Juges 6

¹ וַיַּעֲשׂ֧וּ בְנֵי־יִשְׂרָאֵ֛ל הָרַ֖ע בְּעֵינֵ֣י יְהוָ֑ה וַיִּתְּנֵ֧ם יְהוָ֛ה בְּיַד־מִדְיָ֖ן שֶׁ֥בַע שָׁנִֽים׃ wayaʿasu veney־yiseraʾel haraʿ beʿeyney yehwah wayitenem yehwah beyad־mideyan shevaʿ shaniym׃

² וַתָּ֥עָז יַד־מִדְיָ֖ן עַל־יִשְׂרָאֵ֑ל מִפְּנֵ֨י מִדְיָ֜ן עָשֽׂוּ לָהֶ֣ם ׀ בְּנֵ֣י יִשְׂרָאֵ֗ל אֶת־הַמִּנְהָרֹות֙ אֲשֶׁ֣ר בֶּֽהָרִ֔ים וְאֶת־הַמְּעָרֹ֖ות וְאֶת־הַמְּצָדֹֽות׃ wataʿaz yad־mideyan ʿal־yiseraʾel mipeney mideyan ʿasu lahem ׀ beney yiseraʾel ʾet־hamineharowt ʾasher behariym weʾet־hameʿarowt weʾet־hametsadowt׃

³ וְהָיָ֖ה אִם־זָרַ֣ע יִשְׂרָאֵ֑ל וְעָלָ֨ה מִדְיָ֧ן וַֽעֲמָלֵ֛ק וּבְנֵי־קֶ֖דֶם וְעָל֥וּ עָלָֽיו׃ wehayah ʾim־zaraʿ yiseraʾel weʿalah mideyan waʿamaleq uveney־qedem weʿalu ʿalayw׃

⁴ וַיַּחֲנ֣וּ עֲלֵיהֶ֗ם וַיַּשְׁחִ֙יתוּ֙ אֶת־יְב֣וּל הָאָ֔רֶץ עַד־בֹּואֲךָ֖ עַזָּ֑ה וְלֹֽא־יַשְׁאִ֤ירוּ מִֽחְיָה֙ בְּיִשְׂרָאֵ֔ל וְשֶׂ֥ה וָשֹׁ֖ור וַחֲמֹֽור׃ wayaḥanu ʿaleyhem wayasheḥiytu ʾet־yevul haʾarets ʿad־bowʾakha ʿazah weloʾ־yasheʾiyru miḥeyah beyiseraʾel weseh washowr waḥamowr׃

⁵ כִּ֡י הֵם֩ וּמִקְנֵיהֶ֨ם יַעֲל֜וּ וְאָהֳלֵיהֶ֗ם [יָבֹאוּ כ] (וּבָ֤אוּ ק) כְדֵֽי־אַרְבֶּה֙ לָרֹ֔ב וְלָהֶ֥ם וְלִגְמַלֵּיהֶ֖ם אֵ֣ין מִסְפָּ֑ר וַיָּבֹ֥אוּ בָאָ֖רֶץ לְשַׁחֲתָֽהּ׃ kiy hem umiqeneyhem yaʿalu weʾaholeyhem [yavoʾu kh] (uvaʾu q) khedey־ʾarebeh larov welahem weligemaleyhem ʾeyn misepar wayavoʾu vaʾarets leshaḥatah׃

⁶ וַיִּדַּ֧ל יִשְׂרָאֵ֛ל מְאֹ֖ד מִפְּנֵ֣י מִדְיָ֑ן וַיִּזְעֲק֥וּ בְנֵֽי־יִשְׂרָאֵ֖ל אֶל־יְהוָֽה׃ פ wayidal yiseraʾel meʾod mipeney mideyan wayizeʿaqu veney־yiseraʾel ʾel־yehwah׃ f

⁷ וַיְהִ֕י כִּֽי־זָעֲק֥וּ בְנֵֽי־יִשְׂרָאֵ֖ל אֶל־יְהוָ֑ה עַ֖ל אֹדֹ֥ות מִדְיָֽן׃ wayehiy kiy־zaʿaqu veney־yiseraʾel ʾel־yehwah ʿal ʾodowt mideyan׃

