Ésaïe 10

¹ הֹ֥וי הַחֹֽקְקִ֖ים חִקְקֵי־אָ֑וֶן וּֽמְכַתְּבִ֥ים עָמָ֖ל כִּתֵּֽבוּ׃ howy haḥoqeqiym ḥiqeqey־ʾawen umekhateviym ʿamal kitevu׃

² לְהַטֹּ֤ות מִדִּין֙ דַּלִּ֔ים וְלִגְזֹ֕ל מִשְׁפַּ֖ט עֲנִיֵּ֣י עַמִּ֑י לִהְיֹ֤ות אַלְמָנֹות֙ שְׁלָלָ֔ם וְאֶת־יְתֹומִ֖ים יָבֹֽזּוּ׃ lehaṭowt midiyn daliym weligezol mishepaṭ ʿaniyey ʿamiy liheyowt ʾalemanowt shelalam weʾet־yetowmiym yavozu׃

³ וּמַֽה־תַּעֲשׂוּ֙ לְיֹ֣ום פְּקֻדָּ֔ה וּלְשֹׁואָ֖ה מִמֶּרְחָ֣ק תָּבֹ֑וא עַל־מִי֙ תָּנ֣וּסוּ לְעֶזְרָ֔ה וְאָ֥נָה תַעַזְב֖וּ כְּבֹודְכֶֽם׃ umah־taʿasu leyowm pequdah uleshowʾah mimereḥaq tavowʾ ʿal־miy tanusu leʿezerah weʾanah taʿazevu kevowdekhem׃

⁴ בִּלְתִּ֤י כָרַע֙ תַּ֣חַת אַסִּ֔יר וְתַ֥חַת הֲרוּגִ֖ים יִפֹּ֑לוּ בְּכָל־זֹאת֙ לֹא־שָׁ֣ב אַפֹּ֔ו וְעֹ֖וד יָדֹ֥ו נְטוּיָֽה׃ ס biletiy kharaʿ taḥat ʾasiyr wetaḥat harugiym yipolu bekhal־zoʾt loʾ־shav ʾapow weʿowd yadow neṭuyah׃ s

⁵ הֹ֥וי אַשּׁ֖וּר שֵׁ֣בֶט אַפִּ֑י וּמַטֶּה־ה֥וּא בְיָדָ֖ם זַעְמִֽי׃ howy ʾashur sheveṭ ʾapiy umaṭeh־huʾ veyadam zaʿemiy׃

⁶ בְּגֹ֤וי חָנֵף֙ אֲשַׁלְּחֶ֔נּוּ וְעַל־עַ֥ם עֶבְרָתִ֖י אֲצַוֶּ֑נּוּ לִשְׁלֹ֤ל שָׁלָל֙ וְלָבֹ֣ז בַּ֔ז [וּלְשִׂימֹו כ] (וּלְשׂוּמֹ֥ו ק) מִרְמָ֖ס כְּחֹ֥מֶר חוּצֹֽות׃ begowy ḥanef ʾashaleḥenu weʿal־ʿam ʿeveratiy ʾatsauenu lishelol shalal welavoz baz [ulesiymow kh] (ulesumow q) miremas keḥomer ḥutsowt׃

⁷ וְהוּא֙ לֹא־כֵ֣ן יְדַמֶּ֔ה וּלְבָבֹ֖ו לֹא־כֵ֣ן יַחְשֹׁ֑ב כִּ֚י לְהַשְׁמִ֣יד בִּלְבָבֹ֔ו וּלְהַכְרִ֥ית גֹּויִ֖ם לֹ֥א מְעָֽט׃ wehuʾ loʾ־khen yedameh ulevavow loʾ־khen yaḥeshov kiy lehashemiyd bilevavow ulehakheriyt gowyim loʾ meʿaṭ׃

⁸ כִּ֖י יֹאמַ֑ר הֲלֹ֥א שָׂרַ֛י יַחְדָּ֖ו מְלָכִֽים׃ kiy yoʾmar haloʾ saray yaḥedaw melakhiym׃

⁹ הֲלֹ֥א כְּכַרְכְּמִ֖ישׁ כַּלְנֹ֑ו אִם־לֹ֤א כְאַרְפַּד֙ חֲמָ֔ת אִם־לֹ֥א כְדַמֶּ֖שֶׂק שֹׁמְרֹֽון׃ haloʾ kekharekemiysh kalenow ʾim־loʾ kheʾarepad ḥamat ʾim־loʾ khedameseq shomerown׃

