּ֑ים אֵ֝לָ֗יו לֹ֣א יַגִּֽיעוּ׃ ʿal־zoʾt yitepalel kal־ḥasiyd ׀ ʾeleykha leʿet metsoʾ raq lesheṭef mayim rabiym ʾelayw loʾ yagiyʿu׃
7 אַתָּ֤ה ׀ סֵ֥תֶר לִי֮ מִצַּ֪ר תִּ֫צְּרֵ֥נִי רָנֵּ֥י פַלֵּ֑ט תְּסֹ֖ובְבֵ֣נִי סֶֽלָה׃ ʾatah ׀ seter liy mitsar titsereniy raney faleṭ tesowveveniy selah׃
8 אַשְׂכִּֽילְךָ֨ ׀ וְֽאֹורְךָ֗ בְּדֶֽרֶךְ־ז֥וּ תֵלֵ֑ךְ אִֽיעֲצָ֖ה עָלֶ֣יךָ עֵינִֽי׃ ʾasekiylekha ׀ weʾowrekha bederekhe־zu telekhe ʾiyʿatsah ʿaleykha ʿeyniy׃
9 אַל־תִּֽהְי֤וּ ׀ כְּס֥וּס כְּפֶרֶד֮ אֵ֤ין הָ֫בִ֥ין בְּמֶֽתֶג־וָרֶ֣סֶן עֶדְיֹ֣ו לִבְלֹ֑ום בַּ֝֗ל קְרֹ֣ב אֵלֶֽיךָ׃ ʾal־tiheyu ׀ kesus kefered ʾeyn haviyn bemeteg־waresen ʿedeyow livelowm bal qerov ʾeleykha׃
10 רַבִּ֥ים מַכְאֹובִ֗ים לָרָ֫שָׁ֥ע וְהַבֹּוטֵ֥חַ בַּיהוָ֑ה חֶ֝֗סֶד יְסֹובְבֶֽנּוּ׃ rabiym makheʾowviym larashaʿ wehabowṭeaḥ bayhwah ḥesed yesowvevenu׃
11 שִׂמְח֬וּ בַֽיהוָ֣ה וְ֭גִילוּ צַדִּיקִ֑ים וְ֝הַרְנִ֗ינוּ כָּל־יִשְׁרֵי־לֵֽב׃ simeḥu vayhwah wegiylu tsadiyqiym wehareniynu kal־yisherey־lev׃