1 וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃
2 צַ֤ו אֶֽת־אַהֲרֹן֙ וְאֶת־בָּנָ֣יו לֵאמֹ֔ר זֹ֥את תֹּורַ֖ת הָעֹלָ֑ה הִ֣וא הָעֹלָ֡ה עַל֩ מֹוקְדָ֨ה עַל־הַמִּזְבֵּ֤חַ כָּל־הַלַּ֙יְלָה֙ עַד־הַבֹּ֔קֶר וְאֵ֥שׁ הַמִּזְבֵּ֖חַ תּ֥וּקַד בֹּֽו׃ tsaw ʾet־ʾaharon weʾet־banayw leʾmor zoʾt towrat haʿolah hiwʾ haʿolah ʿal mowqedah ʿal־hamizebeaḥ kal־halayelah ʿad־haboqer weʾesh hamizebeaḥ tuqad bow׃
3 וְלָבַ֨שׁ הַכֹּהֵ֜ן מִדֹּ֣ו בַ֗ד וּמִֽכְנְסֵי־בַד֮ יִלְבַּ֣שׁ עַל־בְּשָׂרֹו֒ וְהֵרִ֣ים אֶת־הַדֶּ֗שֶׁן אֲשֶׁ֨ר תֹּאכַ֥ל הָאֵ֛שׁ אֶת־הָעֹלָ֖ה עַל־הַמִּזְבֵּ֑חַ וְשָׂמֹ֕ו אֵ֖צֶל הַמִּזְבֵּֽחַ׃ welavash hakohen midow vad umikhenesey־vad yilebash ʿal־besarow weheriym ʾet־hadeshen ʾasher toʾkhal haʾesh ʾet־haʿolah ʿal־hamizebeaḥ wesamow ʾetsel hamizebeaḥ׃
4 וּפָשַׁט֙ אֶת־בְּגָדָ֔יו וְלָבַ֖שׁ בְּגָדִ֣ים אֲחֵרִ֑ים וְהֹוצִ֤יא אֶת־הַדֶּ֙שֶׁן֙ אֶל־מִח֣וּץ לַֽמַּחֲנֶ֔ה אֶל־מָקֹ֖ום טָהֹֽור׃ ufashaṭ ʾet־begadayw welavash begadiym ʾaḥeriym wehowtsiyʾ ʾet־hadeshen ʾel־miḥuts lamaḥaneh ʾel־maqowm ṭahowr׃
5 וְהָאֵ֨שׁ עַל־הַמִּזְבֵּ֤חַ תּֽוּקַד־בֹּו֙ לֹ֣א תִכְבֶּ֔ה וּבִעֵ֨ר עָלֶ֧יהָ הַכֹּהֵ֛ן עֵצִ֖ים בַּבֹּ֣קֶר בַּבֹּ֑קֶר וְעָרַ֤ךְ עָלֶ֙יהָ֙ הָֽעֹלָ֔ה וְהִקְטִ֥יר עָלֶ֖יהָ חֶלְבֵ֥י הַשְּׁלָמִֽים׃ wehaʾesh ʿal־hamizebeaḥ tuqad־bow loʾ tikhebeh uviʿer ʿaleyha hakohen ʿetsiym baboqer baboqer weʿarakhe ʿaleyha haʿolah wehiqeṭiyr ʿaleyha ḥelevey hashelamiym׃
6 אֵ֗שׁ תָּמִ֛יד תּוּקַ֥ד עַל־הַמִּזְבֵּ֖חַ לֹ֥א תִכְבֶֽה ׃ ס ʾesh tamiyd tuqad ʿal־hamizebeaḥ loʾ tikheveh ׃ s
7 וְזֹ֥את תֹּורַ֖ת הַמִּנְחָ֑ה הַקְרֵ֨ב אֹתָ֤הּ בְּנֵֽי־אַהֲרֹן֙ לִפְנֵ֣י יְהוָ֔ה אֶל־פְּנֵ֖י הַמִּזְבֵּֽחַ׃ wezoʾt towrat hamineḥah haqerev ʾotah beney־ʾaharon lifeney yehwah ʾel־peney hamizebeaḥ׃
