1 Rois 11

¹ וְהַמֶּ֣לֶךְ שְׁלֹמֹ֗ה אָהַ֞ב נָשִׁ֧ים נָכְרִיֹּ֛ות רַבֹּ֖ות וְאֶת־בַּת־פַּרְעֹ֑ה מֹואֲבִיֹּ֤ות עַמֳּנִיֹּות֙ אֲדֹ֣מִיֹּ֔ת צֵדְנִיֹּ֖ת חִתִּיֹּֽת׃ wehamelekhe shelomoh ʾahav nashiym nakheriyowt rabowt weʾet־bat־pareʿoh mowʾaviyowt ʿamoniyowt ʾadomiyot tsedeniyot ḥitiyot׃

² מִן־הַגֹּויִ֗ם אֲשֶׁ֣ר אָֽמַר־יְהוָה֩ אֶל־בְּנֵ֨י יִשְׂרָאֵ֜ל לֹֽא־תָבֹ֣אוּ בָהֶ֗ם וְהֵם֙ לֹא־יָבֹ֣אוּ בָכֶ֔ם אָכֵן֙ יַטּ֣וּ אֶת־לְבַבְכֶ֔ם אַחֲרֵ֖י אֱלֹהֵיהֶ֑ם בָּהֶ֛ם דָּבַ֥ק שְׁלֹמֹ֖ה לְאַהֲבָֽה׃ min־hagowyim ʾasher ʾamar־yehwah ʾel־beney yiseraʾel loʾ־tavoʾu vahem wehem loʾ־yavoʾu vakhem ʾakhen yaṭu ʾet־levavekhem ʾaḥarey ʾeloheyhem bahem davaq shelomoh leʾahavah׃

³ וַיְהִי־לֹ֣ו נָשִׁ֗ים שָׂרֹות֙ שְׁבַ֣ע מֵאֹ֔ות וּפִֽלַגְשִׁ֖ים שְׁלֹ֣שׁ מֵאֹ֑ות וַיַּטּ֥וּ נָשָׁ֖יו אֶת־לִבֹּֽו׃ wayehiy־low nashiym sarowt shevaʿ meʾowt ufilageshiym shelosh meʾowt wayaṭu nashayw ʾet־libow׃

⁴ וַיְהִ֗י לְעֵת֙ זִקְנַ֣ת שְׁלֹמֹ֔ה נָשָׁיו֙ הִטּ֣וּ אֶת־לְבָבֹ֔ו אַחֲרֵ֖י אֱלֹהִ֣ים אֲחֵרִ֑ים וְלֹא־הָיָ֨ה לְבָבֹ֤ו שָׁלֵם֙ עִם־יְהוָ֣ה אֱלֹהָ֔יו כִּלְבַ֖ב דָּוִ֥יד אָבִֽיו׃ wayehiy leʿet ziqenat shelomoh nashayw hiṭu ʾet־levavow ʾaḥarey ʾelohiym ʾaḥeriym weloʾ־hayah levavow shalem ʿim־yehwah ʾelohayw kilevav dawiyd ʾaviyw׃

⁵ וַיֵּ֣לֶךְ שְׁלֹמֹ֔ה אַחֲרֵ֣י עַשְׁתֹּ֔רֶת אֱלֹהֵ֖י צִדֹנִ֑ים וְאַחֲרֵ֣י מִלְכֹּ֔ם שִׁקֻּ֖ץ עַמֹּנִֽים׃ wayelekhe shelomoh ʾaḥarey ʿashetoret ʾelohey tsidoniym weʾaḥarey milekom shiquts ʿamoniym׃

⁶ וַיַּ֧עַשׂ שְׁלֹמֹ֛ה הָרַ֖ע בְּעֵינֵ֣י יְהוָ֑ה וְלֹ֥א מִלֵּ֛א אַחֲרֵ֥י יְהוָ֖ה כְּדָוִ֥ד אָבִֽיו׃ ס wayaʿas shelomoh haraʿ beʿeyney yehwah weloʾ mileʾ ʾaḥarey yehwah kedawid ʾaviyw׃ s

