1 וַיִּקְח֞וּ כָּל־עַ֤ם יְהוּדָה֙ אֶת־עֻזִּיָּ֔הוּ וְה֕וּא בֶּן־שֵׁ֥שׁ עֶשְׂרֵ֖ה שָׁנָ֑ה וַיַּמְלִ֣יכוּ אֹתֹ֔ו תַּ֖חַת אָבִ֥יו אֲמַצְיָֽהוּ׃ wayiqeḥu kal־ʿam yehudah ʾet־ʿuziyahu wehuʾ ben־shesh ʿesereh shanah wayameliykhu ʾotow taḥat ʾaviyw ʾamatseyahu׃
2 ה֚וּא בָּנָ֣ה אֶת־אֵילֹ֔ות וַיְשִׁיבֶ֖הָ לִֽיהוּדָ֑ה אַחֲרֵ֥י שְׁכַֽב־הַמֶּ֖לֶךְ עִם־אֲבֹתָֽיו׃ פ huʾ banah ʾet־ʾeylowt wayeshiyveah liyhudah ʾaḥarey shekhav־hamelekhe ʿim־ʾavotayw׃ f
3 בֶּן־שֵׁ֨שׁ עֶשְׂרֵ֤ה שָׁנָה֙ עֻזִּיָּ֣הוּ בְמָלְכֹ֔ו וַחֲמִשִּׁ֤ים וּשְׁתַּ֙יִם֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמֹּ֔ו [יְכִילְיָה כ] (יְכָלְיָ֖ה ק) מִן־יְרוּשָׁלִָֽם׃ ben־shesh ʿesereh shanah ʿuziyahu vemalekhow waḥamishiym ushetayim shanah malakhe biyrushalim weshem ʾimow [yekhiyleyah kh] (yekhaleyah q) min־yerushalim׃
4 וַיַּ֥עַשׂ הַיָּשָׁ֖ר בְּעֵינֵ֣י יְהוָ֑ה כְּכֹ֥ל אֲשֶׁר־עָשָׂ֖ה אֲמַצְיָ֥הוּ אָבִֽיו׃ wayaʿas hayashar beʿeyney yehwah kekhol ʾasher־ʿasah ʾamatseyahu ʾaviyw׃
5 וַיְהִי֙ לִדְרֹ֣שׁ אֱלֹהִ֔ים בִּימֵ֣י זְכַרְיָ֔הוּ הַמֵּבִ֖ין בִּרְאֹ֣ת הָאֱלֹהִ֑ים וּבִימֵי֙ דָּרְשֹׁ֣ו אֶת־יְהוָ֔ה הִצְלִיחֹ֖ו הָאֱלֹהִֽים׃ ס wayehiy liderosh ʾelohiym biymey zekhareyahu hameviyn bireʾot haʾelohiym uviymey dareshow ʾet־yehwah hitseliyḥow haʾelohiym׃ s
6 וַיֵּצֵא֙ וַיִּלָּ֣חֶם בַּפְּלִשְׁתִּ֔ים וַיִּפְרֹ֞ץ אֶת־חֹ֣ומַת גַּ֗ת וְאֵת֙ חֹומַ֣ת יַבְנֵ֔ה וְאֵ֖ת חֹומַ֣ת אַשְׁדֹּ֑וד וַיִּבְנֶ֣ה עָרִ֔ים בְּאַשְׁדֹּ֖וד וּבַפְּלִשְׁתִּֽים׃ wayetseʾ wayilaḥem bapelishetiym wayiferots ʾet־ḥowmat gat weʾet ḥowmat yaveneh weʾet ḥowmat ʾashedowd wayiveneh ʿariym beʾashedowd uvapelishetiym׃
7 וַיַּעְזְרֵ֨הוּ הָֽאֱלֹהִ֜ים עַל־פְּלִשְׁתִּ֧ים וְעַל־ [הָעַרְבִיִּים כ] (הָֽעַרְבִ֛ים ק) הַיֹּשְׁבִ֥ים בְּגוּר־בָּ֖עַל וְהַמְּעוּנִֽים׃ wayaʿezerehu haʾelohiym ʿal־pelishetiym weʿal־ [haʿareviyiym kh] (haʿareviym q) hayosheviym begur־baʿal wehameʿuniym׃