⁸ וַיִּשְׁלַ֧ח יְהוָ֛ה אִ֥ישׁ נָבִ֖יא אֶל־בְּנֵ֣י יִשְׂרָאֵ֑ל וַיֹּ֨אמֶר לָהֶ֜ם כֹּה־אָמַ֥ר יְהוָ֣ה ׀ אֱלֹהֵ֣י יִשְׂרָאֵ֗ל אָנֹכִ֞י הֶעֱלֵ֤יתִי אֶתְכֶם֙ מִמִּצְרַ֔יִם וָאֹצִ֥יא אֶתְכֶ֖ם מִבֵּ֥ית עֲבָדִֽים׃ wayishelaḥ yehwah ʾiysh naviyʾ ʾel־beney yiseraʾel wayoʾmer lahem koh־ʾamar yehwah ׀ ʾelohey yiseraʾel ʾanokhiy heʿeleytiy ʾetekhem mimitserayim waʾotsiyʾ ʾetekhem mibeyt ʿavadiym׃

⁹ וָאַצִּ֤ל אֶתְכֶם֙ מִיַּ֣ד מִצְרַ֔יִם וּמִיַּ֖ד כָּל־לֹחֲצֵיכֶ֑ם וָאֲגָרֵ֤שׁ אֹותָם֙ מִפְּנֵיכֶ֔ם וָאֶתְּנָ֥ה לָכֶ֖ם אֶת־אַרְצָֽם׃ waʾatsil ʾetekhem miyad mitserayim umiyad kal־loḥatseykhem waʾagaresh ʾowtam mipeneykhem waʾetenah lakhem ʾet־ʾaretsam׃

¹⁰ וָאֹמְרָ֣ה לָכֶ֗ם אֲנִי֙ יְהוָ֣ה אֱלֹהֵיכֶ֔ם לֹ֤א תִֽירְאוּ֙ אֶת־אֱלֹהֵ֣י הָאֱמֹרִ֔י אֲשֶׁ֥ר אַתֶּ֖ם יֹושְׁבִ֣ים בְּאַרְצָ֑ם וְלֹ֥א שְׁמַעְתֶּ֖ם בְּקֹולִֽי׃ פ waʾomerah lakhem ʾaniy yehwah ʾeloheykhem loʾ tiyreʾu ʾet־ʾelohey haʾemoriy ʾasher ʾatem yowsheviym beʾaretsam weloʾ shemaʿetem beqowliy׃ f

¹¹ וַיָּבֹ֞א מַלְאַ֣ךְ יְהוָ֗ה וַיֵּ֙שֶׁב֙ תַּ֤חַת הָֽאֵלָה֙ אֲשֶׁ֣ר בְּעָפְרָ֔ה אֲשֶׁ֥ר לְיֹואָ֖שׁ אֲבִ֣י הָֽעֶזְרִ֑י וְגִדְעֹ֣ון בְּנֹ֗ו חֹבֵ֤ט חִטִּים֙ בַּגַּ֔ת לְהָנִ֖יס מִפְּנֵ֥י מִדְיָֽן׃ wayavoʾ maleʾakhe yehwah wayeshev taḥat haʾelah ʾasher beʿaferah ʾasher leyowʾash ʾaviy haʿezeriy wegideʿown benow ḥoveṭ ḥiṭiym bagat lehaniys mipeney mideyan׃

¹² וַיֵּרָ֥א אֵלָ֖יו מַלְאַ֣ךְ יְהוָ֑ה וַיֹּ֣אמֶר אֵלָ֔יו יְהוָ֥ה עִמְּךָ֖ גִּבֹּ֥ור הֶחָֽיִל׃ wayeraʾ ʾelayw maleʾakhe yehwah wayoʾmer ʾelayw yehwah ʿimekha gibowr heḥayil׃

