Proverbes 22

¹ נִבְחָ֣ר ם מֵעֹ֣שֶׁר רָ֑ב מִכֶּ֥סֶף וּ֝מִזָּהָ֗ב חֵ֣ן טֹֽוב׃ niveḥar m meʿosher rav mikesef umizahav ḥen ṭowv׃

² עָשִׁ֣יר וָרָ֣שׁ נִפְגָּ֑שׁוּ עֹשֵׂ֖ה כֻלָּ֣ם יְהוָֽה׃ ʿashiyr warash nifegashu ʿoseh khulam yehwah׃

³ עָר֤וּם ׀ רָאָ֣ה רָעָ֣ה [וְיִסָּתֵר כ] (וְנִסְתָּ֑ר ק) וּ֝פְתָיִ֗ים עָבְר֥וּ וְֽנֶעֱנָֽשׁוּ׃ ʿarum ׀ raʾah raʿah [weyisater kh] (wenisetar q) ufetayiym ʿaveru weneʿenashu׃

⁴ עֵ֣קֶב עֲ֭נָוָה יִרְאַ֣ת יְהוָ֑ה עֹ֖שֶׁר וְכָבֹ֣וד וְחַיִּֽים׃ ʿeqev ʿanawah yireʾat yehwah ʿosher wekhavowd weḥayiym׃

⁵ צִנִּ֣ים פַּ֭חִים בְּדֶ֣רֶךְ עִקֵּ֑שׁ שֹׁומֵ֥ר נַ֝פְשֹׁ֗ו יִרְחַ֥ק מֵהֶֽם׃ tsiniym paḥiym bederekhe ʿiqesh showmer nafeshow yireḥaq mehem׃

⁶ חֲנֹ֣ךְ לַ֭נַּעַר עַל־פִּ֣י דַרְכֹּ֑ו גַּ֥ם כִּֽי־יַ֝זְקִ֗ין לֹֽא־יָס֥וּר מִמֶּֽנָּה׃ ḥanokhe lanaʿar ʿal־piy darekow gam kiy־yazeqiyn loʾ־yasur mimenah׃

⁷ עָ֭שִׁיר בְּרָשִׁ֣ים יִמְשֹׁ֑ול וְעֶ֥בֶד לֹ֝וֶ֗ה לְאִ֣ישׁ מַלְוֶֽה׃ ʿashiyr berashiym yimeshowl weʿeved loweh leʾiysh maleweh׃

⁸ זֹורֵ֣עַ עַ֭וְלָה [יִקְצֹור־ כ] (יִקְצָר־אָ֑וֶן ק) וְשֵׁ֖בֶט עֶבְרָתֹ֣ו יִכְלֶֽה׃ zowreaʿ ʿawelah [yiqetsowr־ kh] (yiqetsar־ʾawen q) wesheveṭ ʿeveratow yikheleh׃

⁹ טֹֽוב־עַ֭יִן ה֣וּא יְבֹרָ֑ךְ כִּֽי־נָתַ֖ן מִלַּחְמֹ֣ו לַדָּֽל׃ ṭowv־ʿayin huʾ yevorakhe kiy־natan milaḥemow ladal׃

¹⁰ גָּ֣רֵֽשׁ לֵ֭ץ וְיֵצֵ֣א מָדֹ֑ון וְ֝יִשְׁבֹּ֗ת דִּ֣ין וְקָלֹֽון׃ garesh lets weyetseʾ madown weyishebot diyn weqalown׃

¹¹ אֹהֵ֥ב [טְהֹור־ כ] (טְהָר־לֵ֑ב ק) חֵ֥ן פָתָ֗יו רֵעֵ֥הוּ מֶֽלֶךְ׃ ʾohev [ṭehowr־ kh] (ṭehar־lev q) ḥen fatayw reʿehu melekhe׃

¹² עֵינֵ֣י יְ֭הוָה נָ֣צְרוּ דָ֑עַת וַ֝יְסַלֵּ֗ף דִּבְרֵ֥י בֹגֵֽד׃ ʿeyney yehwah natseru daʿat wayesalef diverey voged׃

¹³ אָמַ֣ר עָ֭צֵל אֲרִ֣י בַח֑וּץ בְּתֹ֥וךְ רְ֝חֹבֹ֗ות אֵֽרָצֵֽחַ׃ ʾamar ʿatsel ʾariy vaḥuts betowkhe reḥovowt ʾeratseaḥ׃

¹⁴ שׁוּחָ֣ה עֲ֭מֻקָּה פִּ֣י זָרֹ֑ות זְע֥וּם יְ֝הוָ֗ה [יִפֹּול־ כ] (יִפָּל־שָֽׁם׃ ק) shuḥah ʿamuqah piy zarowt zeʿum yehwah [yipowl־ kh] (yipal־sham׃ q)

¹⁵ אִ֭וֶּלֶת קְשׁוּרָ֣ה בְלֶב־נָ֑עַר שֵׁ֥בֶט מ֝וּסָ֗ר יַרְחִיקֶ֥נָּה מִמֶּֽנּוּ׃ ʾiuelet qeshurah velev־naʿar sheveṭ musar yareḥiyqenah mimenu׃