⁷ אָז֩ יִבְנֶ֨ה שְׁלֹמֹ֜ה בָּמָ֗ה לִכְמֹושׁ֙ שִׁקֻּ֣ץ מֹואָ֔ב בָּהָ֕ר אֲשֶׁ֖ר עַל־פְּנֵ֣י יְרוּשָׁלִָ֑ם וּלְמֹ֕לֶךְ שִׁקֻּ֖ץ בְּנֵ֥י עַמֹּֽון׃ ʾaz yiveneh shelomoh bamah likhemowsh shiquts mowʾav bahar ʾasher ʿal־peney yerushalim ulemolekhe shiquts beney ʿamown׃

⁸ וְכֵ֣ן עָשָׂ֔ה לְכָל־נָשָׁ֖יו הַנָּכְרִיֹּ֑ות מַקְטִירֹ֥ות וּֽמְזַבְּחֹ֖ות לֵאלֹהֵיהֶֽן׃ wekhen ʿasah lekhal־nashayw hanakheriyowt maqeṭiyrowt umezabeḥowt leʾloheyhen׃

⁹ וַיִּתְאַנַּ֥ף יְהוָ֖ה בִּשְׁלֹמֹ֑ה כִּֽי־נָטָ֣ה לְבָבֹ֗ו מֵעִ֤ם יְהוָה֙ אֱלֹהֵ֣י יִשְׂרָאֵ֔ל הַנִּרְאָ֥ה אֵלָ֖יו פַּעֲמָֽיִם׃ wayiteʾanaf yehwah bishelomoh kiy־naṭah levavow meʿim yehwah ʾelohey yiseraʾel hanireʾah ʾelayw paʿamayim׃

¹⁰ וְצִוָּ֤ה אֵלָיו֙ עַל־הַדָּבָ֣ר הַזֶּ֔ה לְבִ֨לְתִּי־לֶ֔כֶת אַחֲרֵ֖י אֱלֹהִ֣ים אֲחֵרִ֑ים וְלֹ֣א שָׁמַ֔ר אֵ֥ת אֲשֶׁר־צִוָּ֖ה יְהוָֽה׃ פ wetsiuah ʾelayw ʿal־hadavar hazeh leviletiy־lekhet ʾaḥarey ʾelohiym ʾaḥeriym weloʾ shamar ʾet ʾasher־tsiuah yehwah׃ f

¹¹ וַיֹּ֨אמֶר יְהוָ֜ה לִשְׁלֹמֹ֗ה יַ֚עַן אֲשֶׁ֣ר הָֽיְתָה־זֹּ֣את עִמָּ֔ךְ וְלֹ֤א שָׁמַ֙רְתָּ֙ בְּרִיתִ֣י וְחֻקֹּתַ֔י אֲשֶׁ֥ר צִוִּ֖יתִי עָלֶ֑יךָ קָרֹ֨עַ אֶקְרַ֤ע אֶת־הַמַּמְלָכָה֙ מֵֽעָלֶ֔יךָ וּנְתַתִּ֖יהָ לְעַבְדֶּֽךָ׃ wayoʾmer yehwah lishelomoh yaʿan ʾasher hayetah־zoʾt ʿimakhe weloʾ shamareta beriytiy weḥuqotay ʾasher tsiuiytiy ʿaleykha qaroaʿ ʾeqeraʿ ʾet־hamamelakhah meʿaleykha unetatiyha leʿavedekha׃

¹² אַךְ־בְּיָמֶ֙יךָ֙ לֹ֣א אֶעֱשֶׂ֔נָּה לְמַ֖עַן דָּוִ֣ד אָבִ֑יךָ מִיַּ֥ד בִּנְךָ֖ אֶקְרָעֶֽנָּה׃ ʾakhe־beyameykha loʾ ʾeʿesenah lemaʿan dawid ʾaviykha miyad binekha ʾeqeraʿenah׃

¹³ רַ֤ק אֶת־כָּל־הַמַּמְלָכָה֙ לֹ֣א אֶקְרָ֔ע שֵׁ֥בֶט אֶחָ֖ד אֶתֵּ֣ן לִבְנֶ֑ךָ לְמַ֙עַן֙ דָּוִ֣ד עַבְדִּ֔י וּלְמַ֥עַן יְרוּשָׁלִַ֖ם אֲשֶׁ֥ר בָּחָֽרְתִּי׃ raq ʾet־kal־hamamelakhah loʾ ʾeqeraʿ sheveṭ ʾeḥad ʾeten livenekha lemaʿan dawid ʿavediy ulemaʿan yerushalim ʾasher baḥaretiy׃