8 וַיִּתְּנ֧וּ הָֽעַמֹּונִ֛ים מִנְחָ֖ה לְעֻזִּיָּ֑הוּ וַיֵּ֤לֶךְ שְׁמֹו֙ עַד־לְבֹ֣וא מִצְרַ֔יִם כִּ֥י הֶחֱזִ֖יק עַד־לְמָֽעְלָה׃ wayitenu haʿamowniym mineḥah leʿuziyahu wayelekhe shemow ʿad־levowʾ mitserayim kiy heḥeziyq ʿad־lemaʿelah׃
9 וַיִּ֨בֶן עֻזִּיָּ֤הוּ מִגְדָּלִים֙ בִּיר֣וּשָׁלִַ֔ם עַל־שַׁ֧עַר הַפִּנָּ֛ה וְעַל־שַׁ֥עַר הַגַּ֖יְא וְעַל־הַמִּקְצֹ֑ועַ וַֽיְחַזְּקֵֽם׃ wayiven ʿuziyahu migedaliym biyrushalim ʿal־shaʿar hapinah weʿal־shaʿar hagayeʾ weʿal־hamiqetsowʿa wayeḥazeqem׃
10 וַיִּ֨בֶן מִגְדָּלִ֜ים בַּמִּדְבָּ֗ר וַיַּחְצֹב֙ בֹּרֹ֣ות רַבִּ֔ים כִּ֤י מִקְנֶה־רַּב֙ הָ֣יָה לֹ֔ו וּבַשְּׁפֵלָ֖ה וּבַמִּישֹׁ֑ור אִכָּרִ֣ים וְכֹֽרְמִ֗ים בֶּהָרִים֙ וּבַכַּרְמֶ֔ל כִּֽי־אֹהֵ֥ב אֲדָמָ֖ה הָיָֽה׃ ס wayiven migedaliym bamidebar wayaḥetsov borowt rabiym kiy miqeneh־rav hayah low uvashefelah uvamiyshowr ʾikariym wekhoremiym behariym uvakaremel kiy־ʾohev ʾadamah hayah׃ s
11 וַיְהִ֣י לְעֻזִּיָּ֡הוּ חַיִל֩ עֹשֵׂ֨ה מִלְחָמָ֜ה יֹוצְאֵ֧י צָבָ֣א לִגְד֗וּד בְּמִסְפַּר֙ פְּקֻדָּתָ֔ם בְּיַד֙ [יְעוּאֵל כ] (יְעִיאֵ֣ל ק) הַסֹּופֵ֔ר וּמַעֲשֵׂיָ֖הוּ הַשֹּׁוטֵ֑ר עַ֚ל יַד־חֲנַנְיָ֔הוּ מִשָּׂרֵ֖י הַמֶּֽלֶךְ׃ wayehiy leʿuziyahu ḥayil ʿoseh mileḥamah yowtseʾey tsavaʾ ligedud bemisepar pequdatam beyad [yeʿuʾel kh] (yeʿiyʾel q) hasowfer umaʿaseyahu hashowṭer ʿal yad־ḥananeyahu misarey hamelekhe׃
12 כֹּ֠ל מִסְפַּ֞ר רָאשֵׁ֤י הָאָבֹות֙ לְגִבֹּ֣ורֵי חָ֔יִל אַלְפַּ֖יִם וְשֵׁ֥שׁ מֵאֹֽות׃ kol misepar raʾshey haʾavowt legibowrey ḥayil ʾalepayim weshesh meʾowt׃
13 וְעַל־יָדָם֩ חֵ֨יל צָבָ֜א שְׁלֹ֧שׁ מֵאֹ֣ות אֶ֗לֶף וְשִׁבְעַ֤ת אֲלָפִים֙ וַחֲמֵ֣שׁ מֵאֹ֔ות עֹושֵׂ֥י מִלְחָמָ֖ה בְּכֹ֣חַ חָ֑יִל לַעְזֹ֥ר לַמֶּ֖לֶךְ עַל־הָאֹויֵֽב׃ weʿal־yadam ḥeyl tsavaʾ shelosh meʾowt ʾelef weshiveʿat ʾalafiym waḥamesh meʾowt ʿowsey mileḥamah bekhoaḥ ḥayil laʿezor lamelekhe ʿal־haʾowyev׃