¹³ וַיֹּ֨אמֶר אֵלָ֤יו גִּדְעֹון֙ בִּ֣י אֲדֹנִ֔י וְיֵ֤שׁ יְהוָה֙ עִמָּ֔נוּ וְלָ֥מָּה מְצָאַ֖תְנוּ כָּל־זֹ֑את וְאַיֵּ֣ה כָֽל־נִפְלְאֹתָ֡יו אֲשֶׁר֩ סִפְּרוּ־לָ֨נוּ אֲבֹותֵ֜ינוּ לֵאמֹ֗ר הֲלֹ֤א מִמִּצְרַ֙יִם֙ הֶעֱלָ֣נוּ יְהוָ֔ה וְעַתָּה֙ נְטָשָׁ֣נוּ יְהוָ֔ה וַֽיִּתְּנֵ֖נוּ בְּכַף־מִדְיָֽן׃ wayoʾmer ʾelayw gideʿown biy ʾadoniy weyesh yehwah ʿimanu welamah metsaʾatenu kal־zoʾt weʾayeh khal־nifeleʾotayw ʾasher siperu־lanu ʾavowteynu leʾmor haloʾ mimitserayim heʿelanu yehwah weʿatah neṭashanu yehwah wayitenenu bekhaf־mideyan׃

¹⁴ וַיִּ֤פֶן אֵלָיו֙ יְהוָ֔ה וַיֹּ֗אמֶר לֵ֚ךְ בְּכֹחֲךָ֣ זֶ֔ה וְהֹושַׁעְתָּ֥ אֶת־יִשְׂרָאֵ֖ל מִכַּ֣ף מִדְיָ֑ן הֲלֹ֖א שְׁלַחְתִּֽיךָ׃ wayifen ʾelayw yehwah wayoʾmer lekhe bekhoḥakha zeh wehowshaʿeta ʾet־yiseraʾel mikaf mideyan haloʾ shelaḥetiykha׃

¹⁵ וַיֹּ֤אמֶר אֵלָיו֙ בִּ֣י אֲדֹנָ֔י בַּמָּ֥ה אֹושִׁ֖יעַ אֶת־יִשְׂרָאֵ֑ל הִנֵּ֤ה אַלְפִּי֙ הַדַּ֣ל בִּמְנַשֶּׁ֔ה וְאָנֹכִ֥י הַצָּעִ֖יר בְּבֵ֥ית אָבִֽי׃ wayoʾmer ʾelayw biy ʾadonay bamah ʾowshiyʿa ʾet־yiseraʾel hineh ʾalepiy hadal bimenasheh weʾanokhiy hatsaʿiyr beveyt ʾaviy׃

¹⁶ וַיֹּ֤אמֶר אֵלָיו֙ יְהוָ֔ה כִּ֥י אֶהְיֶ֖ה עִמָּ֑ךְ וְהִכִּיתָ֥ אֶת־מִדְיָ֖ן כְּאִ֥ישׁ אֶחָֽד׃ wayoʾmer ʾelayw yehwah kiy ʾeheyeh ʿimakhe wehikiyta ʾet־mideyan keʾiysh ʾeḥad׃

¹⁷ וַיֹּ֣אמֶר אֵלָ֔יו אִם־נָ֛א מָצָ֥אתִי חֵ֖ן בְּעֵינֶ֑יךָ וְעָשִׂ֤יתָ לִּי֙ אֹ֔ות שָׁאַתָּ֖ה מְדַבֵּ֥ר עִמִּֽי׃ wayoʾmer ʾelayw ʾim־naʾ matsaʾtiy ḥen beʿeyneykha weʿasiyta liy ʾowt shaʾatah medaber ʿimiy׃

¹⁸ אַל־נָ֨א תָמֻ֤שׁ מִזֶּה֙ עַד־בֹּאִ֣י אֵלֶ֔יךָ וְהֹֽצֵאתִי֙ אֶת־מִנְחָתִ֔י וְהִנַּחְתִּ֖י לְפָנֶ֑יךָ וַיֹּאמַ֕ר אָנֹכִ֥י אֵשֵׁ֖ב עַ֥ד שׁוּבֶֽךָ׃ ʾal־naʾ tamush mizeh ʿad־boʾiy ʾeleykha wehotseʾtiy ʾet־mineḥatiy wehinaḥetiy lefaneykha wayoʾmar ʾanokhiy ʾeshev ʿad shuvekha׃