¹⁴ וַיָּ֨קֶם יְהוָ֤ה שָׂטָן֙ לִשְׁלֹמֹ֔ה אֵ֖ת הֲדַ֣ד הָאֲדֹמִ֑י מִזֶּ֧רַע הַמֶּ֛לֶךְ ה֖וּא בֶּאֱדֹֽום׃ wayaqem yehwah saṭan lishelomoh ʾet hadad haʾadomiy mizeraʿ hamelekhe huʾ beʾedowm׃

¹⁵ וַיְהִ֗י בִּֽהְיֹ֤ות דָּוִד֙ אֶת־אֱדֹ֔ום בַּעֲלֹ֗ות יֹואָב֙ שַׂ֣ר הַצָּבָ֔א לְקַבֵּ֖ר אֶת־הַחֲלָלִ֑ים וַיַּ֥ךְ כָּל־זָכָ֖ר בֶּאֱדֹֽום׃ wayehiy biheyowt dawid ʾet־ʾedowm baʿalowt yowʾav sar hatsavaʾ leqaber ʾet־haḥalaliym wayakhe kal־zakhar beʾedowm׃

¹⁶ כִּ֣י שֵׁ֧שֶׁת חֳדָשִׁ֛ים יָֽשַׁב־שָׁ֥ם יֹואָ֖ב וְכָל־יִשְׂרָאֵ֑ל עַד־הִכְרִ֥ית כָּל־זָכָ֖ר בֶּאֱדֹֽום׃ kiy sheshet ḥodashiym yashav־sham yowʾav wekhal־yiseraʾel ʿad־hikheriyt kal־zakhar beʾedowm׃

¹⁷ וַיִּבְרַ֣ח אֲדַ֡ד הוּא֩ וַאֲנָשִׁ֨ים אֲדֹמִיִּ֜ים מֵעַבְדֵ֥י אָבִ֛יו אִתֹּ֖ו לָבֹ֣וא מִצְרָ֑יִם וַהֲדַ֖ד נַ֥עַר קָטָֽן׃ wayiveraḥ ʾadad huʾ waʾanashiym ʾadomiyiym meʿavedey ʾaviyw ʾitow lavowʾ mitserayim wahadad naʿar qaṭan׃

¹⁸ וַיָּקֻ֙מוּ֙ מִמִּדְיָ֔ן וַיָּבֹ֖אוּ פָּארָ֑ן וַיִּקְחוּ֩ אֲנָשִׁ֨ים עִמָּ֜ם מִפָּארָ֗ן וַיָּבֹ֤אוּ מִצְרַ֙יִם֙ אֶל־פַּרְעֹ֣ה מֶֽלֶךְ־מִצְרַ֔יִם וַיִּתֶּן־לֹ֣ו בַ֗יִת וְלֶ֙חֶם֙ אָ֣מַר לֹ֔ו וְאֶ֖רֶץ נָ֥תַן לֹֽו׃ wayaqumu mimideyan wayavoʾu paʾran wayiqeḥu ʾanashiym ʿimam mipaʾran wayavoʾu mitserayim ʾel־pareʿoh melekhe־mitserayim wayiten־low vayit weleḥem ʾamar low weʾerets natan low׃

¹⁹ וַיִּמְצָא֙ הֲדַ֥ד חֵ֛ן בְּעֵינֵ֥י פַרְעֹ֖ה מְאֹ֑ד וַיִּתֶּן־לֹ֤ו אִשָּׁה֙ אֶת־אֲחֹ֣ות אִשְׁתֹּ֔ו אֲחֹ֖ות תַּחְפְּנֵ֥יס הַגְּבִירָֽה׃ wayimetsaʾ hadad ḥen beʿeyney fareʿoh meʾod wayiten־low ʾishah ʾet־ʾaḥowt ʾishetow ʾaḥowt taḥepeneys hageviyrah׃

²⁰ וַתֵּ֨לֶד לֹ֜ו אֲחֹ֣ות תַּחְפְּנֵ֗יס אֵ֚ת גְּנֻבַ֣ת בְּנֹ֔ו וַתִּגְמְלֵ֣הוּ תַחְפְּנֵ֔ס בְּתֹ֖וךְ בֵּ֣ית פַּרְעֹ֑ה וַיְהִ֤י גְנֻבַת֙ בֵּ֣ית פַּרְעֹ֔ה בְּתֹ֖וךְ בְּנֵ֥י פַרְעֹֽה׃ wateled low ʾaḥowt taḥepeneys ʾet genuvat benow watigemelehu taḥepenes betowkhe beyt pareʿoh wayehiy genuvat beyt pareʿoh betowkhe beney fareʿoh׃