14 וַיָּכֶן֩ לָהֶ֨ם עֻזִּיָּ֜הוּ לְכָל־הַצָּבָ֗א מָגִנִּ֤ים וּרְמָחִים֙ וְכֹ֣ובָעִ֔ים וְשִׁרְיֹנֹ֖ות וּקְשָׁתֹ֑ות וּלְאַבְנֵ֖י קְלָעִֽים׃ wayakhen lahem ʿuziyahu lekhal־hatsavaʾ maginiym uremaḥiym wekhowvaʿiym weshireyonowt uqeshatowt uleʾaveney qelaʿiym׃
15 וַיַּ֣עַשׂ ׀ בִּירוּשָׁלִַ֨ם חִשְּׁבֹנֹ֜ות מַחֲשֶׁ֣בֶת חֹושֵׁ֗ב לִהְיֹ֤ות עַל־הַמִּגְדָּלִים֙ וְעַל־הַפִּנֹּ֔ות לִירֹוא֙ בַּֽחִצִּ֔ים וּבָאֲבָנִ֖ים גְּדֹלֹ֑ות וַיֵּצֵ֤א שְׁמֹו֙ עַד־לְמֵ֣רָחֹ֔וק כִּֽי־הִפְלִ֥יא לְהֵעָזֵ֖ר עַ֥ד כִּֽי־חָזָֽק׃ wayaʿas ׀ biyrushalim ḥishevonowt maḥashevet ḥowshev liheyowt ʿal־hamigedaliym weʿal־hapinowt liyrowʾ baḥitsiym uvaʾavaniym gedolowt wayetseʾ shemow ʿad־lemeraḥowq kiy־hifeliyʾ leheʿazer ʿad kiy־ḥazaq׃
16 וּכְחֶזְקָתֹ֗ו גָּבַ֤הּ לִבֹּו֙ עַד־לְהַשְׁחִ֔ית וַיִּמְעַ֖ל בַּיהוָ֣ה אֱלֹהָ֑יו וַיָּבֹא֙ אֶל־הֵיכַ֣ל יְהוָ֔ה לְהַקְטִ֖יר עַל־מִזְבַּ֥ח הַקְּטֹֽרֶת׃ ukheḥezeqatow gavah libow ʿad־lehasheḥiyt wayimeʿal bayhwah ʾelohayw wayavoʾ ʾel־heykhal yehwah lehaqeṭiyr ʿal־mizebaḥ haqeṭoret׃
17 וַיָּבֹ֥א אַחֲרָ֖יו עֲזַרְיָ֣הוּ הַכֹּהֵ֑ן וְעִמֹּ֞ו כֹּהֲנִ֧ים ׀ לַיהוָ֛ה שְׁמֹונִ֖ים בְּנֵי־חָֽיִל׃ wayavoʾ ʾaḥarayw ʿazareyahu hakohen weʿimow kohaniym ׀ layhwah shemowniym beney־ḥayil׃
18 וַיַּעַמְד֞וּ עַל־עֻזִּיָּ֣הוּ הַמֶּ֗לֶךְ וַיֹּ֤אמְרוּ לֹו֙ לֹא־לְךָ֣ עֻזִּיָּ֗הוּ לְהַקְטִיר֙ לַֽיהוָ֔ה כִּ֣י לַכֹּהֲנִ֧ים בְּנֵי־אַהֲרֹ֛ן הַמְקֻדָּשִׁ֖ים לְהַקְטִ֑יר צֵ֤א מִן־הַמִּקְדָּשׁ֙ כִּ֣י מָעַ֔לְתָּ וְלֹֽא־לְךָ֥ לְכָבֹ֖וד מֵיְהוָ֥ה אֱלֹהִֽים׃ wayaʿamedu ʿal־ʿuziyahu hamelekhe wayoʾmeru low loʾ־lekha ʿuziyahu lehaqeṭiyr layhwah kiy lakohaniym beney־ʾaharon hamequdashiym lehaqeṭiyr tseʾ min־hamiqedash kiy maʿaleta weloʾ־lekha lekhavowd meyehwah ʾelohiym׃