¹⁹ וְגִדְעֹ֣ון בָּ֗א וַיַּ֤עַשׂ גְּדִֽי־עִזִּים֙ וְאֵיפַת־קֶ֣מַח מַצֹּ֔ות הַבָּשָׂר֙ שָׂ֣ם בַּסַּ֔ל וְהַמָּרַ֖ק שָׂ֣ם בַּפָּר֑וּר וַיֹּוצֵ֥א אֵלָ֛יו אֶל־תַּ֥חַת הָאֵלָ֖ה וַיַּגַּֽשׁ׃ ס wegideʿown baʾ wayaʿas gediy־ʿiziym weʾeyfat־qemaḥ matsowt habasar sam basal wehamaraq sam baparur wayowtseʾ ʾelayw ʾel־taḥat haʾelah wayagash׃ s

²⁰ וַיֹּ֨אמֶר אֵלָ֜יו מַלְאַ֣ךְ הָאֱלֹהִ֗ים קַ֣ח אֶת־הַבָּשָׂ֤ר וְאֶת־הַמַּצֹּות֙ וְהַנַּח֙ אֶל־הַסֶּ֣לַע הַלָּ֔ז וְאֶת־הַמָּרַ֖ק שְׁפֹ֑וךְ וַיַּ֖עַשׂ כֵּֽן׃ wayoʾmer ʾelayw maleʾakhe haʾelohiym qaḥ ʾet־habasar weʾet־hamatsowt wehanaḥ ʾel־haselaʿ halaz weʾet־hamaraq shefowkhe wayaʿas ken׃

²¹ וַיִּשְׁלַ֞ח מַלְאַ֣ךְ יְהוָ֗ה אֶת־קְצֵ֤ה הַמִּשְׁעֶ֙נֶת֙ אֲשֶׁ֣ר בְּיָדֹ֔ו וַיִּגַּ֥ע בַּבָּשָׂ֖ר וּבַמַּצֹּ֑ות וַתַּ֨עַל הָאֵ֜שׁ מִן־הַצּ֗וּר וַתֹּ֤אכַל אֶת־הַבָּשָׂר֙ וְאֶת־הַמַּצֹּ֔ות וּמַלְאַ֣ךְ יְהוָ֔ה הָלַ֖ךְ מֵעֵינָֽיו׃ wayishelaḥ maleʾakhe yehwah ʾet־qetseh hamisheʿenet ʾasher beyadow wayigaʿ babasar uvamatsowt wataʿal haʾesh min־hatsur watoʾkhal ʾet־habasar weʾet־hamatsowt umaleʾakhe yehwah halakhe meʿeynayw׃

²² וַיַּ֣רְא גִּדְעֹ֔ון כִּֽי־מַלְאַ֥ךְ יְהוָ֖ה ה֑וּא ס וַיֹּ֣אמֶר גִּדְעֹ֗ון אֲהָהּ֙ אֲדֹנָ֣י יְהוִ֔ה כִּֽי־עַל־כֵּ֤ן רָאִ֙יתִי֙ מַלְאַ֣ךְ יְהוָ֔ה פָּנִ֖ים אֶל־פָּנִֽים׃ wayareʾ gideʿown kiy־maleʾakhe yehwah huʾ s wayoʾmer gideʿown ʾahah ʾadonay yehwih kiy־ʿal־ken raʾiytiy maleʾakhe yehwah paniym ʾel־paniym׃

²³ וַיֹּ֨אמֶר לֹ֧ו יְהוָ֛ה שָׁלֹ֥ום לְךָ֖ אַל־תִּירָ֑א לֹ֖א תָּמֽוּת׃ wayoʾmer low yehwah shalowm lekha ʾal־tiyraʾ loʾ tamut׃

²⁴ וַיִּבֶן֩ שָׁ֨ם גִּדְעֹ֤ון מִזְבֵּ֙חַ֙ לַֽיהוָ֔ה וַיִּקְרָא־לֹ֥ו יְהוָ֖ה שָׁלֹ֑ום עַ֚ד הַיֹּ֣ום הַזֶּ֔ה עֹודֶ֕נּוּ בְּעָפְרָ֖ת אֲבִ֥י הָעֶזְרִֽי׃ פ wayiven sham gideʿown mizebeaḥ layhwah wayiqeraʾ־low yehwah shalowm ʿad hayowm hazeh ʿowdenu beʿaferat ʾaviy haʿezeriy׃ f