8 וְהֵרִ֨ים מִמֶּ֜נּוּ בְּקֻמְצֹ֗ו מִסֹּ֤לֶת הַמִּנְחָה֙ וּמִשַּׁמְנָ֔הּ וְאֵת֙ כָּל־הַלְּבֹנָ֔ה אֲשֶׁ֖ר עַל־הַמִּנְחָ֑ה וְהִקְטִ֣יר הַמִּזְבֵּ֗חַ רֵ֧יחַ נִיחֹ֛חַ אַזְכָּרָתָ֖הּ לַיהוָֽה׃ weheriym mimenu bequmetsow misolet hamineḥah umishamenah weʾet kal־halevonah ʾasher ʿal־hamineḥah wehiqeṭiyr hamizebeaḥ reyḥa niyḥoaḥ ʾazekaratah layhwah׃
9 וְהַנֹּותֶ֣רֶת מִמֶּ֔נָּה יֹאכְל֖וּ אַהֲרֹ֣ן וּבָנָ֑יו מַצֹּ֤ות תֵּֽאָכֵל֙ בְּמָקֹ֣ום קָדֹ֔שׁ בַּחֲצַ֥ר אֹֽהֶל־מֹועֵ֖ד יֹאכְלֽוּהָ׃ wehanowteret mimenah yoʾkhelu ʾaharon uvanayw matsowt teʾakhel bemaqowm qadosh baḥatsar ʾohel־mowʿed yoʾkheluah׃
10 לֹ֤א תֵאָפֶה֙ חָמֵ֔ץ חֶלְקָ֛ם נָתַ֥תִּי אֹתָ֖הּ מֵאִשָּׁ֑י קֹ֤דֶשׁ קָֽדָשִׁים֙ הִ֔וא כַּחַטָּ֖את וְכָאָשָֽׁם׃ loʾ teʾafeh ḥamets ḥeleqam natatiy ʾotah meʾishay qodesh qadashiym hiwʾ kaḥaṭaʾt wekhaʾasham׃
11 כָּל־זָכָ֞ר בִּבְנֵ֤י אַהֲרֹן֙ יֹֽאכֲלֶ֔נָּה חָק־עֹולָם֙ לְדֹרֹ֣תֵיכֶ֔ם מֵאִשֵּׁ֖י יְהוָ֑ה כֹּ֛ל אֲשֶׁר־יִגַּ֥ע בָּהֶ֖ם יִקְדָּֽשׁ׃ פ kal־zakhar biveney ʾaharon yoʾkhalenah ḥaq־ʿowlam ledoroteykhem meʾishey yehwah kol ʾasher־yigaʿ bahem yiqedash׃ f
12 וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃
13 זֶ֡ה קָרְבַּן֩ אַהֲרֹ֨ן וּבָנָ֜יו אֲשֶׁר־יַקְרִ֣יבוּ לַֽיהוָ֗ה בְּיֹום֙ הִמָּשַׁ֣ח אֹתֹ֔ו עֲשִׂירִ֨ת הָאֵפָ֥ה סֹ֛לֶת מִנְחָ֖ה תָּמִ֑יד מַחֲצִיתָ֣הּ בַּבֹּ֔קֶר וּמַחֲצִיתָ֖הּ בָּעָֽרֶב׃ zeh qareban ʾaharon uvanayw ʾasher־yaqeriyvu layhwah beyowm himashaḥ ʾotow ʿasiyrit haʾefah solet mineḥah tamiyd maḥatsiytah baboqer umaḥatsiytah baʿarev׃
14 עַֽל־מַחֲבַ֗ת בַּשֶּׁ֛מֶן תֵּעָשֶׂ֖ה מֻרְבֶּ֣כֶת תְּבִיאֶ֑נָּה תֻּפִינֵי֙ מִנְחַ֣ת פִּתִּ֔ים תַּקְרִ֥יב רֵֽיחַ־נִיחֹ֖חַ לַיהוָֽה׃ ʿal־maḥavat bashemen teʿaseh murebekhet teviyʾenah tufiyney mineḥat pitiym taqeriyv reyḥa־niyḥoaḥ layhwah׃