²¹ וַהֲדַ֞ד שָׁמַ֣ע בְּמִצְרַ֗יִם כִּֽי־שָׁכַ֤ב דָּוִד֙ עִם־אֲבֹתָ֔יו וְכִי־מֵ֖ת יֹואָ֣ב שַֽׂר־הַצָּבָ֑א וַיֹּ֤אמֶר הֲדַד֙ אֶל־פַּרְעֹ֔ה שַׁלְּחֵ֖נִי וְאֵלֵ֥ךְ אֶל־אַרְצִֽי׃ wahadad shamaʿ bemitserayim kiy־shakhav dawid ʿim־ʾavotayw wekhiy־met yowʾav sar־hatsavaʾ wayoʾmer hadad ʾel־pareʿoh shaleḥeniy weʾelekhe ʾel־ʾaretsiy׃

²² וַיֹּ֧אמֶר לֹ֣ו פַרְעֹ֗ה כִּ֠י מָה־אַתָּ֤ה חָסֵר֙ עִמִּ֔י וְהִנְּךָ֥ מְבַקֵּ֖שׁ לָלֶ֣כֶת אֶל־אַרְצֶ֑ךָ וַיֹּ֣אמֶר ׀ לֹ֔א כִּ֥י שַׁלֵּ֖חַ תְּשַׁלְּחֵֽנִי׃ wayoʾmer low fareʿoh kiy mah־ʾatah ḥaser ʿimiy wehinekha mevaqesh lalekhet ʾel־ʾaretsekha wayoʾmer ׀ loʾ kiy shaleaḥ teshaleḥeniy׃

²³ וַיָּ֨קֶם אֱלֹהִ֥ים לֹו֙ שָׂטָ֔ן אֶת־רְזֹ֖ון בֶּן־אֶלְיָדָ֑ע אֲשֶׁ֣ר בָּרַ֗ח מֵאֵ֛ת הֲדַדְעֶ֥זֶר מֶֽלֶךְ־צֹובָ֖ה אֲדֹנָֽיו׃ wayaqem ʾelohiym low saṭan ʾet־rezown ben־ʾeleyadaʿ ʾasher baraḥ meʾet hadadeʿezer melekhe־tsowvah ʾadonayw׃

²⁴ וַיִּקְבֹּ֤ץ עָלָיו֙ אֲנָשִׁ֔ים וַיְהִ֣י שַׂר־גְּד֔וּד בַּהֲרֹ֥ג דָּוִ֖ד אֹתָ֑ם וַיֵּלְכ֤וּ דַמֶּ֙שֶׂק֙ וַיֵּ֣שְׁבוּ בָ֔הּ וַֽיִּמְלְכ֖וּ בְּדַמָּֽשֶׂק׃ wayiqebots ʿalayw ʾanashiym wayehiy sar־gedud baharog dawid ʾotam wayelekhu dameseq wayeshevu vah wayimelekhu bedamaseq׃

²⁵ וַיְהִ֨י שָׂטָ֤ן לְיִשְׂרָאֵל֙ כָּל־יְמֵ֣י שְׁלֹמֹ֔ה וְאֶת־הָרָעָ֖ה אֲשֶׁ֣ר הֲדָ֑ד וַיָּ֙קָץ֙ בְּיִשְׂרָאֵ֔ל וַיִּמְלֹ֖ךְ עַל־אֲרָֽם׃ פ wayehiy saṭan leyiseraʾel kal־yemey shelomoh weʾet־haraʿah ʾasher hadad wayaqats beyiseraʾel wayimelokhe ʿal־ʾaram׃ f

²⁶ וְיָרָבְעָם֩ בֶּן־נְבָ֨ט אֶפְרָתִ֜י מִן־הַצְּרֵדָ֗ה וְשֵׁ֤ם אִמֹּו֙ צְרוּעָה֙ אִשָּׁ֣ה אַלְמָנָ֔ה עֶ֖בֶד לִשְׁלֹמֹ֑ה וַיָּ֥רֶם יָ֖ד בַּמֶּֽלֶךְ׃ weyaraveʿam ben־nevaṭ ʾeferatiy min־hatseredah weshem ʾimow tseruʿah ʾishah ʾalemanah ʿeved lishelomoh wayarem yad bamelekhe׃