²⁵ וַיְהִי֮ בַּלַּ֣יְלָה הַהוּא֒ וַיֹּ֧אמֶר לֹ֣ו יְהוָ֗ה קַ֤ח אֶת־פַּר־הַשֹּׁור֙ אֲשֶׁ֣ר לְאָבִ֔יךָ וּפַ֥ר הַשֵּׁנִ֖י שֶׁ֣בַע שָׁנִ֑ים וְהָרַסְתָּ֗ אֶת־מִזְבַּ֤ח הַבַּ֙עַל֙ אֲשֶׁ֣ר לְאָבִ֔יךָ וְאֶת־הָאֲשֵׁרָ֥ה אֲשֶׁר־עָלָ֖יו תִּכְרֹֽת׃ wayehiy balayelah hahuʾ wayoʾmer low yehwah qaḥ ʾet־par־hashowr ʾasher leʾaviykha ufar hasheniy shevaʿ shaniym weharaseta ʾet־mizebaḥ habaʿal ʾasher leʾaviykha weʾet־haʾasherah ʾasher־ʿalayw tikherot׃

²⁶ וּבָנִ֨יתָ מִזְבֵּ֜חַ לַיהוָ֣ה אֱלֹהֶ֗יךָ עַ֣ל רֹ֧אשׁ הַמָּעֹ֛וז הַזֶּ֖ה בַּמַּֽעֲרָכָ֑ה וְלָֽקַחְתָּ֙ אֶת־הַפָּ֣ר הַשֵּׁנִ֔י וְהַעֲלִ֣יתָ עֹולָ֔ה בַּעֲצֵ֥י הָאֲשֵׁרָ֖ה אֲשֶׁ֥ר תִּכְרֹֽת׃ uvaniyta mizebeaḥ layhwah ʾeloheykha ʿal roʾsh hamaʿowz hazeh bamaʿarakhah welaqaḥeta ʾet־hapar hasheniy wehaʿaliyta ʿowlah baʿatsey haʾasherah ʾasher tikherot׃

²⁷ וַיִּקַּ֨ח גִּדְעֹ֜ון עֲשָׂרָ֤ה אֲנָשִׁים֙ מֵֽעֲבָדָ֔יו וַיַּ֕עַשׂ כַּאֲשֶׁ֛ר דִּבֶּ֥ר אֵלָ֖יו יְהוָ֑ה וַיְהִ֡י כַּאֲשֶׁ֣ר יָרֵא֩ אֶת־בֵּ֨ית אָבִ֜יו וְאֶת־אַנְשֵׁ֥י הָעִ֛יר מֵעֲשֹׂ֥ות יֹומָ֖ם וַיַּ֥עַשׂ לָֽיְלָה׃ wayiqaḥ gideʿown ʿasarah ʾanashiym meʿavadayw wayaʿas kaʾasher diber ʾelayw yehwah wayehiy kaʾasher yareʾ ʾet־beyt ʾaviyw weʾet־ʾaneshey haʿiyr meʿasowt yowmam wayaʿas layelah׃

²⁸ וַיַּשְׁכִּ֜ימוּ אַנְשֵׁ֤י הָעִיר֙ בַּבֹּ֔קֶר וְהִנֵּ֤ה נֻתַּץ֙ מִזְבַּ֣ח הַבַּ֔עַל וְהָאֲשֵׁרָ֥ה אֲשֶׁר־עָלָ֖יו כֹּרָ֑תָה וְאֵת֙ הַפָּ֣ר הַשֵּׁנִ֔י הֹֽעֲלָ֔ה עַל־הַמִּזְבֵּ֖חַ הַבָּנֽוּי׃ wayashekiymu ʾaneshey haʿiyr baboqer wehineh nutats mizebaḥ habaʿal wehaʾasherah ʾasher־ʿalayw koratah weʾet hapar hasheniy hoʿalah ʿal־hamizebeaḥ habanuy׃

