Psaumes 72

¹ לִשְׁלֹמֹ֨ה ׀ אֱ‍ֽלֹהִ֗ים מִ֭שְׁפָּטֶיךָ לְמֶ֣לֶךְ תֵּ֑ן וְצִדְקָתְךָ֥ לְבֶן־מֶֽלֶךְ׃ lishelomoh ׀ א‍lohiym mishepaṭeykha lemelekhe ten wetsideqatekha leven־melekhe׃

² יָדִ֣ין עַמְּךָ֣ בְצֶ֑דֶק וַעֲנִיֶּ֥יךָ בְמִשְׁפָּֽט׃ yadiyn ʿamekha vetsedeq waʿaniyeykha vemishepaṭ׃

³ יִשְׂא֤וּ הָרִ֓ים שָׁ֘לֹ֥ום לָעָ֑ם וּ֝גְבָעֹ֗ות בִּצְדָקָֽה׃ yiseʾu hariym shalowm laʿam ugevaʿowt bitsedaqah׃

⁴ יִשְׁפֹּ֤ט ׀ עֲ‍ֽנִיֵּי־עָ֗ם יֹ֭ושִׁיעַ לִבְנֵ֣י אֶבְיֹ֑ון וִֽידַכֵּ֣א עֹושֵֽׁק׃ yishepoṭ ׀ ע‍niyey־ʿam yowshiyʿa liveney ʾeveyown wiydakeʾ ʿowsheq׃

⁵ יִֽירָא֥וּךָ עִם־שָׁ֑מֶשׁ וְלִפְנֵ֥י יָ֝רֵ֗חַ דֹּ֣ור דֹּורִֽים׃ yiyraʾukha ʿim־shamesh welifeney yareaḥ dowr dowriym׃

⁶ יֵ֭רֵד כְּמָטָ֣ר עַל־גֵּ֑ז כִּ֝רְבִיבִ֗ים זַרְזִ֥יף אָֽרֶץ׃ yered kemaṭar ʿal־gez kireviyviym zareziyf ʾarets׃

⁷ יִֽפְרַח־בְּיָמָ֥יו צַדִּ֑יק וְרֹ֥ב לֹ֗ום עַד־בְּלִ֥י יָרֵֽחַ׃ yiferaḥ־beyamayw tsadiyq werov lowm ʿad־beliy yareaḥ׃

⁸ וְ֭יֵרְדְּ מִיָּ֣ם עַד־יָ֑ם וּ֝מִנָּהָ֗ר עַד־אַפְסֵי־אָֽרֶץ׃ weyerede miyam ʿad־yam uminahar ʿad־ʾafesey־ʾarets׃

⁹ לְ֭פָנָיו יִכְרְע֣וּ צִיִּ֑ים וְ֝אֹיְבָ֗יו עָפָ֥ר יְלַחֵֽכוּ׃ lefanayw yikhereʿu tsiyiym weʾoyevayw ʿafar yelaḥekhu׃

¹⁰ מַלְכֵ֬י תַרְשִׁ֣ישׁ וְ֭אִיִּים מִנְחָ֣ה יָשִׁ֑יבוּ מַלְכֵ֥י שְׁבָ֥א וּ֝סְבָ֗א אֶשְׁכָּ֥ר יַקְרִֽיבוּ׃ malekhey tareshiysh weʾiyiym mineḥah yashiyvu malekhey shevaʾ usevaʾ ʾeshekar yaqeriyvu׃

¹¹ וְיִשְׁתַּחֲווּ־לֹ֥ו כָל־מְלָכִ֑ים כָּל־גֹּויִ֥ם יַֽעַבְדֽוּהוּ׃ weyishetaḥawu־low khal־melakhiym kal־gowyim yaʿaveduhu׃

¹² כִּֽי־יַ֭צִּיל אֶבְיֹ֣ון מְשַׁוֵּ֑עַ וְ֝עָנִ֗י וְֽאֵין־עֹזֵ֥ר לֹֽו׃ kiy־yatsiyl ʾeveyown meshaueaʿ weʿaniy weʾeyn־ʿozer low׃

¹³ יָ֭חֹס עַל־דַּ֣ל וְאֶבְיֹ֑ון וְנַפְשֹׁ֖ות אֶבְיֹונִ֣ים יֹושִֽׁיעַ׃ yaḥos ʿal־dal weʾeveyown wenafeshowt ʾeveyowniym yowshiyʿa׃

¹⁴ מִתֹּ֣וךְ וּ֭מֵחָמָס יִגְאַ֣ל נַפְשָׁ֑ם וְיֵיקַ֖ר דָּמָ֣ם בְּעֵינָֽיו׃ mitowkhe umeḥamas yigeʾal nafesham weyeyqar damam beʿeynayw׃

¹⁵ וִיחִ֗י וְיִתֶּן־לֹו֮ מִזְּהַ֪ב שְׁ֫בָ֥א וְיִתְפַּלֵּ֣ל בַּעֲדֹ֣ו תָמִ֑יד כָּל־הַ֝יֹּ֗ום יְבָרֲכֶֽנְהֽוּ׃ wiyḥiy weyiten־low mizehav shevaʾ weyitepalel baʿadow tamiyd kal־hayowm yevarakhenehu׃

¹⁶ יְהִ֤י פִסַּת־בַּ֨ר ׀ בָּאָרֶץ֮ בְּרֹ֪אשׁ הָ֫רִ֥ים יִרְעַ֣שׁ כַּלְּבָנֹ֣ון פִּרְיֹ֑ו וְיָצִ֥יצוּ מֵ֝עִ֗יר כְּעֵ֣שֶׂב הָאָֽרֶץ׃ yehiy fisat־bar ׀ baʾarets beroʾsh hariym yireʿash kalevanown pireyow weyatsiytsu meʿiyr keʿesev haʾarets׃

¹⁷ יְהִ֤י שְׁמֹ֨ו לְֽעֹולָ֗ם לִפְנֵי־שֶׁמֶשׁ֮ [יָנִין כ] (יִנֹּ֪ון ק) שְׁ֫מֹ֥ו וְיִתְבָּ֥רְכוּ בֹ֑ו כָּל־גֹּויִ֥ם יְאַשְּׁרֽוּהוּ׃ yehiy shemow leʿowlam lifeney־shemesh [yaniyn kh] (yinown q) shemow weyitebarekhu vow kal־gowyim yeʾasheruhu׃

¹⁸ בָּר֤וּךְ ׀ יְהוָ֣ה אֱ֭לֹהִים אֱלֹהֵ֣י יִשְׂרָאֵ֑ל עֹשֵׂ֖ה נִפְלָאֹ֣ות לְבַדֹּֽו׃ barukhe ׀ yehwah ʾelohiym ʾelohey yiseraʾel ʿoseh nifelaʾowt levadow׃

¹⁹ וּבָר֤וּךְ ׀ שֵׁ֥ם כְּבֹודֹ֗ו לְעֹ֫ולָ֥ם וְיִמָּלֵ֣א כְ֭בֹודֹו אֶת־כֹּ֥ל הָאָ֗רֶץ אָ֘מֵ֥ן ׀ וְאָמֵֽן׃ uvarukhe ׀ shem kevowdow leʿowlam weyimaleʾ khevowdow ʾet־kol haʾarets ʾamen ׀ weʾamen׃

²⁰ כָּלּ֥וּ תְפִלֹּ֑ות דָּ֝וִ֗ד בֶּן־יִשָֽׁי׃ kalu tefilowt dawid ben־yishay׃