²⁷ וְזֶ֣ה הַדָּבָ֔ר אֲשֶׁר־הֵרִ֥ים יָ֖ד בַּמֶּ֑לֶךְ שְׁלֹמֹה֙ בָּנָ֣ה אֶת־הַמִּלֹּ֔וא סָגַ֕ר אֶת־פֶּ֕רֶץ עִ֖יר דָּוִ֥ד אָבִֽיו׃ wezeh hadavar ʾasher־heriym yad bamelekhe shelomoh banah ʾet־hamilowʾ sagar ʾet־perets ʿiyr dawid ʾaviyw׃

²⁸ וְהָאִ֥ישׁ יָרָבְעָ֖ם גִּבֹּ֣ור חָ֑יִל וַיַּ֨רְא שְׁלֹמֹ֜ה אֶת־הַנַּ֗עַר כִּֽי־עֹשֵׂ֤ה מְלָאכָה֙ ה֔וּא וַיַּפְקֵ֣ד אֹתֹ֔ו לְכָל־סֵ֖בֶל בֵּ֥ית יֹוסֵֽף׃ ס wehaʾiysh yaraveʿam gibowr ḥayil wayareʾ shelomoh ʾet־hanaʿar kiy־ʿoseh melaʾkhah huʾ wayafeqed ʾotow lekhal־sevel beyt yowsef׃ s

²⁹ וַֽיְהִי֙ בָּעֵ֣ת הַהִ֔יא וְיָֽרָבְעָ֖ם יָצָ֣א מִירוּשָׁלִָ֑ם וַיִּמְצָ֣א אֹתֹ֡ו אֲחִיָּה֩ הַשִּׁילֹנִ֨י הַנָּבִ֜יא בַּדֶּ֗רֶךְ וְה֤וּא מִתְכַּסֶּה֙ בְּשַׂלְמָ֣ה חֲדָשָׁ֔ה וּשְׁנֵיהֶ֥ם לְבַדָּ֖ם בַּשָּׂדֶֽה׃ wayehiy baʿet hahiyʾ weyaraveʿam yatsaʾ miyrushalim wayimetsaʾ ʾotow ʾaḥiyah hashiyloniy hanaviyʾ baderekhe wehuʾ mitekaseh besalemah ḥadashah usheneyhem levadam basadeh׃

³⁰ וַיִּתְפֹּ֣שׂ אֲחִיָּ֔ה בַּשַּׂלְמָ֥ה הַחֲדָשָׁ֖ה אֲשֶׁ֣ר עָלָ֑יו וַיִּ֨קְרָעֶ֔הָ שְׁנֵ֥ים עָשָׂ֖ר קְרָעִֽים׃ wayitepos ʾaḥiyah basalemah haḥadashah ʾasher ʿalayw wayiqeraʿeah sheneym ʿasar qeraʿiym׃

³¹ וַיֹּ֙אמֶר֙ לְיָֽרָבְעָ֔ם קַח־לְךָ֖ עֲשָׂרָ֣ה קְרָעִ֑ים כִּ֣י כֹה֩ אָמַ֨ר יְהוָ֜ה אֱלֹהֵ֣י יִשְׂרָאֵ֗ל הִנְנִ֨י קֹרֵ֤עַ אֶת־הַמַּמְלָכָה֙ מִיַּ֣ד שְׁלֹמֹ֔ה וְנָתַתִּ֣י לְךָ֔ אֵ֖ת עֲשָׂרָ֥ה הַשְּׁבָטִֽים׃ wayoʾmer leyaraveʿam qaḥ־lekha ʿasarah qeraʿiym kiy khoh ʾamar yehwah ʾelohey yiseraʾel hineniy qoreaʿ ʾet־hamamelakhah miyad shelomoh wenatatiy lekha ʾet ʿasarah hashevaṭiym׃