¹⁰ כַּאֲשֶׁר֙ מָצְאָ֣ה יָדִ֔י לְמַמְלְכֹ֖ת הָאֱלִ֑יל וּפְסִ֣ילֵיהֶ֔ם מִירֽוּשָׁלִַ֖ם וּמִשֹּׁמְרֹֽון׃ kaʾasher matseʾah yadiy lemamelekhot haʾeliyl ufesiyleyhem miyrushalim umishomerown׃

¹¹ הֲלֹ֗א כַּאֲשֶׁ֥ר עָשִׂ֛יתִי לְשֹׁמְרֹ֖ון וְלֶאֱלִילֶ֑יהָ כֵּ֛ן אֶעֱשֶׂ֥ה לִירוּשָׁלִַ֖ם וְלַעֲצַבֶּֽיהָ׃ ס haloʾ kaʾasher ʿasiytiy leshomerown weleʾeliyleyha ken ʾeʿeseh liyrushalim welaʿatsabeyha׃ s

¹² וְהָיָ֗ה כִּֽי־יְבַצַּ֤ע אֲדֹנָי֙ אֶת־כָּל־מַֽעֲשֵׂ֔הוּ בְּהַ֥ר צִיֹּ֖ון וּבִירוּשָׁלִָ֑ם אֶפְקֹ֗ד עַל־פְּרִי־גֹ֙דֶל֙ לְבַ֣ב מֶֽלֶךְ־אַשּׁ֔וּר וְעַל־תִּפְאֶ֖רֶת ר֥וּם עֵינָֽיו׃ wehayah kiy־yevatsaʿ ʾadonay ʾet־kal־maʿasehu behar tsiyown uviyrushalim ʾefeqod ʿal־periy־godel levav melekhe־ʾashur weʿal־tifeʾeret rum ʿeynayw׃

¹³ כִּ֣י אָמַ֗ר בְּכֹ֤חַ יָדִי֙ עָשִׂ֔יתִי וּבְחָכְמָתִ֖י כִּ֣י נְבֻנֹ֑ותִי וְאָסִ֣יר ׀ גְּבוּלֹ֣ת עַמִּ֗ים [וַעֲתִידֹתֵיהֶם כ] (וַעֲתוּדֹֽותֵיהֶם֙ ק) שֹׁושֵׂ֔תִי וְאֹורִ֥יד כַּאבִּ֖יר יֹושְׁבִֽים׃ kiy ʾamar bekhoaḥ yadiy ʿasiytiy uveḥakhematiy kiy nevunowtiy weʾasiyr ׀ gevulot ʿamiym [waʿatiydoteyhem kh] (waʿatudowteyhem q) showsetiy weʾowriyd kaʾbiyr yowsheviym׃

¹⁴ וַתִּמְצָ֨א כַקֵּ֤ן ׀ יָדִי֙ לְחֵ֣יל הָֽעַמִּ֔ים וְכֶאֱסֹף֙ בֵּיצִ֣ים עֲזֻבֹ֔ות כָּל־הָאָ֖רֶץ אֲנִ֣י אָסָ֑פְתִּי וְלֹ֤א הָיָה֙ נֹדֵ֣ד כָּנָ֔ף וּפֹצֶ֥ה פֶ֖ה וּמְצַפְצֵֽף׃ watimetsaʾ khaqen ׀ yadiy leḥeyl haʿamiym wekheʾesof beytsiym ʿazuvowt kal־haʾarets ʾaniy ʾasafetiy weloʾ hayah noded kanaf ufotseh feh umetsafetsef׃

¹⁵ הֲיִתְפָּאֵר֙ הַגַּרְזֶ֔ן עַ֖ל הַחֹצֵ֣ב בֹּ֑ו אִם־יִתְגַּדֵּ֤ל הַמַּשֹּׂור֙ עַל־מְנִיפֹ֔ו כְּהָנִ֥יף שֵׁ֙בֶט֙ וְאֶת־מְרִימָ֔יו כְּהָרִ֥ים מַטֶּ֖ה לֹא־עֵֽץ׃ hayitepaʾer hagarezen ʿal haḥotsev bow ʾim־yitegadel hamasowr ʿal־meniyfow kehaniyf sheveṭ weʾet־meriymayw kehariym maṭeh loʾ־ʿets׃