19 וַיִּזְעַף֙ עֻזִּיָּ֔הוּ וּבְיָדֹ֥ו מִקְטֶ֖רֶת לְהַקְטִ֑יר וּבְזַעְפֹּ֣ו עִם־הַכֹּהֲנִ֗ים וְ֠הַצָּרַעַת זָרְחָ֨ה בְמִצְחֹ֜ו לִפְנֵ֤י הַכֹּֽהֲנִים֙ בְּבֵ֣ית יְהוָ֔ה מֵעַ֖ל לְמִזְבַּ֥ח הַקְּטֹֽרֶת׃ wayizeʿaf ʿuziyahu uveyadow miqeṭeret lehaqeṭiyr uvezaʿepow ʿim־hakohaniym wehatsaraʿat zareḥah vemitseḥow lifeney hakohaniym beveyt yehwah meʿal lemizebaḥ haqeṭoret׃
20 וַיִּ֣פֶן אֵלָ֡יו עֲזַרְיָהוּ֩ כֹהֵ֨ן הָרֹ֜אשׁ וְכָל־הַכֹּהֲנִ֗ים וְהִנֵּה־ה֤וּא מְצֹרָע֙ בְּמִצְחֹ֔ו וַיַּבְהִל֖וּהוּ מִשָּׁ֑ם וְגַם־הוּא֙ נִדְחַ֣ף לָצֵ֔את כִּ֥י נִגְּעֹ֖ו יְהוָֽה׃ wayifen ʾelayw ʿazareyahu khohen haroʾsh wekhal־hakohaniym wehineh־huʾ metsoraʿ bemitseḥow wayavehiluhu misham wegam־huʾ nideḥaf latseʾt kiy nigeʿow yehwah׃
21 וַיְהִי֩ עֻזִּיָּ֨הוּ הַמֶּ֜לֶךְ מְצֹרָ֣ע ׀ עַד־יֹ֣ום מֹותֹ֗ו וַיֵּ֜שֶׁב בֵּ֤ית [הַחָפְשׁוּת כ] (הַֽחָפְשִׁית֙ ק) מְצֹרָ֔ע כִּ֥י נִגְזַ֖ר מִבֵּ֣ית יְהוָ֑ה וְיֹותָ֤ם בְּנֹו֙ עַל־בֵּ֣ית הַמֶּ֔לֶךְ שֹׁופֵ֖ט אֶת־עַ֥ם הָאָֽרֶץ׃ wayehiy ʿuziyahu hamelekhe metsoraʿ ׀ ʿad־yowm mowtow wayeshev beyt [haḥafeshut kh] (haḥafeshiyt q) metsoraʿ kiy nigezar mibeyt yehwah weyowtam benow ʿal־beyt hamelekhe showfeṭ ʾet־ʿam haʾarets׃
22 וְיֶ֙תֶר֙ דִּבְרֵ֣י עֻזִּיָּ֔הוּ הָרִאשֹׁנִ֖ים וְהָאֲחֲרֹנִ֑ים כָּתַ֛ב יְשַֽׁעְיָ֥הוּ בֶן־אָמֹ֖וץ הַנָּבִֽיא׃ weyeter diverey ʿuziyahu hariʾshoniym wehaʾaḥaroniym katav yeshaʿeyahu ven־ʾamowts hanaviyʾ׃
23 וַיִּשְׁכַּ֨ב עֻזִּיָּ֜הוּ עִם־אֲבֹתָ֗יו וַיִּקְבְּר֨וּ אֹתֹ֤ו עִם־אֲבֹתָיו֙ בִּשְׂדֵ֤ה הַקְּבוּרָה֙ אֲשֶׁ֣ר לַמְּלָכִ֔ים כִּ֥י אָמְר֖וּ מְצֹורָ֣ע ה֑וּא וַיִּמְלֹ֛ךְ יֹותָ֥ם בְּנֹ֖ו תַּחְתָּֽיו׃ פ wayishekav ʿuziyahu ʿim־ʾavotayw wayiqeberu ʾotow ʿim־ʾavotayw bisedeh haqevurah ʾasher lamelakhiym kiy ʾameru metsowraʿ huʾ wayimelokhe yowtam benow taḥetayw׃ f