³² וְהַשֵּׁ֥בֶט הָאֶחָ֖ד יִֽהְיֶה־לֹּ֑ו לְמַ֣עַן ׀ עַבְדִּ֣י דָוִ֗ד וּלְמַ֙עַן֙ יְר֣וּשָׁלִַ֔ם הָעִיר֙ אֲשֶׁ֣ר בָּחַ֣רְתִּי בָ֔הּ מִכֹּ֖ל שִׁבְטֵ֥י יִשְׂרָאֵֽל׃ wehasheveṭ haʾeḥad yiheyeh־low lemaʿan ׀ ʿavediy dawid ulemaʿan yerushalim haʿiyr ʾasher baḥaretiy vah mikol shiveṭey yiseraʾel׃

³³ יַ֣עַן ׀ אֲשֶׁ֣ר עֲזָב֗וּנִי וַיִּֽשְׁתַּחֲווּ֮ לְעַשְׁתֹּרֶת֮ אֱלֹהֵ֣י צִֽדֹנִין֒ לִכְמֹושׁ֙ אֱלֹהֵ֣י מֹואָ֔ב וּלְמִלְכֹּ֖ם אֱלֹהֵ֣י בְנֵֽי־עַמֹּ֑ון וְלֹֽא־הָלְכ֣וּ בִדְרָכַ֗י לַעֲשֹׂ֨ות הַיָּשָׁ֧ר בְּעֵינַ֛י וְחֻקֹּתַ֥י וּמִשְׁפָּטַ֖י כְּדָוִ֥ד אָבִֽיו׃ yaʿan ׀ ʾasher ʿazavuniy wayishetaḥawu leʿashetoret ʾelohey tsidoniyn likhemowsh ʾelohey mowʾav ulemilekom ʾelohey veney־ʿamown weloʾ־halekhu viderakhay laʿasowt hayashar beʿeynay weḥuqotay umishepaṭay kedawid ʾaviyw׃

³⁴ וְלֹֽא־אֶקַּ֥ח אֶת־כָּל־הַמַּמְלָכָ֖ה מִיָּדֹ֑ו כִּ֣י ׀ נָשִׂ֣יא אֲשִׁתֶ֗נּוּ כֹּ֚ל יְמֵ֣י חַיָּ֔יו לְמַ֨עַן דָּוִ֤ד עַבְדִּי֙ אֲשֶׁ֣ר בָּחַ֣רְתִּי אֹתֹ֔ו אֲשֶׁ֥ר שָׁמַ֖ר מִצְוֹתַ֥י וְחֻקֹּתָֽי׃ weloʾ־ʾeqaḥ ʾet־kal־hamamelakhah miyadow kiy ׀ nasiyʾ ʾashitenu kol yemey ḥayayw lemaʿan dawid ʿavediy ʾasher baḥaretiy ʾotow ʾasher shamar mitseotay weḥuqotay׃

³⁵ וְלָקַחְתִּ֥י הַמְּלוּכָ֖ה מִיַּ֣ד בְּנֹ֑ו וּנְתַתִּ֣יהָ לְּךָ֔ אֵ֖ת עֲשֶׂ֥רֶת הַשְּׁבָטִֽים׃ welaqaḥetiy hamelukhah miyad benow unetatiyha lekha ʾet ʿaseret hashevaṭiym׃

³⁶ וְלִבְנֹ֖ו אֶתֵּ֣ן שֵֽׁבֶט־אֶחָ֑ד לְמַ֣עַן הֱיֹֽות־נִ֣יר לְדָֽוִיד־עַ֠בְדִּי כָּֽל־הַיָּמִ֤ים ׀ לְפָנַי֙ בִּיר֣וּשָׁלִַ֔ם הָעִיר֙ אֲשֶׁ֣ר בָּחַ֣רְתִּי לִ֔י לָשׂ֥וּם שְׁמִ֖י שָֽׁם׃ welivenow ʾeten sheveṭ־ʾeḥad lemaʿan heyowt־niyr ledawiyd־ʿavediy kal־hayamiym ׀ lefanay biyrushalim haʿiyr ʾasher baḥaretiy liy lasum shemiy sham׃

³⁷ וְאֹתְךָ֣ אֶקַּ֔ח וּמָ֣לַכְתָּ֔ בְּכֹ֥ל אֲשֶׁר־תְּאַוֶּ֖ה נַפְשֶׁ֑ךָ וְהָיִ֥יתָ מֶּ֖לֶךְ עַל־יִשְׂרָאֵֽל׃ weʾotekha ʾeqaḥ umalakheta bekhol ʾasher־teʾaueh nafeshekha wehayiyta melekhe ʿal־yiseraʾel׃