²⁹ וַיֹּֽאמְרוּ֙ אִ֣ישׁ אֶל־רֵעֵ֔הוּ מִ֥י עָשָׂ֖ה הַדָּבָ֣ר הַזֶּ֑ה וַֽיִּדְרְשׁוּ֙ וַיְבַקְשׁ֔וּ וַיֹּ֣אמְר֔וּ גִּדְעֹון֙ בֶּן־יֹואָ֔שׁ עָשָׂ֖ה הַדָּבָ֥ר הַזֶּֽה׃ wayoʾmeru ʾiysh ʾel־reʿehu miy ʿasah hadavar hazeh wayidereshu wayevaqeshu wayoʾmeru gideʿown ben־yowʾash ʿasah hadavar hazeh׃

³⁰ וַיֹּ֨אמְר֜וּ אַנְשֵׁ֤י הָעִיר֙ אֶל־יֹואָ֔שׁ הֹוצֵ֥א אֶת־בִּנְךָ֖ וְיָמֹ֑ת כִּ֤י נָתַץ֙ אֶת־מִזְבַּ֣ח הַבַּ֔עַל וְכִ֥י כָרַ֖ת הָאֲשֵׁרָ֥ה אֲשֶׁר־עָלָֽיו׃ wayoʾmeru ʾaneshey haʿiyr ʾel־yowʾash howtseʾ ʾet־binekha weyamot kiy natats ʾet־mizebaḥ habaʿal wekhiy kharat haʾasherah ʾasher־ʿalayw׃

³¹ וַיֹּ֣אמֶר יֹואָ֡שׁ לְכֹל֩ אֲשֶׁר־עָמְד֨וּ עָלָ֜יו הַאַתֶּ֣ם ׀ תְּרִיב֣וּן לַבַּ֗עַל אִם־אַתֶּם֙ תֹּושִׁיע֣וּן אֹותֹ֔ו אֲשֶׁ֨ר יָרִ֥יב לֹ֛ו יוּמַ֖ת עַד־הַבֹּ֑קֶר אִם־אֱלֹהִ֥ים הוּא֙ יָ֣רֶב לֹ֔ו כִּ֥י נָתַ֖ץ אֶֽת־מִזְבְּחֹֽו׃ wayoʾmer yowʾash lekhol ʾasher־ʿamedu ʿalayw haʾatem ׀ teriyvun labaʿal ʾim־ʾatem towshiyʿun ʾowtow ʾasher yariyv low yumat ʿad־haboqer ʾim־ʾelohiym huʾ yarev low kiy natats ʾet־mizebeḥow׃

³² וַיִּקְרָא־לֹ֥ו בַיֹּום־הַה֖וּא יְרֻבַּ֣עַל לֵאמֹ֑ר יָ֤רֶב בֹּו֙ הַבַּ֔עַל כִּ֥י נָתַ֖ץ אֶֽת־מִזְבְּחֹֽו׃ פ wayiqeraʾ־low vayowm־hahuʾ yerubaʿal leʾmor yarev bow habaʿal kiy natats ʾet־mizebeḥow׃ f

³³ וְכָל־מִדְיָ֧ן וַעֲמָלֵ֛ק וּבְנֵי־קֶ֖דֶם נֶאֶסְפ֣וּ יַחְדָּ֑ו וַיַּעַבְר֥וּ וַֽיַּחֲנ֖וּ בְּעֵ֥מֶק יִזְרְעֶֽאל׃ wekhal־mideyan waʿamaleq uveney־qedem neʾesefu yaḥedaw wayaʿaveru wayaḥanu beʿemeq yizereʿeʾl׃

³⁴ וְר֣וּחַ יְהוָ֔ה לָבְשָׁ֖ה אֶת־גִּדְעֹ֑ון וַיִּתְקַע֙ בַּשֹּׁופָ֔ר וַיִּזָּעֵ֥ק אֲבִיעֶ֖זֶר אַחֲרָֽיו׃ weruaḥ yehwah laveshah ʾet־gideʿown wayiteqaʿ bashowfar wayizaʿeq ʾaviyʿezer ʾaḥarayw׃