15 וְהַכֹּהֵ֨ן הַמָּשִׁ֧יחַ תַּחְתָּ֛יו מִבָּנָ֖יו יַעֲשֶׂ֣ה אֹתָ֑הּ חָק־עֹולָ֕ם לַיהוָ֖ה כָּלִ֥יל תָּקְטָֽר׃ wehakohen hamashiyḥa taḥetayw mibanayw yaʿaseh ʾotah ḥaq־ʿowlam layhwah kaliyl taqeṭar׃
16 וְכָל־מִנְחַ֥ת כֹּהֵ֛ן כָּלִ֥יל תִּהְיֶ֖ה לֹ֥א תֵאָכֵֽל׃ פ wekhal־mineḥat kohen kaliyl tiheyeh loʾ teʾakhel׃ f
17 וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃
18 דַּבֵּ֤ר אֶֽל־אַהֲרֹן֙ וְאֶל־בָּנָ֣יו לֵאמֹ֔ר זֹ֥את תֹּורַ֖ת הַֽחַטָּ֑את בִּמְקֹ֡ום אֲשֶׁר֩ תִּשָּׁחֵ֨ט הָעֹלָ֜ה תִּשָּׁחֵ֤ט הַֽחַטָּאת֙ לִפְנֵ֣י יְהוָ֔ה קֹ֥דֶשׁ קָֽדָשִׁ֖ים הִֽוא׃ daber ʾel־ʾaharon weʾel־banayw leʾmor zoʾt towrat haḥaṭaʾt bimeqowm ʾasher tishaḥeṭ haʿolah tishaḥeṭ haḥaṭaʾt lifeney yehwah qodesh qadashiym hiwʾ׃
19 הַכֹּהֵ֛ן הַֽמְחַטֵּ֥א אֹתָ֖הּ יֹאכֲלֶ֑נָּה בְּמָקֹ֤ום קָדֹשׁ֙ תֵּֽאָכֵ֔ל בַּחֲצַ֖ר אֹ֥הֶל מֹועֵֽד׃ hakohen hameḥaṭeʾ ʾotah yoʾkhalenah bemaqowm qadosh teʾakhel baḥatsar ʾohel mowʿed׃
20 כֹּ֛ל אֲשֶׁר־יִגַּ֥ע בִּבְשָׂרָ֖הּ יִקְדָּ֑שׁ וַאֲשֶׁ֨ר יִזֶּ֤ה מִדָּמָהּ֙ עַל־הַבֶּ֔גֶד אֲשֶׁר֙ יִזֶּ֣ה עָלֶ֔יהָ תְּכַבֵּ֖ס בְּמָקֹ֥ום קָדֹֽשׁ׃ kol ʾasher־yigaʿ bivesarah yiqedash waʾasher yizeh midamah ʿal־habeged ʾasher yizeh ʿaleyha tekhabes bemaqowm qadosh׃
21 וּכְלִי־חֶ֛רֶשׂ אֲשֶׁ֥ר תְּבֻשַּׁל־בֹּ֖ו יִשָּׁבֵ֑ר וְאִם־בִּכְלִ֤י נְחֹ֙שֶׁת֙ בֻּשָּׁ֔לָה וּמֹרַ֥ק וְשֻׁטַּ֖ף בַּמָּֽיִם׃ ukheliy־ḥeres ʾasher tevushal־bow yishaver weʾim־bikheliy neḥoshet bushalah umoraq weshuṭaf bamayim׃
22 כָּל־זָכָ֥ר בַּכֹּהֲנִ֖ים יֹאכַ֣ל אֹתָ֑הּ קֹ֥דֶשׁ קָֽדָשִׁ֖ים הִֽוא׃ kal־zakhar bakohaniym yoʾkhal ʾotah qodesh qadashiym hiwʾ׃
23 וְכָל־חַטָּ֡את אֲשֶׁר֩ יוּבָ֨א מִדָּמָ֜הּ אֶל־אֹ֧הֶל מֹועֵ֛ד לְכַפֵּ֥ר בַּקֹּ֖דֶשׁ לֹ֣א תֵאָכֵ֑ל בָּאֵ֖שׁ תִּשָּׂרֵֽף׃ פ wekhal־ḥaṭaʾt ʾasher yuvaʾ midamah ʾel־ʾohel mowʿed lekhaper baqodesh loʾ teʾakhel baʾesh tisaref׃ f