³⁸ וְהָיָ֗ה אִם־תִּשְׁמַע֮ אֶת־כָּל־אֲשֶׁ֣ר אֲצַוֶּךָ֒ וְהָלַכְתָּ֣ בִדְרָכַ֗י וְעָשִׂ֨יתָ הַיָּשָׁ֤ר בְּעֵינַי֙ לִשְׁמֹ֤ור חֻקֹּותַי֙ וּמִצְוֹתַ֔י כַּאֲשֶׁ֥ר עָשָׂ֖ה דָּוִ֣ד עַבְדִּ֑י וְהָיִ֣יתִי עִמָּ֗ךְ וּבָנִ֨יתִי לְךָ֤ בַֽיִת־נֶאֱמָן֙ כַּאֲשֶׁ֣ר בָּנִ֣יתִי לְדָוִ֔ד וְנָתַתִּ֥י לְךָ֖ אֶת־יִשְׂרָאֵֽל׃ wehayah ʾim־tishemaʿ ʾet־kal־ʾasher ʾatsauekha wehalakheta viderakhay weʿasiyta hayashar beʿeynay lishemowr ḥuqowtay umitseotay kaʾasher ʿasah dawid ʿavediy wehayiytiy ʿimakhe uvaniytiy lekha vayit־neʾeman kaʾasher baniytiy ledawid wenatatiy lekha ʾet־yiseraʾel׃

³⁹ וַֽאעַנֶּ֛ה אֶת־זֶ֥רַע דָּוִ֖ד לְמַ֣עַן זֹ֑את אַ֖ךְ לֹ֥א כָל־הַיָּמִֽים׃ ס waʾʿaneh ʾet־zeraʿ dawid lemaʿan zoʾt ʾakhe loʾ khal־hayamiym׃ s

⁴⁰ וַיְבַקֵּ֥שׁ שְׁלֹמֹ֖ה לְהָמִ֣ית אֶת־יָרָבְעָ֑ם וַיָּ֣קָם יָרָבְעָ֗ם וַיִּבְרַ֤ח מִצְרַ֙יִם֙ אֶל־שִׁישַׁ֣ק מֶֽלֶךְ־מִצְרַ֔יִם וַיְהִ֥י בְמִצְרַ֖יִם עַד־מֹ֥ות שְׁלֹמֹֽה׃ wayevaqesh shelomoh lehamiyt ʾet־yaraveʿam wayaqam yaraveʿam wayiveraḥ mitserayim ʾel־shiyshaq melekhe־mitserayim wayehiy vemitserayim ʿad־mowt shelomoh׃

⁴¹ וְיֶ֨תֶר דִּבְרֵ֧י שְׁלֹמֹ֛ה וְכָל־אֲשֶׁ֥ר עָשָׂ֖ה וְחָכְמָתֹ֑ו הֲלֹֽוא־הֵ֣ם כְּתֻבִ֔ים עַל־סֵ֖פֶר דִּבְרֵ֥י שְׁלֹמֹֽה׃ weyeter diverey shelomoh wekhal־ʾasher ʿasah weḥakhematow halowʾ־hem ketuviym ʿal־sefer diverey shelomoh׃

⁴² וְהַיָּמִ֗ים אֲשֶׁר֩ מָלַ֨ךְ שְׁלֹמֹ֤ה בִירוּשָׁלִַ֙ם֙ עַל־כָּל־יִשְׂרָאֵ֔ל אַרְבָּעִ֖ים שָׁנָֽה׃ wehayamiym ʾasher malakhe shelomoh viyrushalim ʿal־kal־yiseraʾel ʾarebaʿiym shanah׃

⁴³ וַיִּשְׁכַּ֤ב שְׁלֹמֹה֙ עִם־אֲבֹתָ֔יו וַיִּ֨קָּבֵ֔ר בְּעִ֖יר דָּוִ֣ד אָבִ֑יו וַיִּמְלֹ֛ךְ רְחַבְעָ֥ם בְּנֹ֖ו תַּחְתָּֽיו׃ ס wayishekav shelomoh ʿim־ʾavotayw wayiqaver beʿiyr dawid ʾaviyw wayimelokhe reḥaveʿam benow taḥetayw׃ s