¹⁶ עֹ֣שֵֽׁק דָּ֭ל לְהַרְבֹּ֣ות לֹ֑ו נֹתֵ֥ן לְ֝עָשִׁ֗יר אַךְ־לְמַחְסֹֽור׃ ʿosheq dal leharebowt low noten leʿashiyr ʾakhe־lemaḥesowr׃

¹⁷ הַ֥ט אָזְנְךָ֗ וּ֭שְׁמַע דִּבְרֵ֣י חֲכָמִ֑ים וְ֝לִבְּךָ֗ תָּשִׁ֥ית לְדַעְתִּֽי׃ haṭ ʾazenekha ushemaʿ diverey ḥakhamiym welibekha tashiyt ledaʿetiy׃

¹⁸ כִּֽי־נָ֭עִים כִּֽי־תִשְׁמְרֵ֣ם בְּבִטְנֶ֑ךָ יִכֹּ֥נוּ יַ֝חְדָּ֗ו עַל־שְׂפָתֶֽיךָ׃ kiy־naʿiym kiy־tishemerem beviṭenekha yikonu yaḥedaw ʿal־sefateykha׃

¹⁹ לִהְיֹ֣ות בַּ֭יהוָה מִבְטַחֶ֑ךָ הֹודַעְתִּ֖יךָ הַיֹּ֣ום אַף־אָֽתָּה׃ liheyowt bayhwah miveṭaḥekha howdaʿetiykha hayowm ʾaf־ʾatah׃

²⁰ הֲלֹ֤א כָתַ֣בְתִּי לְ֭ךָ [שִׁלְשֹׁום כ] (שָׁלִישִׁ֑ים ק) בְּמֹ֖ועֵצֹ֣ת וָדָֽעַת׃ haloʾ khatavetiy lekha [shileshowm kh] (shaliyshiym q) bemowʿetsot wadaʿat׃

²¹ לְהֹודִֽיעֲךָ֗ קֹ֭שְׁטְ אִמְרֵ֣י אֱמֶ֑ת לְהָשִׁ֥יב אֲמָרִ֥ים אֱ֝מֶ֗ת לְשֹׁלְחֶֽיךָ׃ פ lehowdiyʿakha qosheṭe ʾimerey ʾemet lehashiyv ʾamariym ʾemet lesholeḥeykha׃ f

²² אַֽל־תִּגְזָל־דָּ֭ל כִּ֣י דַל־ה֑וּא וְאַל־תְּדַכֵּ֖א עָנִ֣י בַשָּֽׁעַר׃ ʾal־tigezal־dal kiy dal־huʾ weʾal־tedakeʾ ʿaniy vashaʿar׃

²³ כִּֽי־יְ֭הוָה יָרִ֣יב רִיבָ֑ם וְקָבַ֖ע אֶת־קֹבְעֵיהֶ֣ם נָֽפֶשׁ׃ kiy־yehwah yariyv riyvam weqavaʿ ʾet־qoveʿeyhem nafesh׃

²⁴ אַל־תִּ֭תְרַע אֶת־בַּ֣עַל אָ֑ף וְאֶת־אִ֥ישׁ חֵ֝מֹות לֹ֣א תָבֹֽוא׃ ʾal־titeraʿ ʾet־baʿal ʾaf weʾet־ʾiysh ḥemowt loʾ tavowʾ׃

²⁵ פֶּן־תֶּאֱלַ֥ף [אָרְחָתֹו כ] (אֹֽרְחֹתָ֑יו ק) וְלָקַחְתָּ֖ מֹוקֵ֣שׁ לְנַפְשֶֽׁךָ׃ pen־teʾelaf [ʾareḥatow kh] (ʾoreḥotayw q) welaqaḥeta mowqesh lenafeshekha׃

²⁶ אַל־תְּהִ֥י בְתֹֽקְעֵי־כָ֑ף בַּ֝עֹרְבִ֗ים מַשָּׁאֹֽות׃ ʾal־tehiy vetoqeʿey־khaf baʿoreviym mashaʾowt׃

²⁷ אִם־אֵֽין־לְךָ֥ לְשַׁלֵּ֑ם לָ֥מָּה יִקַּ֥ח מִ֝שְׁכָּבְךָ֗ מִתַּחְתֶּֽיךָ׃ ʾim־ʾeyn־lekha leshalem lamah yiqaḥ mishekavekha mitaḥeteykha׃

²⁸ אַל־תַּ֭סֵּג גְּב֣וּל עֹולָ֑ם אֲשֶׁ֖ר עָשׂ֣וּ אֲבֹותֶֽיךָ׃ ʾal־taseg gevul ʿowlam ʾasher ʿasu ʾavowteykha׃

²⁹ חָזִ֡יתָ אִ֤ישׁ ׀ מָ֘הִ֤יר בִּמְלַאכְתֹּ֗ו לִֽפְנֵֽי־מְלָכִ֥ים יִתְיַצָּ֑ב בַּל־יִ֝תְיַצֵּב לִפְנֵ֥י חֲשֻׁכִּֽים׃ פ ḥaziyta ʾiysh ׀ mahiyr bimelaʾkhetow lifeney־melakhiym yiteyatsav bal־yiteyatsev lifeney ḥashukiym׃ f