¹⁶ לָ֠כֵן יְשַׁלַּ֨ח הָאָדֹ֜ון יְהוָ֧ה צְבָאֹ֛ות בְּמִשְׁמַנָּ֖יו רָזֹ֑ון וְתַ֧חַת כְּבֹדֹ֛ו יֵקַ֥ד יְקֹ֖ד כִּיקֹ֥וד אֵֽשׁ׃ lakhen yeshalaḥ haʾadown yehwah tsevaʾowt bemishemanayw razown wetaḥat kevodow yeqad yeqod kiyqowd ʾesh׃

¹⁷ וְהָיָ֤ה אֹֽור־יִשְׂרָאֵל֙ לְאֵ֔שׁ וּקְדֹושֹׁ֖ו לְלֶהָבָ֑ה וּבָעֲרָ֗ה וְאָֽכְלָ֛ה שִׁיתֹ֥ו וּשְׁמִירֹ֖ו בְּיֹ֥ום אֶחָֽד׃ wehayah ʾowr־yiseraʾel leʾesh uqedowshow lelehavah uvaʿarah weʾakhelah shiytow ushemiyrow beyowm ʾeḥad׃

¹⁸ וּכְבֹ֤וד יַעְרֹו֙ וְכַרְמִלֹּ֔ו מִנֶּ֥פֶשׁ וְעַד־בָּשָׂ֖ר יְכַלֶּ֑ה וְהָיָ֖ה כִּמְסֹ֥ס נֹסֵֽס׃ ukhevowd yaʿerow wekharemilow minefesh weʿad־basar yekhaleh wehayah kimesos noses׃

¹⁹ וּשְׁאָ֥ר עֵ֛ץ יַעְרֹ֖ו מִסְפָּ֣ר יִֽהְי֑וּ וְנַ֖עַר יִכְתְּבֵֽם׃ פ usheʾar ʿets yaʿerow misepar yiheyu wenaʿar yikhetevem׃ f

²⁰ וְהָיָ֣ה ׀ בַּיֹּ֣ום הַה֗וּא לֹֽא־יֹוסִ֨יף עֹ֜וד שְׁאָ֤ר יִשְׂרָאֵל֙ וּפְלֵיטַ֣ת בֵּֽית־יַעֲקֹ֔ב לְהִשָּׁעֵ֖ן עַל־מַכֵּ֑הוּ וְנִשְׁעַ֗ן עַל־יְהוָ֛ה קְדֹ֥ושׁ יִשְׂרָאֵ֖ל בֶּאֱמֶֽת׃ wehayah ׀ bayowm hahuʾ loʾ־yowsiyf ʿowd sheʾar yiseraʾel ufeleyṭat beyt־yaʿaqov lehishaʿen ʿal־makehu wenisheʿan ʿal־yehwah qedowsh yiseraʾel beʾemet׃

²¹ שְׁאָ֥ר יָשׁ֖וּב שְׁאָ֣ר יַעֲקֹ֑ב אֶל־אֵ֖ל גִּבֹּֽור׃ sheʾar yashuv sheʾar yaʿaqov ʾel־ʾel gibowr׃

²² כִּ֣י אִם־יִהְיֶ֞ה עַמְּךָ֤ יִשְׂרָאֵל֙ כְּחֹ֣ול הַיָּ֔ם שְׁאָ֖ר יָשׁ֣וּב בֹּ֑ו כִּלָּיֹ֥ון חָר֖וּץ שֹׁוטֵ֥ף צְדָקָֽה׃ kiy ʾim־yiheyeh ʿamekha yiseraʾel keḥowl hayam sheʾar yashuv bow kilayown ḥaruts showṭef tsedaqah׃

²³ כִּ֥י כָלָ֖ה וְנֶחֱרָצָ֑ה אֲדֹנָ֤י יְהוִה֙ צְבָאֹ֔ות עֹשֶׂ֖ה בְּקֶ֥רֶב כָּל־הָאָֽרֶץ׃ ס kiy khalah weneḥeratsah ʾadonay yehwih tsevaʾowt ʿoseh beqerev kal־haʾarets׃ s

²⁴ לָכֵ֗ן כֹּֽה־אָמַ֞ר אֲדֹנָ֤י יְהוִה֙ צְבָאֹ֔ות אַל־תִּירָ֥א עַמִּ֛י יֹשֵׁ֥ב צִיֹּ֖ון מֵֽאַשּׁ֑וּר בַּשֵּׁ֣בֶט יַכֶּ֔כָּה וּמַטֵּ֥הוּ יִשָּֽׂא־עָלֶ֖יךָ בְּדֶ֥רֶךְ מִצְרָֽיִם׃ lakhen koh־ʾamar ʾadonay yehwih tsevaʾowt ʾal־tiyraʾ ʿamiy yoshev tsiyown meʾashur basheveṭ yakekah umaṭehu yisaʾ־ʿaleykha bederekhe mitserayim׃