³⁵ וּמַלְאָכִים֙ שָׁלַ֣ח בְּכָל־מְנַשֶּׁ֔ה וַיִּזָּעֵ֥ק גַּם־ה֖וּא אַחֲרָ֑יו וּמַלְאָכִ֣ים שָׁלַ֗ח בְּאָשֵׁ֤ר וּבִזְבֻלוּן֙ וּבְנַפְתָּלִ֔י וַֽיַּעֲל֖וּ לִקְרָאתָֽם׃ umaleʾakhiym shalaḥ bekhal־menasheh wayizaʿeq gam־huʾ ʾaḥarayw umaleʾakhiym shalaḥ beʾasher uvizevulun uvenafetaliy wayaʿalu liqeraʾtam׃

³⁶ וַיֹּ֥אמֶר גִּדְעֹ֖ון אֶל־הָאֱלֹהִ֑ים אִם־יֶשְׁךָ֞ מֹושִׁ֧יעַ בְּיָדִ֛י אֶת־יִשְׂרָאֵ֖ל כַּאֲשֶׁ֥ר דִּבַּֽרְתָּ׃ wayoʾmer gideʿown ʾel־haʾelohiym ʾim־yeshekha mowshiyʿa beyadiy ʾet־yiseraʾel kaʾasher dibareta׃

³⁷ הִנֵּ֣ה אָנֹכִ֗י מַצִּ֛יג אֶת־גִּזַּ֥ת הַצֶּ֖מֶר בַּגֹּ֑רֶן אִ֡ם טַל֩ יִהְיֶ֨ה עַֽל־הַגִּזָּ֜ה לְבַדָּ֗הּ וְעַל־כָּל־הָאָ֙רֶץ֙ חֹ֔רֶב וְיָדַעְתִּ֗י כִּֽי־תֹושִׁ֧יעַ בְּיָדִ֛י אֶת־יִשְׂרָאֵ֖ל כַּאֲשֶׁ֥ר דִּבַּֽרְתָּ׃ hineh ʾanokhiy matsiyg ʾet־gizat hatsemer bagoren ʾim ṭal yiheyeh ʿal־hagizah levadah weʿal־kal־haʾarets ḥorev weyadaʿetiy kiy־towshiyʿa beyadiy ʾet־yiseraʾel kaʾasher dibareta׃

³⁸ וַיְהִי־כֵ֕ן וַיַּשְׁכֵּם֙ מִֽמָּחֳרָ֔ת וַיָּ֖זַר אֶת־הַגִּזָּ֑ה וַיִּ֤מֶץ טַל֙ מִן־הַגִּזָּ֔ה מְלֹ֥וא הַסֵּ֖פֶל מָֽיִם׃ wayehiy־khen wayashekem mimaḥorat wayazar ʾet־hagizah wayimets ṭal min־hagizah melowʾ hasefel mayim׃

³⁹ וַיֹּ֤אמֶר גִּדְעֹון֙ אֶל־הָ֣אֱלֹהִ֔ים אַל־יִ֤חַר אַפְּךָ֙ בִּ֔י וַאֲדַבְּרָ֖ה אַ֣ךְ הַפָּ֑עַם אֲנַסֶּ֤ה נָּא־רַק־הַפַּ֙עַם֙ בַּגִּזָּ֔ה יְהִי־נָ֨א חֹ֤רֶב אֶל־הַגִּזָּה֙ לְבַדָּ֔הּ וְעַל־כָּל־הָאָ֖רֶץ יִֽהְיֶה־טָּֽל׃ wayoʾmer gideʿown ʾel־haʾelohiym ʾal־yiḥar ʾapekha biy waʾadaberah ʾakhe hapaʿam ʾanaseh naʾ־raq־hapaʿam bagizah yehiy־naʾ ḥorev ʾel־hagizah levadah weʿal־kal־haʾarets yiheyeh־ṭal׃

⁴⁰ וַיַּ֧עַשׂ אֱלֹהִ֛ים כֵּ֖ן בַּלַּ֣יְלָה הַה֑וּא וַיְהִי־חֹ֤רֶב אֶל־הַגִּזָּה֙ לְבַדָּ֔הּ וְעַל־כָּל־הָאָ֖רֶץ הָ֥יָה טָֽל׃ פ wayaʿas ʾelohiym ken balayelah hahuʾ wayehiy־ḥorev ʾel־hagizah levadah weʿal־kal־haʾarets hayah ṭal׃ f