²⁵ כִּי־עֹ֖וד מְעַ֣ט מִזְעָ֑ר וְכָ֣לָה זַ֔עַם וְאַפִּ֖י עַל־תַּבְלִיתָֽם׃ kiy־ʿowd meʿaṭ mizeʿar wekhalah zaʿam weʾapiy ʿal־taveliytam׃

²⁶ וְעֹורֵ֨ר עָלָ֜יו יְהוָ֤ה צְבָאֹות֙ שֹׁ֔וט כְּמַכַּ֥ת מִדְיָ֖ן בְּצ֣וּר עֹורֵ֑ב וּמַטֵּ֙הוּ֙ עַל־הַיָּ֔ם וּנְשָׂאֹ֖ו בְּדֶ֥רֶךְ מִצְרָֽיִם׃ weʿowrer ʿalayw yehwah tsevaʾowt showṭ kemakat mideyan betsur ʿowrev umaṭehu ʿal־hayam unesaʾow bederekhe mitserayim׃

²⁷ וְהָיָ֣ה ׀ בַּיֹּ֣ום הַה֗וּא יָס֤וּר סֻבֳּלֹו֙ מֵעַ֣ל שִׁכְמֶ֔ךָ וְעֻלֹּ֖ו מֵעַ֣ל צַוָּארֶ֑ךָ וְחֻבַּ֥ל עֹ֖ל מִפְּנֵי־שָֽׁמֶן׃ wehayah ׀ bayowm hahuʾ yasur subolow meʿal shikhemekha weʿulow meʿal tsauaʾrekha weḥubal ʿol mipeney־shamen׃

²⁸ בָּ֥א עַל־עַיַּ֖ת עָבַ֣ר בְּמִגְרֹ֑ון לְמִכְמָ֖שׂ יַפְקִ֥יד כֵּלָֽיו׃ baʾ ʿal־ʿayat ʿavar bemigerown lemikhemas yafeqiyd kelayw׃

²⁹ עָֽבְרוּ֙ מַעְבָּרָ֔ה גֶּ֖בַע מָלֹ֣ון לָ֑נוּ חָֽרְדָה֙ הָֽרָמָ֔ה גִּבְעַ֥ת שָׁא֖וּל נָֽסָה׃ ʿaveru maʿebarah gevaʿ malown lanu ḥaredah haramah giveʿat shaʾul nasah׃

³⁰ צַהֲלִ֥י קֹולֵ֖ךְ בַּת־גַּלִּ֑ים הַקְשִׁ֥יבִי לַ֖יְשָׁה עֲנִיָּ֥ה עֲנָתֹֽות׃ tsahaliy qowlekhe bat־galiym haqeshiyviy layeshah ʿaniyah ʿanatowt׃

³¹ נָדְדָ֖ה מַדְמֵנָ֑ה יֹשְׁבֵ֥י הַגֵּבִ֖ים הֵעִֽיזוּ׃ nadedah mademenah yoshevey hageviym heʿiyzu׃

³² עֹ֥וד הַיֹּ֖ום בְּנֹ֣ב לַֽעֲמֹ֑ד יְנֹפֵ֤ף יָדֹו֙ הַ֣ר [בֵּית־ כ] (בַּת־צִיֹּ֔ון ק) גִּבְעַ֖ת יְרוּשָׁלִָֽם׃ ס ʿowd hayowm benov laʿamod yenofef yadow har [beyt־ kh] (bat־tsiyown q) giveʿat yerushalim׃ s

³³ הִנֵּ֤ה הָאָדֹון֙ יְהוָ֣ה צְבָאֹ֔ות מְסָעֵ֥ף פֻּארָ֖ה בְּמַעֲרָצָ֑ה וְרָמֵ֤י הַקֹּומָה֙ גְּדוּעִ֔ים וְהַגְּבֹהִ֖ים יִשְׁפָּֽלוּ׃ hineh haʾadown yehwah tsevaʾowt mesaʿef puʾrah bemaʿaratsah weramey haqowmah geduʿiym wehagevohiym yishepalu׃

³⁴ וְנִקַּ֛ף סִֽבְכֵ֥י הַיַּ֖עַר בַּבַּרְזֶ֑ל וְהַלְּבָנֹ֖ון בְּאַדִּ֥יר יִפֹּֽול׃ ס weniqaf sivekhey hayaʿar babarezel wehalevanown beʾadiyr yipowl׃ s